隔離14日出嚟，我個淫底女友俾人食咗、我個身份仲要俾人取代咗《奪臉述異記》
上一頁
第 12 頁
下一頁
月老的紅線
2020-8-4 18:07:39
waiting
:^(
Ads
封城未呀
2020-8-4 19:48:36
主角最後會殘殺邊個？定比人殘殺？
天滅共黨(加速中)
2020-8-4 20:09:13
留名 文筆好好
:^(
:^(
屯門娜娜公主
2020-8-4 20:26:28
live 想知點解會咁!
:^(
:^(
基層中產
2020-8-4 20:46:19
綠茶新故轉左風格有啲唔慣，不過新故都好好丁
:^(
:^(
:^(
六等星
2020-8-4 20:56:04
抄face off?
橘子綠茶
2020-8-4 21:01:02
（張文軒既菲傭由 Susan 改名為 Maria，
唔會影響劇情，純粹個人喜好
:^(
）
——————————
我搶道：「阿媽，不如俾我換件衫、唞一陣先再慢慢傾啦。」
我未等佢出聲，已經起身走入房。
頭先稱職 Maria 已經搬左我個背囊入房，所以我識路。
張文軒間睡房打掃得好乾淨，我第一時間打開枱面部電腦，不過無密碼開唔到。
房入面搵唔到電話同任何幫到我嘅物品，我轉攻書櫃。
上面除左好多教科書同參考書，亦有唔少詩集同小說。
我要搵嘅嘢，擺喺最底層嘅一角：相簿。
數量唔多，而且都係呢幾年嘅相，再舊啲嘅相可能收起第二度。
相簿有一啲生活照同旅行相，睇嚟佢同蒼井優都拍左好幾年拖，身邊有好多朋友，生活多姿多采。
橘子綠茶
2020-8-4 21:04:35
暫時睇佢嘅生活足跡，似乎唔似同我有交集。
放返好相簿企起身後，眼角發現一本嘢，擺喺小說同小說中間，我抽出嚟睇。
係一本揭頁式 File。一揭開⋯⋯我吞吞口水。
上面全部都係報紙剪報，同尋人廣告，圍繞住一單失蹤案：
張文軒行山失蹤 至少仍未尋獲
報紙日期最早係今年 1 月，張文軒似乎就係當時開始失蹤，時間吻合佢阿媽所講，直到今日已經失蹤左差唔多七個月。
睇完報紙整合返佢嘅失蹤事件：
當日朝早佢自己一個揹輕裝去大埔行山，佢有多年行山經驗，久唔久都會自己一個行山。
直到下午開始失聯，電話無訊號，自始消失喺呢個世界上。
按親友同同事形容，張文軒性格樂觀、人際關係好好、無經濟或工作壓力，唔似會自殺，亦唔似係離家出走，外界估計係行山失足再失救嘅機會大啲。
呢個 File 入面夾雜住一啲由私家偵探社 Send 出黎既 Report Copy。
我諗張文軒阿媽始終唔肯接受自己個仔已經死左，依然每個月都俾錢請人搵返張文軒。
橘子綠茶
2020-8-4 21:06:14
我求其拎張紙出嚟，寫返條時間線：
:^(
時間上又吻合到，張文軒咁啱喺我出發去台灣嗰陣扮失蹤，等到我個樣完全變好後先再出現。
或許等我嘅同時，亦係佢變樣嘅期間，所以佢唔可以俾自己屋企人同蒼井優見到。
我手上有張文軒三條鎖匙：一條開屋企大門、一條係我自己房門，仲有一條金色細鎖匙仔係不明。
我搵過晒成間房，唔見有鎖頭嘅嘢。等陣出去客廳再搵搵，如果無就走。
我今日嘅目的已經達到，呢度亦無再多線索俾我查。
打開房門，聽見門鈴「叮咚」一聲。Maria 打開門，來人竟然唔係張文軒阿爸，而係一位相當清瘦嘅靚女。
佢入到室內除低口罩，我認出佢就係蒼井優本尊！
橘子綠茶
2020-8-4 21:07:44
「凱婷你嚟喇，唔使除鞋，嚟嚟嚟。」張文軒阿媽好熱情咁拖佢嚟到我面前。
「Autie 你好。」
哦，原來凱婷唔壞，而且仲幾有氣質。
佢嘅黑色背心連身裙、高踭鞋再加個包包，一睇就知係 OL，而且係中環返工嗰隻，打扮得整整齊齊，無乜化妝。
凱婷即係蒼井優，即係張文軒女朋友。
頭先張文軒阿媽提過會打俾凱婷，我望望鐘，中午十二點幾，凱婷應該係一收到電話，就同公司請假趕過嚟。
比較張文軒阿媽驚徨失措，凱婷好冷靜，冷靜得唔似同情人事隔半年後重逢，更加唔似慶幸情人死裡逃生嘅驚喜。
「文軒，好耐無見。」佢放低個袋，語氣淡薄，不過都有主動攬住我。
橘子綠茶
2020-8-4 21:11:12
「呃⋯⋯我好掛住你呀凱婷。」我唔知講咩好。
「頭先伯母喺電話簡單交代過，」佢怔一怔，鬆開我，「你係咪失左憶，無晒呢半年嘅記憶？」
「係呀⋯⋯」
佢唔出聲靜靜打量我，搞到我有個錯覺覺得自己塊面滴緊汗，明明間屋好夠冷氣。
張文軒阿媽適時話：「Lunch 煮好咗喇，大家坐低食少少嘢先啦。」
「都好喎。」我琴晚同今朝都係食面包，依家有啲餓。
食完飯之後，張文軒阿媽帶左 Maria 出去買餸，話慶祝我返嚟，今晚要煮餐好嘅。
間屋淨返我同凱婷，佢唔客氣咁走入我間房。
哇，唔通叫親凱婷嘅女仔都真係好壞？
——————————
感謝大家正評，一連出晒兩更
:^(
:^(
:^(
再多50個正評都會繼續加更
:^(
Ads
硬膠仔一個
2020-8-4 21:12:24
手動正評
:^(
:^(
心一旦
2020-8-4 21:25:07
凱婷唔通係變態既？
綠茶巴點都比d變態血腥野我地睇既
:^(
橘子綠茶
2020-8-4 22:01:59
暴走會好開心，我都想走下
:^(
:^(
橘子綠茶
2020-8-4 22:02:33
出咗了，連出兩更
:^(
:^(
:^(
橘子綠茶
2020-8-4 22:03:29
拿拿拿，唔好亂講呀，我寫開治癒愛情故
:^(
:^(
:^(
橘子綠茶
2020-8-4 22:04:02
感謝，希望故事推進唔會令你失望
:^(
:^(
好人一生平安巴打
2020-8-4 22:41:30
凱婷
:^(
弦月降臨
2020-8-4 22:41:57
終於追到
:^(
:^(
月老的紅線
2020-8-4 22:56:24
已正皮
:^(
好人一生平安巴打
2020-8-4 23:11:48
聽日再加更
:^(
Ads
淫娃小三
2020-8-4 23:27:59
此回覆已被刪除
封城未呀
2020-8-4 23:50:06
我唔信你咁好死
:^(
:^(
係咪又係滾水陸JJ？
橘子綠茶
2020-8-5 00:25:59
已經有少少線索㗎喇，要唔要提示？
:^(
橘子綠茶
2020-8-5 00:26:57
好彩好丁
:^(
睇多啲就慣㗎喇
:^(
:^(
:^(
上一頁
第 12 頁
下一頁