Ads
Look for products that contain the active ingredients piperonyl buteroxide imidicloprid acetamiprid, or dinetofuran.
比連登上面d 打手昆左去買de粉
好撚嬲
而家先講攻略先，遲d再講我個人經歷
可以睇我打既中文版，或者直接睇英文版，美國Alaska Division of Environmental Health出既，評估有邊隻殺蟲水有效
https://dec.alaska.gov/eh/pest/choosing-an-insecticide-for-bed-bugs/
(pdf more detail)https://dec.alaska.gov/media/11594/choosing-an-insecticide-for-bed-bugs.pdf
睇埋全面滅蝨方法
https://www.michigan.gov/documents/emergingdiseases/Getting_the_Bed_Bugs_Out_Guide_442175_7.pdf
講邊隻殺蟲劑之前，要先搵到佢地匿係邊
棉被，床褥，床版，呢幾個位一定有
點樣去判斷有冇？
1. 睇下有冇佢地d 屎跡（黑色一點點有d 似發霉，自己google）
2. 有冇蟲殼，佢地食飽會換殼變大隻
3. 有冇蛋，白色一粒粒
4. 床有冇血跡（佢地有時會嘔返血）
5. 咬痕：我個人覺得痕過比蚊咬；而且佢地好撚大食，唔止咬一個位；就算有冚被都咬到你隻腳（蚊咬唔到）
床蝨習性：中意有人味既野，怕光，中意捐罅位，但少數情況都會係日頭吸血；中意濕，天氣濕佢地會生得多d；怕熱，46度以上會死；本身一張紙咁薄，食飽就蘋果核咁大，捉到用紙巾係禁唔死（我平時用百佳單個類既紙黎夾死佢地，唔洗成手血）
天氣對床蝨影響可以睇呢篇論文 https://academic.oup.com/jme/article/47/6/987/992893；
飲食：通常聞到人訓教先出黎開餐，吸食個陣人唔會有感覺，佢地食完之後5－10分鐘你先會feel到痕
只會吸血（prefer人血），食一餐可以頂成年唔餓死（視乎濕度溫度），但大部分情況佢地3,4日就會肚餓，食你d血；
生長周期：床蝨有6個stage，每個stage 都會換殼同吸血，由破蛋以出開始已經會吸；
去到最後個stage （成蟲）就會扑野生蛋，生得快（一隻成蟲一日可以生1－3隻蛋），一個stage 只需幾日時間，4-5個星期就足以由一隻蛋去到成蟲生蛋
搵到之後點處理？
1. 買床褥密封套，有d似酒店個隻，困死佢地，最少一年先開；就算你dump左張床褥，你一次清唔哂佢地都會返入張新床褥生蛋
2. check 下罅位，任何袋、床、牆，既罅位，佢地都好鍾意捐入去
3. 吸塵機吸（最好噴定殺蟲水係袋（下面會講邊隻有用））
4. 蒸氣機蒸／熱風槍吹（個人經驗不建議，一般人未必識用，要46度以上佢地先死，蒸氣機吹到個表面個陣未必夠熱，佢地又中意捐窿捐罅）
5. 噴殺蟲水（下面會講邊隻有用）
6. 有生到蝨既野掉左佢，垃圾袋密封之後掉去垃圾站
7. 清潔你間房
8. 封窿罅位（古代用糯米，所以先講糯米治木蝨
9. 用熱水（50/60度以上）浸床單／衫，跟住先洗；一般化學制殺唔死
邊隻殺蟲劑無用／唔應該用？（跟美國攻略）
de 粉 ：用物理方式殺蟲，大般分昆蟲都有效，對床蝨無用，但如果你落得太厚，床蝨會避開d粉；落得薄唔足夠令佢脫水死（我睇過d 片殺得死既通常係困住隻蝨係樽入面）（同埋搞到好撚污漕）
二氧化矽粉 （千 x x） ：唔係完全無用，同de粉差唔多，都係要隻蝨長時間接觸先會死，而且粉劑傷肺；美國佬建議只係窿罅位用
Boric acid 硼酸 ：
硼酸係可以殺蟲，但係要佢地食落肚先得，床蝨只吸人血，所以唔會食硼酸落肚
一般只有除蟲菊酯既殺蟲水（ ending in “thrin”, e.g. Tetramethrin ,d-phenothrin）:
床蝨有抗藥性（觀察到超市入面個d 大牌子全部都係呢種（bio kill ／殺牠死／雷達）個堆）
滅蝨炸彈：美國佬認為弊多於利，有除蟲菊酯既床蝨都有抗藥性；窿罅位未必入到；有可能火蠋；太毒（但我識得兩個fd都係用炸彈，我自己冇用）
其他天然／驅蝨產品：治標唔治本，通常呢d用氣味驅蝨，佢地去到肚餓個陣都唔理d 味喇
當你清潔完，吸完塵，掉哂垃圾，封哂窿罅位，做哂個堆野，依然想用殺蟲劑既話，可以用：
silica dusts（二氧化矽粉）：美國佬建議只係窿罅位用
有以下成份既殺蟲水：
piperonyl buteroxide ／ imidicloprid ／ acetamiprid ／ dinetofuran ；
除蟲菊酯（ ending in “thrin”, e.g. Tetramethrin ,d-phenothrin）溝埋呢d成份就無抗藥性
（令人意外，黑旋風係其中一種