La Paz係一個盆地,市中心同有錢人住宅位於中間既凹位,窮人反而住係山上面,為左方便市民係咁既地形之間穿梭,纜車就成為左大眾既交通工具。呢度既纜車就好似地鐵咁樣,有紅黃藍綠等等唔同顏色既線,線與線之間可以轉車,當時仲差一條紫線未落成,當佢都啟用埋既時候所有線就可以連成一個circuit,到時交通就好方便啦。成個城市都甩皮甩骨,唯獨是呢個纜車系統咁光鮮。我地首先搭藍線,再轉黃線
小冬瓜乾巴
2020-12-6 02:28:44
[秘魯-Las Islas flotantes de los Uros]
Las Islas flotantes de los Uros 呢個名有點長,拆開黎睇既話Islas flotantes 意思係浮島,los Uros 係晌Titicaca湖上生活既烏魯族人,所以呢個名既意思係”烏魯族人的浮島”。呢啲小島係由莎草札成,一個個浮係湖面,明明存在係世界上但因為唔係土地,所以地圖上唔會有屬於佢地既點點。
席上仲有我地既鄰居,一對墨西哥母女。旅途上遇到陌生人不外乎都係問下你係邊度黎,how’s your city咁,呢個23歲既墨西哥妹妹話佢並唔鍾意佢既家鄉,正打算離開去一個新既城市闖一闖。兩年前既我地話,其實我地都唔係太鍾意香港,覺得香港人好自私、勢利,係一個只係講錢既地方。我好記得佢問左一條當時我地無諗過,但而家每個香港人都諗緊既問題:「既然唔鍾意你既城市,點解唔去一個比到你更好生活既地方重新開始?」當刻我答唔到。