Ads
Ads
上回講到飛揚同綽姿都認為，老解好快會用上最強裝備同SPIRIT大戰！
或者啦～
話說仁慈點解會做逆行者呢？
仁慈話逆行者佢哋係冇所謂嘅～任得仁慈去或留～
但當仁慈接觸到EVE之後...總係有種親切感...就好似身體所缺少嘅一部份...所以就做咗逆行者～
咁仁慈打算點去避開SPIRIT呢？話晒而家屯門裡面，應該聚集咗勁多SPIRIT嘅行者！
仁慈話呢啲就唔使擔心咁多～去到自然會知點解㗎喇～
又係咁...講定先唔得嘅...
架Benz唔多肯行咁～踩油都唔多去～
而一路上都好靜...好似暴風雨前夕...
仁慈駛到嚟小欖...西貢獻命嘅路障就停低。
西貢獻命光頭佬就梗係唔見晒啦～尋日俾SPIRIT屠殺晒啦～
突然...有幾個身影由草叢同斜坡走出...走到佢哋架車旁邊...
喺剎那之間...飛揚同綽姿立即提高警覺...
一共...二三...四...六八個...總共八個...八個著住黑色長袍...笠起頂帽...一面陰暗嘅身影...包圍住佢哋...
係咩人？喺佢哋身上...感覺唔到...感覺唔到氣息...就只有...生命...
係冇...精神化？
呢種衣著...究竟係SPIRIT...定係逆行者？
是敵是友...飛揚已經分唔到...
飛揚同綽姿Keep住戒備狀態...之但係仁慈好似若無其事...好似一早...預咗...
而其中一個黑色身影走到嚟仁慈旁邊...
仁慈撳低車窗...
個黑色身影就揭開頂帽...拉低衫領...探一探頭...
飛揚就可以好清楚咁望到...呢個黑色身影...係一個...光頭佬？
跟住嘅劇情發展又會係點呢？
準備出文
Ads