觀塘美欺 2020-7-28 21:56:46 A

天使もえ 2020-7-28 22:30:40 A

時間一去不返 2020-7-28 22:36:56 A

P牌說故事 2020-7-29 01:15:53 退後一萬步來想，如果我只是一個普通人的話，聽到這些事情都會因而動容，並且為當事人取回公道吧？

即使當時人並非我的學生，但我又怎能為自己的前途而無視她的痛苦？

不過，我總不能與鄧Sir正面衝突，亦不可打草驚蛇，有甚麼方法既能隱藏自己的身份，又能令他的惡行傳開？

......對了，怎樣我沒有想過強大的網絡威力？

「如果將件事放上網，我隱藏你朋友身份，咁咪可以用群眾壓力令鄧Sir自己走？」我把此想法告知佩欣。

可她拒絕道：「唔得！雖然其他人唔知，但鄧Sir就一定會知佢係爆咗件事出嚟，可能會威脅佢，咁樣都唔係咁好，有冇其他辦法？」

這經已是最好的方法......

「或者唔只佢一個受害人？佢做得第一次就會有第二次。」我推斷。

「咁真係唔知喎......佢哋就算有都應該唔敢講。」

「你有冇辦法幫手問下？打探下關於鄧Sir嘅事。」

「都可以嘅.....」

「總之我一定會幫，你叫你朋友收集下證據，順便睇下有冇其他受害人，我自己都會幫你check下。」我向她承諾。

「好......咁聽日再揾你！」

於是乎，我開始向同事打探，但不能做得太明顯，否則就會惹人懷疑。

「鄧Sir平時係點嘅人？」我於午餐時向同事問道。

「做咩咁問？」Amy問。

「呃，無啊，佢係我上司嘛。」我隨意編藉口。

「你係男同事應該就無乜特別。」她輕描淡寫道。

我追問：「咩意思？女同事嘅會特別啲？」

此時Joanne 插嘴：「咩啊，你之前話唔想理咁多辦公室政治㗎喎，而加又改變主意？唔通想擦鞋寫靚個Profile？」

「唔係，我點會喎。雖然我係想快啲儲夠錢拍拖結婚，但都唔會去擦鞋。」我堅決道。

「放心喎，鄧Sir對同性一視同仁，你正正常常做翻自己嘢就會升到，唔洗咁擔心。」Amy以此結束其話題。

她們有曾提起過關於鄧Sir的事情嗎？我完全對自己的回應沒有任何印象，怎麼我當時會錯失機會。

算了，還是回家再上網調查此人的底細。

我回家沒多久後，Janice亦一併回來。

「我翻嚟啦～咦？你睇緊咩？」她詢問坐在電腦面前的我。

應否把此事告知她呢？她會否認為我多管閒事呢？

A、告知
B、隱瞞

謝振美(送中) 2020-7-29 01:21:09 A

逆翔 2020-7-29 01:26:32 A

白花油 2020-7-29 02:37:43 A

天使もえ 2020-7-29 03:07:24 A

準備乞食 2020-7-29 03:18:08 A

未扑先知 2020-7-29 09:23:50 B

妖治時代 2020-7-29 10:24:53 A

夏雨 2020-7-29 10:27:03 A
會唔會就係鄧sir搞大Janice個肚

:^(

雙飛人打手 2020-7-29 10:39:24 A

P牌說故事 2020-7-29 17:54:30 相信Janice會明白我的用意，不會怪罪於我......

「學校有位女同學男同事非禮，受害人唔敢同我講，係佢朋友向我告發件事，但因為佢哋唔想搞大件事，所以我打算用討論區嘅力量去打沉佢。

可惜我唔係好了解嗰位同事，加上暫時未有太多證據，又唔知有冇其他受害人。所以而加就上網起下佢底先。」我坦白地說。

「呢啲人渣一定唔可以放過佢！你忍得一次，佢就會有第二次！個人渣叫咩名？做得耐唔耐？可能我有朋友會識佢。」Janice激動不已。

「佢叫......」

未等我說完，她接着說：「但除咗上網公審之外，點解你唔直接揾上頭Report 佢？咁唔係更加直接同埋快咩？」

我慌張回應：「咁、咁係因為鄧Sir係我上司加數學科主任，如果我做得太明顯嘅話，我怕佢會秋後算賬。」

「等等，你係話嗰個人姓鄧？」姓氏是重點嗎？不過某些姓鄧的人的確滿可惡。

「係啊，有咩問題？」

「全名係咩？」她忽然加強語氣追問。

「鄧廣祥......」我被她的反應嚇到。

她握緊拳頭道：「佢咁多年都係死性不改！我幫你！我幫你追擊到佢做唔到老師！」

「你識佢？你可以點幫我？」我疑惑。

「我點會唔識佢？呢世都會記得佢個名，佢就係令我落入地獄嘅人，好彩最後識到你，我先重新去接受自己，相信自己係值得被愛。」

落入地獄......？

「唔通佢就係令你......」我不敢把話說下去。

Janice肯定回應：「係，就係佢一知道我大肚就失蹤唔見人。以前我息事寧人，但而加佢仍然無變過，想傷害埋其他人嘅話，我係唔會再放過佢。」

想不到，Janice 的前度會是我的上司，而
他的醜事則由我的學生告發。

這些人看來毫無關係，實際上卻有着千絲萬縷的關係，這不得不令我驚歎緣份的奇妙之處。

「咁你打算點做？」有了Janice作為有力證人，相信推翻鄧Sir並非難事。

「我有佢以前嚟揾我嘅證據，我可以用受害人嘅身份開Po，睇下有冇其他人一齊爆料，無都唔緊要，總之要令件事有咁大搞到咁大，一定要有Noise。淨係輿論都夠煩，到時就用群眾壓力令佢跪低！」Janice在短時間內經已想出辦法，這反而令我有點不安，她一直都把此事銘記於心？想要報復對方？

我無法按捺住不安的感覺，故此開口向她問道：「你仲係好Care件事？你好似仲對佢有好大感覺......」

「咁啱講起佢先有情緒姐，件事都過咗咁耐，無咩值得記住啦。做咩啊？你平時都唔會咁大反應㗎，而加咁敏感嘅？」

「我都唔知，最近好似多咗情緒同諗多咗好多。」自從想到與Janice結婚為未來的目標之一後，我把所有心機都投放在工作上，也許是彼此最近較少溝通的緣故，間中亦會害怕將來，擔憂Janice改變主意，自己無法給予她未來。

「諗緊咩？講出嚟聽下？或者我幫到你呢，一齊分擔嘛。」

我把內心想法和盤托出，她聽到後卻笑而不語。

「有咩咁好笑喎。」我不快道。

「我以前會好怕你永遠都係大唔透嘅細佬，唔會識得去為我哋諗將來，直到今日發現你咁緊張我哋嘅未來，我先知道自己當時嘅擔心係浪費時間。

我講過㗎嘛，幾耐我都會等你，我唔想見到你為咗結婚而變得神經緊張，一啲都唔開心。

我鐘意嘅，係鐘意搞爛gag，但又好細心嘅你，而唔係皮笑肉不笑。」Janice細心開解道。

「......多謝你肯等我。」我無法用言語去表達對她的鍾愛。

「多謝你肯娶我就真。

講翻嗰單先，咁我用受害人身份開Po？」

「但咁樣嘅話，佢就會知你身份，或者爆你料。」我擔憂Janice的人身安全，或是遭受別人的閒言閒語。

「我唔怕，我只係怕無人講出嚟，咁先係最大嘅錯誤。」她眼神堅定不已。

「好，咁我哋要定咩主題好？個名要夠爆先可以吸引到其他人入嚟睇。」我問。

「唔知喎，你有冇咩建議？」

改標題的話，我亦算是有好幾個想法，不過未知那個的效果最佳。

A、突發！為人師表呃蝦條？
B、所有比鄧廣祥騷擾過嘅絲打入嚟
C、見標題即入
D、由Janice 決定
E、讀者們有興趣都可以自己低個標題，最多正皮就當選

P牌說故事 2020-7-29 17:54:49

:^(

P牌說故事 2020-7-29 17:56:24

:^(

作標題唔叻
所以有興趣嘅巴絲可以拋下磚

:^(

逆翔 2020-7-29 18:53:31 B

:^(

無咩創意sorry
Btw 鄧廣祥係張紫彤個ex?

:^(

P牌說故事 2020-7-29 18:59:15

:^(

無錯 恭喜你發現彩蛋

:^(

天使もえ 2020-7-29 19:04:14 B

戇鳩平 2020-7-29 19:29:17 B

:^(

:^(

:^(

吳海昕男朋友 2020-7-29 20:53:21 好耐冇睇，終於追到post4
B

:^(

:^(

白花油 2020-7-29 21:37:53 A

雙飛人打手 2020-7-29 23:40:31 B

謝振美(送中) 2020-7-30 00:10:30 E
[突發]鄧sir淫照流出

謝振美(送中) 2020-7-30 00:10:58 加埋[多圖]