搞手只求打個和 2020-8-6 22:45:05 係

:^(

:^(

哥德衛隊 2020-8-6 22:54:54

:^(

:^(

加藤清水 2020-8-6 22:58:08 樓主等你呀

:^(

:^(

:^(

蛋炒蕃茄 2020-8-6 22:59:24 呢幾日係咁睇動漫冇追故

:^(

我係仆街文 2020-8-6 23:09:37 辛苦樓豬

:^(

:^(

:^(

阻撚住曬 2020-8-6 23:48:54

:^(

周紫凝 2020-8-6 23:53:47

:^(

:^(

:^(

上連登上咗癮 2020-8-7 00:37:09 點都等埋先訓

:^(

千億個夜晚 2020-8-7 00:38:43

:^(

:^(

:^(

搞手只求打個和 2020-8-7 01:05:10 話咁快就過左一個禮拜，今晚就係我同Nicole見面嘅日子。我想正正式式同佢食一餐飯，我book左間餐廳，希望都可以留啲好嘅回憶比佢。
「我今晚應該可以準時放呀，7點尖沙咀好冇？」我wtsapp Nicole。
「好，我都可以」
「咁，今晚見啦」
「嗯！今晚見～」佢話。

今晚返工之前都專登執靚仔少少，但我怕因為咁而Rachel唔開心，所以係四四正正就算。老實講我返工嘅時候都好難專心到..，一直諗住今晚同佢食飯嘅嘢..。我有少少緊張....，我承認我掛住佢...。同時我唔知應該點樣處理我地嘅關係，我仲想逃避..，但係我應承左Rachel。你問我，我一定係仲鍾意Nicole。我知道點都要有個了斷，我唔可以兩個都要。一直都有心理準備今日會來，但冇諗過原來呢一日到嘅時候係咁唔捨得。而家嘅我百感交集，期待見佢，又唔想係最後一次見。
「好耐冇見...」咁講好似好奇怪..，「近排點呀？」..好似太客套，「掛住我？」..咁講好似好曖昧..，好似會對唔住Rachel咁。....唉....

「喂柒頭文，呢度係咪咁樣？」肥仔問。
「喂！」
「喂！！發咩呆呀」佢搖一搖我。
「..嗯？」
「我問..呢度係咪咁樣呀」佢指一指佢個mon。
「唔係呀..你要禁呢個先，然後....」
「哦屌..唔記得左禁。你岩岩發咩呆呀，又比女飛？」
「飛你老母，下次唔撚教你，等你比客屌算」我話。
「大佬文...我講笑炸....」
「做你嘅嘢啦死仔，自己都未搞掂」我話。屌..今次唔係我比人飛，係我要飛人....。我唔係一個絕情嘅人，我真係唔知點樣同Nicole講。心軟都算係我其中一個弱點..，我好容易就變得心軟。唉算啦唔諗，到時再算。屌...咁快就三點..，嗱嗱臨做埋啲嘢先，一陣OT就仆街。

放工嘅時候，我一落樓就見到Nicole....嚇死我。
「喂..，等你喎」肥仔同我講。
「fd嚟炸屌」我緊係知佢想講咩，我細細聲係佢隔離講，唔想比Nicole聽到。
「我知我知～」佢同steven奸一奸笑拍我膊頭，然後就走左，得返我地兩個。
「你....咁早嘅..？」我諗左一大堆開場白都冇用，完全冇expect 過會係咁。唔知點解我又有啲心虛，但又有啲心動。..唔得嫁...我有Rachel啦。
「我份工都唔算好忙，所以既然早放啦..咪過嚟同你一齊去..」佢話。
「咁...行啦」
「嗯～」我feel到佢行嘅時候都好靠近我，間唔中都掂到佢波邊。但佢冇拖我手，都冇講啲咩...，而其實我都估到佢會主動啲。而家嘅我夾係兩個女人中間，3P呢啲劇情就真係睇av先見到，因為佢地唔會接受到同另一個女人share同一個男人。如果你話我地係簡單嘅SP關係，有性冇愛，做完愛就冇瓜葛就話姐。而家係兩個女人同時愛上我，而愛上一個人係多數都好自私。我唔排除有人會為左愛人而成全佢地，但我同Rachel，Nicole嘅關係根本唔可以用常理去判斷。理論上，我同Nicole係冇係埋一齊。但係我地曾經對對方嘅愛，都等於甚至乎大過普通情侶之間嘅愛。有冇正式一齊過重要咩？重要嘅係，我地兩個嘅心，都曾經緊緊咁連繫住。如果我唔揀Nicole，你可以話係我錯。因為我應承過佢等佢，但我冇遵守諾言。

而Rachel，我同佢正正式式一齊過幾個月。即使當初同佢一齊嘅時候個心唔係佢度，但事實上佢係我女朋友。佢亦都陪我走過我最down嘅時候，而後來我都越嚟越愛佢。直到近排我先發覺我對佢嘅愛，比得上當初同Nicole嘅時候。如果我唔揀Rachel，你更加可以話係我錯，直頭可以歸類埋去講得出「Sorry呀..我ex搵返我..」嗰種仆街。因為佢係我女朋友，如果我同Nicole 一齊，道德上、情感上，都係我錯。而家既我就好似前面係懸崖，後面係追兵嘅感覺，一啲都唔好受。

「呀文～落車啦」Nicole同我講。我今日冇揸車出嚟。
「哦..！好」我又發左呆。
我地由尖沙咀地鐵站行去海旁嗰邊，間餐廳係個頭。我眼尾望到Nicole好似一直都保持住一個微笑，我唔知佢真係開心定係扮出嚟。我諗起由我識佢到而家，對佢嘅了解都唔多，好似成日都唔知佢心裏面諗緊啲咩咁。但係就係因為佢呢種神秘感，令我當初好迷戀佢。我對Rachel好了解，有種好熟悉嘅感覺，但係佢就係比唔到Nicole呢種感覺我....。人類總係貪心，但魚與熊掌不可兼得。每種女人都有佢地吸引嘅地方，而冇一個女人係完美。點解我又開始迷惘，明明已經決定左要同Rachel一齊....

定係我一直都自欺欺人

若覺得第一位最愉快
為何上一位不釋懷
誰亦在反覆錯愛之旅捱大
沒法想下一位的生涯
寧願能白首 還是罷手
彷彿怕 無憾便老得很快

搞手只求打個和 2020-8-7 01:05:45 https://youtu.be/inYU6vMBwtI

林家謙 - 下一位前度

搞手只求打個和 2020-8-7 01:06:11 出左啦

:^(

一個肥佬兩枝棍 2020-8-7 01:13:34 今晚仲有無

:^(

你識閪咩 2020-8-7 01:14:40 「我地兩個嘅心，都曾經緊緊咁連繫住。如果我唔揀Nicole，你可以話係我錯。因為我應承過佢等佢，但我冇遵守諾言。」

搞手巴輕手啲俾返少少尊嚴nicole呀，唔想佢受傷

:^(

:^(

:^(

我勁過朗尼 2020-8-7 01:18:33 仆街文咪撚亂黎
屋企有個等緊你
應承左凝凝嘅嘢唔該你要做到，最後一次就最後一次
嚴格黎講你同高曉琳係冇開始過架，唔該記住呢點，咪鬼唔記得屋企果個然後又沉船

加藤清水 2020-8-7 01:20:05 辛苦了

:^(

:^(

我係仆街文 2020-8-7 01:20:51 I know that feel ~

:^(

:^(

:^(

:^(

搞手只求打個和 2020-8-7 01:22:45 訓了

:^(

:^(

Nairobi 2020-8-7 01:24:01 扑硬野

我係仆街文 2020-8-7 01:24:55 加油樓豬

:^(

聽晚陪完女朋友夜d出都可以

:^(

一個肥佬兩枝棍 2020-8-7 01:25:37 早啲休息 辛苦你啦

:^(

周紫凝 2020-8-7 01:27:01 仆街文
我係比唔到嗰種神秘感你同埋我都冇嗰種吸引人嘅魅力架啦
你要揀Nicole咪出聲咁多藉口
我係介意你三心兩意，見一個愛一個
佢唔介意咁你同佢一齊啦
我返左屋企唔該你唔好又黎揾返我
真係信你唔過呀

周紫凝 2020-8-7 01:27:25 真係睇到好嬲

:^(

名井南的床單 2020-8-7 01:28:19 食完同nicole最後一場分手Q，大家流住淚扑，就好似係機場咁

:^(

:^(

之後就關起那間房

:^(

我勁過朗尼 2020-8-7 01:30:48 比d信心條仆街仔喇
又係你叫人去嘅，條仆街仔問左你，如果你真係唔鐘意，點解唔同佢講呢