隔離14日出嚟,我個淫底女友俾人食咗、我個身份仲要俾人取代咗《奪臉述異記》
上一頁
第 29 頁
下一頁
三劑
2020-8-15 02:32:42
新追文留名
Ads
恐龍蛋bb
2020-8-15 02:43:04
一口氣追哂 好好睇
月田貓
2020-8-15 10:02:57
養肥咗咁耐入嚟睇
見到綠茶巴你住嗰幢中咗
小心身體呀!
網民一個
2020-8-15 12:22:52
Live
我日日洗腸
2020-8-15 14:31:30
此回覆已被刪除
我有肺炎
2020-8-15 16:44:38
推推
橘子綠茶
2020-8-15 16:48:18
其實就係 #1嘅
:^(
:^(
:^(
心點小新
2020-8-15 18:05:05
樓主幾時出返《屍語異色瞳》 好好睇好想繼續睇
:^(
煲底再遇上白熊
2020-8-15 20:46:28
Push
橘子綠茶
2020-8-15 21:06:18
陳又廷(即係我本人)一直生活得唔滿意,成日都想改變現狀。
『生靈』漸漸喺陳又廷心中產生,力量愈黎愈強大,直到有自我意識,就開始為佢既計劃做準備。
首先,佢要搵出幾副適合既肉身。
張文軒正正符合生靈既要求——張文軒係陳又廷夢寐以求既身份,生靈以為將我變成張文軒,我就甘心放棄陳又廷既一切、去過張文軒既生活。
咁既話,當生靈搶左陳又廷既身份之後,我就情願過張文軒既生活,而唔去同生靈爭陳又廷身份。
問題係,張文軒身份被搶,張文軒一定會查出原因,去搶返自己個身份。
我地三個既關係係互相牽連,萬一張文軒想搶返自己身份,咁就導致我無左張文軒身份,繼而想要返陳又廷身份,最終都會搶返生靈既野。
為此,我快快手畫出一個關係圖:
:^(
橘子綠茶
2020-8-15 21:07:55
雖然講究啲唔係咁畫,但大概意思就類似咁:我地三人係互相牽連,一方想要返自己身份既話,就會影響另外兩個人。
由於張文軒身份俾左我,生靈需要搵另一個身份俾張文軒。
呢種情況,必需要有個人係甘心放棄身份,亦無意再生存落去。
想自殺既阿圖,對生靈黎講係非常之適合,因為阿圖既身份亦係張文軒所嚮往既。
我再畫多幅圖黎搞清楚四人既連鎖關係:
:^(
當然除左生靈,我同張文軒都唔算搶。
生靈有晒以上既完美計劃之後,佢決定喺今年 1 月中落手。
呢度提一提,師傅唔肯定生靈幾時脫離我身體,有可能係早於 1 月,又或者佢 1 月一脫離身體就即刻落手。
佢將我個樣慢慢變成張文軒。
同步,佢已經能夠脫離我身體,慢慢影響阿圖,令佢自殺。
自殺果刻,正正係將張文軒既身體變成阿圖之時。
講到呢度,司徒師傅補充:「由於『生靈』既力量未大到真係可以落手落腳去殺人,佢盡可能係加強負面心情、改變身體外型、換下你地啲鎖匙同身份證之類。」
當一切都準備好之後,生靈喺我返黎香港果十四日期間,正式用我個樣去搶晒我所有野。
「唔⋯⋯」張文軒聽完司徒師傅既描述之後,講:「咁唔怪得可兒會認唔出果個『陳又廷』係假架啦,因為佢本身就係陳又廷既其中一部份,自自然然知道晒陳又廷所有野,講得出以前同可兒一齊既回憶,亦十分了解可兒。」
我認真喺腦入面重組我呢排經歷過既事、所謂「生靈」既種種言行舉指,唔⋯⋯司徒師傅呢番話又真係無反駁之處。
「你地問我,點解咁肯定係陳又廷既生靈,而唔係張文軒,以上經過就解釋清楚晒。問題係,陳又廷,你知唔知自己一直心存怨恨?」
「下?Ummmm⋯⋯」我講:「係正常人都會心有怨恨架啦。」
Ads
橘子綠茶
2020-8-15 21:10:44
司徒師傅搖頭,「比起張文軒,你更加埋怨自己人生,呢樣就係我頭先猛咁問你地一啲唔關事既原因。
我發覺好多時你明明遇到好事,但你個諗法往往負面。
例如可兒。你有個咁好既女朋友,但你往往著重於佢既缺點:
明明佢咁靚女,你又嫌棄佢皮膚有瑕疵;
佢身材有肉地屬於細細粒咁得意,你就嫌佢肥仲出聲叫佢減肥⋯⋯
所有事物都有正反兩面,而你傾向睇到負面,而遮蓋佢好既一面。
我諗生靈一向都覺得你不知足,既然係咁,不如由佢黎承接你唔想要既野,然後將你想要既野俾你。
張文軒既身份就岩晒你,而且凱婷亦係你本身鍾意果類型。」
⋯⋯我⋯⋯我頓時俾佢講到無地自容。
講真,自從失去可兒之後,我一直回憶我地種種過往。
我好似真係有意無意講啲傷害佢既說話⋯⋯
我照直講:「超,咁張文軒係人生勝利組,佢既怨恨梗係少過我啦!生活艱難呀!」
司徒師傅繼續平心靜氣分析:「你個問題就係打從一開始就將自己列為受害者,遇到咩事都怪個天唔公平、人地對你唔好。
就講今次俾人搶身份咁,你懷疑張文軒、怪阿圖,但從來都唔會諗自己既責任。
唔係樣樣野都同錢掛鉤。
正如你會羨慕凱婷睇得出張文軒既個人特色,同時怪可兒點解睇唔到你嘅。但你有無諗過,會唔會係你自己無展現出黎,責任唔在於人地度,而係你自己?」
嗚!
佢講中晒!
我即刻俾佢收左皮,縮埋一角反省。
「咁其實又無壞嘅。」張文軒打圓場話:「既然你講到張文軒人生咁好,依家有機會擁有,咁對你都係好事呀。」
佢講得啱。
張文軒有車有錢有樓有樣有女,榮華享之不盡。
但問題係,佢嘅世界無可兒。
如果擁有以上一切而單單無左可兒,咁得來都毫無意義!
先唔講凱婷會唔會同我一齊,就算佢肯,我覺得同機械人凱婷比唔上同可兒一齊咁開心⋯⋯
唔係,係喺呢個世界上,我搵唔到另一個人能夠取代可兒。
唯獨係佢,先明白我諗乜、聽得明我啲爛 Gag⋯⋯
就算就算我以張文軒既身份追到可兒,咁都唔係我想要既感情。
我要既,係光明正大以陳又廷既身份同可兒一齊!
再者,我對可兒有信心,佢唔會見張文軒條件好而飛左「陳又廷」。
而且,了解過後其實張文軒都有好多負擔、屋企人亦無乜溫暖,雖然勤快 Maria 真係好勤快,但我情願喺自己間屋度自己落手落切生果俾阿媽食。
「錯。」我正色講:「我之前一直都錯過晒。我最想要嘅,都係自己嘅人生,我要做陳又廷!」
比起我,張文軒立場搖擺不定。
聽到我嘅決定,佢問:「司徒師傅所言甚是。咁請問我地應該點樣化解今次既危機?」
「首先,你地改改自己既思維模式先。係呀,你都有份!」司徒師傅愈講愈起勁,指住張文軒。
佢話:「你地心中怨恨一直餵食生靈。
張文軒,只係你未去到陳又廷咁勁,但你嘅怨念會助養到陳又廷既生靈。
一日你地心中惡念強大,一日你地都唔可以拎返自己身份。」
「我都想俾人助養下⋯⋯」我講。
「你地再咁樣落去,生靈既力量會愈來愈強大,到時唔好話擊退佢,連你兩個既肉身都難保呀!」
「我唔制!」張文軒放低雪糕、飲啖可樂,「我想做阿圖做多排先呀!」
司徒師傅突然一手搶過佢罐可樂,啪一聲放喺枱面。
佢一臉凝重,問左個非常驚人既問題,驚人程度嚴重過我俾生靈搶走身份:
你地兩個就快死,
你地知唔知㗎?
頹廢彼得
2020-8-15 21:36:27
加速
:^(
巴膠都是on9的
2020-8-15 22:19:42
正皮ed
人中之妖
2020-8-15 22:40:01
Live左喇😭
我有肺炎
2020-8-15 23:09:28
P牌正評唔到
唯有推下
橘子綠茶
2020-8-15 23:46:38
幫緊你,幫緊你
橘子綠茶
2020-8-15 23:47:42
多謝關心,我全家都好健康
:^(
暫時
:^(
:^(
:^(
橘子綠茶
2020-8-15 23:48:59
呢個故live果陣無乜聲氣,搞到無乜心機寫落去
:^(
:^(
:^(
遲下睇下多唔多人想睇先
:^(
說好的冬天?
2020-8-16 00:22:36
又live左
:^(
匯豐升到百五蚊
2020-8-16 00:29:23
乜寫寫下變咗正能量。。。。
Ads
橘子綠茶
2020-8-16 00:39:50
雞排妹係女神
:^(
:^(
:^(
有外在美亦有內在美
:^(
橘子綠茶
2020-8-16 00:40:25
繼續黎丁吧
:^(
:^(
:^(
你個名
:^(
羽清.
2020-8-16 00:43:02
咩暫時?係永遠健康啊
:^(
:^(
唔奶唔舒服
2020-8-16 00:52:06
F5就黎比我㩒爛喇
:^(
絲打今日仲有無?
上一頁
第 29 頁
下一頁