(嚴重FF輕鬆愛情同居故)我與貓系女室友的二三事 (結局）
上一頁
第 3 頁
下一頁
凌時零分
2020-8-7 15:14:37
唔好放棄呀
:^(
Ads
雜種大王
2020-8-7 16:15:06
樓主加油
:^(
我改名啦唉
2020-8-7 17:36:25
見到個po即刻重睇一次
:^(
凌時零分
2020-8-7 20:51:57
Ch.42
自從嗰一日之後，差唔多每晚瞓覺都會夢見Mary喺紙箱跌出嚟，而呀Man同呀Nick用奇異嘅眼光望住我。
內心真係屌出聲。
嗰一日事態突然，最後Mary都係拎唔到上去比家強，仍然放喺雜物房裡面。而呀Man每次見到我嗰陣，佢嘅表情都好似忍緊笑咁。
好似有啲恥笑我嘅感覺，定係佢覺得Mary係我買嘅呢？我真係好亂，第一次覺得自己咁撚似個女人，咁撚婆媽。
但可能因為我在乎呀Man所以我先會咁。
見呀Man同平日一樣，亦無避開我呀，無當我係變態。我就鼓起勇氣，亦小心翼翼咁去接近，去追求佢。
食晚飯嘅時候，我偷偷望呀Man，見呀Man食得津津有味。
凌時零分
2020-8-7 20:52:14
我呑咗呑口水，我諗我係繼上一次發生嘅膠Mary事件後，再一次鼓起畢生最大嘅勇氣。
「呀⋯⋯呀Man。」我叫完佢個名之後差啲比飯哽親，咳撚到我仆街。早知食飯就唔好講嘢。緊張啲咩呢！真係樣衰到唔敢睇。
呀Man見我哽親就立即去倒咗杯水比我，仲伸手輕輕拍咗拍我背脊。
「你無嘢呀嘛？」
無諗過我宜家個形象已經變到嗰變態咁，呀Man佢仲願意用佢纖纖玉手拍我背脊。
真係好感動。
我飲咗幾啖水之後，就鼓起咗勇氣開口問：「呀Man⋯⋯妳今個星期日得唔得閒呀？」
呀Man聽到我咁問，就笑咗笑好似估到我想約佢咁，呀Man無出聲等我開口問佢。
「呀Man呀⋯⋯我哋去睇電影好唔好？」
呀Man歪住頭咁問我：「睇邊一套電影呀？」
聽到佢咁嘅答覆，啫係有望啦！啫係有機會應承我啦！我興奮到立即拎部電話出嚟，遞到呀Man面前。
點知佢一見到電話就無出聲。見佢反應咁奇怪，我立即擰返部電話過嚟。
凌時零分
2020-8-7 20:52:30
仆街！呢個咪係尋晚曹念華send比我嘅三級電影《烈女火辣辣》！
仆街啦！仆街啦！今次真係無啦無啦！唔只多得家強唔少，仲多得呀曹念華唔少呀！睇怕佢對我個印象不停咁扣分。
「唔係呢呢呢套⋯⋯係呢套先啱！」真係嚇到我口都窒埋。我立即搵返原先想同呀Man睇嘅《我與貓貓的一百個心願》。
呀Man望一望電話，又望一望我靜咗一陣，之後就開口講：「好呀。」
聽到佢應承同我睇電影，我個內心好似自己鍾意嘅足球隊贏到世界杯冠軍咁，內心不停咁歡呼！
Oh Yeah！
呀Man應承我呀！啫係我哋嘅感情有望啦！
「咁⋯⋯我買定電影票呀！」
呀Man聽到我咁請，佢笑咗笑然後一直望住我。唔知點解我覺得佢嘅眼神有啲奇怪，但我又講唔出佢到底有咩奇怪，又或者佢諗緊咩。
凌時零分
2020-8-7 20:52:56
但係佢答應同我去睇電影就一定有望啦！
係睇電影前一段日子，我都好落力咁去討好呀Man。我會對佢噓寒問暖，每朝早甚至夜晚我都會煮好多美食比呀Man，有一刻我覺得自己可以同日本啲家庭主婦有得比。煮出嚟嘅嘢食都好精緻，就好似要捉住一個人嘅胃一樣。
What the fuck!
唔知做咩鬼搞到我好似個女人咁，我同呀Man完全調轉晒。
嘩！如果比曹念華知道，一定會笑到癲。
不過為咗追女仔無辦法啦。
呀Man佢見到我每一次拎出嚟嘅嘢食，都會雙眼發光食得津津有味。每次見到呀Man露出滿足嘅表情，我都會覺得佢好可愛。
個心好似塗咗層蜜糖咁，覺得甜絲絲咁，覺得自己好在遇到呀Man無錯過佢，唔係我一定會覺得係我人生中嘅遺憾。
到咗睇電影嗰日，我坐係客廳到等呀Man，唔知點解個心跳得勁快。呢一次好似係正式第一次佢去約會，之前都係順便去出去買嘢比芝麻糊，一係就Tracy都係到，無辦法二人世界。
凌時零分
2020-8-7 20:53:18
我係到回想起同呀Man之前發生嘅事嗰陣，就聽到呀Man打開咗房門。
呀Man面紅紅好怕醜咁咁行係房行出嚟，佢為咗今日嘅約會應該花咗唔少心機。
佢著住一套粉藍色嘅連身裙，將長直髮電成大波浪，甚至化咗個淡妝。望落去好成熟亦都好優雅。
見到呀Man打扮到咁靚，我望到眼定定咁，個口不自覺咁打開，口水差啲流到一地都係。
呀Man見到我望住佢呆咗，塊面紅晒：「做咩呀你，我哋快啲行啦。」
呀Man咁嘅反應我就知佢一定係怕醜，我哋兩個一齊搭車同行去戲院嗰陣，大家都行得好近有講有笑，個氣氛好似比之前更好更曖昧。
我哋兩個手貼得好近，一邊行時手都會不經意咁掂下掂下，見呀Man無避開，我就鼓起最大嘅勇氣，想伸手拖住呀Man，點知我一伸手呀Man就咁啱縮開咗。
我動作一僵，望一望呀Man。呀Man好似察覺到我啱啱想拖佢隻手。
佢嘴角牽起，向我露出曖昧嘅笑容。
唔通呢啲就係傳說中嘅欲擒故縱！
我改名啦唉
2020-8-7 20:57:33
好多文
:^(
:^(
馬路如苦口
2020-8-7 20:58:48
:^(
:^(
:^(
HighHopes
2020-8-7 21:06:35
留名
Ads
凌時零分
2020-8-7 21:09:28
:^(
可能要下星期三先整到
凌時零分
2020-8-7 21:09:46
其實差唔多到尾聲啦
:^(
凌時零分
2020-8-7 21:10:32
我有諗呢個出唔出書嫁
但好似唔多人買
:^(
所以諗緊
我改名啦唉
2020-8-7 21:46:40
之前話一齊咗就會有第二部
:^(
牛肉扭扭粉
2020-8-7 23:15:53
等咗你好耐啦樓主
:^(
廢氣泡爆破(泡沫)
2020-8-7 23:31:27
:^(
:^(
:^(
見到呀Man化淡妝流晒口水
:^(
:^(
:^(
凌時零分
2020-8-7 23:57:03
:^(
姓無名氏
2020-8-8 00:42:12
照等
興奮的hd仔
2020-8-8 07:18:10
我都係！呢篇真係鍾意
:^(
快樂的SA
2020-8-8 11:59:38
推
Ads
BladeRunner
2020-8-8 13:23:40
之前應承咗有第二部唔好走數呀
:^(
:^(
凌時零分
2020-8-8 14:57:24
放心啦
:^(
只不過我會寫另一故事先
再寫返第二部
凌時零分
2020-8-8 15:36:07
:^(
多謝
BladeRunner
2020-8-8 16:10:53
期待
:^(
:^(
上一頁
第 3 頁
下一頁