Ads
到第二朝早,Luigi 返學校,上到黎三樓,就有幾個同學圍住佢,不斷大叫佢 「情聖」,Luigi 覺得好奇怪,然後佢去到走廊既壁報板,好多人圍左喺度,一見到 Luigi 大家就起哄。Luigi 一望壁報板,就見到自己封情書貼左喺上面。
周圍既人不斷取笑 Luigi,Luigi 覺得無地自容,即刻推開所有人,撕走封情書,就跑走左上天台。
上到黎天台,Luigi 覺得好難堪,佢第一次萌生左自殺既念頭,呢個時候,我叫停左佢。
「Luigi,自殺係解決唔到問題。」
「請問你係...?」
「我叫阿威,都係讀中三。」
阿威係一個身材高大既學生,染金毛,俾人一種古惑仔既感覺。
而自從我得到阿威呢個身份之,我有時會代替 Luigi 主控身體,一遇到其他人既欺凌,我就會作出反抗,有時打起架上黎,阿威一個打四個都無問題。
而 Luigi 係無作為阿威時候既記威,佢見到其他同學口腫面腫,開始唔再欺凌佢既時候,佢覺得係阿威幫緊佢。
但返到屋企,對於老豆既虐打,阿威出唔到黎幫助 Luigi,因為對 Luigi 黎講,阿威係同學,佢係唔應該會喺屋企出現。
之後既中學生活,因為無再有人欺凌Luigi,Luigi 既生活都過得好平淡,唯一一個心結,就係唔知點解 Christine 要貼封情書出黎。發生呢件事之後,Luigi 無再去操場,就算喺走廊見到 Christine,佢都選擇調轉頭走開。
Ads
Ads
https://lihkg.com/thread/212618/page/14?ref=android
位巴打就黎唔得喇
Luigi可唔可以過去集氣 :^(