[真人真事改篇]《有一種鍾意,係我鍾意你鍾意我。》/《初戀2000天》2
上一頁
第 7 頁
下一頁
凍檸茶小甜小冰
2020-8-17 01:20:18
想當年我都淨係得一條formula走天下
:^(
formula用唔熟嘅話用翻自己方法計仲快
Ads
失戀天后
2020-8-17 01:23:16
https://www.youtube.com/watch?v=SvEi8pnRcKs
[結局篇]第十五章(2)
「ASSO仔就站一邊 談何奮鬥踏入界線」
〈COME ON JAMES〉
「Yes!」K哥拿着成績表,來到James和Lemon的課室,興奮地抓着James的肩膀,說:「你估我幾多分?」
「有屁快放。」James沒好氣地看着K歌說。
「我竟然有雙位數呀!我全部都前一晚先笠一笠都有雙位數!」K哥興奮地說。
「超,我都夠有啦,拎黎睇過,」Lemon一把奪過K哥的成績單,看了看,不屑地說:「得嗰十分仲好意思攞出黎,我大拿拿高你兩分我都未出聲呀。」
「好心你兩個就唔好係到鬥低分啦。」Hannah看着二人無奈地說。
「收皮啦,你好高分呀?」Lemon說。
「唔高,所以我唔會好似你咁,驚死人唔知你地得嗰十分。」Hannah不屑地說。
「閘住,我唔係十分,佢係姐。」Lemon說。
「你咁『高分』諗住讀咩呀咁?」班主任眼見Lemon三番四次強調自己的分數,忍不住諷刺一下他。
「可以讀咩呀,咪又係嗰D,唔係拎1對我黎講已經好高分。」Lemon未拿成績單前已猜到自己的成績,只要夠分讀IVE便已心足矣。
「咁你諗住讀咩科呀?」班主任問道。
「未決定呀。」Lemon說。
「咁你地不如落去禮堂問下啲老師意見啦,唔好係到曬時間啦。」班主任說。
於是,他們便順着班主任的話,來到禮堂。
禮堂的人並不多,因為分數不足而又準備不足的,早出了去撲學校;分數低的不少已收到Asso、HD等的Conditional Offer,也不用着急;分數高的更不用說了,唯獨一小群分數高不成、低不就的在問老師意見。
看到這樣的環境,Lemon突然覺得他們不屬於這裏,因為他們就是早已收到Conditional Offer的低分一族,站在這裏好像成了異類。
「算啦,我地返去自己睇本升學指南好過。」當Lemon正準備走的時候,Jessie卻走了過來。
「你考成點呀?」Jessie向James問道。
「係喎,你幾多分?你啱啱好似無講過喎。」Lemon又一把奪過James的成績表,驚訝地說:「哇,十六分,出貓呀你?」
這分數在James的朋友堆來說已算是不俗,在Jessie面前卻低分得可以。
畢竟高和低只是一個相對詞,這並不能代表一切,但卻標示着他和Jessie之間的距離。
「你呢?」James看着Jessie問道。
「我夠分入U呀。」Jessie知道James的分數並不高,並不打算把分數說出來。
「姐係幾多分?」Lemon八卦地問道。
人地幾分關你咩事姐,反正你一世都唔會考到嗰個分,K哥心想。
「你幾多分呀?」James也問道。
「交換啦。」Jessie不想讀出自己的分數,便和James交換了看,Lemon乘機在一旁偷看,小聲地說道:「哇,幾乎係你一個double喎大佬。」
James對此並不意外,他知道Jessie很聰明,而更重要的是她這次確實很努力,甚至想要把他那份也一併努力。
只是有些事真的不能勉強,他始終不是讀大學的材料,而最重要的是他自己也相信了。
「邊有咁誇張呀。」Jessie說。
「咦,Jonathan係嗰度喎,Ken同Angel都係嗰度添,我地去問下佢地考成點囉。」
「喔,咁我一陣再過黎搵你⋯⋯」Jessie還未和James說完,便被Joey拉了過去。
那刻的禮堂分成了兩半,高分的在左邊,不夠高分的在另一邊;一邊和老師聊得興高彩烈,另一邊則心急如焚,卻沒有低分的位置。
James站在禮堂較暗的一隅,看着Jessie、Joey、Jonathan、Angel和Ken他們正交換着成績單來看,臉上盡是笑容,像是在互相道賀,聊着他們的錦繡前程。
而那裏沒有他們,他不應該出現在Jessie的萬里鵬程。
「食咗早餐未?去食野?」Jessie問道。
「Jessie唔係話一陣黎搵你咩?」K哥問道。
「佢地有排傾啦,我餓啦,食野先啦。」James說完便頭也不回地離開了禮堂,Lemon和K哥緊跟在其後。
「Jessie真係好勁,竟然可以咁高分,計計下,幾乎係你嘅三倍呀。」Lemon對K哥說,「枉你頭先仲咁開心,你羞唔羞恥呀你?」
「車,我又唔係要入大學,佢幾多分關我咩事?」K哥毫不在乎地說,「諗下PS4幾時出新Game好過啦。」
「你啱,一於食返個潭仔賀一賀佢!」
然而,Jessie那張幾乎是他雙倍分數的成績單不斷在James腦海浮現。
「一個蓄牲墨硯實小勒,一個搞菜青湯,一個個潮美線山小勒,一個大肚匪,三杯凍0勿,仲有毛?」侍應呀姐說。
「無啦,唔該。」K哥說。
「喂,唔好咁頹啦,你已經係我地裏面最高分嗰個架啦,你都咁嘅樣,我地點算?」Lemon說。
James沒有說話,只默默看着他的手機。
「係,雖然你同Jessie個分係差得有啲完,但Jessie可能唔介意呢。」Lemon再次勸說道。
「咁又唔係喎,依家唔介意,唔代表將來唔介意。有無聽挽歌之聲首新歌?」K哥問道。
「咩歌?」Lemon問道。
「你好彩,我今個月Data仲未用晒,開比你一齊睇。」K哥拿出手機,按進YouTube,搜尋那首剛出不久的〈Come On James〉來,對James說:「坐埋過黎一齊聽呀。」
「聽咗啦。」James語氣低沉地說。
與放榜的日子愈近,不知怎的,James就愈是不斷想起Jessie那天在M記說的那句話:咁你究竟有咩想做呀?
其實他不知道,若Jessie不問,他甚至想都沒想過。
從小他就沒甚麼大夢想,父母也對他沒甚麼要求,只要他生生性性,不要行差踏錯便足矣,沒有人告訴過他未來應該怎樣過。
難道一定要為夢想拼搏那才叫人生嗎?
也許,這就是他和Jessie的分別:她有夢想,她憧憬更好的未來,而他甚麼都沒有。
「有無覺得首歌寫緊你地?HKU同IVE仔。」K哥說。
「凍0勿。」這時侍應呀姐遞上三杯檸蜜。
「飲你杯凍檸蜜啦,IVE仔。」 James篤着杯裏的檸檬說。
失戀天后
2020-8-17 01:24:12
嗰陣無諗過要開第二個PO
:^(
失戀天后
2020-8-17 01:24:49
唔係架,佢地真係有啲好快捷嘅方法,秒速計完咁濟
:^(
失戀天后
2020-8-17 01:25:04
仲有無人睇緊呀
:^(
:^(
凍檸茶小甜小冰
2020-8-17 01:27:37
啱啱入嚟就即刻有文
:^(
榜都放埋....即係好快完啦
:^(
:^(
凍檸茶小甜小冰
2020-8-17 01:32:01
我真係唔係好識用formula
:^(
同埋依家啲mc出到好難用formula
不過好彩數學最後都考得ok
:^(
新傳閪
2020-8-17 01:35:25
16分ive?我聽啲fd講hkcc更稱心喎
新傳閪
2020-8-17 01:38:21
Btw識有人16分入ou,其實James 鍾意畫畫ou都有啲科啱佢架
新傳閪
2020-8-17 01:43:07
唔知點解明知結局係點都唔想佢會發生
分唔清楚個心係生理上痛緊定心理上痛緊
新傳閪
2020-8-17 01:44:14
我再掌心雷種多次票可唔可以快啲出後續
:^(
Ads
新傳閪
2020-8-17 01:46:01
我知啦
心理上個心痛緊,生理上痛緊嘅係個胃
:^(
新傳閪
2020-8-17 01:51:20
自卑的人,自以為偉大地要求對方另尋幸福,其實說穿,只是一個最不負責任的想法。
就是想令一個對自己最重要的人永遠幸福,但自己完全不想亦不敢出半分力。
太空男
2020-8-17 02:04:16
終於睇哂
其實未睇你上一個故
唔知James有幾仆街呢
:^(
失戀天后
2020-8-17 02:29:23
係呀,結局篇嘛~
:^(
失戀天后
2020-8-17 02:29:45
主要係佢唔想讀書
:^(
失戀天后
2020-8-17 02:30:05
仲痛
:^(
有無食胃藥
失戀天后
2020-8-17 02:30:50
通常續集都無咁好睇
:^(
失戀天后
2020-8-17 02:31:03
:^(
失戀天后
2020-8-17 02:31:34
快啲去睇,睇完再返黎睇結局會有FEEL啲
:^(
失戀天后
2020-8-17 02:36:39
[結局篇]第十五章(3)
「ASSO仔就站一邊 談何奮鬥踏入界線」
〈COME ON JAMES〉
「恭喜晒喎,Jessie,咁高分,準備揀咩科?」Miss Lui走到Jessie身旁問道。
比起其他學生,Miss Lui更留意Jessie的分數,即使她不曾過教過她。
因為她總感覺Jessie和當年的自己很相似,一樣冷漠而倔強,牙尖口俐卻不善與人相處,聰明卻有眼無珠⋯⋯
「未決定到,你有無咩建議?」Jessie問道。
「HKU嘅文學院都幾好架,我當年都係讀HKU,你可以考慮下呀。」
「我都諗住揀HKU。」Jessie雀躍地說。
「好呀,做我師妹,我仲可以送套書比你。」Miss Lui想起那套放在家裏多時,卻不捨得扔的舊書——記載了她和他的回憶的舊書。
就像過期罐頭一樣,教人食之無味,棄之卻又可惜。
「真係架?」Jessie問道,甚至連這天真的表情也和年輕的Miss Lui有幾分相似。
「真係架,當年讀U嗰陣買咗好多參考書,又貴又唔捨得dum,如果你真係入到嘅話,我拎返黎比你呀,你一定會用到。不過你要錫住啲書,都係我嘅珍藏黎架。」Miss Lui叮囑道。
「真係架?多謝你呀!」
「係呢,James諗住讀咩?」除了Jessie外,第二個叫Miss Lui會留意的便是James了。
「佢,唔知喎,Asso掛?」Jessie猜想道。
「Asso?你呢?等佢升返上HKU呀?」
「唔知呀。」
「其實你鍾意James啲咩?點解可以同佢一齊咁耐,仲諗住等佢升返HKU。」
老師突然問這問題,叫Jessie頓時害羞起來,不知怎回答才好。
「你真係好似我。」Miss Lui又一次說出這句話。
「邊個位?」Jessie不解地問道。
「好多個位都係。」Miss Lui欲言又止,續說:「但我希望你會同我唔一樣。好啦,諗好讀咩科,可以去慶祝下啦,唔好再留係到唔願走啦,唔係我地都無得走呀。」
「唔係呀,我未問完,我想知邊間Asso易啲升返HKU呀?」
「James自己都唔緊張,你咁緊張做咩姐?」Miss Lui搖搖頭說。
「唔緊要啦, 我問佢問都一樣姐。」Jessie笑笑說。
「其實都唔難升嘅,不過最易就應該係⋯⋯」Miss Lui一邊說,Jessie一邊拿起手機記下來。
吃過潭仔後,Lemon去了K哥家打機,James卻說自己累了要回家睡個回籠覺,三人便分道揚鑣了。
事實上,心煩的James根本不可能睡着,他不過是心情不好,想要一個獨處的空間偏偏這時候Jessie打來了。
「喂,你係邊呀?」Jessie雀躍地問道。
「我係屋企。」James語氣低落地說。
「做咩唔等埋我?」
「見你同啲老師傾得咁開心,廢事阻住你地。」
事實上,Jessie不僅是為了問Jupas該怎填,更是為了問有關Asso升回大學的事。
「點會呀,係呢,我決定咗Jupas點擺啦。」
「點擺?」James其實猜到,還是故作好奇地問道。
「我想讀HKU。」Jessie高興地說。
HKU,這三個字在James腦海迴蘯,讓他想起那首Come On James。
「係呀?」James敷衍道。
「你呢?」
「IVE掛。」
「真係唔試下讀Asso升返U?你都係差少少姐。」Jessie嘗試遊說James,因為她從老師口中得知,要從Asso升回U其實不難。
「但我唔想讀Asso,我唔想讀書。」James清楚知道自己並不喜歡讀書,不要說他努力讀兩年書已夠讓他難受,想到換來的結果竟是升上大學再多讀兩年他便覺得活不下去了。
「咁你想做咩?」Jessie問道。
其實她也並非一定要James和她一樣,考好成績、讀名牌大學,然後找份好工作,當然若能這樣固然最好,若不能也無所謂,她也相信行行也能出狀元,但前題是他清楚知道自己想做甚麼。
「我唔知,但我知我唔想讀書,我寧願讀兩年IVE就出黎做野。」
「咁你讀咩?出黎返咩工?」
「未諗到。」
然而,他不知道,這才是教Jessie最不安的。
Jessie很想繼續追問下去,然而,聽到James陰沉的語氣,她不敢再逼他,活生生地把剛到口邊的問題吞回去,說:「其實讀書都唔係咁重要,最緊要做到你開心,你鍾意做嘅野。係呢,你今晚得唔得閒?我地一齊去食飯呀?」
「無錢。」James推塘道。
「我請你啦,我私補賺咗啲錢,我地去食餐好嘅。」
「唔好曬錢啦,我係屋企食得啦,你請你媽咪食啦,佢咁錫你。」
「我會呀,不過唔係今晚咋嘛。我今晚無飯食呀,陪我食啦。」
分數比她低一半,還要她出錢請自己吃飯,哈,James突然覺得自己很可笑,可笑得他都快瞧不起自己。
「你搵Joey食啦。我琴晚無訓,依家好眼訓,補眠先,訓醒再打比你,早抖。」說罷,James便掛了線。
然而,掛線後,他卻沒有睡覺,而是坐在電腦前,又開始打起機來。
---------------------
放棄,都係未寫到結局,不過應該仲有1-2Part就完,早抖各位
:^(
IG:
https://www.instagram.com/jessie_lannn/
Ads
AM07
2020-8-17 02:54:58
叫一個人做冇興趣既事,永遠都唔會提得起勁去做,可以話James講極唔聽係佢唔好,但冇James既陪伴Jessie又可唔可以唔受屋企既事影響考試冇人知。
唔係想幫James搵藉口,不過唔係每個人都適合呢個教育同評核制度係事實,一個人會自知其實唔容易,而認清到事實帶嚟既冇力感James應該再清楚不過,但係咪James肯去温溫書就一定考到好高分呢冇人知,但至少係嗰陣既James絕對有做好作為Jessie心情唔好既特效藥。
新傳閪
2020-8-17 08:31:19
Jessie 將未來放係James 手上
但係James 又唔為咗Jessie 努力
唔係要佢一定要入大學 但係點解咩都唔知
至少都要有一項目標吖
將青春交俾佢 佢就講啲咩為你好唔同你一齊
到底知唔知傷害會有幾大
講咩想你幸福 但係佢親手將你嘅幸福摧毁
彩希粒酒窩
2020-8-17 08:41:14
睇到宜到有啲明白James
唔鍾意讀書嘅都無辦法自己讀
:^(
不過 覺得James 原來都唔差 有16分。。。
寂寞難耐
2020-8-17 10:07:43
其實好多人都係冇咩目標
:^(
:^(
上一頁
第 7 頁
下一頁
formula用唔熟嘅話用翻自己方法計仲快