妖治時代 2020-7-9 15:11:00 彤彤前夫

:^(

福斯的背叛 2020-7-9 15:12:40

:^(

米椏 2020-7-9 21:31:50 唔好輸

:^(

:^(

福斯的背叛 2020-7-9 21:33:40 阿俊話應承住你先喎

:^(

西暪史硬 2020-7-10 13:46:18 唔好輸呀，千祈唔好輸

:^(

:^(

福斯的背叛 2020-7-10 13:59:23 阿俊話會盡全力

:^(

福斯的背叛 2020-7-10 22:23:12 24. Alan的身份？

當我一聽到這個名字，腦海裏浮現出小彤長大後和我重遇時的片段。

在街上的我和小彤與她的女兒相遇，我還記得她說過她的前夫叫Alan。

當時的我也看到小彤的女兒晴晴背包上掛着一個名牌，而我依稀記得名牌上面的名字是寫着「徐芷晴」。

「阿俊，你搞咩呀？」李老師的聲音把我帶回現實。

「係囉，小宇，好多人睇住㗎，坐返低先啦。」在我旁邊的小彤拉着我的手臂示意我坐下。

「無理由Alan咁早出現㗎喎，我明明記得Alan 係小彤係外國讀完書返嚟香港之後先識，冇理由而家就會出現㗎？」

此刻的我不確定這個Alan是否就是將來令小彤變成單親媽媽的那個Alan，但是我也不知道怎樣證實他的身份，所以我也只好坐下來。

「咁Alan你就坐係小彤隔離啦，佢上年係插班生應該都可以幫你適應下校園生活，至於其他同學就重新調過一次位啦。」

「下，唔係掛。」班上有些人顯然不滿意老師的決定。

「究竟可以點證實呢？」我只顧想着如何證實Alan的身份卻沒有聽到老師的話。

「喂，小宇你係度諗咩啊，老師話要調位啊，你仲唔快啲汁野？」小彤搖一搖我的手臂。

「咩話？調位？你要同邊個坐？」我一時情急捉着小彤的雙手問。

「咪同新嚟嗰個Alan 囉，你做咩咁緊張啊？」小彤臉紅地輕輕掙脫開我的手。

「冇啊⋯⋯我驚我上堂有野唔明，我問唔到你姐。」此時的我暫時選擇以謊言蓋過我的心意。

「哦⋯⋯唔緊要啦，放學或者食飯嗰陣你可以問我㗎嘛。」小彤笑容滿面對我說。

「嗯，咁好啦。」我只好收拾東西準備調位。

幸好我的座位調位後也是在小彤座位的後面，而Alan就坐在小彤的旁邊，而黎楓芷就坐在我旁邊。

「你好我叫Alan，你叫咩名？」我看見Alan一坐下就向小彤打招呼，並伸出他的手。

「我叫楊小彤，就快上堂唔講住。」小彤說話的過程沒有看着Alan，也沒有伸出手去握着Alan的手，令到Alan的手就這樣懸浮在半空之中。

「好。」Alan雖然臉露尷尬，卻也令我留意到他的眼中閃過一絲憤怒之色。

「你好，我叫黎楓芷，英文名叫Betty啊。」黎楓芷拍一拍Alan的肩膀。

「噗。」豈料Alan竟然無視了黎楓芷，令我不禁笑了出來。

「笑咩啊死毒撚？人哋呢啲叫cool。」看來黎楓芷已經迷上了Alan。

當天整日的課堂小彤對Alan的搭訕也是愛理不理，反而當我一有事找小彤時，她就面露笑容耐心地答我。

放學後我與小彤一起相約離開學校，而在離開之前我就打算去洗手間。

在洗手間裡面我遇上了Alan，我想向前走一步，他卻擋在我面前。

「唔該借借。」我不耐煩地說。

「你同小彤咩關係？」Alan質問我。

「關你咩事！」我反擊說。

「我警告你同小彤保持番啲距離，如果唔係你一定會後悔，我話俾你聽小彤一定係我嘅，而你一定係失敗嗰個」Alan自信滿滿地說。

Alan說完後準備離開洗手間，臨走之前他在我耳邊說了一些話。

「你唔夠我鬥㗎啦，我知你都係穿越者，但係我嘅力量你係想像唔到，同我鬥你一定會後悔。」

我聽完這句說話後頓時令我震驚到呆在原地。

「點解佢會知道我係穿越者⋯⋯」我心裡疑竇叢生。

我如廁後也離開了洗手間，當我來到校門時發現小彤正在看着校門旁邊的壁報板。

「彤彤你係度睇緊咩啊？」我來到小彤的旁邊問。

「冇啊，我睇到學校足球隊招新嘛，有啲好奇姐，男仔踢波又幾型喎⋯⋯」

「係咩？」當我一看到海報底下聯絡方式的名字時，我突然感到有點不安。

「如有興趣，請到3D班找足球隊隊長徐天成。」

「喂，小宇你望到呆曬嘅，有冇事啊？」小彤拍拍我的肩膀。

「冇事⋯⋯可能有啲攰姐，小彤啊，不如我去報名參加足球隊好唔好？」我忽然想起如果Alan有踢足球的話，必須要阻止Alan在小彤面前獲取好感。

「做咩無啦啦想參加嘅？不過你想去嘅話，我會支持你㗎小宇。」小彤微笑地對我說。

「嗯，咁我聽日就返學校報名。」

我們之後一起走了一段路。

「好啦，小宇我行呢邊返屋企，聽日見啦。」

「聽日見。」

「究竟Alan是甚麼人？為什麼他會知道我是穿越者？」我在回家的途中不斷想着，一連串的疑問均令我百思不得其解。

時間一去不返 2020-7-13 03:15:37 召喚樓主出文

福斯的背叛 2020-7-13 10:32:30 Sorry

:^(

,今日應該有文

:^(

福斯的背叛 2020-7-13 22:09:18 25.天使與惡魔

我一回到家後癱倒在梳化上，腦裏不斷想着Alan今天說那番話的意思。

「Alan點解會知道我嘅身份呢？佢究竟係咩人？唔知天使彤會唔會知道發生咩事呢？」我不停思索着。

「係度諗緊咩啊？」天使彤又突然間出現在我身邊。

「嚇撚死人咩？」我拍一拍心口，雖然知道她神出鬼沒，有時又會突如其來出現，但也會被她嚇倒。

「搵我咩事啊？」天使彤悠閑地坐在梳化上。

「我今日係學校度遇到一個好奇怪嘅同學，我懷疑佢係彤彤將來嘅老公，同埋佢唔知點解知道我係穿越者嘅事。」我向天使彤講述今天與Alan對話的經過。

「喂⋯⋯做咩咁嘅表情？你知唔知發生咩事？」我說完後發現天使彤沒有太大的反應，表情有點奇怪。

「冇嘢⋯⋯我諗你口中所講嘅嗰位Alan都有機會係穿越者。」天使彤思索著。

「咩話？呢個世界竟然仲有其他穿越者？」

「係啊，因為每個時空都唔止一個天使，所以有可能係其他天使帶佢嚟，不過亦都有可能係⋯⋯」天使彤說到一半突然停下來。

「係咩？」天使彤引起了我的好奇心。

「有機會係惡魔帶佢嚟。」天使彤看一看周圍再說出來。

「咩話？惡魔？」我聽到有惡魔存在於這個世界感到難以置信。

天使彤之後講述關於穿越時空的一些事。

原來帶著普通人類穿越不同時空的神明分別有天使和惡魔，而天使和惡魔主要都是讓未來的人穿越到自身過去的時空去彌補自己過去的遺憾。

然而，天使和惡魔最大的分別是天使不求回報，而惡魔通常就會和穿越者簽訂一種契約，穿越者要付出代價去換取穿越的機會。

「咁好彩我遇到嗰個係你咋。」幸好我當時遇到的是天使。

「惡魔搵嘅穿越者目標主要係一啲有邪惡念頭嘅人，咁先可以同佢哋簽到最合適嘅契約，你都唔係有邪惡念頭嘅人，自然唔會搵你啦。」天使彤解釋。

「原來係咁，咁即係未來嘅Alan係有邪惡念頭嘅人，所以先可能透過惡魔穿越返嚟？」

「緊係啦，佢正衰人嚟。」天使彤說到這突然很激動。

「做咩咁嬲啊，你同Alan好熟嘅咩？」我安慰着天使彤。

「唔⋯⋯唔係啊⋯⋯」天使彤有點閃避我的眼神。

「我只不過聽你今日咁講覺得嗰Alan都唔係好人，我哋同惡魔係勢不兩立，我哋天使如果見到惡魔係必須消滅或者帶佢返上天庭接受審判。」天使彤見我有點懷疑急忙解釋。

「原來係咁，咁天使都幾多嘢做。」我還以為天使的任務純粹只是帶人穿越，滿足普通人的願望。

「係啊，唔講住，我突然覺得有啲不祥嘅預兆，我出去視察下先，遲下再講。」天使彤準備離開

「係喎，唔記得咗，因為我有時會有嘢做，未必你每次搵我我都係度，我俾呢個鈴鐺你，當你有危險個陣，搖一搖個鈴鐺同埋心入面叫一次我個名，我就會出現，不過淨係得3次機會搖所以你唔好亂用啊。」天使彤臨走前給我一個叮噹，之後「嗖」一聲就消失了。

「睇嚟要小心Alan同保護好彤彤先得。」我保管好手中的鈴鐺。

翌日早上，我回到學校就看見Alan向小彤搭訕，不過小彤卻只顧整理自己的東西沒有理會他。

當小彤起身想離開時，Alan卻擋在她面前，看見這個情況的我立刻跑上前。

「你做咩啊Alan?唔好太過分喎。」我把小彤拉向我身後。

「又係你，我琴日咪同你講過唔好再阻住我，你好似聽唔入耳咁，睇嚟我要教訓下你先得。」Alan握一握拳頭，作勢準備打架。

「驚你啊，嚟咪嚟！」我也捲起我的衣袖，不過其實我的心裡還是挺害怕的。

「小宇，唔好理佢啦，其實佢係想約我陣間一齊食晏，我冇應承佢啊。」小彤拉着我的衣角說。

「係咩？但係我要保護你，我唔可以衰比人睇，你行去旁邊睇我點教訓佢。」我心裡慶幸著小彤沒有答應她，但是我也不能在小彤面前退縮。

「小宇⋯⋯你真係⋯⋯」小彤聽到我要保護她臉上露出一絲紅暈，不過也跺一跺腳走到旁邊了。

米椏 2020-7-13 22:23:23 小彤本來嘅時空俾Alan中出即飛

:^(

彼得帕克 2020-7-13 22:26:10 Lm

福斯的背叛 2020-7-13 22:27:03 新讀者

:^(

:^(

福斯的背叛 2020-7-13 22:28:19 咁都可以想像到咁

:^(

:^(

:^(

:^(

米椏 2020-7-13 22:32:23 講下笑啫

:^(

我記得係Alan出軌

:^(

英國特工 2020-7-13 22:33:02 Hello, 請問係咪一日一篇???

福斯的背叛 2020-7-13 22:52:32 新讀者你好

:^(

:^(

，多謝支持先

:^(

，呢排樓主有少少嘢煩緊先更新得唔穩定，過幾日應該可以恢復返每日兩篇

:^(

福斯的背叛 2020-7-13 22:56:38 多謝你仲記得劇情

:^(

我和你 2020-7-14 19:42:58 似係唔同時空既小彤帶住遺憾死左之後成為左天使去幫男主？

福斯的背叛 2020-7-14 20:13:44 多謝巴打估劇情先

:^(

，睇埋落去就知

:^(

福斯的背叛 2020-7-15 23:01:07 26.初戰Alan

「哼，不自量力，陣間你就跪喺度求我。」Alan滿有信心地說。

「睇下邊個求邊個。」我不甘示弱。

我們兩個作好姿勢準備大打出手，但過了一會兒卻沒有人出手，只是在對峙着。

「你做咩唔出手？」Alan有點疑惑。

「我習慣讓下人先。」其實我心裡還是有點擔憂Alan的身手，不過在小彤面前我不能退縮。

「好呀，你咁講一定會後悔，唔好怪我陣間出手重。」Alan聽到我的回答非常憤怒。

Alan的身影突然急速移動到我的面前，向我臉上出拳。

「仆街。」我伸手想擋下他的出拳，但是速度卻不及他，被他擊中臉部，臉上頓時傳來一陣痛楚。

「知道我利害未？夠膽挑戰我真係唔知死。」Alan得意洋洋地看着我。

「士可殺，不可辱。」我心裡想着這句話，於是我趁Alan還在得意洋洋的時候，提起我的右腳踢向他。

「敬酒唔飲飲罰酒。」Alan亦快速地提起他的左腳踢向我的右腳。

豈料此時我的右腳突然充滿一種力量，當我的右腳與Alan的左腳相撞時，我沒有感到一絲痛楚，而Alan卻摸着自己的左腳，神色痛楚。

「你條友估唔到你都有啲料到，我睇下呢下你擋唔擋到。」Alan再次快速來到我的面前，並伸出拳打向我的身體。

突然我的神經反應令我看出Alan的弱點，於是我打向Alan的臉部。

「屌你老母。」Alan摸着自己的鼻子，而我看他的鼻子亦流下兩行鼻血，不過我的腹部剛才中了他一拳也感到少許痛楚。

我和Alan還想上前繼續較量時，小彤和阿明卻分別拉開了我們兩個。

「阿俊，Alan你哋兩個做咩係度打交？陣間放學嚟見我。」原來不知道什麼時候李老師已經站在課室的門口。

我和Alan只好乖乖的坐回我們的座位。

「阿俊你冇事呀嘛？你塊面腫左少少嘅」由於有其他人在場，小彤只好稱呼我「阿俊」。

「我冇事啊，腫左少少姐，返屋企搽下跌打酒就冇事。」我輕輕撫摸自己的臉龐，都感到有點疼痛。

我看見Alan用紙巾塞住自己的鼻孔，而且神情有點不服氣。

放學之後，我和Alan去到教員室見李老師。

「你哋今日做咩係課室打交啊？知唔知咁樣係犯左校規？」想不到李老師平時和藹可親，訓斥起人上來也令我害怕。

「對唔住，老師我係見到Alan係度騷擾小彤，所以先一時衝動出手。」我主動向老師承認自己的錯誤。

「你係小彤邊個？我搵小彤講嘢關你咩事？」Alan駁斥我的解釋。

「我係小彤嘅朋友，我見佢根本唔想同你講嘢，你又繼續撩佢講嘢，小彤想走嗰陣你又唔俾佢走，仲唔係你嘅錯？」我反駁Alan。

「你⋯⋯」Alan還想回應我。

「好啦，你哋兩個同我收聲。」李老師打斷我們。

「我而家入去問下訓導主任點處理，你哋兩個同我醒醒定定。」李老師說完後就走進訓導主任的房間。

過了一會兒後，李老師示意我和Alan進入訓導主任的房間。

「你哋兩個知唔知係課室打交係唔啱同埋犯埋校規？」

「知道。」「知道。」我和Alan誠實地回答着。

「我頭先聽完李sir講你哋嘅事，Alan你的確有唔啱嘅地方，而阿俊即使你想幫小彤都唔應該打人。」

訓導主任見我和Alan低頭沒有反應，就繼續說下去。

「我同李sir商量過，念着你哋兩個成績唔差，每人記一次大過，呢件事就算數啦，你哋有冇意見？」

「冇意見。」我心想幸好老師沒有逼我退學。

「我都冇。」Alan雖然表情心有不甘，但也逼於無奈答應。

「咁就得啦你哋兩個可以走啦，啊差啲唔記得，Alan你都係唔好坐喺小彤隔離啦，你聽朝返學坐係阿明隔離啦。」李老師在我們臨走前說。

「老師但係我⋯⋯」Alan還想說什麼，我心裡卻高興着Alan終於不用再坐在小彤旁邊騷擾她。

「Alan你唔使再講啦，老師已經決定咗啦。」李老師不讓Alan再說下去。

我臨離開教員室前想到今天是最後一天截止提交參加學校足球隊的申請表格，我匆忙將表格放在足球隊負責老師教員室位置的桌面後就離開了。

我一離開學校就發現小彤仍然在學校門口等着我。

「彤彤你仲係度嘅？仲唔返屋企？」

「咁人哋想等埋小宇你呀嘛，係喎老師點罰你？」小彤有點害羞地說。

「冇啊，記咗我一個大過姐，最緊要Alan唔可以再坐喺你隔離。」我高興地說着。

「小宇你好唔想Alan坐喺我隔離咩？咁你想邊個坐？」小彤直視着我的眼睛說。

「冇⋯⋯我只係想Alan唔再騷擾彤彤你上堂姐，邊個坐都冇所謂啦。」我迴避着小彤的眼神。

「係我，我想坐係你隔離，陪你一齊讀書，睇住你係我身邊成長，照顧住你。」這是我的心底話，可惜此刻的我還未肯定小彤的心意就不敢說出來。

「哦，原來係咁。」我感覺到小彤的語氣有點失落。

「好啦，我陪彤彤你返屋企啦好冇？」我看見氣氛尷尬所以轉移話題。

「嗯。」小彤好像有點不開心，但也答應着我。

妖治時代 2020-7-16 00:07:49 好在淨係記大過
一個唔該見家長就……

:^(

:^(

:^(

:^(

米椏 2020-7-16 00:28:08 「邊個坐都冇所謂」 點可以咁講架

:^(

福斯的背叛 2020-7-16 00:38:18 阿俊嘅家長唔會好嚴嘅

:^(

:^(

福斯的背叛 2020-7-16 00:40:12 印象深刻嘅事件可以因為已經經歷過一次而令到結果更好，但係性格始終係好難改變

:^(

:^(