月光巴記住守規矩 2020-12-14 08:57:55

:^(

:^(

:^(

樓主依排好勤力

波特蘭 2020-12-14 15:51:10 以前高登有巴打踩單車都可以出書, 你都可以出一本, 出夠上下兩卌, 我諗都幾好搵, 最多幫你買一本

聯合聲明 2020-12-15 01:16:10 東歐正阿
消費低啲之餘
啲人nice好多

小冬瓜乾巴 2020-12-16 00:04:15 [哥倫比亞-Providencia]

由San Andres去Providencia有兩個方法，可以坐3個鐘大飛，或者搭20分鐘既小型飛機。毒梟大叔話呢個星期都太大浪無船開 (我地主觀認為係果幾日無毒運所以唔開船)，於是乎我地就去搭飛機啦。大鄉里第一次搭小型飛機，原來搭之前每個乘客都要上一上磅紀錄體重
卜
初試搭呢種伏伏伏，有點緊張

每邊得一個位，好強壓迫感，而且好熱

呢度個海真係好靚

仲見到兩圈彩虹圍住我地飛機個影

黎到啦



Providencia係一個非常細既小島，開車圍住個島行一個圈只需要30分鐘，人口大約5000人左右，島上居民都係黑人，叫做Raizal，係以往跟隨英國人到來既非洲人後裔。我地今次既host係由美國回流既一家人，爸爸原本係美國教書，所以英文好好，佢地全家都好友善，我地一埗就不斷向我地奉上晌後園摘既生果，有蕉

又有椰子

HKD350一晚，有冷氣

:^(

我地好鍾意呢度，原本只係打算留4、5日，最後係度住左10日

:^(

呢個島正中間係座山，主要幹道係一條氹氹圈圍住個島既馬路，大部份遊客會租哥爾夫球車代步，但我地唔識揸車，又懶得瘋狂踩單車上斜落斜，所以通常都係行路或者截順風車出街

:^(

之前係墨西哥都好鍾意截順風車，果時成日諗如果係香港隊隻手指公出去，唔知除左的士之外有無車會停比我上呢。呢度既居民好多都會揸電單車出入，大部份經過見你on99咁都會停低載埋你，有時就算唔截佢地都會自動停低，不過有啲落車時會問你拎返1000COP (~HKD3)車費咁，揸哥爾夫球車既遊客有時都會好心執埋我地上車

:^(

頭兩日係度周圍探索下先，附近一帶都係民居，氣氛好開心同悠閒，係教堂前面有兩舊藝術野

島上最出名既陸蟹，聽講每年4月尾，呢度既black crab就會成千上萬咁湧去海邊產卵

呢餐我地去試下大叔話必試既獅子魚

果然係好好味!! 肉質結實得黎又好滑，好鮮甜，係無試過既味道，而且呢個炸完之後淋上蜜糖同芝麻既煮法都好新奇，同呢種魚好夾，配黎食既飯又好香椰香味，總之呢碟野就係好好味。另外一份大蝦ceviche就比下去了

餐廳都可以嗌佢地既black crab食，不過價錢勁貴，無嗌到。呢度係街食野好貴，一餐飯既價錢已經夠我地買3日餸，所以之後都無咩再出街食了。

我諗係呢度比較少亞洲遊客黎，我地對當地人黎講似乎係好奇怪既面孔，我記得有次係村口撩班細路傾計，佢地見到我好似撞鬼咁嚇到呆左講唔到野

:^(

係度既生活好舒服，好似其他海島咁，呢度每日都會落一兩陣驟雨，落雨既時候我地就留係露台訓吊床，等到停雨先出去，通常會行15分鐘去附近既沙灘

呢日去左附近既Almond bay，水清沙幼，人又少，係度玩左一個下晝



房入面既廚房設備都好齊全，夜晚突然之間想食肉燥飯，炸起蔥頭來


將炸好既紅蔥酥、五香粉、豉油、豬肉扔落煲煮，再放多隻蛋落去滷添

完成，味道唔錯

呢度個海咁靚，唔瘋狂浸係水實在太浪費啦!! 黎緊我地報左幾次潛水同埋出海去外島玩，把握最後機會享受加勒比海既陽光與海灘

:^(

:^(

小冬瓜乾巴 2020-12-16 00:06:58 就黎聖誕節放假啦喇

:^(

小冬瓜乾巴 2020-12-16 00:25:33 是咪踩單車去旅行個巴打，我果時都有追，好厲害

:^(

我出得完呢篇遊記都已經係壯舉了

:^(

:^(

:^(

夏里 2020-12-16 08:54:02 發現樓主煮嘢食都幾叻

:^(

波特蘭 2020-12-16 11:53:19 係, 去英國果個

西藏大叔 2020-12-16 17:30:50 以家個旅程寫到一半未？

:^(

牙痛不是病 2020-12-18 10:04:58 馬丘比丘我冇咩興趣，但如果去到唔去又好似好浪費

小冬瓜乾巴 2020-12-18 18:12:26 呢日我地報左tour去環島遊，會去幾個沙灘同埋蟹島Cayo Cangrejo。呢個島仔無話有邊啲熱門景點，如果要講最出名既景點應該算係蟹島啦


市中心

連接隔黎個島Santa Catalina既love bridge，唔知點解啲橋硬係鍾意叫做love bridge

又睇下啲石頭咁，呢舊石話好似個人頭，有齊眼耳口鼻，又真係幾似

海水愈黎愈藍，就快去到蟹島啦

Cayo Cangrejo係個蚊型島，外國人入島要留低買路錢18000COP(~hkd45)


呢度無沙灘，直接係碼頭跳落水，海水好清好加勒比

:^(

話時話snorkeling舊野係我地自己既，因為知道無論去到邊都一定會想搵海邊玩水，所以係香港出發既時候塞埋落背囊。玩到餓餓地，係士多買左個蟹肉empanada，好好味

食緊野既時候望到有隻海蟹浮上黎抖氣，佢地冒個頭出黎個樣真係好可愛，估唔到咁多遊客(廿個人左右)既地方都可以見到海龜，即刻跳落水搵佢


見到佢係好淺水既地方食緊海草，食得好滋味咁，咁近距離見到海龜真係好開心呀!! 離開呢度之後我地又返返去主島一個沙灘，呢度有好多高大既棕櫚樹

唔知係咪因為海邊架艇仔劏緊魚，呢度啲水唔係好清。岸邊啲樹上邊好多韆鞦，當地細路可以fing到好高再打關斗跳落海，好好玩咁，我地搵左個矮啲既試下

碌木un到屎忽好痛，果斷放棄，搵其他野玩


艇仔人劏魚愈劏愈起勁，扔哂啲內臟落海，個灘變得好腥，我地就轉場去另一個灘食飯了


叫左2人海鮮拼盤，65000COP(~hkd160)，竟然有超大條魚、半隻龍蝦、好多螺片+魷魚，同埋另外一條細少少但都好大既魚，全部都好新鮮好好味，份量大到我地好努力都食唔哂，抵過前幾日餐獅子魚好多。

曬左成日，夜晚打算煲啖湯飲下。係士多買左碌唔知咩葛(?)，學當地人拎黎煲湯，味道都好好，有啲似鮮准山咁


煲到溶哂


另一日男朋友自己走左去潛水，佢話自己去潛一次先，如果ok的話都想過兩日帶我去潛下。呢度出一次海200000COP(~hkd500)，包兩個潛，男朋友話算係好抵。我地黎睇下佢呢次潛水帶返黎既相






根據佢寫落既報告，呢度既鯊魚都好好奇，會游到好近，係比較常見既reef shark同護士鯊。第二個潛有兩個無牌巴西人加入，所以去左淺水既珊瑚礁，海水既顏色完全唔同哂





呢度既珊瑚都好靚，有好多唔同既種類，但佢話比起東南亞既海呢度就無咁多顏色，魚毛蝦毛比較多，各有各特色。

等男朋友既時候我就係附近閒逛，見到樓下花園種左好多洛神花

同姨姨雞同鴨講咁吹水既時候佢問我想唔想煲黎飲，轉個頭就摘左好多比我

:^(

原來佢地煲洛神花水會放薑同磨啲豆蔻落去架

之前係智利買左兩塊布整新袋，晌呢段休養期間已經就快整好啦

:^(

穿多條繩整返粒鈕就用得

有內隔

仲可以反轉用添


晌背囊底搵到幾包之前搭長途巴士送既茶包，拎黎整茶燻雞脾，配洛神花薑水，飲落味道好養生

小冬瓜乾巴 2020-12-18 18:26:59 好鐘意煮野食

:^(

去第度買啲未見過既野黎煮都好好玩

小冬瓜乾巴 2020-12-18 18:27:24 一半多啲啲啦

:^(

小冬瓜乾巴 2020-12-18 18:51:15 係

:^(

人又多，老實講去完之後覺得馬丘比丘同天空之鏡都有啲比人吹大左

:^(

牙痛不是病 2020-12-18 19:12:13 但唔去又好似冇去過咁

:^(

去旅行最怕有落差

鍾偉強 2020-12-20 09:11:54 pish

西藏大叔 2020-12-20 15:45:37 其實絲打你已經寫得好快同keep住寫
我睇好多長途遊記已經爛左尾
希望你唔會爛尾啦

:^(

小冬瓜乾巴 2020-12-21 17:36:51 係度住左一星期住得好開心，仲未想走住，問姨姨可唔可以加多幾晚。佢話我地住緊間房有人訂左啦，不過可以轉我地去隔離間兩房大屋，照收返細房hkd350個價就可以，所以我地就搬左去隔離

好大個廚房

吊床都多左張，唔使爭

仲有好多位曬衫添


自從前幾日潛完水之後，男朋友覺得呢度既潛店都唔錯，設備幾好，員工可靠，而且水流都好平靜，認為好適合初學者，所以提議我不如跟佢一齊去潛。男朋友有教練牌，但我就完全無試過揹樽潛水，估唔到第一次潛水竟然係哥倫比亞，擔心會唔會溝通唔到，有啲緊張，前一晚係咁捉住佢叫佢教我有咩注意。好快就到左潛水初體驗既日子啦

男朋友朝早已經出左海，我係初學者所以要上一陣堂先後join，去到潛店先睇一段教學片，再係岸邊學一啲基本技巧。等到男朋友同其他人返黎，大家就一齊出海喇

落水既地點離岸邊只係5分鐘左右船程，說時遲那時快已經落左水


順利到達海底

:^(

原來都唔是想像中咁難，係覺得有啲水壓唔多自在咁，呢度唔係太深，水深10米左右，一落去就見到好多魚

:^(

教練係1對2既，男朋友唔使人理，所以教練大叔淨係睇實我一個，感覺好可靠，又有男朋友傍住，所以好安心。我僅遵男朋友既教誨，當自己係一舊海洋垃圾咁比大叔拖行

大叔都好盡責咁不斷指啲魚比我睇






去到後期，大叔就放手比我地自己玩了


揹樽潛水都幾好玩，但全身裝備太多束縛了，我都係鍾意就咁跳落水既浮潛多啲

:^(

不過可以陪男朋友做佢鍾意既事，見到佢一副"你知道我點解咁鍾意潛水啦"既表情，先係最開心既。

係度玩左10日，終於要離開呢個咁靚既海島了。
搭返小飛機走


今次有3隻雞同我地一齊搭飛機，全程係咁咯咯叫




[下一站: 哥倫比亞-Cartagena]

人怪 2020-12-21 17:37:22 此回覆已被刪除

小冬瓜乾巴 2020-12-21 17:40:00 我無野做嘛

:^(

有時偷懶得太耐見到你地啲留言又會有返興致繼續打

:^(

西藏大叔 2020-12-21 21:12:29 咁繼續留下言推下post先
其實我keep住你更新就睇嫁
只係平時冇留言喳
絲打冬至快樂

:^(

牙痛不是病 2020-12-22 06:26:19 好怕遊水

:^(

:^(

潛水 不了

七年冇沖涼 2020-12-22 06:46:34 留名

月光巴記住守規矩 2020-12-22 09:05:57 繼續睇

:^(

:^(

:^(

小冬瓜乾巴 2020-12-23 01:05:13 [哥倫比亞-Cartagena]

離開Providencia之後，我地返返去哥倫比亞本土，黎到北面既臨海城市Cartagena de Indias，簡稱Cartagena。呢度係西班牙殖民時期最重要既港口之一，有被城牆包圍既舊城區，亦有充滿高樓大廈既摩登地段，係一個市貌豐富色彩繽紛既海邊城市。我地經San Andrés轉機黎到Cartagena

係機場搭的士去市區前，要先係站頭部機度撳張飛仔，佢會根據目的地所在既區域定出價格，司機就唔可以亂咁開價，我地住既係住宅區Manga


又到搵食時間，今次住既旅館仔無得煮野食，所以除左早餐之外都要出街食。哥倫比亞菜味道都唔錯，呢日隨便入左間幾多當地人食既街邊舖


聽講Cartagena已經算係哥倫比亞消費比較高既城市，呢度每份餐hkd23，送野飲同湯，都幾好呀。我地一人嗌左個是日午餐豬扒飯，一碟仔果個係豆蓉，餐湯入面有煮到好林既牛肚，超正

:^(

天氣好熱，行一陣就要搵便利店涼冷氣。見到可怕既蘋果汽水，姣婆粉紅，好噁心，沒有勇氣嘗試


大城市係唔同啲，呢度竟然有熱水沖涼，好感動

:^(

每晚hkd170既旅館，仲包埋早餐添，早餐係少少地一人一碟生果，都幾好丫，健康呀

無法理解點解要用咁華麗既器皿裝幾舊生果

:^(

食完好似陣風既早餐，我地就行左去附近一個大型商場

黎呢度既目的就係為左去foodcourt食炸雞

:^(

我地今日食左手邊果間哥倫比亞連鎖炸雞快餐店Frisby


呢個肥仔真係好煩，去到邊度都嘈住話要食炸雞。不過中南美既炸雞又真係好好味，炸雞黎講我覺得中美同馬來西亞既都做得特別出色

:^(

食完係商場行陣消化下先，行左陣家品店，工程仔行到好high，可能佢無返工一排開始想念工作了


又去左超級市場，呢隻仙人掌切絲炒好好味架，酸酸地滑潺潺咁

唔知係因為成日揹住個大背囊定係食太多野，旅行左7個月之後我個人壯(肥)左好多

:^(

諗起之前有個呀姐同我地講佢都曾經見過香港人，係一個backpack左3個月去到玻利維亞既香港男仔，果個男仔又高又瘦，一問之下原來佢晌呢段旅程輕左十幾公斤

:^(

雖然玻利維亞啲野真係好難食，但果位巴打都未免太刻苦了，搞到我次次見到自己肥左都好慚愧，心諗係咪我太過豐食足食

:^(

嘆夠冷氣就去觀光啦，今日我地去一個興建係山丘上既堡壘Castillo San Felipe。因為Cartagena舊時係歐洲國家連接南美大陸既首要落腳點，令呢度成為兵家必爭之地，所以16世紀既時候西班牙政府就係San Lázaro山上起左呢座堡壘黎防禦，而佢亦係西班牙人係殖民地所興建既堡壘之中最大既一個，可見當時係幾咁重要。
入場費每人17,000COP


堡壘唔少得既大炮


堡壘內好似迷宮咁錯綜複雜既隧道亦係佢既特點之一，入面上上落落好多分岔路，都唔知自己行緊去邊



行行下就穿左上黎最頂


呢個制高點可以望哂成個城市既景色，遠處既海面都睇得好清楚，風景好好，好多情侶都係上面拍拖，我地都係度坐到日落



夜晚食pizza


之前睇過呢度有個火山可以浸泥漿浴，返到去係樓下reception拎左啲tour既資料睇，價錢都唔錯，就報左聽日去玩啦!!