Lalafell 2020-8-9 22:51:38 B

白花油 2020-8-9 23:16:19 已經做咗啦

:^(

:^(

滄海肥豬 2020-8-10 10:39:39 4票B

今日冇堂要上，你決定要搵個隊友一齊參與聽日嘅實戰訓練，將突破嘅成功機率提升到最高。你諗咗諗，腦海不自覺浮現咗個身影出嚟，一個可靠嘅身影。

你洗刷穿衣，就啟程前往位於校園東部，人人趨之若鶩的一個地方，戰鬥區。

戰鬥區，一個由學院建造出嚟，提供俾學生安全切磋嘅區域。建築風格參考傳說中嘅古羅馬競技場，呈圓形，圓嘅外圍為高度遞減、向圓心等距收窄嘅觀眾席；佔地近500000平方米，單單觀眾席就有近上萬個座位，可以用於舉辦任何類型嘅大型活動；圓心位置嘅正上方有一個極為龐大嘅實時螢幕，為戰場作出即時嘅報導。

不出十分鐘，你就從學院中央偏右嘅宿舍區嚟到戰鬥區。未踏入競技場內，嚟到門前就會見到十塊大石板，上面寫住排行榜三隻大字。

你目光掃過最左面嘅「未破排行榜」，高居第一位嘅名，是幾咁閃耀同遙不可及。

279勝1負。

光之子，瑟坦特。

而佢，就係你要搵嘅人。

～

入到競技場冇耐，好容易就搵到瑟坦特嘅蹤影，因為佢必定喺一破區嘅中央戰鬥緊。你行到瑟坦特嘅擂台隔離，欣賞佢嘅戰鬥。

凌厲而多變嘅槍法，瑟坦特往往都可以從出奇不意嘅角度刺到敵人要害。話口未完，佢就以一段華麗嘅舞姿避過敵人嘅火雨，再從密密麻麻嘅火雨中尋找到罅隙，揮出一槍，堪堪停喺敵人嘅胸前。如果呢場並唔係校園內嘅切磋？另一個人早就死咗了。

場外嘅人開始起哄。

路人甲：「太弱了，連瑟坦特嘅器武解放都逼唔到出嚟。」

路人乙：「說話又唔係咁講，有冇諗過係瑟坦特實在太強了。」

路人乙：「極級嘅器武，擁有內置嘅器武解放，要知道，一般器武解放要第一破先會擁有，只有呢啲少數嘅極品器武先會有天生解放。」

路人甲：「唉，呢個世界真係唔公平，憑咩佢有咁強嘅器武？」

路人甲：「一個未破嘅異能者竟然可以打敗眾多一破，究竟佢有幾咁妖孽？」

路人乙：「我反而想知佢喺未破區嘅一敗究竟係邊個俾嘅。」

你聽到呢到嘅時候，發現瑟坦特嘅目光已經與你對上，你揮手示意，佢就行咗落擂台嚟到你隔離。

瑟坦特：「齊格飛，好耐冇見。」

你：「係啊，都真係好耐冇見了。呢次嚟我係有嘢想拜託你....」

你：「我準備好突破了。」

瑟坦特聽到呢句就雙眼發光，好似諗到啲咩噉，但係佢嘅情緒好快又平靜返落嚟，對住你講。

瑟坦特：「你打贏我，我咪同你組隊。」

你會...

A：接受

B：講：「呢到太多人了，唔適合我哋戰鬥。」

肥仔跌落渠 2020-8-10 10:45:27 a

瘋小丑 2020-8-10 11:55:25 B

每日一推 2020-8-10 11:58:26 A

白花油 2020-8-10 12:16:41 B

cupcake 2020-8-10 13:33:43 B

滄海肥豬 2020-8-10 15:20:23 3票B

你：「呢到太多人啦，唔適合我哋戰鬥。」

瑟坦特聽到呢句，面上出現一陣掙扎，本來已經摩拳擦掌要同你打上一場，被你婉拒咗之後，瑟坦特期待良久嘅面色黯淡咗半分，對你嘅興趣大幅下降，果然係被人稱為戰鬥狂人嘅光之子瑟坦特。

正當瑟坦特轉身離去，準備再上擂台之時，你出言挽留。

你：「聽日。」

你：「喺異獸區抽空同你打一場，我哋嘅戰鬥，其他人唔配觀摩。」

其他企係擂台附近排隊等待同瑟坦特戰鬥的同學，聽到你講呢句，即刻開始起哄。

路人甲：「你以為你係邊個啊吓？！」

路人丙：「𡃁仔！咁大口氣，同我隻抽啊！！」

你冇理會隔離嘅閒言閒語，專注噉等待瑟坦特嘅回覆。

好彩佢都冇令你失望。

瑟坦特：「好，聽日再搵你。」

講完呢句就轉身望住班挑戰者。

瑟坦特：「下一個俾我打敗嘅人會係邊個？自己上嚟啦。」

你冇理會現場嘅哄動，轉身離開。

你會...

A：返去整理儲物空間

B：去做任務賺學分

C：去買裝備

白花油 2020-8-10 15:52:03 A

閒人老師 2020-8-10 15:52:41 A

肥仔跌落渠 2020-8-10 17:47:32 A

滄海肥豬 2020-8-10 18:37:22 3票A

你返到宿舍沖個靚涼，洗走身上嘅塵埃，然後就坐係沙發上面思考。

唔...睇嚟係時候整理一下儲物空間。

（儲物空間 2/27立方米）

意念一動，啟動異能 —— 儲物空間。

儲物空間入面放多咗兩隻由托爾到得到嘅昆蟲，為呢份空虛添加咗唔少生氣。

儲物空間而家總共有三樣嘢。

一隻唔知有咩用嘅甲蟲，全身翠綠，翅膀上刻劃住泛金色嘅紋路，為佢染上咗一層神秘嘅面紗。

一隻沈睡中嘅毛毛蟲，雖然外表稍有不同，但你相信，佢就係你曾經喺圖書館入面睇過資料，作為你第一突破嘅候選人，時空蚯蚓。

格拉墨，一把斷劍。

你父親留比你唯一嘅遺物，亦係你地唯一嘅連繫，據養父雷金所講，格拉墨，曾經係一把神器。

神器離你有幾遠？

十破，是為神。

神器，是為器武異能者十破後嘅產物，脫離於使用者嘅束縛，現世於人間。

你父親係一個十破異能者，對你嚟講，只不過係一個神話，一個故事。因為你從未見過你父親，佢嘅容貌，佢嘅一切，你都一無所知。

你亦想像唔到十破到底係一個點樣嘅境界，因為作為大陸最強嘅皇家異能學院，最強者都「只不過」係九破，亦係你嘅現任校長，奧西里斯。

你會研究...

A：不知名甲蟲

B：懷疑係時空蚯蚓嘅毛毛蟲

C：斷劍格拉墨

肥仔跌落渠 2020-8-10 18:43:57 b

白花油 2020-8-10 19:04:48 A

閒人老師 2020-8-10 19:08:09 一定係b

唔係開心唔係開心 2020-8-10 19:30:54 B

中共關係科總警司 2020-8-10 19:55:39 又係有個外掛老竇

:^(

滄海肥豬 2020-8-10 20:28:31 唔好棄故啊

:^(

人都死咗啦

滄海肥豬 2020-8-10 20:28:45

:^(

:^(

白花油 2020-8-10 20:41:02 咩事

:^(

中共關係科總警司 2020-8-10 20:41:11 B

幽靈社員 2020-8-10 20:48:44 B

:^(

滄海肥豬 2020-8-10 20:54:13 我想問，有冇得淨係quote一個人，唔quote埋上面

:^(

滄海肥豬 2020-8-10 20:57:30 放心，老竇幫唔到主角啲咩，唔會開掛，不過會係以後條主線劇情。

話說，我有啲位跟神話寫，大家會唔會唔鐘意

:^(