IN石原里美WeLove 2020-9-1 00:35:09 唔係 係考左DSE 2017 LEVEL3

:^(

:^(

:^(

仲有上面個COMMENT 打左好耐

:^(

IN石原里美WeLove 2020-9-1 00:36:39

「咁你又會專誠過嚟搵我？我以為嗰晚之後，你已經冇嘢要同我講。」何凝姿微笑地問。

「欸...咁今日比較特別，出面咁兵荒馬亂，我又冇電話搵到你，咪親自過嚟睇下你哋有冇事...」高偉濂不敢直視何凝姿的雙眼，並開始後悔當晚的懦弱。

:^(

精銳蒙古突騎 2020-9-1 08:39:54 繼續等文

文王康之 2020-9-1 15:37:24

何凝姿奇怪了一下，拿上披風往門口走去。香港都已進入了酣戰階段，還有誰會這個時候來造訪? 越近門口的梯級，只見一男子在寒風中擦掌，口中吹出的一口口氣，都化成了煙。

高偉濂在冷風中凍得團團轉，正背向著何凝姿。看到這情景，何凝姿把披風披到了他身上。高偉濂被她突如其來的舉動嚇了一嚇。

以爲佢癡到游水過海

:^(

精銳蒙古突騎 2020-9-2 11:34:10 文呢…

小霖 2020-9-2 12:18:33 支持！好睇

:^(

:^(

樓主係港大生嗎？
希望唔係sad ending

:^(

21songs1story 2020-9-2 13:42:19 今晚會出文

:^(

留言晏少少覆

:^(

:^(

IN石原里美WeLove 2020-9-2 18:47:10

:^(

滄海肥豬 2020-9-2 18:49:52 好好睇

:^(

矢久保美緒 2020-9-2 21:12:18

:^(

:^(

:^(

21songs1story 2020-9-2 22:51:11 忽然覺得好受寵若驚，我嘅故事可以令你打咁大段分析俾我

:^(

我未睇套電影，但頭先wiki見佢攞過獎，等我有時間睇下

:^(

你好似睇到好感觸咁

:^(

21songs1story 2020-9-2 22:52:15 通常喺最危急情況，就會知邊個對你最真心

:^(

我相信女主角都feel到

21songs1story 2020-9-2 22:53:17 咁又未至於

:^(

搵過當日報紙，小輪下晝真係開返㗎

:^(

21songs1story 2020-9-2 22:53:31 而家出

:^(

21songs1story 2020-9-2 22:57:30 想當年我係因為hku歷史太好j所以揀咗Hku

:^(

Ending 嚟講，打仗對每一個人其實都係一件sad ending 嘅事，只視乎你失去咗嘅到底係咩嘢

:^(

不過我又未至於好似GOT咁寫死哂所有人

:^(

21songs1story 2020-9-2 22:58:13 多謝你

:^(

次次睇到依三隻字仲爽過見到我愛你

:^(

21songs1story 2020-9-2 22:58:56 而家出文喇

:^(

我開始認得你哋

:^(

21songs1story 2020-9-2 23:05:52 第十章（下）


高偉濂雖然學歷不高，但他每天有空便會留意新聞，對香港境況亦略有認知。不管是在報章還是電台，很多新聞都在說英軍如何奮力備戰和頑抗，但如果認真了解，便會知道香港守軍的兵力實屬有限。

12月9日的早上，高偉濂匆匆忙忙地找到華叔，並把他帶到角落。

「華叔，你好好保重，我決定唔做喇。我決定去香港島打工呀。」

「吓呀仔，你咁樣無啦啦粒聲唔出就話唔做唔得㗎喎！」

「華叔，多謝你一直咁關照我，所以我唔做都只係同你講咋。咁嘅局勢，啲人見我消失幾日，應該都會覺得我俾日本仔炸死咗姐。」

「你估你過到對面海，就真係會安全啲咩？何況你過到對面海，有冇路數㗎？」

「我早幾日有個朋友介紹我去對面海一間雜貨鋪到做，我琴日問完佢，佢話個老闆真係仲想搵人幫手打理。雖然而家局勢不穩，但佢話一個人真係做唔掂。我應該可以捱到嘅，最多做下苦力姐。」高偉濂苦笑地說。上次凌巧蔩無心插柳的一句介紹，最後沒想到卻成了高偉濂的救生圈。

「哎呀，咁好好保重啦你。希望我仲會見到你呀呀仔。」

「一定會㗎。你都唔好留喺九龍依邊太耐喇。班日本仔一定係由新界一路打落去九龍㗎。對面海至少隔咗個海，如果真係打到嚟，都代表成個香港玩完，到時只好認命。」高偉濂給華叔一個擁抱，心裡一絲希望即使九龍和新界失守，守軍仍可撤退到香港島，作最後抵抗。

九時後，高偉濂踏出了半島酒店。向上望去，有點百感交集－如此宏偉的一間酒店，在炮火面前也只是脆弱不堪。回家收拾行李後，他便步向天星碼頭擠上往香港島的渡輪。當渡輪緩緩地向着香港島方向進發時，高偉濂最後驀然回望背後九龍這片土地，砲聲不斷，烏雲密佈，局勢看來已岌岌可危。

＿＿＿＿＿＿＿＿＿＿＿＿＿＿＿

1941年的12月9至11日，只是短短三日，已經足夠令香港人感到危機越來越近，局勢越來越差。

第一天空襲過後，市面已開始沒有米賣。雖然政府對柴薪進行了統制，亦規定米鋪一定要營業，但人們的恐慌仍不斷蔓延。英軍敗退的消息不絕於耳，可替代糧食的東西早已被搶購一空，蔬果更漲了兩倍價。政府雖然有賣平糶米，但因存量也不多，令黑市的米價上升了很多。

同時，政府亦曾通知何宅派人去指定部門領配給物資。

「我哋屋企仲有貯糧，真係要冒風險出去？」何凝姿擔心地問道。

「唉，都唔知場仗打幾耐，真係判斷唔到我哋儲落嘅糧係咪真係夠。」

「係呀，嘅然可以再儲多啲，不如拎多啲先。」

最後，所有人都認為此事由男丁去做比較好。但他們決定嘗試多等幾天，看看局勢發展，再作打算。

12月11日，消息已開始傳來，指兩軍正在醉酒灣防線對峙。但其實該防線早於12月10日已開始被瓦解。醉酒灣防線乃英軍防止日軍攻入九龍半島和香港島的最主要防禦線，若防線失守，九龍便注定無險可守。

1941年12月12日早上，只是過了短短3天，高偉濂最擔憂的事終於發生了－日軍正式攻佔尖沙咀，防衛軍退守香港島。

＿＿＿＿＿＿＿＿＿＿＿＿＿＿＿

21songs1story 2020-9-2 23:13:01 1941年12月17日

「反正等落去都唔係辦法，我哋今日去攞配給啦。唔係我哋遲早食盡屋企嘅糧。」

「Uncle Albert，咁你記得要小心。」何凝姿憂心忡忡地說道。

「有呀Paul 同標叔兩個傍住，無問題嘅。我哋拎完都會即刻返嚟。」

事實上，要出去的三個男丁都異常緊張。日軍佔領了九龍後，每日都派飛機空襲港島，要等停火那一刻才出去好像不太可能。所以他們只好硬着頭皮去取配給，畢竟沒有人知這場仗要打多久，可以多拿一點糧食的機會實在不應放棄。

「小心啲。」蓉姐拉一拉標叔的手，囑咐自己丈夫。眾人才剛踏出家門，不遠處已傳來「吱呦呃呃呃呃……砰」的聲音。流彈聲觸動了所有人的神經，但為了生活，他們也只能硬著頭皮繼續前進。

——————————————

「婆婆？」何凝姿步入何老太的房間，輕輕關上了門。

只見梳妝台上放了一個小木盒，外觀看起來頗為簡樸，但其實是用沉香木所做。

「凝凝呀，我放咗一堆首飾同錢落個木盒到，你收起佢，俾你有需要時用啦。」

「你做咩無啦啦執啲首飾出嚟啊？」

「呢個俾你隨身帶喺身㗎。都唔知嚟緊咩時勢，你帶定佢傍身，起碼可以疏通一下吖嘛。」

何凝姿打開小木盒，裏面裝了數枚鑽石戒指，又有翡翠耳環，金頸鏈等等。

「係呢，上次一齊食飯個後生仔，係咪你朋友呀？」

何凝姿望向外婆，卻未有答話。

「咁William呢？」

「依家出面兵荒馬亂，邊有心情諗呢啲嘢呀。」

「我聽聞William而家當緊兵，呢份情操實在係無人可以比。但點都好，有咩事出面有多個普通人做照應，總好過冇呀。歌舞昇平，我哋依啲家族就話可以享受下待遇。到打仗時，我相信我哋一定會首當其衝成為敵人嘅目標。」何老太按一按何凝姿的雙手。

「當你發現一切唔係理所當然嘅時候，如果有一個人可以一直喺你身邊，平凡得嚟其實係最幸福。」何老太饒有意味地看着她和丈夫的合照，若有所思。畢竟她的丈夫現在身處澳門，看似不遠的地方，在戰爭下卻變得遙不可及。

「你仲有我呀。」何凝姿擁抱了何老太一下。

忽然間，一傭人匆匆忙忙地打開了門，神色慌張。

「大件事喇！大件事喇！醫院呀！少爺啊！」

「你講緊咩啊？蓉姐呢？」何凝姿焦急得馬上站了起來。

「醫院打嚟話少爺比嘢炸中咗，送咗去醫院呀。」

「我依家就去醫院，去到打俾你。」何凝姿向何老太說道。

何凝姿草草執拾了行裝，和同住的一個姑姐匆匆出了門。和三名男丁剛出去一樣，「吱呦呃呃呃呃……砰」的聲音不絕於耳。但何凝姿顧不上那麼多，家人在她心中佔了很重要的位置，這也是當初她決定不跟隨洪啟昭步伐的原因。

尚未進到病房，何凝姿已聽到呼天搶地的哭喊聲在醫院內迴旋。

自日軍攻入新界和九龍後，何凝姿已甚少出門，很多消息都只能從收音機得知。但畢竟一切消息和她都相隔了一個收音機的距離，到底外面具體情況如何，何凝姿還是難以完全感受。

現在醫院的境況，令她確切感受到外面的世界已經瘋了。醫院內可以說是擁擠非常，大量醫護人員來來回回去照顧源源不絕的病人，大部份人不是斷了手腳便是頸部重創，頭部重傷，還有很多顯然是中了空襲的病人。

很快，何凝姿便看到熟悉的面孔。

「Uncle Albert!」何凝姿走近病床，卻被床上的叔叔嚇了一跳。只見原本昂藏七尺的他，雙腳已經被切除。

「佢麻醉藥未過，過咗應該會醒返。」醫生淡定地說道。

「真係要截肢咁嚴重？」何凝姿不敢相信自己的眼睛。

「本身佢被炸中嗰時，一隻腳嘅傷係嚴重過另一隻。我哋最初都只係切咗佢被炸中嘅嗰隻腳，但後來發現佢另一隻腳都有嚴重嘅細菌感染，所以最後只好兩隻都切晒。」

「......」何凝姿大腦一片空白，只能機械式地說了一句：「唔該醫生。」

「嗚嗚嗚嗚嗚...」此時床邊傳來一陣哭聲。

何凝姿往聲音來源一看，原來是蓉姐跪坐在地上哭泣，所以剛才才看不到她。

「蓉姐你冇事呀嘛？」何凝姿跪在蓉姐身旁，雙手放在她的雙肩。但蓉姐只顧哭泣，沒有答話。

何凝姿心知她哭得這麼厲害，必有原因，下一刻便心酸起來。

「係咪標叔佢......」

蓉姐聽到丈夫的名字，哭得更加大聲。

何凝姿四目望去，都沒有標叔和呀Paul的身影，心知不妙。

「凝凝，我睇住蓉姐，你去睇睇有冇咩入院手續未做。」何凝姿聽過姑姐的話，點一點頭便往櫃位走去。

「病人邊年出世嘅？」姑娘問道。

「1902年3月。」

「你係佢邊位？」

「姪女。」

「你聯絡方......」

「吖！蓉姐你做咩事呀！救命啊！醫生！醫生！」忽然間病床處傳來尖叫聲。

何凝姿聽到姑姐的叫聲，馬上衝了過去。只見蓉姐不知從何拿到了一把刀往自己手上割。何凝姿不顧危險，衝過去想要搶過蓉姐手上的刀。

「你俾我死啦！你俾我死啦！」蓉姐哭喊着。「我冇咗我老公，做人仲有咩意義？」

何凝姿和蓉姐爭持期間，刀劃了她的手掌一下，但何凝姿沒有放手，最後成功搶過刀子，丟到地上。

「你係咪痴咗線呀？你講呀！」何凝姿的臉氣得通紅。

蓉姐的哭喊聲，又大到弱，到沒有聲。

「你知唔知點解標叔會死？就係因為佢都唔想我哋大家一齊餓死呀！而家你走去自殺，咁佢嘅死有乜意義呀吓？」

蓉姐繼續在默默地抽泣。

「係呀蓉姐，既然你有勇氣去為情自殺，你都要有勇氣生存落去呀。標叔一定唔會想你死㗎!」何凝姿的姑姐說道。

「我寧願死嘅係我，所有野都俾我去受啦.......」蓉姐哽咽道。

「你點可以對生命咁兒戲？你對得住標叔咩？對得住唔想死嘅但係又被炸死咗嘅人咩？對得住幫我地打緊仗嘅士兵咩？」說到這裏，何凝姿想起洪啟昭現時不知身在香港的哪一個地方抗戰中，更加不知生死，神色開始有點黯然。再想起了當日在軍營看到的每一個士兵，當初朝氣勃勃的樣子，更開始哽咽。

折騰了兩個多小時後，蓉姐最後終於平靜下來，醫院的事也安定好。倦極的何凝姿終於能踏上歸家的路。

抬頭望向夜空，星星依然在閃亮。但彌漫在空氣中的氣氛，只令她感到越來越冷，越來越黑；和平的日子同時變得越來越遠，守軍可以擊退日軍的宣言，越來越虛；而人命的價值，在此刻也亦越來越輕......

IN石原里美WeLove 2020-9-2 23:14:29

「你點可以對生命咁兒戲？你對得住標叔咩？對得住唔想死嘅但係又被炸死咗嘅人咩？對得住幫我地打緊仗嘅士兵咩？」

:^(

:^(

:^(

21songs1story 2020-9-2 23:23:56 打仗依幾篇預咗會sad

:^(

畢業即失業 2020-9-2 23:26:20 井

文王康之 2020-9-2 23:46:24

1941年12月12日早上，只是過了短短3天，高偉濂最擔憂的事終於發生了－日軍正式攻佔尖沙咀，防衛軍退守香港島。

「東方馬奇諾防線」

周靖賢 2020-9-3 03:14:10 留名

周靖賢 2020-9-3 20:47:57 追追追