[穿越][愛情][校園]重回青春時尋找當年失去的愛情
上一頁
第 8 頁
下一頁
福斯的背叛
2020-7-1 02:18:57
19.小彤對我的感覺?
我一轉頭看那聲音來源,原來是有一個年齡較大,拿着公事包的男人和一個年齡較小,穿着校服的男仔。
「咦,家姐,呢位係邊個嚟架?」那個穿着校服的男仔視線看向我,我心想那這位應該是小彤的弟弟。
「呢個就係我嘅同學叫阿俊。」小彤介紹著我。
「呢個係我嘅細佬叫阿朗,今年讀緊中一,企係佢隔離就係我爸爸。」小彤向我介紹那個穿着校服的男仔和那個拿著公事包的男人
「原來你就係家姐口中成日提起嗰個同學仔阿俊,阿俊哥哥你好,我真係好少見家姐帶男仔上嚟屋企,你係咪家姐嘅男朋友呀?」
「細佬,你講咩呀?」小彤害羞得想拿起梳化上的枕頭擲過去。
「阿女呀,你隻腳冇咩事呀?」小彤爸爸看見小彤的腳腫起來。
「冇咩事呀,係我今日班會活動個陣扭親姐。」
「你哋兩個仲唔快啲洗完手過嚟食飯,企係度做乜嘢?」小彤阿媽向阿朗和小彤爸爸催促着。
小彤爸爸和小彤的弟弟之後一起在飯桌旁邊坐下。
「阿女呀,你真係同阿俊拍拖呀,但係你而家先升中三會唔會太早同埋影響學業呀?」吃飯途中小彤爸爸勸告著我們。
「爸爸,唔係你諗㗎,我同阿俊只係好朋友嘅關係,又係同班同學,今日班會活動嗰陣整傷左,我幫手送佢返嚟。」小彤臉露紅暈地解釋著。
「咁就好,咁就好⋯⋯」爸爸聽完小彤的解釋後,臉上露出了慶幸的表情。
雖然如此,我們食飯的時候,氣氛都算融洽,小彤爸爸也有夾菜給我吃。
其實雖然我當年暗戀着小彤,關係也和她幾好,但卻從不知道她的家庭背景。
吃完飯之後,我和小彤肩並肩坐在梳化上,小彤的弟弟就坐在梳化的另一邊看着電視。
「我想去一去沖涼先。」小彤勉強地站了起來。
「我扶你去。」我也站了起來攙扶着小彤到廁所。
「阿朗,我想問呢你同你家姐關係係咪都幾好?」我趁著小彤在廁所的時候,就問小彤的弟弟。
「係啊,阿俊哥哥,有時我幫下家姐,家姐幫下我咁,由細到大,我都好少同家姐鬧交,係而家大個少少有時會互相寸下咁。」
「我有樣嘢想問點解你家姐會話我似你嘅?」我提出我心中的疑問。
「噗!」阿朗突然笑了一聲,眼神好像明白了一切。
「我唔知家姐點諗啦,可能因為阿俊哥哥今天送家姐回家的行為有啲似我以前細個同家姐嘅一啲往事。」
阿朗接着說「我以前細個同家姐去樓下公園玩,跟住玩玩下家姐跌親,喊左出嚟,後尾都係我不斷安慰住家姐,扮鬼扮馬先氹得番佢笑,同埋扶佢返屋企,甚至有一次⋯⋯」
「小彤爸爸:今日朗仔生日,不如我哋去食佢鍾意食嘅嘢?」
「阿朗:好呀,我想去打邊爐。」
「小彤:但係今日我想食日式放題。
「小彤媽媽:你細佬今日生日咪就下佢囉。」
「小彤:哦」
「阿朗:唔緊要啦,就下家姐,食日式放題都冇所謂啦。」
「當時嘅我見到家姐有啲唔開心,咪就下佢囉,雖然佢有時都會遷就下我,不過都係我就佢多,阿爸同阿媽見我哋關係好都冇乜點理我哋。」
「原來係咁,感覺你家姐都得意,似你細妹多過似你家姐。」我偷笑着。
「哈哈,其實都係㗎,不過我覺得家姐當阿俊哥哥應該唔係淨係好朋友既關係或者細佬既感覺咁簡單。」阿朗表情有點陰險地笑着。
「點解咁講?」我聽到心頭不禁跳了一下,難道小彤當年一早對我已經係⋯⋯
「冇呀,家姐係屋企個陣有時會提起你講『阿俊今日都幾man同幾靚仔,阿俊都幾好人。』我問佢邊個係阿俊,佢又話只係學校一個同學仔,今日終於知點解家姐提起你。同埋見家姐好似望向你個陣眼神會唔同啲,希望阿俊哥哥你對家姐好啲啦。」小彤弟弟拍一拍我的肩膀。
「喂,你哋兩個講緊咩?係咪講我壞話?」小彤原來已經洗完澡在廁所門口出來看着我們
「冇呀,邊有講你壞話?」我扶着小彤過來梳化。
「真係冇?」小彤望着阿朗質問。
「真係冇啊家姐,我去沖涼先,阿俊哥哥你同家姐傾多啲計啦。」阿朗說完後就向廁所的方向逃之夭夭了。
「你哋兩個古古怪怪咁⋯⋯」小彤好像還是有點不相信。
「彤彤真係冇呀,你唔信我,我又要發誓㗎啦⋯⋯」
「好啦,小宇我信你啦。」小彤笑容滿面向着我。
這一刻的小彤真是很美,加上她剛剛洗完澡,頭髮上還殘留一點水珠,薄薄的紅唇讓人垂涎欲滴,如同出水芙蓉。
此時的我不敢正視着小彤,不過看見屋內的佈置頓然引起我的好奇心。
「彤彤,你間房係邊?可唔可以帶我去睇下?」
「吓,你講咩話?」小彤頓時面紅耳赤。
Ads
兩個我加一個妳
2020-7-1 05:26:31
食完飯都未走
:^(
不如過埋夜
福斯的背叛
2020-7-1 13:30:28
阿俊心入面可能真係想
:^(
福斯的背叛
2020-7-2 20:52:10
20.小彤參加鋼琴比賽?
「我想去你間房睇下,有啲好奇你間房係點嘅樣。」
「咁樣呀⋯⋯好啦,但小宇你唔准周圍同人講㗎。」小彤害羞地叮囑我。
「好,我應承你一定唔會同人講。」
小彤告訴我她的屋子有兩層,底下一層就如同普通的家一樣,而一入屋的右邊就有樓梯通往上一層,上面的一層就是天台。
「走廊盡頭間主人房就是我的爸爸同媽咪訓嘅,左邊間房是我細佬嘅,而右邊間房就是我嘅⋯⋯」我攙扶着小彤帶我到她的房間門前。
一打開門我發現小彤的房間裏也不是佈置得特別具有少女氣息,也是普通的一張床,旁邊有張書桌,桌上有一部電腦,而床上擺放着一個鬆弛熊公仔,心想小彤原來喜歡鬆弛熊。
「你間房原來都冇咩特別。」小彤坐在她的床上,而我看到書桌放着一本類似筆記薄的東西,打算拿來看看。
「喂,呢本野唔睇得㗎。」豈料小彤就突然間阻止我,從我手中搶了過來。
「點解呀?」我百思不得其解。
「總之唔睇得啦。」小彤臉紅地抱着那本筆記薄。
「哦,好啦,都夜啦彤彤,我走先啦,有咩電話再傾啦。」我看到桌上的鬧鐘已經是9點多,準備離開了。
「小宇我有樣野想問你。」小彤在我臨走之前提出一個問題。
「咩事呀?」我停下了離開的腳步。
「你嚟緊暑假8月15號得唔得閒?我參加左一個鋼琴比賽,想你嚟支持下我。」
「鋼琴比賽?係喎,我仲記得當年嘅小彤都有參加鋼琴比賽。」我心裡又回憶起當年小彤參加鋼琴比賽的情景。
當年的小彤一早已經邀請我去支持她,在比賽前一晚小彤都有打電話提醒我。
「小彤:你聽日記唔記得要嚟睇我比賽啊?」
「我:記得,聽朝10點係沙田大會堂就會開始比賽。」
「小彤:記得就好,你一定要嚟呀!」
「我:我會㗎啦,你都早啲瞓啦,有精神聽日先會有好表現。」
「小彤:嗯,Good night。」
小彤掛斷電話之後,阿明就打電話過來。
「阿明:喂打唔打機,差你一個組隊咋。」
「我:但係而家好夜啦喎,而且我聽日有嘢做⋯⋯」
「阿明:有咩做姐,而家都係暑假,打下機啦,同埋我哋又搵唔到其他人一齊打。」
「我:咁啊,好啦。」
當年比現在更毒的我最終還是抵受不了遊戲的誘惑,最終和阿明他們玩到凌晨3點幾先睡覺。
在小彤參加鋼琴比賽當天10點幾,我先睡醒。
「我:大獲,太夜訓搞到遲左起身。」
我一打開手機,發現有5個未接來電和3則訊息。
「彤彤:喂,小宇你起身未呀?」
08:00
「彤彤:仲未起身呀?我到左啦,入去換衫準備下先,你快啲嚟啦。」
09:30
「彤彤:我要上台啦,希望陣間見到你。」
10:15
當日的我在11點半先到達比賽的場地,而比賽剛好完結,而穿着裙子的小彤就準備換衣服離開,不過離開時也看到我。
「小彤:你點解而家先嚟㗎?」
「我:琴晚同阿明打機打到好夜,今朝遲左起身,結果點啊?」
「小彤:哦,原來係咁,我攞到第一名。」當時的小彤聽完我的解釋後有點垂頭喪氣。
「我:都話左你係得嘅,陣間你換完衫請你食飯慶祝啊。」
「小彤:嗯。」
「我:唔好唔開心啦,下次我一定會陪住你。」
雖然小彤之後吃飯時沒說甚麼,但我想起她當時的表情有點強顏歡笑。
「喂,小宇,你唔講嘢嘅?嗰日有嘢做?」小彤的聲音把我帶回現實。
「冇呀,我應承你嗰日一定會到。」
小彤聽到後臉露紅暈,小聲地回答「嗯,咁你記住10點準時到。」
「好啦,我走啦,你慢慢休息下啦。」
「係喎,你返到去係WhatsApp 度send番今日張相俾我。」
「原來你都想要。」我奸笑着。
「哼,唔理你啦,快啲走啦你。」小彤推着我離開。
我走出客廳之後遇到小彤的弟弟。
「阿俊哥哥,走啦?」
「係呀,都夜啦,下次見啦。」
———
阿俊離開之後,我拿着那本筆記薄。
「好彩冇俾小宇睇到姐,如果唔係就大獲啦。」我紅着臉小心翼翼打開那本筆記薄並將今日所發生的事記錄下來,之後放回書桌的抽屜裏。
尋覓冷清
2020-7-2 21:22:47
以前既小宇真係好on9同埋成日做錯野咁
:^(
,不過好睇。同埋嚴重懷疑細佬同老豆都鐘意小彤。
細佬係唔會咁就家姐嫁
:^(
,同埋老豆竟然話咁好咁就好,有啲問題,正常感覺唔會咁講,一定係鬼父
:^(
妖治時代
2020-7-2 21:27:17
會唔會想得太多
:^(
福斯的背叛
2020-7-2 21:48:40
尋覓巴想像力好勁
:^(
:^(
福斯的背叛
2020-7-2 21:51:30
我都諗唔到可以咁寫
:^(
尋覓冷清
2020-7-2 22:15:09
正常應該會同佢哋講「係囉,依架中學就應該努力讀書,拍拖依啲大個大把機會啦」
咁就好咁就好好唔似一個正常老豆會講既野,好似想佔有個女咁
:^(
,一定有陰毛。
:^(
福斯的背叛
2020-7-2 22:23:05
有啲老豆係想霸住個女
:^(
時間一去不返
2020-7-2 22:23:37
做多咗喇,巴打你做多咗喇
Ads
尋覓冷清
2020-7-2 23:32:05
玩下笑姐
:^(
福斯的背叛
2020-7-4 18:45:03
21.又生意外?
終於到了鋼琴比賽的那天,這次的我一定要準時去到比賽場地支持小彤。
當天早上的我早上8點幾已經起身,並準備出門口,而在出門口前小彤打電話來提醒我。
「靚女彤彤:你出門口未啊?」
「小宇:我準備出啦,你係邊啊?」
「靚女彤彤:我搭緊車去,要早啲去到嗰度準備。」
「小宇:哦,咁好啦,要加油呀,我會準時到㗎啦。」
「靚女彤彤:咁等陣見啦,拜拜。」
小彤將電話掛斷之後,我就換好衣服出門。
就在乘搭升降機下樓的時候,突然升降機發出一些怪聲,之後就靜止不動。
「屌,發生咩事?點解突然間唔郁嘅部𨋢?」我按着升降機的緊急求助掣。
「喂,有冇人呀?部𨋢唔郁啊?」我對着升降機的緊急求助掣說話。
「唔好意思啊,睇嚟部𨋢壞左。」一把聲音升降機內的對講位置發出。
「咁而家點呀?我趕時間。」我回答。
「唔好意思,我哋會搵人嚟開翻,請你等多陣。」聲音隨即就中斷了。
「而家點算好呢?」
我從褲袋拿出我的手機打算通知小彤時,才發現在升降機內沒有訊號。
「冇辦法啦,等多一陣,睇下有冇人黎先。」
二十分鐘過去了,還是沒有任何動靜。
「大鑊,得翻一粒鐘時間就開始比賽啦,陣間仲要預時間搭車。」我心裡非常焦急。
突然之間,升降機又重新起動,沒多久之後我就成功到達地面大堂。
「真係奇怪,又會無端端可以郁翻都有,唉算啦,趕時間。」我急步離開大堂,跑向附近的巴士站。
豈料當我到達巴士站的時候,巴士竟然剛好離開。
「頂,有冇咁黑仔,送車尾。」
我拿出手機打算查看下一班車的到站時間是半小時後,電話亦顯示有一則未接來電是小彤在我困升降機裏時打來,我打回去卻沒人接聽。
「搭呢班車肯定趕唔切,都係去搭的士算,貴啲都無辦法,今次我一定要準時去到。」我心裡想着不可以再令小彤失望。
於是我就走到附近的士站去乘坐的士。
「司機,唔該去沙田大會堂。」
可惜車程過了十五分鐘之後,前面不知道是發生交通意外還是甚麼原因,路面非常擠塞。
「司機知唔知仲要塞幾耐啊?」
「唔知啊,可能有交通意外,塞半粒鐘以上都唔出奇。」我看得出來司機也很無奈。
「唉算啦,司機呢度200蚊唔洗找。」我打開車門,打算準備跑過去。
跑到一半的路程途中,我摔倒在地上,發現距離目的地尚有很遠的路程,
「唔通今次又要令小彤失望?」我心有不甘,擦傷的手臂向地上打去。
———
我到達沙田大會堂後就打了一個電話給阿俊。
「點解小宇唔聽電話㗎,唔通佢有事嚟唔到?」
「家姐唔好諗住啦,阿俊哥哥應該好快到㗎啦,你快啲入去準備換衫先啦。」這次我參加比賽除了邀請阿俊外,也有邀請我的弟弟。
「咁好啦。」
於是我跟隨着比賽的工作人員到後台的更衣室換衣服。
換完衣服之後,當我正想拿手機出來確認阿俊是否來到時,工作人員便叫了我的名字。
「楊小彤,到你啦。」
「好,唔該。」
我只好懷着緊張的心情,從後台走到擺放在舞台中間的鋼琴。當我看到滿場的觀眾時,我心裡非常緊張。
「小宇做咩仲未黎㗎?」我心裡希望着阿俊可以在這裡支持我。
不知道我是不是太緊張,腦海裏突然忘記了如何彈奏我的參賽歌曲,手指懸空在琴鍵之上。
「搞咩啊?」「點解唔彈㗎?」觀眾席上的人竊竊私語更令我緊張得手心也冒出汗來,完全記不起應該怎樣彈。
正當我想向比賽的工作人員示意希望放棄時,會場的大門猛然打開。
當我看清楚進來的人時,我心裡的大石也終於放下來,我腦海的記憶也逐漸浮現,開始彈奏我的參賽歌曲。
福斯的背叛
2020-7-6 11:55:26
22.又生意外(續)
「頂,唔通連個天都唔俾我去追返彤彤一次?」我的手不斷打在地上。
「做咩咁燥啊?」我耳邊傳來一種悅耳動聽的聲音。
我轉頭一看發現原來天使彤不知道甚麼時候已經在我身邊。
「點解你又會係度嘅?」
「你唔記得之前我講過會隨時監視住你嘅咩,同埋我見到你咁努力想去遵守同小彤之間嘅約定,咪現身嚟幫下你囉。」天使彤從地上扶起我。
「咁你啱啱唔早啲幫我?如果唔係,我就唔洗咁急,咁就唔會整親啦。」我有點埋怨
「我又唔可以隨時幫你嘅,畢竟我都想睇下你為左小彤可以做到咩地步。」
「咁你而家係咪可以幫我即刻去到目的地?」我一想起天使彤那神秘的力量,就充滿信心可以赴約。
「見你咁有誠意想追返小彤,就幫下你啦,不過我唔係成日都可以幫住你,有好多難關要靠你自己去跨過,咁樣先真正改變到你同小彤之間嘅將來。」
「嗯,我明白啦,咁你今次幫左我先啦。」
天使彤背上的翅膀突然出現,之後天使彤抓着我並提起我整個人離開了地面,向目的地飛過去。
過了不久,天使彤就帶着我去到沙田大會堂,我看一看電話的時間,距離比賽開始還有5分鐘。
「唔該曬你呀,冇你嘅話,可能今次我又要令彤彤失望啦。」為了報答天使彤,我說完這句話之後抱着天使彤。
「咳⋯⋯咳⋯⋯」天使彤被我抱着之後咳了兩聲,我急忙放開她,發現她臉色有點蒼白。
「你冇事呀嘛?」我看到天使彤的臉色有點擔憂。
「我冇事呀。」天使彤臉色稍為好轉。
「喂,你仲唔快啲入去,就夠鐘啦!」天使彤提醒我。
「係喎,差啲唔記得,今次多謝你呀。」我說完後就匆忙地跑進去。
終於到達了比賽場地的門口,幸好只是遲了幾分鐘,我深呼吸一口氣,推開門走了進去。
當我進去的時候,我發現穿着裙子的小彤,穿着裙子的她比平時更美麗動人,而此時的她在台上不知所措,很是緊張的樣子。
沒多久,小彤終於看見我,緊繃的臉龐也漸漸露出笑容,我也用口型說了一句「加油」支持着小彤,此時的我也看到了小彤的弟弟,並坐在他旁邊的座位。
「阿俊哥哥你終於嚟啦,家姐頭先等左你好耐,又問你係邊,我幾驚你唔嚟,家姐就唔比賽。」
「係咩阿朗,我頭先發生左啲意外,唔講啦睇你家姐比賽先啦。」
小彤之後開始了彈奏她的參賽歌曲,想不到小彤彈琴也頗有天份,彈完之後全場亦報以熱烈的掌聲。
「彤彤你彈得幾好啊,冠軍應該係你啦。」小彤之後就過來坐在我的旁邊,我不禁讚賞着她。
「邊係姐,如果唔係小宇你嚟支持我,我都唔會有信心係咁多人面前彈到。」小彤聽完我的讚賞後笑着說,之後坐在我的旁邊觀看着其他參賽者的表演。
比賽過了大約一個小時後終於完結,並進行頒獎儀式,初時優異獎、季軍的獎項也沒有小彤的名字,小彤也有少許緊張起來。
「彤彤你表現得咁好,一定有獎攞㗎,放鬆啲。」我拍着她的手安慰她。
「嗯,多謝你啊,小宇。」小彤聽完我的話放鬆了許多。
很快就到宣布冠軍的時候「我宣布今日嘅冠軍參賽者係楊小彤。」小彤聽完了評判的宣布結果後呆了一呆。
「彤彤,我都話你可以攞到冠軍,仲唔快啲上去領獎。」我看見小彤沒有太大的反應急忙提醒着她。
「係喎。」小彤如夢初醒,並到台上領取冠軍的獎狀。
小彤跟頒獎嘉賓拍照完之後,比賽也正式完結。
「我都話你得㗎啦,係咪?」完結後我和小彤的弟弟在台下祝賀着小彤。
「係囉家姐,有我同阿俊哥哥嘅支持,加埋你都苦練左一排一定有獎攞啦,咦阿俊哥哥你右手手臂擦損左嘅?冇事呀嘛?」阿朗指着我擦傷的手臂。
「冇啊頭先黎嗰陣,有啲意外姐。」我收起我的手臂。
「小宇你整親咩?畀我睇下。」小彤想查看一下我的傷勢。
「唔使啦彤彤,好小事。」
「你畀唔畀我睇下?」我第一次感到小彤真的生氣。
「好好好。」我伸出我擦傷的手臂,發現有少許皮擦損了,並有一些血跡。
「咁都仲話無事,陣間我哋去藥房買啲藥水同膠布處理一下啦。」小彤察看着我的傷勢,提出了這個建議。
「嗯。」我怕小彤再次生氣只好答應她。
「家姐,阿俊哥哥我幫你哋影張相做記念好唔好?」阿朗拿出她的手機準備替我們合照。
「好。」「嗯。」我和小彤都答應。
於是我站在小彤的旁邊搭着她的肩膀,穿着裙子的小彤拿着獎狀臉上露出一絲紅暈。
「我影㗎啦,1、2、3。」
「細佬,咁你跟唔跟我同小宇⋯⋯」拍照完之後,小彤想問她的弟弟。
「家姐、阿俊哥哥,你哋自己去啦,我約咗朋友打波,走先啦。」阿朗未等小彤說完後就匆匆離開了。
「呢個細佬真係⋯⋯」小彤可愛地跺一跺腳
「彤彤咁你去換衫先啦,我係出面等你。」
「好啦。」小彤害羞地走進後台換衣服了。
妖治時代
2020-7-7 00:01:03
好在趕得切
:^(
福斯的背叛
2020-7-7 00:19:40
但係人生唔係咁多機會。
:^(
:^(
兩個我加一個妳
2020-7-7 01:26:16
係咪天使用得多能力就會死?
福斯的背叛
2020-7-7 01:35:32
呢個要後面啲章節先知
:^(
,我睇下遲啲搞掂自己啲嘢可唔可以加速
:^(
,好彩你哋冇棄我故
:^(
約翰_泰利⚽
2020-7-7 07:35:52
:^(
福斯的背叛
2020-7-7 10:01:58
多謝你
:^(
:^(
隨遇而安
2020-7-9 05:20:18
Live咗
:^(
Ads
福斯的背叛
2020-7-9 08:42:00
新讀者多謝支持
:^(
:^(
:^(
,今日會有文
:^(
福斯的背叛
2020-7-9 14:38:48
23.競爭對手出現?
小彤換完衣服之後就出來找我。
「係咪等左好耐啊?我哋行啦。」
我跟着小彤去到附近的一間藥房買了一些藥水和膠布,之後去到附近的公園治理傷口。
小彤細心地用藥水替我消毒,雖然過程中有點痛楚,但是當小彤的纖手觸碰到我的手臂時,我心神恍惚了一陣子。
「你點解會整親㗎?」小彤一邊替我貼上膠布一邊略有埋怨地對我說。
「嚟個陣太趕係街嗰度跌親。」我如實地對小彤說,不過當然忽略了天使彤幫助我去到比賽場地一事。
「下次唔使咁趕啦,好彩今次係擦損左姐,如果下次受傷再嚴重啲,我會過意唔去㗎。」小彤對我受傷一事感到有點愧疚。
「點會啊彤彤?我應承咗你一定要到㗎嘛,最多我下次小心啲啦。」我向小彤保證。
「嗯⋯⋯我貼好啦。」我一看手臂發現原來小彤已經替我貼好膠布。
「小彤一唔一齊食嘢啊?當係慶祝你攞到冠軍。」
「嗯⋯⋯都好啊,你諗住食咩啊?」
「不如去食日式放題啊,我知道呢頭附近有間幾好食。」
「咁樣啊⋯⋯好啦。」小彤面露笑容答應我。
我和小彤到了附近的一間日式餐廳去吃日式料理,我們叫了一些壽司、刺身等等,食物到來之後小彤先去洗手間洗手,此時的我忽發其想打算玩弄一下小彤。
「等我整蠱下佢先。」我奸笑地將一些芥末放在壽司裡面。
過了一會兒,小彤從洗手間出來了,而我就要去洗手間先。
當我去完洗手間後,出來時發現小彤已經夾起一件壽司準備放進口時,我心裡不禁期待看到小彤吃了一些芥末之後的樣子。
豈料小彤吃完之後,竟然沒有太大的反應,我不禁感到有點奇怪。
「嗯⋯⋯小宇你揀呢間餐廳啲嘢都幾好食,你仲唔快啲食?」小彤笑容滿面地讚賞我。
「冇理由冇事㗎?唔通彤彤食得辣?」我有點懷疑小彤是不是強忍着吃了芥末之後的反應,但看小彤的反應也不像是假的,我只好吃我面前的壽司。
「大鑊啦!咳⋯⋯咳⋯⋯咳⋯⋯」當我一吃下去,我突然感到一陣嗆鼻的感覺,急忙喝我旁邊的一杯水。
「小宇你做咩又咳又流眼水嘅?冇咩事下話?」小彤看到我的反應有點擔心我,不過被我留意到她嘴角偷笑了一下。
「點解呢件壽司咁辣㗎?」我不停地喝着水。
「我都唔知啊小宇,頭先我出來見到擺係我面前嗰件係三文魚壽司,而我又唔鍾意食三文魚咪同你嗰份換一換囉,我唔知我呢份係辣嘅,對唔住呀小宇。」小彤有點不好意思說。
「唔緊要啦彤彤,我等陣就冇事,我哋繼續食啦。」我沒有作弄到小彤反而害了自己感到有點可惜,之後也不知道為什麼吃了幾件壽司都是有芥末的,我整頓飯喝水比真正吃東西還要多。
「啊,呢餐真係幾好食又飽,多謝你請我食呀小宇。」小彤吃完之後在門外拍一拍肚子表示滿足。
「係咩?你鍾意就得啦。」表面上我還是很滿意,其實我心裡覺得這頓飯真是不值,我沒有吃了什麼東西,而且這頓飯也花了我一星期的零用錢。
「咁我返屋企先啦,我哋開學再見啦,拜拜。」小彤向我揮手之後身影逐漸遠去。
「拜拜。」我也向她揮手。
在餘下暑假的時間,我和小彤都為着我們的暑期功課而努力,而當我遇到一些不明白的地方時,我也會打電話向小彤請教。
在開學的前一晚,我和小彤一起在電話中聊天。
「靚女彤彤:小宇,我真係幾期待,聽日又可以見返阿欣佢哋同埋啲同學。」
「小宇:係咩彤彤?我都幾期待,最緊要係又可以一齊同你上堂。」我一時糊塗把我心裡的話說出來。
「靚女彤彤:咦⋯⋯小宇你講咩啊?」我聽到小彤的語氣也想像到她害羞的樣子。
「靚女彤彤:係喎,你做曬暑期功課未?如果唔係聽日放學就要留堂㗎啦。」
「小宇:緊係一早做曬啦。」我得意洋洋地說。
「靚女彤彤:咁就最好啦,唔講啦,早啲瞓啦,我哋聽日見。」
「小宇:聽日見。」
翌日早上,我一早就回到學校,看到小彤原來已經在班房裡面。
「咁早嘅你。」我坐在小彤的旁邊。
「係啊,費時遲到啊嘛。」
「叮噹⋯⋯叮噹⋯⋯叮噹⋯⋯叮噹⋯⋯」李老師在學校鐘聲響起後準時八點到了課室。
「各位同學,今年我仍然係你哋嘅班主任,希望你哋可以畀心機讀書,揀啱自己高中想讀嘅選修科。」李老師一來就先訓示我們。
「好嘢。」「今年我哋一定會畀心機讀書。」班上的同學七嘴八舌地說。
「靜一靜先,今年我哋又有一個新嘅插班生嚟我哋班讀,Alan你入一入嚟。」李老師向門外叫道。
李老師說完後,一個男生進了課室。
進來的這個男生是一個身高比我還要高,眼神深邃,鼻子高高的,與台灣演員彭于晏有點相似。
「嘩,好靚仔。」班上一些的女生即時大叫起來,當中包括了那個經常針對小彤的黎楓芷,而我看小彤卻在整理着自己的東西,並沒有太大的反應。
「大家好,我叫徐天成,英文名叫Alan,今年請大家多多指教。」Alan說完後向我們鞠躬。
「咩話?」我聽到Alan介紹完自己後即時拍着桌子站起來。
時間一去不返
2020-7-9 15:01:41
Alan 係咪鍾意小宇,要同彤彤爭仔
福斯的背叛
2020-7-9 15:07:06
咁寫個故嘅發展方向即時轉左
:^(
:^(
:^(
,同埋其實Alan呢個角色前面有出現過
:^(
上一頁
第 8 頁
下一頁
我一轉頭看那聲音來源,原來是有一個年齡較大,拿着公事包的男人和一個年齡較小,穿着校服的男仔。
「咦,家姐,呢位係邊個嚟架?」那個穿着校服的男仔視線看向我,我心想那這位應該是小彤的弟弟。
「呢個就係我嘅同學叫阿俊。」小彤介紹著我。
「呢個係我嘅細佬叫阿朗,今年讀緊中一,企係佢隔離就係我爸爸。」小彤向我介紹那個穿着校服的男仔和那個拿著公事包的男人
「原來你就係家姐口中成日提起嗰個同學仔阿俊,阿俊哥哥你好,我真係好少見家姐帶男仔上嚟屋企,你係咪家姐嘅男朋友呀?」
「細佬,你講咩呀?」小彤害羞得想拿起梳化上的枕頭擲過去。
「阿女呀,你隻腳冇咩事呀?」小彤爸爸看見小彤的腳腫起來。
「冇咩事呀,係我今日班會活動個陣扭親姐。」
「你哋兩個仲唔快啲洗完手過嚟食飯,企係度做乜嘢?」小彤阿媽向阿朗和小彤爸爸催促着。
小彤爸爸和小彤的弟弟之後一起在飯桌旁邊坐下。
「阿女呀,你真係同阿俊拍拖呀,但係你而家先升中三會唔會太早同埋影響學業呀?」吃飯途中小彤爸爸勸告著我們。
「爸爸,唔係你諗㗎,我同阿俊只係好朋友嘅關係,又係同班同學,今日班會活動嗰陣整傷左,我幫手送佢返嚟。」小彤臉露紅暈地解釋著。
「咁就好,咁就好⋯⋯」爸爸聽完小彤的解釋後,臉上露出了慶幸的表情。
雖然如此,我們食飯的時候,氣氛都算融洽,小彤爸爸也有夾菜給我吃。
其實雖然我當年暗戀着小彤,關係也和她幾好,但卻從不知道她的家庭背景。
吃完飯之後,我和小彤肩並肩坐在梳化上,小彤的弟弟就坐在梳化的另一邊看着電視。
「我想去一去沖涼先。」小彤勉強地站了起來。
「我扶你去。」我也站了起來攙扶着小彤到廁所。
「阿朗,我想問呢你同你家姐關係係咪都幾好?」我趁著小彤在廁所的時候,就問小彤的弟弟。
「係啊,阿俊哥哥,有時我幫下家姐,家姐幫下我咁,由細到大,我都好少同家姐鬧交,係而家大個少少有時會互相寸下咁。」
「我有樣嘢想問點解你家姐會話我似你嘅?」我提出我心中的疑問。
「噗!」阿朗突然笑了一聲,眼神好像明白了一切。
「我唔知家姐點諗啦,可能因為阿俊哥哥今天送家姐回家的行為有啲似我以前細個同家姐嘅一啲往事。」
阿朗接着說「我以前細個同家姐去樓下公園玩,跟住玩玩下家姐跌親,喊左出嚟,後尾都係我不斷安慰住家姐,扮鬼扮馬先氹得番佢笑,同埋扶佢返屋企,甚至有一次⋯⋯」
「小彤爸爸:今日朗仔生日,不如我哋去食佢鍾意食嘅嘢?」
「阿朗:好呀,我想去打邊爐。」
「小彤:但係今日我想食日式放題。
「小彤媽媽:你細佬今日生日咪就下佢囉。」
「小彤:哦」
「阿朗:唔緊要啦,就下家姐,食日式放題都冇所謂啦。」
「當時嘅我見到家姐有啲唔開心,咪就下佢囉,雖然佢有時都會遷就下我,不過都係我就佢多,阿爸同阿媽見我哋關係好都冇乜點理我哋。」
「原來係咁,感覺你家姐都得意,似你細妹多過似你家姐。」我偷笑着。
「哈哈,其實都係㗎,不過我覺得家姐當阿俊哥哥應該唔係淨係好朋友既關係或者細佬既感覺咁簡單。」阿朗表情有點陰險地笑着。
「點解咁講?」我聽到心頭不禁跳了一下,難道小彤當年一早對我已經係⋯⋯
「冇呀,家姐係屋企個陣有時會提起你講『阿俊今日都幾man同幾靚仔,阿俊都幾好人。』我問佢邊個係阿俊,佢又話只係學校一個同學仔,今日終於知點解家姐提起你。同埋見家姐好似望向你個陣眼神會唔同啲,希望阿俊哥哥你對家姐好啲啦。」小彤弟弟拍一拍我的肩膀。
「喂,你哋兩個講緊咩?係咪講我壞話?」小彤原來已經洗完澡在廁所門口出來看着我們
「冇呀,邊有講你壞話?」我扶着小彤過來梳化。
「真係冇?」小彤望着阿朗質問。
「真係冇啊家姐,我去沖涼先,阿俊哥哥你同家姐傾多啲計啦。」阿朗說完後就向廁所的方向逃之夭夭了。
「你哋兩個古古怪怪咁⋯⋯」小彤好像還是有點不相信。
「彤彤真係冇呀,你唔信我,我又要發誓㗎啦⋯⋯」
「好啦,小宇我信你啦。」小彤笑容滿面向着我。
這一刻的小彤真是很美,加上她剛剛洗完澡,頭髮上還殘留一點水珠,薄薄的紅唇讓人垂涎欲滴,如同出水芙蓉。
此時的我不敢正視着小彤,不過看見屋內的佈置頓然引起我的好奇心。
「彤彤,你間房係邊?可唔可以帶我去睇下?」
「吓,你講咩話?」小彤頓時面紅耳赤。