「U get it。我根本就冇殺佢女友,呢個係眾所鳩知既,啊唔係,眾所周知既。最關鍵係,佢女友根本就活生生,係佢隔離咋嘛,跟住我就同佢講佢女友就係隔離,叫佢冷靜喇,點知佢指住其中一級梯級,然後話佢女友條屍就係果度。果下全場都shocked曬,覺得佢一定係癲咗,點知另外一個風疹學生都有類似既發癲行為!我真係好驚訝,呢個時候果兩個學生忽然對我地施以襲擊,因為佢地手上持有本來用以防身既剪刀,好幾個隔離既中年人流
血受傷。情況開始不受控,然後越來越多人開始出現精神恍惚,甚至係失常既情況,然後我同Sunny心知不妙,於是就逃走翻9樓,然後遇到……辛。」
「我就冇讀過Science,但聽過有一隻症狀叫化學物質過敏症,英文係multiplechemicalsensitivity。呢個係指對於某D化學成分,例如係殺蟲劑既化學物質過敏,造成既影響可以係呼吸道疾病、肚痛,但係都包括皮膚炎症。可能空氣中就係含有某種化學物質,我先假設係化學物質A,然後范先生你講既兩位學生本來對A都係皮膚過敏。日常生活中既空氣,呢D化學物質,先don’t fucking care what it is,重點就係,平時A佔空氣百分比只要係高少
少,let’s say 0.0001%,都可以導致皮膚敏感。但係,若果係0.1%呢?Sounds not serious,但已經超標1000times。若果係咁,過量A既空氣就會導致果D人既皮膚炎發作,導致急速生疹既怪象。」
「咁即係,寫字……唔係……刻字既人,係生還者,同我地一樣?」我詢問道,Toby熱情地點著頭。
「我覺得,可以上去睇下發生咩事。」Toby搓著雪白的雙手,表現充斥著希望。
「會撚唔會係伏嚟架。」阿毛暴躁的語氣提出的話卻引人深思。
對,會否是一個陷阱,吸引生還者到9樓,事實上是騙取一個殺戮的機遇呢?
非常合理。
Toby猶疑了片刻:「咁講啦,我覺得未必既,從刻寫既速度如此焦急,可以推斷出刻寫者心急如焚,可能係極之渴望比人營救。可能有人係9樓,面對生存既挑戰,宜家等待我地去拯救。我覺得,就算係陷阱,要置我地於死地,都應該冇事既。」
「冇事既?你用咩保證?」阿毛苦笑。
「放心,有我係度。」Toby甜笑著,自信滿滿。
活該的,我和阿毛真該自省一下,是否自己表現得過於不像男子漢,要一個弱質女孩保護我們。
「咁我地不如去搵下佢地?」Ashley徐徐舉手提議,我當然沒有予以理會。
儘管我也瞭解,此刻的我們如迷途羔羊,若果不及早採取行動或許會失去士氣。
或者說,「士氣」這個名詞從未出現在我的字典裏。
我的字典裏,並非沒有放棄。
「屌,你地成撚班都話去,咁未去囉。」阿毛一笑。
Toby及我亦並沒有表示反對,因此我們的9樓征途正式啟動。
寂靜的8樓,回復了些許的朝氣。
回復了數秒而已。
「我地不如去攞D架撐先……家陣就咁上去,如果人地要伏我地,就真係玩撚──」阿毛卻把話止住了,摸摸褲袋。
我不禁一怔,重複著相同的動作
摸到了。
那金屬的質感,陌生卻又熟悉。
我竟然忘掉了如此重要的物事。
細小卻又致命的器械,原來一直藏在我的褲子口袋裏。
Toby盯著拿出手槍的我倆,樣子甚是驚愕:「你地點解……」
Ashley連忙告訴她,為何我們會得到這兩把手槍。
那是我倆在黑幫的暴亂槍戰中的戰利品。
Capricorn被凌辱以及被至親殺害的畫面浮現腦海,歷歷在目。
我咬著下唇,那些慘不忍睹的殘酷,卻無法從模糊的腦海裏抹掉。
火警鐘聲又響起,升降機應該已經到了7樓,然後沒有生還者進內。
「哦……幾好幾好哈哈。」Toby輕輕一笑,繼續咀嚼著Four香口膠,「不過如果9樓真係發現到生還者,最好我地就唔好顯出過度既戒心,如果唔係對方就算本來衷心求救,見到你地既手槍,都會作出防備甚至主動襲擊。」
我和一向衝動的阿毛連番點頭,把手槍擱回褲子後袋,於是我們便出發了。
Toby給予我的感覺跟Mktor重疊起來,Toby同樣是天資聰敏,具冷靜的分析能力,帶領著我們進行理性推論。然而,她比起冷酷無情的Mktor少了一份獨裁的風格,同時感情豐富。
當然,其中一個最大的分別是,她是一個漂亮的女生,而Mktor是一個不折不扣的Mk仔。
我們進入了後樓梯空間,這時候火警鐘聲停下,或許升降機往6樓進發了。小貓朗朗訓練有素,在後樓梯行走,連一聲「喵」也沒有發出。
Toby果然對鋼琴貓訓練有素。
我們往9樓進發著,事實上從8樓走上一層不過數秒的距離,卻足以造就一個幻想的時刻。
忽然想起了夢境裏正是灰貓引領我在後樓梯往上走,到達了14樓升降機大堂。
此刻的牠,不聲不響跑在最前,感覺就跟夢境裏的一模一樣……
這隻貓,同樣給予了我詭祕之感,深不可測……
我忽然記起了喪生的Toby與阿毛,還有血口張揚的妖怪女孩Ashley。
可此刻他們明明就全都好好地活著啊。
後樓梯空間此刻回復了寂靜的氛圍,彷彿黑幫的爭鬥已經暫告一段落,他們達成了和解,抑或已經戰鬥至兩敗俱傷了?
我打醒十二分精神,直至Toby在防煙門前猝然停下。
我從防煙門外的位置瞄到裏面的「9」字顯示牌。
我鬆了一口氣,最戰慄的景象,幸好並沒有呈現。
Toby向我們比手畫腳,示意我們準備好闖進9樓的空間。
9。
9。