[穿越/愛情]《我同鍾意咗十一年嘅人表白,佢竟然跳海死咗》(5)(可能係結局post?!)
上一頁
第 33 頁
下一頁
黑犬風易
2020-7-21 17:27:08
又得啫
:^(
Ads
黑犬風易
2020-7-21 17:27:31
今晚仲有
:^(
成皇志
2020-7-21 17:27:37
最後真係神智錯亂
:^(
黑犬風易
2020-7-21 17:27:54
結局開去新post都好
推得爆就爆啦
:^(
:^(
黑犬風易
2020-7-21 17:28:24
阿軒變痴線佬 完
:^(
:^(
執葉律師(已完)
2020-7-21 18:12:59
想同阿軒講:「唔夢想,又何來夢想成真呢?」
就算微乎其微 點都返去試一試啦
:^(
:^(
阿晴仲等緊你ga
:^(
:^(
奇點
2020-7-21 18:15:52
誰人能像我不斷為夢幻喝采 而此刻始終相信有希望存在
快d 出文啦 樓主 唔好拖我地啦
:^(
:^(
黑犬風易
2020-7-21 18:21:02
希望阿軒收到
:^(
黑犬風易
2020-7-21 18:21:22
今晚就有啦 唔拖唔拖
:^(
奇點
2020-7-21 18:27:18
其實假設樓主套嘢拍得成電影/ 電視劇- 有無ff 過邊個演員係男女主角etc
:^(
:^(
:^(
黑犬風易
2020-7-21 18:38:25
Waaaaa真係無諗過
你咁問要諗下先
:^(
大家有冇覺得邊個啱
:^(
Ads
黑犬風易
2020-7-21 18:46:10
我覺得babyjohn蔡瀚億做九公可能幾有feel
時間一去不返
2020-7-21 18:46:29
放飯推下
奇點
2020-7-21 18:46:56
吳肇軒 做阿軒?
:^(
黑犬風易
2020-7-21 18:48:05
都有feel
:^(
反而女角難諗
黑犬風易
2020-7-21 18:48:25
多謝時間巴幫推
:^(
奇點
2020-7-21 18:50:26
王思敏 (sadiebyng) / 蔡思韵/ 蘇麗珊/ 王淨?
:^(
:^(
黑犬風易
2020-7-21 18:51:16
有諗過蘇麗珊做阿晴
:^(
奇點
2020-7-21 20:02:23
咁咪變差一點我們會飛 2.0
:^(
楊天宇做蕭揚?
:^(
黑犬風易
2020-7-21 21:12:16
(八十一)續
(夜更)
聽起來,成功的機會,微乎其微。
可是。
「即使改變唔到阿晴嘅死,我都可以改變到另一樣嘢。」我釋懷地笑著說:「我至少可以親口同到阿晴講一句『我愛你』,同埋俾佢喺死之前知道,即使係點樣嘅佢,佢都會係可以帶俾我幸福嘅人。」
天使聽了我的話,一時間沒有接話,只是低著頭在沉思。
「其實你講得啱,我一直都好鍾意阿晴,由第一眼開始就已經鍾意佢。
但一直以嚟,因為怕、因為擔心,我都唔敢去表白。
直到失去咗,我先發現,有啲嘢其實應該一早講;有啲責任,其實一早應該由自己去負責。
你講得啱,若果想得到幸福,其實,就應該由我同阿晴兩個負責,而唔係只係假手於人,寄望由其他人去陪自己愛嘅人去得到幸福。
我一直以嚟都話,無夢想,邊得嚟夢想成真呢?
但原來有夢想係唔夠㗎。
有夢想之後,就要親手將佢實現出嚟,只有咁樣,先可以夢想成真。
而一個人嘅力量唔夠,所以,我需要同阿晴一齊努力。
所以,即使我都係改變唔到阿晴要死嘅命運,但我至少要俾佢知道,佢無愛錯過我,而我,亦一直以嚟都咁愛佢。
我好想,俾佢知道,佢唔需要再自己一個苦苦堅持,因為,我哋可以兩個人一齊堅持。
呢件事嘅最後可能我會完全失憶?或者有其他影響?
但係,今次我想跟自己嘅心意去做一次。
自己嘅幸福,永遠都唔應該交俾人哋去負責。
所以,我想由我自己去決定自己嘅幸福,仲有為我最重視嘅人帶嚟幸福。
我覺得,刻意忘記傷痛而建立嘅幸福只係自欺欺人。
以前,當我面前有99%成功機會嘅時候,我都唔敢去為阿晴帶嚟幸福。
但係,而家嘅我明白,其實,機會唔係必然嘅,話有就有,話無就可以無。
今日,我情願揀為咗最後呢1%嘅可能去換我同佢真正嘅幸福。
我嘅幸福,就只有阿晴,所以即使只有1%成功機會,我都要試。
我要,再追阿晴一次。
你放心,今次同之前嘅穿越唔同。
因為唔係由我去守護阿晴。
今次我唔係孤軍作戰。
今次,係由我同阿晴,一齊去守護我哋嘅幸福同未來。」
在我說話期間,我發現自己不知不覺間握緊了拳頭,整個身子也在微微抖動著。
對上一次有這感覺,好像已經是在中學時代將要進行班際籃球賽決賽的時候。
這抖動並不是來自緊張或害怕,而是對終於可以面對最重要一戰的興奮感。
這身體的抖震正在告訴我,我已準備好跟歷史的自動修補力量開戰了。
「好啦,既然你有咁嘅決心,我唯一可以做嘅,就係支持你。」天使的溫柔笑容終於重現臉上:「的確,未來係點係無人知道嘅,可能你只需要做出少少嘅改變,結果已經可以改變好多。」
得到天使的認同,我不禁感到安慰。
「我啱啱諗到,阿晴結婚日呢個回憶載點之所以會出現咁大嘅唔同,其實一切都係嚟自你嘅努力。因為你趕走咗盧業成、盡力咁為阿晴搵一個新嘅伴侶,甚至將你同阿晴嘅相處之道同Owen分享,最後先會出現咗阿晴同Owen結婚呢一個全新嘅結局。
而且,喺每個回憶載點入面,其實你亦都改變緊阿晴心入面對你嘅感覺。喺穿越時空嘅過程入面,雖然你睇唔到阿晴心入面嘅反應,但你同佢共舞、為佢完成生日願望、摩天輪嘅表白、趕走intern嘅追求者、長洲渡假屋嘅對話,仲有好多好多由你帶嚟嘅新片段都會令阿晴對你嘅好感增加。
我想講嘅係,雖然你哋因為心入面嘅退縮最後都係無一齊到,但係,唔代表你曾經穿越嘅努力係白費嘅。
假如你跟住落嚟決定要穿越去阿晴嘅婚禮,你以往所做嘅都會成為你嘅基礎。
所以即使以前嘅改變唔多,但歷史的確不知不覺間因為你而改變緊原有嘅軌跡。」
蕉熊
2020-7-21 21:12:54
個人建議,因為PENANA係每個章節都可以LIKE,換言之其實兩三個人LIKE晒就可以完成150加更個任務
:^(
希望可以高難度啲,唔想作者爆肝
:^(
Ads
黑犬風易
2020-7-21 21:12:56
提前開始夜更
:^(
:^(
黑犬風易
2020-7-21 21:13:50
多謝你關心我個肝
:^(
花生友01
2020-7-21 21:39:09
推
:^(
迪士尼三眼妹
2020-7-21 21:41:31
我要happy ending呀樓主
:^(
上一頁
第 33 頁
下一頁