遊客區既街頭有好多我地身後果種著彩色裙,頭上頂住生果盤既黑人既女人收錢比人影相。佢地叫做Palenqueras,其實原本唔係Cartagena人,而係住係東南邊一條叫San Basilio de Palenque既村,呢條村由逃脫既黑人奴隸所管治,所以住既都係黑人,佢地當時為左生計就穿著住佢地傳統既彩色裙、頭頂住農作物竹黎到呢度賣生果,久而久之佢地鮮艷既服裝配上色彩繽紛既街道就成為左Cartagena既地標喇。
提起哥倫比亞,大家第一個印象可能就係毒品。Medellín晌70-90年代係大名鼎鼎既毒梟Pablo Escobar既勢力範圍,幫派之間既鬥爭令呢度一度成為全世界謀殺率最高既城市,當時整個地區都被毒品控制,暴力、謀殺、被消失無處不在,人民活係恐懼之中。終於係Pablo死左之後,呢度漸漸建設返起黎,呢啲資訊都係之後一日晌Museo Casa del la Memoria學返黎既