IN石原里美WeLove 2020-10-5 00:26:49 講埋地址會唔會出事

:^(

利申 : 唔想睇到有寫女女女 即使有都唔好詳寫 好易頂唔緊就會由粉轉黑

:^(

21songs1story 2020-10-5 00:31:33 其實慘嘅情節都完得7788
因為我開始埋緊尾
太慘我都頂唔緊

:^(

放長假廢事po慘嘢影響大家心情
但最後幾章其實開始好轉，大家放心

:^(

我自己都係怕慘嘅人，所以過濾咗唔少嘢

:^(

21songs1story 2020-10-5 00:36:53 大家都好怕女主角有事

:^(

我嗰時寫到依到反而覺得好爽

不過無論係咩年代，都總會有自私嘅人只諗到自己過得好唔好

:^(

如果人人都係咁，一開始香港保衛戰應該一秒就投哂降

:^(

幸福嘅係香港人有守軍無私奉獻

IN石原里美WeLove 2020-10-5 00:57:33

:^(

:^(

:^(

:^(

:^(

:^(

咸家鏟齊泥種樹 2020-10-5 10:56:42 呢篇故應該唔會廿一章完到?

:^(

記你老母612 2020-10-5 12:28:45 返工用黎追故追到lvie

21songs1story 2020-10-5 13:08:49 完到

:^(

但我依家睇到新料又會加下嘢
所以有時會加長下每章長度

:^(

21songs1story 2020-10-5 13:09:08 歡迎新讀者

:^(

又是黄昏 2020-10-6 04:09:21 你講到藍塘道我以為你會參照呢個故事（雖然係發生係香港淪陷之前）。

http://eagle878.blogspot.com/2015/01/blue-pool-road-massacre-hong-kong-dec.html

聯合組爸 2020-10-6 06:41:56 支持樓主! 好鍾意呢個故事嘅立意，特別適合我呢啲對本土歷史有興趣，但又懶得成日去睇書嘅讀者

21songs1story 2020-10-6 13:00:23

你講到藍塘道我以為你會參照呢個故事（雖然係發生係香港淪陷之前）。

http://eagle878.blogspot.com/2015/01/blue-pool-road-massacre-hong-kong-dec.html

其實你冇錯

:^(

，我真係參照依件事，所以我一開頭話我修改咗某啲事件嘅時間去配合返個故事

同埋為咗真實性，我譯咗一篇當時生還者喺戰爭法庭俾嘅供詞先還原到當日嘅事

:^(

21songs1story 2020-10-6 15:22:55 我知有啲人都怕睇太資料性重嘅書
多謝你鍾意睇我個故事

:^(

希望今日唔洗晏收工可以出到文

:^(

21songs1story 2020-10-7 00:20:09 今日想多謝黃昏巴打條link
令我發現咗一個悽美故事！
大家可以去ig望下

:^(

21songs1story 2020-10-7 12:08:32 第十八章:


清晨時份，養和醫院一片寂靜。李醫生獨自一人在辦公室望向窗外的花園，鳥兒已開始出動覓食，那種自由自在倒讓李醫生羨慕不已。

過了一會，一位護士敲了敲門，探頭問:「李醫生，今日係咪都係照舊去告羅士打餐廳46號枱食午餐？係嘅我通知返同事。」

李醫生沒有回頭，想起出任中日醫學會會長的邀請，和看到醫院對面的山光飯店，他不加思索便說了聲「是」，因為他心裡知道只有每天渾渾噩噩地過日子，才可以騙得到立心不良的日軍。日軍喜歡的，是沒有靈魂的人。

_________________________________

高偉濂睜開眼睛，以為自己會回到遇刺的後院。誰料眼前卻煙霧彌漫，高偉濂正倒臥在一條街上，街道有點似曾相識的感覺，但附近卻豎立了高偉濂從未看過，前所未有那麼高的建築物，他知道這裡不是他生活過的地方。

「原來天堂係咁嘅樣？」高偉濂心內默默地想。

「呯! 呯! 呯!」忽然，不遠處傳來像槍聲的聲音，並伴隨著不少人的大叫聲。

高偉濂本想往聲音來源走去，身後卻傳來一把聲音。

「喂你唔應該喺到㗎喎!」不久，一名身穿軍服的男子在煙霧中走出來。

高偉濂本也不相信自己雙眼，但他記得清清楚楚，當天和何凝姿一起走進半島酒店禮堂的，正正是他。雖只有一面之緣，但那一晚的經歷太深刻，他又怎會忘記？

「我認得你……但你明明已經……咁即係我都……」高偉濂更加堅信他已經死了。

「唔係呀！ 所以你快啲走呀！你唔應該喺到㗎!」

「我…我都唔知依到係邊到……咁你又喺到做緊咩?」高偉濂沒想過第一次和他之前的假想敵對話，竟然是在這個奇奇怪怪的場景。他環顧四周，想找到一些端倪自己到底身處何方。

「軍人做嘅嘢，從頭到尾都係守護家園。」

「但我以為…你已經死咗……」高偉濂有點不好意思地問道。

「有啲人離開咗依個世界，但其實從來都冇離開過愛嘅人…只係大家身處唔同地方，互相見唔到同溝通唔到姐。但我一直都喺佢哋身邊。」洪啟昭感慨地說。

「我雖然冇同你講過嘢，但我知你係邊個。你而家話我知，你仲記唔記得一直以來守護緊嘅嘢。」洪啟昭接著說。

何凝姿的樣子馬上在高偉濂腦中浮現。忽然，天空傳來飛機轟炸的隆隆聲，周邊街景又變回了戰時香港。

「你要返返去，返去你屬於嘅地方。無論發生咩事，都唔好放棄你一直堅持緊嘅嘢。」洪啟昭語帶堅定地說。

高偉濂點了頭，臨行前，他忍不住問:「其實你係咪知我哋會贏定輸……定我哋其實已經輸咗……」

「你覺得係因為堅持先會成功，定因為知會成功所以先肯堅持？世上又何來命中註定，人嘅道路取決於唔同時期嘅抉擇，而每個人嘅抉擇，取決於你嘅心態。

高偉濂忍不住流了行眼淚，說: 「多謝你，多謝你哋為咗大家，不惜犧牲自己……」

洪啟昭笑了笑，說: 「我知你哋會永遠記得我，咁樣就足夠喇。終有一日，我哋會再見。」

老兵不死，只是凋零; 英魂不朽，浩氣長存。

也許，洪啟昭是對的。

_________________________
再一次，高偉濂睜開了眼睛。這次第一眼看到的，是白色天花板上的旋轉風扇。周遭的空氣異常寂靜，但他明明看到不少人影正在附近走來走去。

他嘗試移動一下雙手，卻發現右手被什麼東西握住了。

定眼一看，跟前的女孩才一天沒有見，竟已長了兩條白頭髮。他用左手去掃一掃何凝姿的頭髮，捨不得叫醒正在熟睡的她。

即使如此，何凝姿仍然動了一下。本仍睡眼惺忪的她抬起頭，看到高偉濂醒了，又驚又喜。

「我…我去叫Dr. Lee…」

何凝姿正要站起來時，高偉濂卻使力捉緊她的手。

「我無事呀。比我望多你一陣先，差少少以為見你唔到呀。」高偉濂笑說。

何凝姿聽畢卻二話不說哭了起來：「我夠俾你嚇死我啦！醫生話，嗰晚藍塘道有9個男人送咗黎醫院，得一個人生還，我以為我等住幫你收屍咋！」

聽到這個消息，高偉濂也呆了一呆。何凝姿見狀，便坐在床邊，說: 「對唔住呀……你一醒返我諗都冇諗就直接講咗出嚟……」

高偉濂溫柔地抱住何凝姿，說：「唔緊要呀……我遲早都要知㗎啦……我啱啱識你嗰時，都成日諗，幾時先可以好似而家咁攬住你，依家依個時候就啱啱好。」

忽然，凌巧蔩衝進了房中，看到二人後，她急忙煞住了腳步：「噢噢噢，打搞哂。我本身想話俾Allison 知，有傳言話盟軍派咗一堆戰機嚟攻擊港口設施，打算向日本反擊呀!欸……不過冇咩事我都係返出去先……」

走了兩步，凌巧蔩又探頭回來對高偉濂說：「恭喜晒!」

高偉濂笑了出來，不知凌巧蔩在恭喜自己奇蹟生還，還是恭喜自己終於夢想成真。

被暫時打擾了一下後，何凝姿坐直身子，抹一抹臉上的眼淚，問道：「你昏迷嗰時，知唔知自己同緊邊個講嘢? 我聽姑娘講，話你老闆娘第二日喺日軍離開咗間屋之後，本來想自己帶埋小朋友就走。但跟住有個小朋友行咗去你身邊，話聽到你迷迷糊糊咁同人喺度講緊嘢，先發現你原來未死。之後佢哋去咗搵鄰居幫手，先送咗你嚟醫院。」

「我怕講完你都唔信。夢入面，我見到你同巧蔩都識嘅一個人……」

何凝姿瞬間聽懂了什麼，說：「天堂嘅生活，過得開心嘛？」

高偉濂摸摸她的頭髮，說：「我幫咗你同我自己，多謝咗佢。我都要學佢一樣，一直都喺你身邊，唔會離開。」高偉濂笑了笑，經過一切的事，他終於徹底放下了心裡那份自卑和害羞，明白到要克服心中的障礙，唯一方法便是勇敢地去接納和面對它。

「巧蔩有教我講句英文㗎，佢話到好認真嘅時候，就可以講－Allison I LOVE YOU!」

何凝姿聽罷，破涕為笑。二人輕吻了一下，相視而笑。他們感恩的，除了因為二人終於悟透了對方的心意，也因為二人的一聲「很愛你」，說得剛剛好。

HKismyhome 2020-10-8 13:19:14 樓主加油呀
一路有追
另外想問下如果想將呢個故分享俾在囚/還押嘅緊手足可唔可以

:^(

:^(

感謝你

21songs1story 2020-10-8 14:32:21 任何人對香港歷史有興趣我都開心呀

:^(

我都想多啲人知香港二戰嘅嘢，所以冇問題呀

:^(

HKismyhome 2020-10-8 17:53:24 多謝你呀

:^(

:^(

NeweyWest 2020-10-8 18:05:21 好時辰

:^(

終於可以估下歌仔

21songs1story 2020-10-8 18:53:55 再上一章唔係張敬軒嘅估唔估到

:^(

NeweyWest 2020-10-8 19:12:18 睇左幾次都估唔到

:^(

有無tips, 講下幾樓都好

:^(

21songs1story 2020-10-8 19:19:29 何凝姿忍不住極目四望，卻只見現在身處的街道都已是一片廢墟。路上烏煙瘴氣，屍體隨處可見。她依稀看到「趙祥慶牙醫」的招牌鐵鉤子被風吹得吱吱作響，店舖卻已空無一人。她腦內熟悉的香港街道，通通都遭到蒼天降咒，令人窒息。


引咗少少歌詞
同埋成首歌係match 女主角心情

:^(

最大hints: 係容祖兒嘅歌

:^(

估唔到話我聽，我開估

:^(

NeweyWest 2020-10-8 19:24:42 最後的茱麗葉

:^(

21songs1story 2020-10-8 20:00:14

:^(

中

順頌時祺 2020-10-8 23:16:03 又live左

:^(

21songs1story 2020-10-9 21:07:13 而家出先

:^(