【南征聯合】《病港ＩＩ》（８）
上一頁
第 17 頁
下一頁
紙鶯
2020-8-9 15:39:02
:^(
Ads
牧羊記
2020-8-9 15:41:03
:^(
別怪他~
2020-8-9 15:48:08
利申 我亂咁up
:^(
別怪他~
2020-8-9 15:49:16
:^(
白色的雲
2020-8-9 15:55:39
咁多 顯示所有 睇得好辛苦
:^(
:^(
:^(
牧羊記
2020-8-9 16:04:57
廢事劇透
:^(
紙鶯
2020-8-9 16:09:05
劇透會死全家
:^(
笑一下
2020-8-9 16:25:12
同盜版無分別
:^(
別怪他~
2020-8-9 16:41:56
Sorry
懶癌末期廢青
2020-8-9 17:31:30
未
到底點甩
:^(
金色的戰士
2020-8-9 17:39:19
好似係連續on 180日
Ads
懶癌末期廢青
2020-8-9 19:11:24
咁我仲有兩個月…
:^(
:^(
:^(
夜行傘
2020-8-9 19:47:22
推
西白莉雅淫
2020-8-9 22:10:23
Push
謙受抑
2020-8-9 22:17:24
Push
南淵七病獵
2020-8-9 23:30:39
:^(
:^(
:^(
牧羊記
2020-8-9 23:44:51
推
牧羊記
2020-8-9 23:45:06
你個名
:^(
南淵七病獵
2020-8-9 23:46:26
:^(
牧羊記
2020-8-9 23:48:43
:^(
墨說
2020-8-10 00:02:36
「嘟嘟」我關下兩部對講機。
我未清楚這伙「紫荊軍」的勢力和來歷，但從他們的對話來看，不接近港島西面就應該不會有事。
「Glock 17？又係警察專用嘅型號。」我檢視一下兩把手槍。
越過西高山就到薄扶林郊野公園一帶，除了野獸禽鳥之外，理應就再無半點人煙，畢竟再南行一點便是讓人畏縮不前的港島南。
可是奇遇滿載的我，就偏偏遇上了人、偏偏遇上了煙。
在薄扶林水塘碧綠的湖泊旁，岸邊有稀薄煙火飄升，一把聲音持續苦喊著救命，令我不能坐視不理。
應該沒人會在這種水盡鵝飛的地方，特意設局陷害他人。
我行過長滿稻草的水塘小路，同時聽見了病者那失心瘋的笑聲。
「嘻嘻嘿嘿嘿嘿......」一隻全身長滿大大小小腫瘤的病者，正纏繞著一棵林樹下：「嘿嘿嘿！！啈嘡叹！」
「又係新品種？」我不敢貿易靠近。
「救命呀！救命呀！！」爬到樹上喊救命的人類，因為病者而落不了地：「有冇人啊？救我呀唔該！！」
他的叫聲既薄又弱，就像那些氣喘喘的胖子。
「你啊！見唔見到我啊！？應下我啊！！我係夕鯨國數一數二嘅美食家！！嗚嗚呢個世界唔可以無咗我嫁！！！」樹上胖子不停飲泣，不停揮手求救。
我做個手勢示意他安靜，他立馬就收聲了，但亦不斷力指正燒著灶煙的小營火，那裡正烤著一條魚，烤得快焦黑了。
這種危急情況下，他居然用口型示意我：「幫我翻轉條魚向另一面！」
他更不斷摘著樹上的枝葉，擲向烤魚那邊。
「喲嗤嗤！！？」有賴胖子的多餘行為，腫瘤人被聲音吸引回了頭望。
「嗤嘰嘰！！！」腫瘤人發現我的存在了。
儘管自身攜帶諸多病毒惡孢和腫瘤，腫瘤人腳步亦不慢。他以類似競走的速度接近，身上特別巨型的幾顆的腫瘤搖搖晃晃的，越是接近我，腫瘤的腫脹程度就越強，以肉眼可見的速度滋生變大。
見他一張欲要炸裂的神態，我馬上就舉槍射擊。
病者最具威脅性的位置，通常最為致命和最為外露。
病者這樣的演化，早就銘記在腦中。
因此，我腦手反應幾乎一致地，往腫瘤人身上最為龐大的腫瘤射擊。
「呯！呯！呯！呯！呯！」我側著身子射擊，同時雙腳持續往後。
極具穿透力的真子彈，毫無難度地把腫瘤射穿。
「嘎！啵！嗝！啐！」哪怕有巨大的腫瘤給射穿，腫瘤人也只會僵硬半秒。
「咕咕咕咕......」抵受了十一槍後，腫瘤人終於停下來。
他發出低沉的哀喚，原地站立著，有感危險的我轉身急逃，拉大距離。
我的直覺沒有錯，腫瘤人渾身密集又細小的腫瘤，在那聲哀號之後同時爆裂而亡，餘下滲泡著分泌物的軀殼。
「唚──」滿滿的淡黃色流膿汁液，往四周飛濺。
合共十一發子彈，十一米距離，才正式將腫瘤人終結。
「噢！謝天謝地，我有救啦，我條烤鱸魚都得救喇！」胖子立即從樹木跳下來，看看那魚烤死怎樣：「恩人！雖然我好多謝你，但我要救救我條魚先。」
一面真摰的他，不怕熱地握起烤鱸魚仔細檢視，然後又輕輕刮走魚身焦炭的皮層，而我則像個搶玩具的大人，一手無情地搶過鱸魚，然後掉到地上踩毀。
「啊呃！你做咩啊？請尊重！」他呆怔。
「已經濺到嗰隻嘢嘅膿汁，唔食得。」我說。
Ads
墨說
2020-8-10 00:02:48
「咁我食冇沾到膿汁個面咪......」
「諗都唔好諗。」我轉身就走。
「嗚呃呃噫！！！」他突然痛苦地半跪。
「......」我稍稍回眸。
「啍...！我無食嘢好耐，再係咁落去我會餓死......」他按住自己的肚子。
「幾耐？」
「接近兩日。」
我把紫荊軍屍體找來的一包乾糧，拋給了他：「食吧。」
「啊，呢包係！？」他馬上拾起乾糧來看。
「普通嘅壓縮餅乾。」
「呢、呢包嘢，你點得嚟？等陣，莫非你係......」胖子退後幾步，繼續擺出那張訝異的表情：「你係殘存嘅舊政府成員......」
我眼神一變：「舊政府？」他似乎，知道一些事情。
「你叫咩名？算，都係直接叫你肥仔吧。」像他這種形象的角色，我都不知遇了多少個，名字記不到那麼多。
「我唔係肥，只係有肉地。」他為自己名字，爭取一點權益：「你最多只可以叫我肉地少年，請尊重。」
他嘴唇甚厚、嘴巴又寬又大，綠色的工人吊帶褲配以黃色的短袖，十足一個輕度弱智的人士。
「肉地肥仔，你點解會出現喺到？你應該知道，再向山下行落少少，就會到港島南？」我說。
「知道。」肉地少年眼神銳利，點一點頭：「但病獵協會無個人肯接我生意，我都無計，唯有自己嚟。」
「咩生意。」我續問。
「護送我去港島南，我想搵搵呢片土地最為美味嘅食物。」
「然後？」
「然後就如你所見，我喺河邊釣咗條魚嚟食，燒到一半嘅時候俾隻怪物發現，困咗喺樹上面。」
「南面唔會有你要嘅嘢。」
我想那隻腫瘤人病者已經說明了，南面的路有多困難。
剛才經已是用槍去解決的速度，如果用箭的話應該要多花兩倍時間，近身武器更加不用說。
「我係唔會放棄。」他的語氣和神態，都十分之決斷：「仲未介紹自己，我叫富林比比。」
不得不說，他有勇氣自己到來這裡，已經很不錯。
富林比比見我遲遲不肯介紹自己名字，便打開包裝吃上一口乾糧：「唔～」
他咬不了幾口，就臉色大變：「呸！垃圾......」
「兩日無食嘢都咁多要求？」
「咳咳...！唔好意思，原諒我嘅無禮，我只係指件食物垃圾，並唔係閣下。」富林比比用頸項上的白領巾，抹一抹嘴角：「我兩日無食嘢嘅原因，係因為我只係會放四星或以上嘅料理入口！」
「四星......以上......嘅料理......？」我試圖逐句解讀，可惜完全不明白。
「係咁嘅，我係擁有「金舌頭」嘅人。平均一億個人之中，先有一個人係，我哋呢種天生有種詛咒，就係放唔到垃圾食物入肚，所以餓死嘅機率係比正常人高出好多。」
「呢個唔係你浪費食物嘅籍口。」我一手搶去給他的乾糧，自己給吃掉：「你剛才講紫荊軍，係咩嚟？」
「喔！？紫荊軍？係舊政府喺末世成立嘅軍隊，應該喺六年前嘅內戰到死光死淨囉，所以你有呢包乾糧我有少少好奇啫。」
「你仲可以喺呢個世界生存到第七年，我都有少少好奇。」
墨說
2020-8-10 00:02:58
「咁要十分感謝各大倖存區，每日都貢送唔少優質食品俾天環區，我從來不愁吃喝。」富林比比從背包拿出一個天環，在我面前炫耀：「很想要吧？」
我臉色一沉：「你，係天環人？」
「係，咩、咩事呢？」富林比比察覺到，氣氛稍變。
「如果你喺倖存區外面，見到有個通緝犯，你會點做？」我只問他一條問題。
「返倖存區即刻通報俾守衛聽。」富林比比回答之後，才恍然大悟我問題的用意：「......等、等陣！鳥嘴大哥！我諗諗下都係覺得唔講俾守衛聽好啲！」
識了半天，原來是個天環人。
「......」我拔出劍傘。
「唔、唔會呱，你唔會咁殘忍呱！」富林比比跪在地上，喊：「你上一秒，先喺個病者手上救完我......」
我將劍刃貼住他胖得打摺的脖子：「講個理由，你同其他天環人有咩分別。」
「我......我......」富林比比左思右想的，說：「一生只追求登峰造極嘅美食，對其餘嘅事都無興趣。」
我思索了一下，艾匡她們那邊好像只懂得把食物放在水裡灼熟，完全缺乏一個廚師的角色。
而且，有個天環人在手，就有一個籌碼。
必要時，可以加以利用。
我收起劍傘：「咁好，你唔洗死，但都唔洗返去，跟我去一個地方。」
「係！？」
「帶齊你嘅裝備，步速唔好落後我。」
「收到！」富臨比比拾起背包和釣竿，又問：「即係我呢家身份係你嘅同謀？」
「唔係，你係人質。」
墨說
2020-8-10 00:03:29
我們從薄扶林水塘一路橫跨到奇力山，再向東行途經病者險惡的過跑馬地，算上躲避病者、繞道而行的時間，我們花了大半日才到渣甸山。
入山時，經已午夜。
「我哋究竟行緊去邊......？」富林比比捱不住了，雙膝自動跪下。
「起身。」我拉住他的手臂，逼他站起來。
「I can, but i can't！」富林比比突然喊出一句英文。
「好好地講咩英文，起身。」我再拉一下。
「嗚噫...」富林比比堅強地站起。
來到艾匡和她同伴的小基地，那熟識的小營火又展現眼前。
「鳥嘴先生！？」楊良掌握著十字弓，姿勢標準地瞄準身邊的陌生人：「佢係邊個？」
「我叫富林比比。」他無端拿出一條白餐巾，掛入到自己頸領上：「我好有興趣知道，你哋會拎啲咩菜色招待我？」
「鳥嘴先生佢係......」楊良一面愕然的看著我，我無奈地搖頭攤手。
「我係呢位先生嘅朋友，佢救咗我一命，我就唯有跟佢過嚟呢到，評價下你哋小部落嘅特色美食，請問美食喺邊？」富林比比逕自解釋。
「從今日起，佢就係你哋嘅人質。」我澄清。
「人、人質？」楊良不明白。
我走到楊良身邊說耳語：「佢係天環人，我又俾天環區追捕緊，佢返到去嘅話，我行蹤就會暴露。」
「明白......」楊良本想打量一番，但富林比比站的位置卻空了：「佢逃走咗！？」
我回首一望，就見富林比比正吃力往反向方狂奔。
其實今日一整天，這個富林比比意圖逃跑不下十次，只是每次都被我用鉤傘拉回來，他的求生意欲特強。
這次，我同樣拿出鉤傘發射，將他吊帶工人褲勾住。
「噠」
速度和力量不足的富林比比，被乖乖拉了回來。
「我唔想食草啊！」富林比比抓著泥地，無力掙扎。
「必要時，佢可能會係我同天環區談判嘅籌碼。」我續向楊良，說。
「明白，淨係幫你好好睇住佢就可以。」楊良點頭，捉住富林比比的手臂。
「嗯，俾少少嘢佢食。」
「你居然綁架夕鯨國唯一嘅美食家，罪犯！！」富林比比的呼喊，吸引了不少屋內活動的人出來觀看。
其中一個，便是艾匡。
「鳥嘴先生！」熟識的少女聲。
「蒙柯亞醫生走咗？」我輕輕握著雀躍前來的艾匡。
「走咗啦，但點解你咁快返嘅？」
「計劃總係不似預期吧。」我苦笑、搖搖頭。
「咁又係！邊有人次次都係贏家。」
「我又要暫住多陣。」
「可以啊。」艾匡抿抿一笑。
「艾匡！我哋整好塊牌喇。」一位女生握著塊長木牌過來。
那塊長木牌質地順滑，不像純手工可以做到。
「用咗咩工具？」我多口問。
「哦，用咗羅沙佢喺崖上崖帶嚟嘅工具。」女生答完後，繼續向艾匡回報：「你睇下啱唔啱？」
艾匡拿起木牌凝視欣賞，木牌上面用利器刻出「鷹學派」三字。
「可以啊，唐恩。」艾匡點點頭。
「咁我搵個男仔，一齊掛上基地到。」唐恩會心一笑。
墨說
2020-8-10 00:03:41
「你覺得呢？鳥嘴先生。」艾匡問。
「我？唔錯，鷹代表住自由，不受拘束。」我說出個人觀感。
「救命啊！我再無四星料理入到口嘅話，就會餓死嫁啦！」此時，被楊良關在小屋的富林比比又喊。
「佢係邊個？」艾匡好奇問。
「人質。」
「唔嘿，我唔會過問。」艾匡雙手放後，哈哈一笑。
在鷹學派睡上一晚的我，昨晚用鉤傘爬上附近最高的一棵樹，想多看那個煙火繁榮、萬家燈火的夕鯨國一眼。
可是，全部倖存區除了天環區外，就只有零星的火炬之光。
以前那珠寶夜景，一晚消失。
我疑慮之餘，又感好奇，直到翌日雲梨遵守說話，一早帶同《病港日報》來探望我，我才得知發生什麼事情。
「琴日成個倖存區都無開燈？」他一來，我便問。
「係，你睇完就知點解。」雲梨在鷹學派門口給我報章。
我打開報章一邊觀看，一邊閱讀：「疑似病獵大師暗殺天環教大教宗，同日逃之夭夭，天環區集體決定，拒絕向其他倖存區下放免費能源，直至兇徙被緝。」
「即係要我同全城人作對......」我放下報紙。
「我諗就係，而且兩日後金鐘會嚟一場聽證會。」
「聽證會？」
「因為你喺病獵協會入面嘅職位太高......社會上都算係個德高望重嘅人，所以會審問埋，做呢個決定嘅瑪希會長。」
「成個計劃好似連埋一齊咁......」
「我都覺。」
「同埋明明我用偽裝嘅身份入去，點解佢哋咁快就咬定係我呢位病獵大師做，又咁快做出斷電呢個決定？可能係我個腦轉得慢，但我唔排除呢一連串係個陰謀。」除了教宗自殺以外，有著龐大的陰謀。
教宗的死，就只像條導火線。
然而，在後來我得知真相之後，才發現自己原來忽視了那些「詭異的人」。
「天環教一直有向窮人發放食物做個仁愛嘅形象、每晚發電嘅光能源一旦失去又會好唔方便，其他倖存區夜晚好多事情都做唔到、同埋你係病獵大師，有唔少人都仲係歧視緊病獵呢個職業。」雲梨繼續說出自己的見解：「Ｍ，你諗住點？你宜家返去，可能群情激憤。」
「等......風聲過去......」我答。
除了這樣做，我還能做什麼？一人之力，敵不上萬人。
「唔可以俾呢個風向繼續。」艾匡倏地現身。
上一頁
第 17 頁
下一頁