(打大佬)印度貧民窟義診之旅

重行人生 2017-4-23 23:41:04 大家好，幾經辛苦終於揾返個ISP EMAIL，正式過檔連登，即刻開個POST同大家分享下之前嘅行程！

如果大家之前有睇過我啲POST，就知我係徒步撚，不過今次，我反而走左去印度義診，雖然9日印度行程入面，義診只有3日，但幫得幾多得幾多啦。

點解我會去義診？因為我今次個旅伴係準醫生，所以去旅行之餘，想帶多少少野俾當地嘅人，所以我就經其他旅行朋友，揾到一個係Jaipur服務貧民窟嘅NGO，由聯絡同策略，一手一腳叫做搞左個義診行程出黎。

其實義診嘅內容好簡單，只係量下血糖同血壓，但重點係，我係香港自費買左500-600張血糖試紙同血糖機，同埋有網友捐左佢個血壓計俾我，由我帶過去送俾佢地，教佢地點用，希望佢之後可以自己繼續做檢查。

係到要再多謝香港嘅網友，捐左極多文具俾我帶過去，大約30公斤，因為真係帶唔到咁多，所以有啲會留返係我屋企，遲啲去其他地方再帶俾有需要嘅人。

唔講咁多，遊記開始！

:^(

馬可勃起 2017-4-23 23:46:01 高質劉明

花生走新地 2017-4-23 23:51:59 睇圖樓主好似用手動血壓計，要用聽筒聽

:^(

買個電子既快d準d，同埋比當地人學都易d

重行人生 2017-4-23 23:53:04 我去BACKPACK旅行，話多唔多話少唔少，由三年前由廣州搭順風車去拉薩加尼泊爾，再到徒步環台，澳洲WH，到上年徒步4256公里由墨西哥邊境穿越美國到加拿大，但係心目中一直都當印度係最終大佬，希望自己準備好啲先去印度，但結果都唔知那年那月先會去。

咁啱同旅伴S小姐揾地方去，又咁啱決定做義工，又又咁啱朋友介紹印度嘅NGO，所以就決定今次去打大佬，睇下印度係咁真係咁得人驚....

我地由新加坡轉機去到JAIPUR已經係零晨1點，係印度揾車最驚就係講價，但原來係印度已經可以用UBER叫車，個價分分鐘平過你自己三輪車，而且明碼實價，感覺安全好多，所以我地就叫車，先同NGO負責人會面，拿拿聲瞓覺第二日正常開始義診！

第二日我地黎到JAIPUR西面一個貧民窟區域，今日嘅任務主要係留係NGO到等人黎講檢查，本來都好擔心無人黎，話說個活動係我發起，點都想幫多啲人，結果佢地一傳十十傳百，超多人黎

:^(

開始之前，見到NGO義工教當地小朋友識字同唱歌，好WARM，NGO大哥話，依到有未來嘅警察，工程師，數學家，個下真係好希望佢地可以一路接受教育，做到佢地想做嘅野...

:^(

重行人生 2017-4-23 23:54:28

睇圖樓主好似用手動血壓計，要用聽筒聽
:^(
買個電子既快d準d，同埋比當地人學都易d

因為網友捐，所以自己慳返，其實手動血壓計係準過電子，同埋我唔知佢地個到會唔會停電，所以都係手動好啲

重行人生 2017-4-24 00:06:34 睇佢地上完堂，終於黎到義診啦！

我問問NGO大哥，先知原來今日得我地三個做野！(本來佢話有幫手)，S小姐負責血糖，NGO大哥負責紀錄佢地資料同溝通，而我，要即場學點用手動血壓計，即場幫佢地檢查....之前因為太忙無學過，再加上我一路都以為我只係負責影相，所以當場有啲手忙腳亂....

:^(

其實義診無咩好講，如果大家期望有咩神奇故仔，咁我可以話要令大家失望啦，不過其實我當時個心情有啲矛盾，做得義診就當然唔希望佢地任何一個人有咩事啦，但如果佢地一個人都無事，又好似自己無做過野咁

:^(

最後，當日我地只做左2-3個鐘就搞掂，我同左60個印度婦女做血壓檢查，有高血壓嘅唔多，但講真，就算真係查到有人有高血壓，咁又可以點，我地資源有限，無可能提供到藥俾佢地，只能同佢地講下有咩要注意嘅地方.....

Jesse_Lingard 2017-4-24 00:08:27 巴打

:^(

重行人生 2017-4-24 00:08:35 FACEBOOK：https://www.facebook.com/WalkThruThePlanet/

有興趣嘅話請多多支持！

:^(

重行人生 2017-4-24 00:14:17 做完義診，就係旅遊時間，去得JAIPUR，當然要去好出名嘅風之宮殿打卡啦。

由於NGO大哥放我地係大街到，我見GOOGLE話我個個位置行過去大約30分鐘，我就同S小姐行過去，順便睇下市井嘅嘅印度。

:^(

JAIPUR最大嘅戲院

:^(

話時話，都幾佩服S小姐肯陪我行依30分鐘，因為今次係佢第一次BACKPACK，就黎左印度.....

教父大世公 2017-4-24 00:20:24 此回覆已被刪除

重行人生 2017-4-24 00:24:49 黎到city palace，好多介紹都話必去，但老實講，入到去覺得好一般，如果大家對JAIPUR嘅歷史有興趣，都可以去睇下，入場費500盧比...好貴

:^(

之後黎到風之宮殿，我唸大家都知，係外面打卡就夠，入面聽講反而無野睇，而我地因為唔趕行程，所以係宮殿對面屋頂嘅CAFE到飲野，HEA左幾個鐘....

:^(

睇住日落後佢慢慢變色都幾正！

我地係CAFE到，基本上試晒印度嘅特色飲品，大家最好叫少糖，唔係實甜死你....

重行人生 2017-4-24 00:25:05

全身而退？

無穿無爛

賭神3.3 2017-4-24 00:51:55 d街都好乾淨下

:^(

重行人生 2017-4-24 00:55:14

d街都好乾淨下
:^(

都算OK，有時有啲牛屎好正常，仲有間唔中有男人對住牆屙尿....

不過大塵到仆街係真

:^(

賭神3.3 2017-4-24 00:59:09 依架覺得NGO好似有d騙子感覺

:^(

陳大文醫生 2017-4-24 01:01:06 留名

大慈善家毅sir 2017-4-24 01:02:40 自問無咁嘅心機去幫人
但我一路都覺得只要每人做少少咁多
個世界都可以和平啲
樓主加油

:^(

重行人生 2017-4-24 01:02:48

依架覺得NGO好似有d騙子感覺
:^(

起碼我依個無，佢自己之前有全職，之後唔做份工，拎自己錢黎租地方，去教貧民窟小朋友，同埋揾人教婦女成衣類嘅技術

重行人生 2017-4-24 01:03:51

自問無咁嘅心機去幫人
但我一路都覺得只要每人做少少咁多
個世界都可以和平啲
樓主加油
:^(

我都係咁唸，其實我真係唔CARE去左幾多個景點，最緊要係自己有咩得着，咁去幫下人，自己又學到野，WHY NOT

唔知 2017-4-24 01:33:04 個NGO大哥講既野好warm

:^(

印度建築真係好靚

:^(

好想去但唔夠膽去

:^(

哪來的自信 2017-4-24 01:34:02 Lm

:^(

熊爸 2017-4-24 02:15:22 有d好奇接受過義診既人會點樣回報你, 會唔會請你食咖哩

:^(

重行人生 2017-4-24 02:31:27

有d好奇接受過義診既人會點樣回報你, 會唔會請你食咖哩
:^(

唔會，咁小事，檢查下姐。。。

同埋真係不求回報，個行程學到野，體驗到啲野已經係回報

津路解茶 2017-4-24 19:20:10 樓主加油

:^(

館花紗月 2017-4-24 19:30:53 Hollister

:^(