21songs1story 2020-10-1 16:07:11 有呀
十五十六章都有歌架

:^(

冇寫得太明顯但引咗少少歌詞

:^(

KongLui 2020-10-2 15:42:41 張愛玲同學

:^(

矢久保美緒 2020-10-2 15:49:12 他的故事

:^(

矢久保美緒 2020-10-3 14:57:57

:^(

:^(

:^(

HOKKAIDO 2020-10-3 19:30:33 仲未有文

:^(

只有散步 2020-10-4 09:52:35 故呢

:^(

:^(

:^(

:^(

21songs1story 2020-10-4 10:29:00 放心我喺到

:^(

今晚有文

趕老婆出廳 2020-10-4 19:19:24

:^(

IN石原里美WeLove 2020-10-4 19:50:52

:^(

>

:^(

>

:^(

>

:^(

>

:^(

>

:^(

>

:^(

HOKKAIDO 2020-10-4 22:44:44

:^(

21songs1story 2020-10-4 22:55:01 出文喇

:^(

21songs1story 2020-10-4 22:59:59 第十七章:

「可能佢今日有嘢做呢。」陸斯敬說。「等多陣可能就到㗎喇。」

何凝姿呆坐在圖書館大門前的兩級台階，只等著一個身影。「點會呢，佢明明每一日都會同我講聽日見，就算遲都唔會遲成粒鐘……」

圖書館的眾人都愴然起來，任何人在這時勢作的約誓，又怎能作準呢？事實上，何凝姿都明白此情此景在香港一直重覆地發生，巧昂的宿友更是到現在也仍然杳無音信。今日人還好好的，明天就此消失了也不足為奇……只是沒想到，又或是根本不敢去想，不測終於落到她身上。

「何同學……」陳教授走近何凝姿，坐在她身旁，溫柔地說:「不如你返屋企先，如果一間高同學嚟到，我打電話通知你好唔好? 最多我今晚通宵喺到訓?」

何凝姿垂下頭，默不作聲，最終點頭同意。

明明回家的路十分短，但少了高偉濂的陪伴卻顯得格外長。到家後，何凝姿一反常態，晚飯也沒有吃便返回房中。凌巧蔩見狀，趕忙放下碗筷一探究竟。

甫進房門，凌巧蔩已見何凝姿蜷縮在床上，連衣服都未換。

「做咩事呀你?唔舒服呀?要唔要搵李醫生睇睇你?」凌巧蔩湊近何凝姿。

「我今日等唔到佢呀……陳教授叫我返嚟等電話……」

凌巧蔩心知高偉濂不會無緣無故便自己消失，不禁也難過起來。

「你而家去沖涼，我幫你望住個電話，我哋再今晚一齊等好唔好?」凌巧蔩說。

見何凝姿仍有點掙扎，凌巧蔩又馬上說: 「你呀! 唔沖涼就上床訓，而家我仲要換埋床單啦! 快啲去沖涼啦!」凌巧蔩知道只有令何凝姿感到不好意思，她才會肯乖乖就範。趁何凝姿洗澡期間，凌巧蔩為她把飯菜送到房中，免她餓壞。

這個晚上過得特別漫長，家中的電話卻徹夜未響……

晨光初亮，凌巧蔩隱約看到有人在窗簾前來來回回地踱步。

「嗯……你夠鐘返圖書館喇咩……」凌巧蔩迷迷糊糊地說。

「我今日唔係返圖書館呀……我打算去間鋪睇下有冇人知佢去咗邊。」

聽罷，凌巧蔩醒了一下，說:「你自己一個去!? 傻咗咩！你邊有試過自己一個去咁遠呀? 喺碼頭喎!」

「我一日唔去，一日都唔會心息……」何凝姿對鏡自說，只知此刻誰要妨礙她找高偉濂，她都會狠狠不理。

「但係……」

「你唔好勸我啦，我決定咗……生要見人，死要見屍呀……」

凌巧蔩看著何凝姿直勾勾的眼神，知道誰都不能阻止她。她也不打算多費唇舌，徑直往廚房走去。

很快，凌巧蔩帶了一盤煤炭回房，大大力放在桌上，說: 「但係最基本，我哋都油黑塊面，換啲爛衫先一齊出去啦，好唔好?碼頭唔同學校，行十步唔會到。」

聽到「我哋」二字，何凝姿有點疑惑地看一看凌巧蔩。凌巧蔩輕歎了一口氣，說: 「你唔係覺得你自己識路呀? 我估你連碼頭喺邊個方向都未必知啦?何小姐？」

何凝姿聽罷，流的兩行眼淚夾雜著焦躁和感動，並輕笑了一聲，矛盾的心情不言而喻。

抹好兩頰後，二人換上一些較舊的黑衣服，並綁上頭髮，準備出發。「等等！我搵埋佢鋪頭張收據出嚟睇睇個地址先。」凌巧蔩說。

離開家門後，何凝姿在凌巧蔩的帶領下往碼頭走去。一轉入大街，幾乎所有街角和要道都堆起了沙包，並有日本憲兵在放哨。

「一間經過啲憲兵嘅時候記得90度鞠躬，盡量唔好引佢哋注意咁行。」凌巧蔩悄聲說。說時遲那時快，何凝姿卻見前方一男子鞠躬後仍被毆打。

「但嗰個人都鞠咗躬……」何凝姿帶點迷茫道。

「鞠躬呢，就只係基本姐。反正佢哋要打你都唔洗咩原因……」凌巧蔩說。 「基本上佢哋一直都冇點當我哋係人，你唔好話我聽你今日先知。」

二人戰戰兢兢地向前走，盡量顯得不起眼。當中的恐懼令何凝姿真切理解到，原來高偉濂日復一日地去做生意和找她，是一件極大風險的事。

何凝姿忍不住極目四望，卻只見現在身處的街道都已是一片廢墟。路上烏煙瘴氣，屍體隨處可見。她依稀看到「趙祥慶牙醫」的招牌鐵鉤子被風吹得吱吱作響，店舖卻已空無一人。她腦內熟悉的香港街道，通通都遭到蒼天降咒，令人窒息。

幾經波折，她們終於到了碼頭。何凝姿指了指前方的士多，說: 「係嗰一間喇! 頂好士多!」

二人走近，只發現士多並沒有開鋪，大門仍是緊緊鎖上，不似有營業過。

「但佢明明話鋪頭年中無休㗎喎……」何凝姿心知不妙。「就算佢唔開鋪，照計都有其他人睇鋪㗎……」

此時，凌巧蔩往一位碼頭工人走去，問: 「唔好意思呀，想問下你知唔知士多嘅人去咗邊?」

「間士多琴日開始已經冇開喇。我都唔知老細去咗邊，佢前日就仲有開嘅。」碼頭工人聳一聳肩。

何凝姿聽畢，趕忙打開銀包拿出了一張字條，說: 「佢之前俾過佢屋企地址我!」

「跑馬地藍塘道42B號」

凌巧蔩查看紙條後，說:「嗯……而家市面電車已經停哂，行要行成粒鐘……」

「唔緊要呀，一係你話我知點行啦!」何凝姿焦急地說。

凌巧蔩從何凝姿的眼神看出，就算有軍隊封路，她都會衝過去。

「其實你知佢冇事嘅機會好微㗎可……」凌巧蔩輕聲說。

何凝姿看了看她，微微點了頭，說:「無論發生咩事，我都想知……」

「既然係咁，我地而家就起行啦。」

21songs1story 2020-10-4 23:02:51 兩日前

高偉濂送完何凝姿回家後，也回到老闆的家。藍塘道42B號一幢小房子，一共住了差不多十多人，當中包括高偉濂、屋主暨士多老闆一家四口、另外數個老闆的朋友和一名廣東女傭。

「六點半夠鐘食飯喇，家姐快啲細聲叫其他人開飯啦。」屋裡燈光不多，影影綽綽的只見女戶主走近大女兒吩咐道。女孩懂事地走遍全屋通知大家吃飯，卻不敢太大聲，以免引起日軍的注意。

忽然，屋外傳來幾下槍聲，屋內的人慌張起來。大人連忙掩住兩個小孩的咀，以防他們會嚇得大哭。

等了一會，屋外又回復平靜。「我去窗邊望下咩事……」其中一個男住客說完，便往後門方向走，伏在窗旁張望。很快，他便跌跌撞撞地奔回來，說: 「大獲喇今次! 出面有好多日本仔包圍住我地間屋呀……」眾人開始坐立不安，也燥動起來。

五分鐘後，他們終歸也擋不住魔鬼的爪－ 後門傳來急速的敲門聲。

「阿栗……你去開門……」女主人膽怯地吩咐家裡的廣東女傭道。阿栗沒有選擇，只好去開門，每步卻極其沈重。

隨即，三名日軍進到屋內，二話不說把所有人都推到廚房旁的前廳。除了42B的房子外，旁邊44B的房屋也不能悻免，屋內的戶主也被日軍推到42B裡站著。

接著的半小時，日軍在兩間屋內大肆搶掠，搜索值錢的東西。所有的盒子和櫃都被掃滿一地。即使是故意被藏起來的現金也逃不過日軍的眼。

搜索過後，日軍命令所有人從後門離開。高偉濂走到後園時，看到後園右邊坐了女人和小孩。然而，日軍示意高偉濂往左走，他也只好就範。

「吖!!!」

高偉濂只走了大概十步，後方便傳來叫喊聲。他轉過頭來，只見刀鋒一閃而過，他下意識用手抵擋，下一秒已倒在地上，失去了意識……

＿＿＿＿＿＿＿＿＿＿＿＿＿＿

何凝姿和凌巧蔩匆匆地往跑馬地走，和上次坐電車不同的是，何凝姿這次能極近距離地看到街上越來越多的屍體。屍首背後，盡是一個個蒼涼的故事。

「你睇下佢哋瘦到……上個月13號我去買米，仲賣緊2円90 一斤，琴日已經賣到4円8……到底依啲日子幾時完……」凌巧蔩帶點哀傷地說。

一個半小時後…

「咯!咯!」她們敲響了門，卻沒有人應。

「有冇人呀?」凌巧蔩叫道。

「咯!咯!咯!」

仍是沒有人應門……

忽然，後方傳來開門的聲音 － 原來是對面屋有人開了門，一位婆婆走出屋外。

「唔好意思呀……我想問下依間屋……」凌巧蔩嘗試走向那位婆婆。

婆婆帶著極懷疑的目光看著二人，狀甚抗拒，說: 「你哋係咪個啲地下份子!」

「咩地下份子呀?」何凝姿不解地問。

「前晚我聽到依間屋附近傳咗兩下槍聲! 之後班日軍就衝哂上嚟! 就係佢哋班人惹到班日軍上哂嚟呀! 好彩班日軍冇查埋我間屋姐! 唔係九條命都唔夠死呀！一定係班滋事份子所為！」

「咩滋事份子呀? 你講緊咩呀?」凌巧蔩開始火起。

「我只係想好地地過日子喳，如果唔係有人搞埋哂啲咩地下軍，又點會好地地有槍聲呀?」

凌巧蔩連珠炮發地說: 「你成幾十歲人連黑同白都唔識分㗎咩? 而家日本人霸咗你屋企呀，你竟然走去怪想保家衛國嘅人?你食矇咗呀?」

「該煨囉! 總之唔好搞著我就得！我想保住條命仔咋!」婆婆不耐煩地只懂不斷重覆同一個觀點。

「算啦你同佢講咩都哂氣，我哋去搵下附近醫院好過啦。」何凝姿拉一拉凌巧蔩的衣袖。

「你哋都發神經! 一定係嗰班人嘅同黨，我一定同憲兵部舉報你地! 你哋同嗰班人一樣，俾人殺哂就啱㗎喇!」婆婆仍不善罷甘休。

何凝姿聽到這番話，二話不說走到婆婆面前。

「啪!」

何凝姿一巴掌摑到婆婆臉上。

凌巧蔩被何凝姿的舉動嚇了一跳。

「吖!!!!!你打我!!!!!」婆婆大聲呼喊。

「啪!」

聽到婆婆呼喊，何凝姿又摑了她一巴，說: 「第一巴係我打醒你，話你聽你依啲只顧自己，自私自利嘅人係幾咁可恥。」

「第二巴我係為香港千千萬萬因為想保護香港，而喺戰爭中英勇犧牲嘅人而打。要佢哋為咗保護你依類人而白白戰死沙場，實在太唔值得。」說罷，何凝姿拉著凌巧蔩的手離開。

「你哋咪走呀! 我一定搵人拉你呀! 送你去拘留營呀!」婆婆猛然叫道。

何凝姿停下腳步，轉身大叫: 「好呀你認住我呀，我叫何凝姿呀，屋企地址！西摩道8號! 嚟拉我吖!」二人留下婆婆一人獨自在歇斯底里，凌巧蔩趕忙拖著何凝姿快步離開，以免爭吵聲驚動到附近的日軍。

21songs1story 2020-10-4 23:03:36 依首歌真係好有畫面

:^(

21songs1story 2020-10-4 23:04:12 唔好斬我

:^(

文已出

:^(

21songs1story 2020-10-4 23:04:33 出咗喇

:^(

21songs1story 2020-10-4 23:04:52

:^(

文已出

21songs1story 2020-10-4 23:07:33

:^(

出咗新一章喇

矢久保美緒 2020-10-4 23:08:01 >

:^(

21songs1story 2020-10-4 23:08:25 Btw 今一章用嘅唔係張敬軒嘅歌，唔知有冇人估到

:^(

KongLui 2020-10-4 23:11:18 何小姐

:^(

瓦努阿圖達文西 2020-10-4 23:41:30 藍絲真係幾時都有

:^(

:^(

窩打老ABBA 2020-10-5 00:00:28 唉，希望高偉濂吉人天相

IN石原里美WeLove 2020-10-5 00:22:05 真

睇左文仲SAD

:^(

矢久保美緒 2020-10-5 00:24:50 大佬唔好quote文

:^(