CD_ROM 2017-4-23 14:05:35 此回覆已被刪除

羅獅虎 2017-4-23 14:26:52 支持

:^(

床上奶牛 2017-4-23 14:33:43 此回覆已被刪除

底已被起 2017-4-23 14:39:50 留名

林太史 2017-4-23 16:22:38 《吠陀經》有四部。同粵劇一樣，分開唱、做、唸、打。

第一部，即係最原始嗰部，叫《梨俱吠陀》（Ṛgveda），記載咗1028首詩，呢D詩都係讚頌印度教既神。

第二部叫《娑摩吠陀》（Sāmaveda），入面既内容同《梨俱吠陀》差唔多，不過入面就有埋樂譜，方便人將詩歌唱出來。

第三部叫《夜柔吠陀》（Yajurveda），入面係文章，教導舉行宗教儀式（通常係獻祭或拜神）既步驟。

第四部叫《阿闥婆吠陀》（Atharvaveda），入面主要係巫術咒語，驅魔儀式等等。想打風、打人、打妖魔鬼怪都可以幫倒手。


《吠陀經》響羅馬建城前已經出現，絕對稱得上歷史久遠，所以同其它古老既多神宗教一樣，都係以崇拜自然風物為主，例如水神伐樓拿（Varuṇa）、風神伐由（Vāyu）、死神閻摩（Yama）等等。不過，最重要既神有兩個：

一，火神阿耆尼（Agni）。當時印度人用火焚燒祭品畀神明，所以火就係神同人溝通既橋樑，亦因為噉，火亦係祭司既象徴。

二，雷神因陀羅（Indra）。同宙斯一樣，佢係天界眾神之首。響佛經入面，又被稱為帝釋天。


因陀羅既武器叫「金剛杵」（Vajra），有掌控雷霆之力。


曼谷市徽上面既因陀羅

《吠陀經》既年代，印度重未有文字，但係《吠陀經》所用既語言係非常古老而複雜既吠陀梵語（Vedic Sanskrit）。吠陀梵語絕對係煩過梵蒂岡，例如話，英語動詞最多有 8 種形式（be, being, been, am, are, is, was, were）；梵蒂岡用既拉丁文，動詞有大約100種形式；古希臘文，即係蘇格拉底、柏拉圖嗰種，動詞有大約400種形式；而吠陀梵語既動詞有1000種形式。

《吠陀經》作為宗教經典，需要一字不漏噉傳承落去，但係隨住時間流逝，日常生活所用既口語已經冇吠陀梵語咁複雜。於是為咗更深入了解《吠陀經》，就有三樣嘢誕生：

1，式叉（śikṣā）。呢個係研究梵語讀音既學科。研究發現，梵語有34個聲母，14個韻母。式叉學者對呢D聲母韻母既讀音都有描述。

2，梵書（Brāhmaṇa）。呢D「書」會用比較簡單既梵語去解釋《吠陀經》既内容。

3，《聲明論》（又譯《八篇書》，Aṣṭādhyāyī）。呢個作品有3959句，涵蓋吠陀梵語九成既文法。呢九成既文法就係經典梵語（Classical Sanskrit）既基礎。自此以後，梵語文法再冇演變過。值得一提既係，波你尼仙人作《聲明論》既時候，印度依然重未有文字。


《聲明論》定立何謂標準梵語之後，梵語走出印度河谷，成為印度全境包括斯里蘭卡同孟加拉既通用語言。族群之間既對話，導致文明同貿易既發展。印度既第一種文字，婆羅米文（Brāhmī script）。

隨住見識既增長，《吠陀經》已經不合時宜。一來《吠陀經》讚頌既風神水神實在太過原始，二來《吠陀經》既用語太過古老，難以普及。

於是印度教開始荒廢《吠陀經》，轉而著重奧義書、往世書，同埋兩部偉大史詩。


婆羅米文石刻

石田佐吉三成 2017-4-23 16:27:42 一切都係為左Veda

林太史 2017-4-23 16:30:43

一切都係為左Veda

高達00？

眠猫 2017-4-23 16:50:09 留名

:^(

膠佬 2017-4-23 18:24:15 此回覆已被刪除

咪撚戇鳩啦 2017-4-23 18:38:09 泰國，東南亞最正國家

:^(

林太史 2017-4-23 21:48:12 人一開始征服自然，就會開始質疑宗教。例如話，我而家有能力起一間唔會被風吹冧嘅樓，噉我重有咩需要拜風神呢？喺呢個moment，要爆啦——之前講咁多大話都要被人督爆啦，祭司以後搵唔到食啦，點算好？聰明嘅祭司，開始探討嗰D當時嘅科學解答唔倒嘅問題，例如人死後會去邊，又例如世界係點樣開始，又會點樣完結。

奧義書就係呢個時期嘅產物。奧義書開始討論《吠陀經》嘅哲學內涵，宇宙嘅終極真理。點解要信教？係因為人需要解脫（mokṣa），永遠離開輪迴（saṃsāra）。點樣解脫？每個教派都有唔同講法，不過大家都認同嘅係，追求解脫同追求物欲（artha）愛欲（kāma）並唔衝突。呢個係其中一個印度教同佛教唔同嘅地方。

問題來啦，要拜咩神先可以解脫？唔通拜風神，雷神就可以解脫？當然唔得，所以要推銷D新嘅神等人拜。兩大史詩嘅出現就好合時啦。

1.414 2017-4-23 22:17:58 lm

肝膠所 2017-4-24 01:22:52 留名學野

:^(

:^(

假膠 2017-4-24 01:53:20 冇興趣，j歷史不如j現在

:^(

:^(

想知秦國芒果同榴蓮有咩心得

:^(

傻傻傻子 2017-4-24 01:56:06 此回覆已被刪除

綠帽鹿角 2017-4-24 02:13:45

冇興趣，j歷史不如j現在

:^(

:^(

想知秦國芒果同榴蓮有咩心得

:^(

你呢啲去幾多次旅行都唔會增廣見聞

:^(

不過秦國啲生果確係正

肝膠所 2017-4-24 18:00:59

:^(

:^(

補時絕殺 2017-4-24 18:23:24 半個泰仔留名學野

:^(

林太史 2017-4-24 23:41:51 所謂兩大史詩，一部叫《摩訶婆羅多》（Mahābhārata），另一部叫《羅摩衍那》（Rāmāyaṇa）。

「摩訶婆羅多」意思係偉大既婆羅多王既後裔。《摩訶婆羅多》比《羅摩衍那》喺印度較受尊重，一來《摩訶婆羅多》比《羅摩衍那》長四倍，二來《摩訶婆羅多》比《羅摩衍那》更深入噉討論印度教哲學同世界觀，三來印度人自稱係婆羅多王後裔，亦自稱印度做「婆羅多王後裔既共和國」（Bhārat Gaṇarājya），四來《摩訶婆羅多》記載咗神嘅話語。準確來講，係黑天（Kṛṣṇa，英文慣稱Krishna）嘅話語。記載咗神嘅話語嗰段史詩被尊稱為《薄伽梵歌》（Bhagavad Gītā），係印度教惟一記載咗神嘅話語嘅經書。

《摩訶婆羅多》總長一百八十萬字，同嗰D支那網絡小説一樣死唔斷氣。因為實在太難背誦，所以只有一D零碎故事從印度傳入東南亞。

例如話，去過曼谷新機場都會見過呢舊嘢：



佢地揸住條巨龍做緊乜？聽日再講。

肝膠所 2017-4-25 01:06:52

:^(

:^(

:^(

濃情一秒 2017-4-25 01:13:25

:^(

連環不幸事件 2017-4-25 01:29:21 lm

你有我但我有誰？ 2017-4-25 01:34:49 留名
我愛泰國

:^(

哥羅飛人 2017-4-25 01:43:22 此回覆已被刪除

汪汪真鳩喂 2017-4-25 01:52:48 係外交好少少
但比緬甸打爆之後就再扯唔起
仲要有6000萬人
有油田同有稀有金屬都搞到咁廢
發展工業強軍，再開條運河己經屌打馬六甲
以泰國得天獨厚既地理優勢同資源都只有保持獨立呢個成就
我個人覺得非常垃圾