小冬瓜乾巴 2020-10-30 02:10:35 [阿根廷-Mendoza]

Mendoza省位於阿根廷中部，鄰近智利，盛產葡萄，以釀酒業聞名。之前提過係阿根廷既日子我地日日都鍾意買酒飲，經過日積月累係超級市場既浸淫，我地發現酒樽上面Mendoza呢個地區既出現率好高，就開始對呢個地方有興趣。原來Mendoza省當中一個叫Maipú城市係個滿佈葡萄園同酒莊既地方，我地都未去過呢種地方，法國酒莊就去唔起喇，不如去下阿根廷既啦!!

由Mendoza車站去Maipú有啲麻煩，我地問左好多人，得知有部183號巴士可以去Maipú，就拎住站頭呀姐既墨寶去搵呢部巴士

唔知點解等左個幾兩個鐘巴士都未出現，周圍既人見我地擺明係唔識路咁款都好熱心幫我地，但阿根廷既西文好難明，就算用google translate都唔係好知佢地講乜，好多時啲路人都係畫出黎或者親身帶我地去認為可以等到車既車站

呢個係巴士站擺地攤賣紀念品既小販叔叔係我地既救星

:^(

同佢之間既小故事令我好難忘， 佢見我地係站頭一臉苦惱咁呆等左咁耐，就黎問我地想去邊。得知目的地之後，佢開始截停經過既每一部，係每一部巴士，幫我地問路

果時天氣好熱，但叔叔都堅持每部巴士經過時跑出去截車問路。佢知我地未食野，驚我地肚餓，仲係佢個friend既攤檔拎左兩個冬甩我地食(好瘦呢個就係佢個friend)

問左十架八架車之後，跑到身水身汗既叔叔話比我地知原來因為今日係公眾假期，去Maipú既巴士路線改左，班次都疏左，重點係今日無183號巴士，而係應該搭184號。佢送我地去另一個站再等左一個鐘，終於等到我地部巴士了

:^(

:^(

臨上車前，叔叔仲送左一個佢賣既卡套比我地，話希望呢個聖人可以保佑我地一路平安

我地真係好感激佢，作為答謝，我地比左啲兩蚊同兩毫子港幣銀仔比佢留念。出發前我地就係度諗有咩可以帶比外國朋友做手信，男朋友帶左幾個利是封，我就帶左堆兩蚊同兩毫神沙，覺得佢地波浪既外形係錢幣中比較少見，而且大大隻字寫住香港，人地一定會記得啦。大叔收到都好鍾意，佢開心就真係太好啦，到而家佢都仲成日同我地video chat

:^(

:^(

旅途上不免會踫上一啲壞人、遇上不幸既事，但我始終相信仲有唔少無私既好人。如果遇上少少挫折就封閉自己，唔相信其他人，咁就會錯過好多遇上好事既機會啦。

唔怪之得開得咁疏，成程車除左我地就無人搭

我地係度諗，如果我地年紀再大啲先出發，或者就唔會為左慳呢HKD100的士錢而周圍撲去搵巴士，咁就唔會遇上小販叔叔，唔會出現令我地咁感動既呢段回憶。如果睇緊文既你都想出發既話，趁後生去啦，趁仲有氣力揹住個backpack周圍撞板，晌跌跌踫踫之中體會更加多啦

:^(

巴士漸漸黎到鄉郊地方，我地係田邊落車行去今次既住宿

由於決定得太臨急臨忙，酒莊既住宿已經full哂，好彩我地都搵到一間係葡萄園裡面既住宿，呢度只有果園無釀酒設備，會將種出黎既葡萄賣去附近既酒莊加工。
住宿每晚HKD540，包早餐

房出面就望住一大片葡萄園

望住發呆都好寫意

仲有好嗲既貓咪


沖完涼係葡萄園入面周圍行下，收成季節既時候住客可以參與一齊摘採收，可惜而家唔係時候，啲提子仲係青BB

Malbec係Maipú地區最出名既一個品種，呢度都種左好多

除此之外果園入面仲有好多唔同既果實，園主話鍾意可以摘黎試下

呢度完全係山卡啦黎，附近只有葡萄園同橄欖田，所以住宿都有optional既晚飯提供，晚餐每日都唔同，呢日係晌花園食BBQ大餐，大杯酒大塊肉好正


同枱既其他住客好現充，飲紅酒既人係咪好多都咁鐘意show off自己架呢

:^(

同佢地唔係好岩嘴型，我地食完就返房自閉了。

Maipú最出名既行程就係自己租部單車，踩去附近唔同既酒莊參觀。呢啲酒莊有啲係家族經營既傳統老字號，有啲就係摩登既現代化工場，各自提供不同既導賞報務同wine tasting package，而且價格相宜，好受遊客歡迎。

所以第二日我地問園主大叔借左兩部單車，跟住地圖向買醉之路出發了

其實我踩單車都唔係好叻，係馬路邊都係慢慢踩安全啲。正所謂人黑行路打倒褪，出左大路無幾耐，突然間有部電單車貼到我好近，然後感覺到有人用刀鎅斷左我個袋，搶個袋走既時候條友仲順手扯埋我落地。就係咁，我就大字型扒左係路中心，時間好似停頓左咁，眼白白望住部電單車加速愈駛愈遠

:^(

電單車黨聽得多，被佢地搶野都係第一次，再跟手仆到成身傷，我霎時間伏係馬路上面呆左。男朋友即刻扔低部單車跑過黎執我返去路邊，條馬路平時無車，當你仆街既時候就無啦啦變得車來車往，好彩無比貨車碌扁姐。嚇親加上仆到啲手腳好痛，忍唔住攬住男朋友喊左好耐

:^(

:^(

見到咁戲劇性既一幕經過既貨車司機都嚇親，紛紛停低問有無野幫手，要唔要車我去醫院。都係怪自己太大意，以為鄉下地方就相對安全可以揹個斜揹袋仔出街。好彩袋入面無證件，係得件外套、兩塊M巾同男朋友部後備電話。

發生左咁既意外，我地就返去處理好傷口先。園主大叔見到我出去無耐就周身損哂咁返黎都好驚訝，聽到我地被電單車黨搶野仲嬲到要即刻扯返支煙。佢邊扯煙邊報警，我地知就算拎到報案紀錄都claim唔返錢，同佢講唔使啦，但大叔都堅持，怕啲賊係我身上偷唔到值錢野會再對其他人落手。佢話平時呢一帶都好安全，鄰里關係好好，好少有搶劫案發生，話我地真係不幸。我反而覺得個賊把刀仔無割傷我，好好彩就真

:^(

所以，只係相隔左三日，我又再係阿根廷落口供了

再次得到寫左名既手信一份

男朋友一張，我一張，唔使爭，打和啦super

:^(

:^(

以為係最後一份獨一無二既手信啦咩，傻既，下星期仲有呀

:^(

月光巴記住守規矩 2020-10-30 08:30:04

:^(

:^(

:^(

牙痛不是病 2020-10-30 08:35:37 諗起都痛，錢財身外物

:^(

霧裡花 2020-10-30 09:41:41 好睇

:^(

憤怒的巨龍 2020-10-30 12:49:37 寫得好好

小冬瓜乾巴 2020-10-30 12:55:28 咁肉赤

:^(

不過人無事就好了，好彩passport仲係度，可以繼續去玩

:^(

小冬瓜乾巴 2020-10-30 12:56:04 每日都努力活著中

:^(

小冬瓜乾巴 2020-10-30 12:56:40 果邊啲生果都好好食，牛油果牛油果！！

小冬瓜乾巴 2020-10-30 12:58:55 我55+5L，男朋友65+5L，再加前面一個20+5L細背囊

:^(

小冬瓜乾巴 2020-10-30 13:56:49 多謝絲打關心

:^(

早排掛住照顧屋企老人家，所以都係上個月先開始認真搵工，但都無乜聲氣，所以隨緣啦，趁呢個機會多啲陪屋企人都好丫

:^(

有一家大細要養既舊同事應該比我更急切需要一份工，有時見到啲岩空姐既工都會叫佢地試左先

:^(

:^(

文筆有好好咩

:^(

:^(

我成日都打錯字

:^(

小冬瓜乾巴 2020-10-30 13:58:26 俾人偷下懶都得掛

:^(

小冬瓜乾巴 2020-10-30 14:00:56 無錯

:^(

最緊要係passport仲係度，對腳仲行到，可以繼續上路

:^(

agit 2020-10-30 14:05:00

我地係度諗，如果我地年紀再大啲先出發，或者就唔會為左慳呢HKD100的士錢而周圍撲去搵巴士，咁就唔會遇上小販叔叔，唔會出現令我地咁感動既呢段回憶。如果睇緊文既你都想出發既話，趁後生去啦，趁仲有氣力揹住個backpack周圍撞板，晌跌跌踫踫之中體會更加多啦

:^(

呢樣真,後生去旅行真係冇錢,樣樣都為左平,住hostel,
而家老左真係寧願比多少少住好D

王様プリン 2020-10-30 15:57:52 終於由上個post追到live lm支持

:^(

受害人喵美子 2020-10-30 19:58:38

:^(

灰到爆嘅時候唔小心入嚟睇咗你個post
感覺分享到你嘅幸福 好甜蜜 多謝你帶我正能量
希望可以同你做個朋友

:^(

Fatham 2020-10-30 23:05:15 繼續留名支持，遊記文筆睇落好舒服。今日好唔開心，睇完得到小小慰藉

:^(

Unwavering 2020-10-31 21:03:03 此回覆已被刪除

機械人遊世界 2020-11-1 17:22:26 謝謝安慰

:^(

留名繼續支持

:^(

月光巴記住守規矩 2020-11-2 08:45:40 又懶

:^(

:^(

小冬瓜乾巴 2020-11-2 17:27:45 [阿根廷-Mendoza]

少少意外又點會阻止到我地繼續去玩，包紮好抖左陣，我地又準備出門口。憑我跌多跌就會骨折既外形，園主大叔唔放心我地自己周圍走，就親自車左我地去佢朋友間餐廳食飯。

大叔既朋友係個肥伯伯，經營一間家庭餐廳，佢好熱情咁不斷請我地食佢自己種同醃既橄欖。我以前一啲都唔鐘意食橄欖，但呢度出產既好香好好味，我都漸漸鍾意左呢樣食物。我地叫左兔仔肉

搭順風車出黎既澳洲鄰居話兔肉係佢地家鄉係好常見既食物，非常驚訝我地竟然無食過。人人都有未試過既野架啦，未食過有咩出奇

:^(

叔叔炆到啲兔入口即溶，食落有啲似雞肉，肥膏有陣甘香既臘鴨油味，都唔錯，不過陣味都係唔係好食得慣。

食完之後，伯伯又接力車我地去另一個朋友既酒莊Bodega CarinaE
門口好多橄欖樹

呢個酒莊既主人係法國人，黎左Mendoza已經20年了。係度我地啲粗人都學下人wine tasting

:^(

呢度有唔同既wine tasting package，每人試5隻酒都只係300peso，七十零蚊港紙

我地對品酒一無所知，只係搭車黎Mendoza前睇左幾話神之水滴黎惡補基本知識

:^(

但係唔使怕，大叔既講解好全面，每一隻酒既葡萄品種同味道特性、酒與酒之間既味道差別都講解得好仔細，就算你係白紙一張佢都會好有耐性咁用簡單既字眼解釋，唔怕聽唔明，真係一個好有趣既體驗!

我地都忍唔住買左兩枝走，塞埋落個大背囊度帶上路。

玩完返到黎已經黃昏了

男朋友叫我唔好周圍走，訓低休息下。訓醒見到佢攬住罐啤酒同幾隻桃返黎，話要用罐凍啤酒幫我冷敷啲瘀傷，等我無咁痛

:^(

啲桃就係走左去好遠摘既，比我補充營養食左快啲好返

:^(

到底仆親點解要食生果補充營養

:^(

佢就係咁唔擅於表達，但我知道佢內心真係好擔心我，成日都自責照顧得我唔夠好，所以呢幾隻桃雖然唔夠熟淡茂茂仲有啲酸，食落個心都覺得甜甜的

:^(

服用左幾隻營養補充品(桃)，第二日行路即刻無咁痛，打算行去附近兩個酒莊參觀。參觀呢啲酒莊都唔使預約既，有開門就可以行入去，我地首先去一個比較現代化既Bodega Tempus Alba


入到黎人影都唔多隻，因為呢度係行self-guided tour既，每個區域逐個釀造程序都有清晰指示，自己跟住一步步行就會知道佢地既故事

沿住呢啲酒杯箭嘴既指示行



酒莊入面有間餐廳，順便係度食埋lunch


呢度都有wine tasting，但就無人同你解釋，有咩唔明自己睇個表，貫徹閒置play既特性。男朋友飲3杯總共120peso(~hkd30)，另外單獨叫左杯rose 80peso(~hkd20)


雖然價錢咁平，但係都唔孤寒，杯杯都幾大杯


下晝我地就去對面一間家族式經營既酒莊Bodega Viña el Cerno，同上晝既好唔同，呢間感覺比較古老同傳統

係度比十零蚊港紙就可以行個十五分鐘左右既tour

呢度既機器都好有歷史感，行到最後會落到地底既酒窖，大熱天時呢度都好陰涼

完左tour又係飲酒時間，我地每人試3隻酒，每人hkd37左右

飲紅酒教學


呢度有趣之處係試之前唔會話比你知隻酒係咩味，而係會將每隻酒既故事講比你聽。可能因為係家族式經營，呢度每隻酒背後都有一個溫馨既故事，有佢地爸爸為媽媽釀既酒，為每個小朋友釀既酒等等。飲完之後會發現老婆既酒係甜美而辛辣，小朋友既係清澀而簡單，每隻酒既味道都好符合佢地背後既故事，係一個好有意思既wine tasting。

係Maipú既酒莊玩真係低消費高享受，撇除唔好彩被搶野，呢度既人都好好，我地都好鍾意呢個地方。臨走時園主大叔同我地講佢已經同左政府保安部門同警察頭目開會

:^(

成功爭取佢地加強巡查呢區既街道，大叔唔只友善，行動力都好強呀。


飲飽食醉，我地終於都正式離開阿根廷，向智利進發。

下一站: 智利-Santiago

小冬瓜乾巴 2020-11-2 17:49:02

:^(

我都好多謝你地係度陪我傾計，催我出文

:^(

覺得呢度除左係篇遊記之外，仲一個好溫暖既地方

:^(

小冬瓜乾巴 2020-11-2 17:51:11 咁就好啦

:^(

可以令你地開心，我都覺得自己有少少用，好高興

:^(

小冬瓜乾巴 2020-11-2 17:55:59

:^(

:^(

活著非佛 2020-11-2 17:59:09 PISSSHH 成日睇完都覺得自己都好似去左次旅行咁

:^(

加油呀絲打!

牙痛不是病 2020-11-2 18:15:23 第時正常番時一定要PLAN 番個辭工長旅行
人生如夢,一切都係虛假浮雲
但就算係夢都希望發個好夢

:^(

:^(