[少甜]因為ex,我決定向全世界嘅女人報仇7(大家推得好快..!希望係結局篇)
搞手只求打個和 2020-8-2 22:14:56 安全感要慢慢建立嘅,同埋都唔可以用以前點點點去判斷佢而家/將來會唔會係咁
:^(

Ads

我係仆街文 2020-8-2 22:21:15 可能因為個朋友以前真係玩得太勁,所以個女仔成日都疑神疑鬼,攪到個男仔去邊都要打卡報到比個女仔知唔好亂諗野
:^(
搞手只求打個和 2020-8-2 22:22:16 男仔主動打卡就好比到安全感女仔,如果係「被」主動打卡就差好遠,有啲男仔會唔鍾意
:^(
我係仆街文 2020-8-2 22:24:16 所以我之前講過,你破壞左對方信任就要比十倍力先可以令對方有返信心
:^(

報應嚟
:^(
搞手只求打個和 2020-8-2 22:27:41 冇錯
:^(
唔畀買口罩 2020-8-2 22:30:09 一齊支持阿文單身
:^(
光月淺雍政 2020-8-2 22:42:46
:^(
:^(
:^(
銀河收你皮 2020-8-2 22:53:06 支持
:^(
:^(
銀河收你皮 2020-8-2 22:54:39 想你同nicole一齊
:^(
:^(
哥德衛隊 2020-8-2 23:01:00 係 NICOLE BB世界第一
:^(
:^(
為愛徬徨的勇氣 2020-8-2 23:03:56 係兩登睇故都一段時間
估唔到而家仲有啲咁高質嘅故
由以前墨說 木鎷紫柃 有心無默 西樓月如釣 唉瘋人 羊格 孔明 八輩子 羊先生 軒達臣 又曦 斗轉星移
到近期 裕賢先生 玖蒼 閱語殘片

樓主加油呀 個故真係好好睇
估唔到2020仲有人堅持係討論區寫故

如果有人想睇返以前嘅佳作 我可以介紹下
有好多都睇到流眼淚

BTW 周紫凝派
:^(
:^(
:^(

Ads

周紫凝 2020-8-2 23:04:17 文呀文幾時有
:^(
為愛徬徨的勇氣 2020-8-2 23:05:22 加速
:^(
:^(
:^(
搞手只求打個和 2020-8-2 23:06:28 多謝你支持
:^(
:^(
:^(

墨說 西樓月呢啲我都有睇
:^(
:^(
,中學開始就高登故
搞手只求打個和 2020-8-2 23:06:56 過多陣,不過今日得一更,聽朝好早起身返工
:^(
周紫凝 2020-8-2 23:07:27 辛苦樓豬
:^(

等你
:^(
哥德衛隊 2020-8-2 23:08:16 HOME OFFICE
:^(
為愛徬徨的勇氣 2020-8-2 23:08:53 好多都消失曬
:^(
:^(
:^(

好掛住以前 成個熱門都係講故台
尤其一啲神作ending post
一日就爆
阻撚住曬 2020-8-2 23:20:09
:^(
:^(
:^(
重光精神病 2020-8-2 23:24:49 巴打 係咪有好介紹??
搞手只求打個和 2020-8-2 23:33:28 我成晚都訓唔著,不斷係度諗呀文同Nicole嘅嘢。我好驚就算我地一齊返,Nicole 都會不斷纏住呀文。咁我地就算一齊返都冇意思,我都係會每日提心吊膽,好似一直有個心結解唔開咁。我唔知呀文會點決擇,但最後我都係接受唔到三角戀。我甚至乎已經做定心理準備要離開呀文...,唔係我只會傷得更加深。我有啲掛住我同呀文一齊訓....,同佢一齊嘅時候,我訓唔著佢就會播歌同唱歌比我聽。佢唱攰左我地就靜靜地聽歌,傾下計。而家我自己一個人係床上面戴住耳機聽歌,好寂寞...。呀文,你可唔可以搞清楚..我先係你女朋友..。Nicole根本都唔值得你愛...,佢傷你傷得咁深。但我一直陪住係你身邊,我先係值得比你愛嘅人。

我將梁靜茹嘅《情歌》不斷loop不斷loop,因為我同呀文都好鍾意呢首歌。用呢首歌做背景,我個腦不斷亂諗嘢,精神到我完全冇睡意。天已經慢慢開始光,而我一陣仲要返工...。我嘗試訓一兩個鐘,但係我真係訓唔到。我合埋眼就係幻想呀文同Nicole錫嗰一幕,好自虐,但我冇辦法唔去諗。之後嗰兩個鐘都係諗住嘢咁過,望一望手機,已經差唔多夠鐘起身。我知道呀文會打過嚟叫我起身,但我唔想諗佢住...,一聽到佢把聲我又會諗起佢同Nicole。所以我send左個wtsapp比佢。
「我起左身返工啦,唔洗打比我」
然後我去刷牙洗面,食早餐...。我好耐冇係屋企食過早餐,有啲唔慣唔係同呀文去茶餐廳食。佢應該未起身?我有啲擔心佢遲到..。唉....我send message震下佢先..
「出左門啦,唔會遲到」我話。
「咁就好,我都起身啦」佢過多幾分鐘就覆左我。
「嗯」
「你食左早餐未..?」佢問。
「yes」
「好啦」佢話。我出門搭車嘅時候仲係好精神,好彩今日應該唔算多嘢做,因為唔多booking。返到去啲同事話想約今晚食飯,因為有個同事生日。

「Rachel應該唔嚟啦?你同男朋友出街?」Christy問,佢係我其中一個女同事。
「我..可以嚟呀」
「真係?你唔嚟我都冇所謂喎」呀Tom話。佢今日生日。
「你生日喎~點好意思唔比面」我話。
「你男朋友唔嚟接你咩?」Christy問。
「我地..嘈左交」我話。
「下點解嘅?」Christy問。
「唉..好難解釋」我唔想比佢地知呀文同Nicole嘅關係,唔想佢地覺得呀文係仆街..
「唔緊要啦~今晚食飯!」Tom話
「好!咁我諗下食咩先~」Christy 話,
「又唔係你生日!」Tom話。
「我鍾意諗喎~」
「係係係,你揀你揀」
佢地兩個成日都打打鬧鬧,有佢地係度我個人都冇咁唔開心,但係我...開始眼訓啦....

「食lunch未呀傻妹」呀文lunchtime 嘅時候搵我。
「食緊啦」
「今日食咩呀?」佢問。
「食飯」
「好啦~記住飲多啲水..,你前排喉嚨痛」佢話。佢又關心我...唔得...我唔可以咁易原諒佢嫁..。
「嗯,知道啦」
「乖~錫哂你」佢話。點解佢可以扮到冇嘢咁..,明明佢琴日先做左啲咁過分嘅嘢...。我唔知應該點面對佢,但我冇辦法扮咩事都冇發生過。我地兩個中間好似有道牆咁...,道牆就係Nicole。一日唔打爛呢道牆,我地兩個中間都係有啲嘢隔住。

但我真係冇諗過,佢放工會過嚟接我收工....
「Hi..」
「你點解係度嘅?」我問佢。
「想接你收工嘛~」
「我約左同事食飯,你返去啦」我望一望佢地,今晚真係約左。
「Hello...」佢同我啲同事打招呼。
「你返去啦,我地去食飯啦」我見到佢都係未冷靜到。
「....凝凝」
「你唔好搵我住啦,你比我靜下好冇」我有少少惡咁講,但我講完就有啲後悔...,死啦我會唔會太惡。
「好..好..我走」佢話。
「行啦」我同佢地講,一見到佢我個心就好亂。我唔係唔想原諒佢...我好掛住佢...,但係佢同Nicole嘅問題唔解決,我就冇辦法再同呀文一齊。冇人會接受到自己男朋友同另一個女人有咁樣嘅關係...。我唔知可以做啲咩,所以只可以逃避...。我岩岩甚至乎諗,如果我惡啲,呀文係咪就唔會追返我....。我想試探佢,我想知道..

想知道佢究竟有幾愛我

Ads

搞手只求打個和 2020-8-2 23:34:09 出左啦,多謝你
:^(
為愛徬徨的勇氣 2020-8-2 23:35:02 好多喎
私心推薦
我在ig shop 買了一個流星少女
妳做咩將成碗譚仔倒落我個頭上面


換個時代再愛你
有一晚 一個來電
我老婆教我追女仔
我要追返我老婆
孔明嘅 宅女故
我夠膽講,無嘢痴線得過要去追一個文青女仔
平行世界裏,我沒有錯過你
無限次告白機會
唉瘋人 嘅故 ,不過小心閱讀 價值觀會影響到
:^(

男人唔可以窮
西樓月如釣嘅所有故
女童軍系列 糖果女孩
女神話我考第一就比我中岀
遊生玩水 2020-8-2 23:42:11 其實如果用rachel角度重複講多次劇情嘅話,不如節省少少篇幅
:^(
將啲字數推去加快進度仲好
少少意見
哥德衛隊 2020-8-2 23:50:31 Nicole係咪真係冇希望喇 唔好呀
:^(
:^(