Ads
我幫兩位無辜百姓叫咗白車之後,就同波波繼續行
佢耷低頭,好似好內疚咁
「無野喎,佢地死唔去嘅。」
我都係死咗一半啫
我拖住佢漫無目的咁行
兜咗一陣,佢就問
「其實,我係咩好乞人憎?」
Ads
一百句大話入面混雜一句真話,到底嗰一百句說話係大話定真話?
我知道依個肥妹好缺乏自信
一嚿朽木以為自己係藝術品,叫做自大
一件藝術品以為自己係朽木,就係自卑
平心而論,面對現實,佢要問我,就代表佢根本無辦法認知自己到底係乜
「點解唔相信自己係藝術品呢?」
我地經過燒味舖
波波望住玻璃窗入面,搓搓手指:「因為由細到大,我都只係一嚿叉燒。」
:^(
Ads