[互動故][打鐘放學]《Zoom lesson》 (4)
上一頁
第 4 頁
下一頁
扮工閒人
2020-7-8 22:25:28
A
Ads
天使もえ
2020-7-8 22:32:49
A
月滿軒尼詩
2020-7-8 22:52:57
A
觀塘美欺
2020-7-8 23:37:46
如果本身估到會唔會推動到劇情有咩影響
定純粹真係估下就算
:^(
白花油
2020-7-9 05:39:36
B
雙飛人打手
2020-7-9 10:41:12
A
P牌說故事
2020-7-9 17:50:18
:^(
諗都覺得恐怖
P牌說故事
2020-7-9 17:51:58
估啱或估錯會有影響
:^(
P牌說故事
2020-7-9 17:52:26
「你有冇諗過自己遲啲結婚會係點?」我問。
「雖然唔想承認,但真係有。我諗每個女仔都應該有諗過掛?始終結婚都係一生人一次嘅大事......」提及到這個話題時,Janice顯得害羞及少許不安。
「無問題,好正常姐。咁你幻想中嘅會係點?唔通同韓國人一樣著住韓服影?」我嘗試舒緩氣氛,讓她更安心地講出心底話。
「我講出嚟,你唔準笑㗎。」她耳朵漸漸泛紅起來。
「我點會笑你。」我期待着。
「我想所有嘅親朋戚友都見證自己結婚嘅moment,比佢哋見到我最幸福嗰個樣,而地方都要係白雪雪,喺有夢幻同浪漫feel嘅教堂行禮。」單是文字描述,她經已笑容滿面。
「咁結婚相呢?唔通你都要著曬韓服咁?」我追問。
「唔要,我唔鐘意咁傳統,都係普通婚紗就得,而地點就想去少人嘅郊區影,咁樣可以表達出世界淨係得翻我哋嘅感覺。」
「你都諗得幾仔細喎。好啦好啦,我考慮下啦。」我笑說。
「唔準笑啊!你又話唔笑,邊個要你考慮喎~」她扮作生氣道。
「邊有笑,我不知幾認同你講嘅嘢,我會好好記住。」
接着,她轉移話題:「今晚係喺韓國最後一晚,估唔到咁快又要走,無得日日見嚕。」
「既然喺最後一晚,不如今晚玩盡啲,我哋隊酒?」
「但聽日最後一日,怕唔怕飲得太醉,聽日起唔到身㗎?咁咪會浪費時間囉。」
Janice所言甚是,但難得倆人第一次到外地旅行,而且亦是最後一晚,那我們當然要以特別的方式去慶祝。
雖然有點擔憂明天會睡至中午,但只要大家適量地喝酒,並且調較好鬧鐘的話,應該沒有問題吧?
我應否堅持於晚上喝酒的提議呢?
A、堅持
B、打消想法
扮工閒人
2020-7-9 18:02:14
去南泡就試下啦
:^(
扮工閒人
2020-7-9 18:02:45
A 去旅行當然要盡興
Ads
妖治時代
2020-7-9 18:08:58
A
:^(
:^(
:^(
:^(
謝振美(送中)
2020-7-9 20:26:07
A
白花油
2020-7-9 20:57:13
A
時間一去不返
2020-7-9 21:00:19
B
精子動尾不動頭
2020-7-9 21:03:23
A
飲酒會有親密接觸
:^(
天使もえ
2020-7-9 21:53:22
A
過路風箏
2020-7-9 22:40:23
A
:^(
雙飛人打手
2020-7-10 00:54:44
A
月滿軒尼詩
2020-7-10 01:05:27
B
P牌說故事
2020-7-10 01:14:17
唔知會唔會變咗做男主咁
:^(
Ads
P牌說故事
2020-7-10 01:15:09
男豬表示自己係靠實力 唔洗要酒
:^(
:^(
P牌說故事
2020-7-10 01:15:49
諗過
:^(
但唔想咁寫
P牌說故事
2020-7-10 01:16:00
「唔會有事嘅,難得係最後一晚嘛,你唔想好好紀念下咩?如果真係怕起唔到身,我哋都可以較鬧鐘。」我提出解決方法。
「咁啊......」她似乎還在考慮。
「唔洗諗啦,就咁話。」我為她下決定。
如是乎,我們晚上的額外活動就是到超級市場選購酒精飲品。
「睇韓劇啲人都飲燒酒,不如我哋都買嚟飲下?」Janice拿起燒酒說。
「想買就買,今晚我哋咩酒都飲!」我興致勃勃地說。
由於今晚為逗留韓國的最後一夜,所以我們都較豪爽地購買自己心儀的酒,無需擔憂沒有足夠經費預留至明天。
「燒酒、啤酒、紅酒同白酒都買咗,仲有冇其他嘢要買?」我點算着車內的酒精飲品。
「我哋得兩個人咋喎,會唔會太多?」
「你唔係話自己好飲得㗎咩?住Hall嗰時比人練到好好酒量?」我質疑她的酒量。
「係唔錯嘅,但我無打算飲咁多。」
「咁拎翻啲走。」我作勢捨棄某部份酒,可她馬上阻止道:「唔緊要啦,反正都拎咗,廢事再擺嚟擺去。」
「Ok,而加比錢?」
「Go!」
由此,我們把不同種類的酒帶回民宿,準備於整個晚上細味它們。
「飲之前要較鬧鐘先,廢事一陣唔記得。」Janice非常細心。
「有鬧鐘,唔怕!」
設定好鬧鐘時間後,彼此都急不及待地從櫃桶拿取像樣的杯子,然後碰杯喝酒:「Cheers~」。
「嗯~好飲。」我讚歎其味道,Janice則靜靜地品嚐着。
「就咁飲唔夠好飲,我哋猜枚!」我提議道。
「嚟咪嚟!」
不知不覺間,大家都喝了不少酒精飲品,從Janice的臉色可見,她經已滿臉通紅,更高興地哼着歌:「記住要共最美的人分享每個夜晚~」
我見狀隨即問道:「你係咪醉啦?」
「我無醉!我仲可以飲!」說罷,她又大口大口地把酒倒在口中。
看來她開始產生醉意,我趁着其機會,馬上利用手機錄下她的行為,並且詢問Janice:「你最鐘意邊個!」
「你做咩用手機影住我!」想不到她還有僅餘的理智。
「你好睇嘛,快啲答我,你最鐘意邊個!」我重複問題。
「咦~好衰囉,你明明知㗎,做咩問人喎。」她忽然變得嬌嗲起來,難道這就是Janice的內在性格?
「快啲講~」她遲遲不肯回答,我突然感到害怕,生怕她會說出其他人的名字。
「飲!飲完先講!」沒想到,反而變成她灌醉我。
為了得到答案,我亦奉陪到底,彼此就如把酒當成水一樣飲掉,完全沒有停頓猶豫。
同時,我也因而開始感到醉意,言行也有點不由自主,我只不斷重複其問題,而她則一直要求我喝酒。
我最後甚至出現斷片的情況,完全無法憶起昨晚的一切,最後的記憶就只有耳邊的一句:
「我最鐘意嘅人就係你。」
P牌說故事
2020-7-10 01:16:28
//
未幾,我從沉睡中醒來,而我轉身查看Janice 期間亦不小心地把她弄醒。
「而加幾點?」她問道。
「唔知喎,鬧鐘無響過,應該十點幾?」說罷,我拿起手機查看。
......我眼花了嗎?怎麼會這樣,時間怎會為下午三時,沒可能吧?
「做咩?」她對此毫不知情。
「呃......我哋好似坐咗時光機。」
「你係咪未訓醒?而加幾點姐?」
「三......三點。」我心虛回應。
「咩話!我明明較咗十點半㗎喎!點解會咁㗎!」她隨即搶奪我手上的手機檢查。
得知其為事實後,Janice生氣得破口大罵:「我都話唔好飲㗎啦!我哋七點上機,兩個鐘頭前要到,仲未計坐車時間,我哋乜都未食,想去嘅地方又無時間去!而加好啦?嘢都唔洗食,飲飽酒就夠!」
然後,她氣沖沖地走進廁所梳化,剩下我一人躺在床上。
看着那一罐罐的空酒瓶,我就意識到自己接着的下場將會為一場大災難。
我連忙走到廁所門前,在外故作可憐道:「Sorry啊,可能係我㩒熄咗都唔知,尋晚又飲大咗,唔緊要啦,我哋下次再去過,唔好嬲啦。」然而,她沒有回應。
直到她步出廁所,Janice才回應:「下次下次,我想嘅係而加,並唔係下次。一早話咗唔好,較咗鬧鐘都可以比你㩒熄,我點樣唔嬲啊?」我從未看過她如此生氣。
不管我如何安撫Janice情緒,她仍然為此耿耿於懷,一直冷淡我,說晦氣的說話。
我只好死氣地伴隨她在側,嘗試讓她獨自冷靜,到底她何時才會原諒我?其實這也算是小事吧?用不着如何惱怒。
然而,Janice 從離開民宿至到達機場的一路上都沒有理會我,把我當作透明人一樣。
如今,我們坐在登機閘口附近的座位,她甚至連參觀機場的意欲都沒有,我應該採取甚麼的方法,令她消氣?
A、嘗試用擁抱及親吻的方法
B、嘗試理性討論,協議回到香港前要消氣
C、嘗試用whatsapp 傳送想說的話
D、做出令她爆笑的行為
E、裝作身體不適,讓她關懷自己
F、放任不管
上一頁
第 4 頁
下一頁