隔離14日出嚟,我個淫底女友俾人食咗、我個身份仲要俾人取代咗《奪臉述異記》
上一頁
第 25 頁
下一頁
水瀬いのり
2020-8-13 00:26:12
25度都凍 即係又延佢愈嚟愈熱?🤔
Ads
明來暗往
2020-8-13 00:32:38
追到live, 留名等update
水原希子
2020-8-13 01:17:27
等文等到去左睇人肉工廠
見樓主成日講呢個故就講肉醬意粉, 仲以為有肉醬睇
:^(
:^(
黃戰士
2020-8-13 01:36:32
可兒真係大咗肚?
:^(
Abciximab
2020-8-13 03:05:00
一次過爽啲
:^(
矮有罪咩
2020-8-13 04:32:22
佢話上面啲故好高質,尤其果個咩咩綠茶寫果啲。
:^(
:^(
真絲打先會咁寫自己 女人。。。
士多啤梨梨梨梨梨
2020-8-13 05:06:08
:^(
唔奶唔舒服
2020-8-13 05:36:49
:^(
歐洲頂級脆炸大薯
2020-8-13 06:48:21
此回覆已被刪除
尼爾
2020-8-13 10:31:10
多謝你
:^(
:^(
抵我追返哂你先前D作品
不過最可惜係, 鬼屋系列我睇完第3部先再睇返第1部
:^(
有D驚喜位無咗
義士不是condom
2020-8-13 10:57:59
此回覆已被刪除
Ads
煲底再遇上白熊
2020-8-13 11:16:07
真係女人嚟
:^(
:^(
義士不是condom
2020-8-13 11:31:58
此回覆已被刪除
矮有罪咩
2020-8-13 14:33:24
一睇就知你follow 綠茶巴ig
橘子綠茶
2020-8-13 15:03:36
我再講:「我唔係咩痴線佬呀,我淨係想同你做個朋友咋!」
佢急停步,回頭對我唔耐煩咁講:「我已經有男朋友架喇,你唔係未見過架。你唔好浪費時間喺我身上喇。」
咁即係佢同阿圖未散啦。
「你唔好起晒槓先,」我趁機會話:「我唔係要拆散你地呀,我真係想識多個朋友咋!」
當然我口講多左個「唔」字,我內心係「我係要拆散你地呀」啦。
佢嘆口氣,「睇你正正常常咁,我唔知我有咩俾你睇中,總之我地係無可能啦。我依家趕時間唔同你講咁多喇。」
「你係咪返屋企呀?我送你丫,一個靚女夜晚喺街好危險架。」
「只要你唔喺我身邊就安全。」
「你知唔知你同馬騮有咩分別呀?」我突然轉個話題。
「下、下?」呢句話果然殺佢一個措手不及。
「馬騮住喺城門水塘,你住喺我心裡。」我摸摸心口。
呢句都係張文軒教,佢話女仔好受用喎。
點知可兒愕左一愕,然後加快腳步走上車。
OK,凱婷受用唔代表可兒都啱聽。
我只好死死地跟實佢,不過為左令佢放心,我故意坐遠啲。
呢架巴士唔係去佢屋企,搭左陣,我跟住佢落車。
目的地係一間公立醫院。
橘子綠茶
2020-8-13 15:05:15
「你唔好再跟住我呀。」一落車,佢啤實我講,「我報警㗎。」
我留意佢唔係講「我搵陳又廷」。
可兒細細粒又面圓眼圓咁,毫無威嚇作用,只會令我更想去掐佢塊面。
「你見邊度唔舒服呀?」
我想講:無論係富裕或貧窮、健康或疾病,我都會永遠愛你。
不過呢啲咁肉麻既對白,我真係好難可以好似文軒佢地咁一氣呵成講出口。
「唔關你事,你走開呀!」
我認真話:「我應承你,我淨係會靜靜守護喺你身邊,絕對唔會對你做啲乜!」
佢望一望錶,即刻衝入醫院,「費事同你講咁多。」
我一路跟住佢,發現佢係黎探病,再加上多日唔見陳又廷,我問:「陳又廷唔係中左肺炎呀嘛?乜醫院唔係唔俾探病咩?」
佢無答我入左病房,出返黎果陣已經係差唔多一個鐘之後既事。
橘子綠茶
2020-8-13 17:58:48
搭電車果陣,由於呢排夜晚條街少人左,車上面無乜乘客。
我見可兒悶悶不樂,鼓起勇氣坐喺佢隔離,佢無走開。
鯨窮鯨窮、鯨窮鯨窮⋯⋯
我地兩個短暫既沈默,夾雜住電車運行時久不久發出既聲音。
車外既街燈久不久照射入嚟,映落我同可兒身上。
盛夏既夜晚,外面吹黎陣陣涼風,我人生第一次覺得搭電車好舒服。
突然間,我好想呢程車可以搭耐少少。
「又廷佢唔係中肺炎⋯⋯」可兒靜靜開口,「佢自從喺台灣返黎之後身體就開始唔舒服。
起初係見暈見凍,呢排有時會突然間暈低。
醫生話佢疲勞過度休養一下就無事,但我總係有種唔好既預感。」
哼,阿圖你都抵死喇,我副咁 Fit 既 Body 雖然比唔上張文軒,但都唔係人人受得起架。
難得可兒肯同我講野,我當然配合佢問:「點唔好既預感呢?」
佢望望我,又望向窗外風景,「唔知點講⋯⋯佢好似唔同咗咁,但我又講唔出點樣唔同。」
哇正呀正呀,可兒原來都睇得出我既「個人特色」架!
唔怪得佢今晚無之前咁抗拒我啦,一定係果個冒牌陳又廷令佢不安,想搵人傾訴下。
我嘗試引導佢,問:「係咪覺得佢個身體依然係陳又廷、而內裡既意識係另一個人咁?」
橘子綠茶
2020-8-13 17:59:56
可兒愣住左,然後用好奇怪既目光掃落我身上:「你講咩呀?」
唔,可能我太激進。
「我、我既意思係,你係咪覺得佢性格最近變左啫,梗係唔係講啲騎呢野啦。」
佢回復正常,點點頭,「可以咁講。」
以我同佢暫時既關係,我決定採取懷柔政策,即係要配合可兒諗法去講野。
我話:「可能佢呢排工事繁忙啫,唔好亂諗野。」
佢似乎都好驚訝我突然幫阿圖講說話,瞥左我一眼,視線最後停留喺我捧住既花上面。
「你又知我鍾意百合花既?」佢問。
Yes!至少張文軒講中左一樣野:女仔鍾意收花。
不枉我拎住紮花,成個傻仔咁行黎行去行左成晚。
我求其作個藉口:「Umm⋯⋯百合呢啲咁高貴大方既花,我覺得同你好襯所以先買咋。」
事實係我出左金手指。
以前大時大節我會送花俾可兒,不過次次都買唔啱佢最鍾意既花。
今日去花店,我特登揀以前無買過既花,好彩揀中左。
我支支吾吾補一句張文軒千叮萬囑要講既話,同時遞紮花俾可兒:「『接葉有多種,開花無異色。含露或低垂,從風時偃仰*』。可兒,我覺得你好比百合咁純潔高雅。」
(*出自《百合花》)
講完我都有啲唔好意思,唔係唔係,係極之後悔先啱。
張文軒你搞到我有尷尬癌呀!
橘子綠茶
2020-8-13 18:00:31
最後,可兒當然無接住紮花啦,仲要拎轉頭望返去窗外。
不過我見到佢嘴角好似牽起左少少,唔知係咪心理作用。
黎到佢屋企樓下,佢無同我講啲乜,一野衝去禁密碼入大廈。
而我就好似個傻仔咁一手揸花、一手拎住裝名牌包包既紙袋,企喺度目送佢背影。
當下我覺得好不甘。
非常不甘。
一直屬於我既可兒、隨時可以俾我攬攬錫錫既可兒,依家已經唔會俾個 Goodbye Kiss 我,亦唔會同我講「返到屋企打俾我喇 BB」。
我嘆口氣,轉身走人。
「喂,」背後既可兒叫住我,「你未話我知你叫咩名喎。」
我即刻轉身,狗衝去佢面前,「我個名係張文軒,今年二十七歲,職業係教師,我既願望係世界和平。」
可兒噗哧一笑,「你估你選香港小姐咩,依家都無人睇啦。」講完佢走入大廈。
足夠了,咁就夠了。
可兒依然會因為我講啲無聊嘢而笑,證明我哋嘅默契依然存在!
只要可以見到可兒笑,我做乜都值得!
水瀬いのり
2020-8-13 18:09:44
呢幾幕如果拍做戲好似都幾考功力
橘子綠茶
2020-8-13 18:14:55
好眼力,不過估錯
:^(
:^(
:^(
Ads
橘子綠茶
2020-8-13 18:15:45
係聖地牙哥鬼屋連載果陣,大家講慣口
:^(
:^(
:^(
橘子綠茶
2020-8-13 18:16:26
無錯無錯,唔關巴定絲事
:^(
:^(
水瀬いのり
2020-8-13 18:17:10
哦 冷氣壞咗 快啲call師父上去整
橘子綠茶
2020-8-13 18:18:08
:^(
上一頁
第 25 頁
下一頁