[穿越][愛情][校園]重回青春時尋找當年失去的愛情
上一頁
第 6 頁
下一頁
福斯的背叛
2020-6-24 20:45:51
當年嘅男主設定
:^(
,可惜人生唔同故事入面既男主一樣有得重新再嚟過。
:^(
Ads
福斯的背叛
2020-6-24 22:25:21
就快出文。
:^(
福斯的背叛
2020-6-24 22:47:45
11.第一次一起看電影(下)
進場之後,我們兩個坐在電影院中間的位置。
「彤彤你驚唔驚呀?一陣驚就捉住我啦。」我笑道。
「邊個會驚啊,阿俊你就驚。」小彤不服氣地說。
電影開始了不久,電影中主角的一家就搬進了一幢房子,之後房子怪事頻生,午夜突然之間廚房裡所有東西就被打破。
「呀。」這個時候我感到我的左手手臂有點痛楚,原來我的左手手臂被小彤用力捉着,她害怕到不敢看着銀幕並捉着我的手臂。
「喂走咗未啊嗰隻野?走咗話俾我聽。」小彤的反應十分可愛,又要看又要害怕。
「整蠱下佢先。」我突然心生一計。
「喂,隻野走咗啦,你睇下。」我嘗試撒謊,其實電影中的邪靈仍然在作惡。
「真㗎?」小彤於是放開隻手,視線看向電影院的大銀幕。
「我要殺曬你哋。」突然電影中主角一家所收養的孩子好像被邪靈附體一樣拿着刀砍向男女主角所生的孩子。
「呀,你個衰人又呃我⋯⋯嗚⋯⋯嗚⋯⋯」小彤立即掩臉,太害怕哭了出來。
「彤彤,你唔好喊啦,係我唔啱,唔應該嚇你,你唔使驚架,有咩事我會保護你。」我將小彤的身軀拉向我和我的身軀貼在一起。
不知道是不是我和小彤的身體貼得太近,大家都彷彿聽到對方的心跳聲,而且我看到小彤的身體紅得通透。
「阿俊你個變態佬。」小彤的哭泣聲突然停止了,但卻用力推開我。
「對唔住呀,彤彤我唔係有心,只係你太靚所以我先⋯⋯」我大概知道發生什麼事,小彤應該是感到我身體有點生理反應。
「哼,唔理你啦。」小彤轉身面向另一邊不理會我。
「彤彤,唔好唔理我啦。」我搖着小彤的手臂。
十分鐘後,電影再次出現驚嚇場面。
我發現小彤雖然仍捉着我的左手手臂,但是表情卻是不情不願。
「噗。」看見這樣的情景,我笑了出來。
「你笑咩呀?」小彤有點憤怒。
我不發一言,將小彤的臉龐埋在我的懷裏。
初時小彤還有一點掙扎,但我不讓她掙開。
「喂,衰人,我透唔到氣啦。」小彤有點喘氣地說,我急忙放開她。
小彤之後卻換了一個姿勢更好地躺在我懷裏,而她臉紅紅的帶着淚痕在我懷裏睡着了。
我看着她的睡姿,撫摸着她柔順的頭髮,感到一點欣慰,亦後悔為何當年沒有好好重視她。
一個半小時後,電影終於完結啦。
「彤彤,起身啦,套戲做完啦。」我拍醒在我懷裡睡得正酣的小彤。
「哎呀,唔好搞我住啦俾我瞓多陣啦。」小彤好像有點起床氣。
「唉,好啦。」
過多一會兒,有電影院職員進場通知我們要清場,我急忙叫醒小彤。
「哎呀,真係訓得舒服。」小彤起身之後伸一伸懶腰。
「咦點解我心口濕咗一撻嘅?」我感到胸口有點濕。
「可能我瞓覺流左啲口水落你個心口度。」小彤臉紅有點不好意思說。
「哦,原來係咁。」我偷笑着。
「阿俊你笑咩呀,我話俾你聽呀你啱啱呃我嗰件事我都未原諒你呀!」小彤見我笑她,轉移話題嬌嗔着。
「冇嘢啦,唔笑你啦,啱啱嘅事對唔住呀,請彤彤大人原諒我。」我向小彤求饒着。
「哼,咁就想我原諒你睇你之後嘅誠意啦。」彤彤雖然表面上生氣但仍壓不住因為微笑而上揚的嘴角。
「咁你俾我你嘅電話我慢慢氹番你好唔好?」我趁機會拿小彤的電話號碼。
「咁就想攞我電話號碼,好啦,橫掂之後都要傾關於班會活動嘅嘢,電話傾都幾方便。」小彤就拿我的電話,輸入她的電話號碼並設定聯絡人為「靚女彤彤」,並用我的電話打給她,她就有我的電話號碼。
我偷偷看她設置我的聯絡人名是「小宇」。
「好啦,我要返屋企食飯啦,都成6點鐘啦,我屋企人會擔心我。」小彤看着她電話上顯示的時間焦急地說。
「我走先啦,小宇,有咩電話傾啦。」小彤說完後就準備回家。
「我送你返屋企啦。」我自告奮勇。
「唔洗啦我驚我屋企人誤會,唔講咁多啦,我真係要走啦,拜拜。」小彤說完後臉紅地往她家的方向走,同時向我揮舞着雙手。
「拜拜。」我之後也離開了。
「今日雖然冇乜點睇過套戲,但係同彤彤關係有進展都值得啦,又可以攞到佢電話。」我心中暗暗下定決心一定要帶給彤彤幸福。
福斯的背叛
2020-6-24 22:51:06
今日差唔多啦
:^(
,聽日繼續照常2更
:^(
,如果
去到20正皮我會再加更
:^(
,多謝咁多位讀者嘅支持
:^(
:^(
。
妖治時代
2020-6-24 23:42:33
「我走先啦,
小宇
,有咩電話傾啦。」小彤說完後就準備回家。
主角唔係叫阿俊咩
:^(
福斯的背叛
2020-6-24 23:48:53
呢個係之後女主對男主獨有稱呼(第4章有提過下),就好似阿俊會叫小彤做彤彤一樣。
:^(
福斯的背叛
2020-6-25 14:45:39
12.班會活動(上)
「阿媽,我返嚟啦。」
「阿仔你返嚟啦,洗埋手換埋衫就可以開飯啦。」阿媽正在廚房裡煮飯。
「好。」
「老婆,我返嚟啦。」大門驟然打開,一個男人走進來,原來是老竇提早下班回來。
「今日又會咁早返嚟嘅?」阿媽從廚房裡伸出頭來。
「係呀,今日公司啲嘢早左做完,所以咪早啲返嚟囉。」老竇有點疲倦坐在梳化上。
十五分鐘後,終於可以吃飯了。
「好啦,食飯啦,阿仔你做咩喊呀?」阿媽看到桌上有幾滴水珠。
「冇啊我只係有啲眼濕濕因為好似太耐冇成家人一齊食飯。」我擦着臉上的淚痕。
其實長大之後,我除了上班,就是在家休息。有時會有朋友約我一起出街,但是只有大時大節的日子只會和家人一起吃飯見面。
「你個傻仔呀,原來係咁咋,睇吓你老竇幾時放假一齊出街飲茶行下啦。」阿媽安慰我。
「係囉,阿仔唔使因為咁就喊㗎,老竇會睇吓幾時放假咪有得一家人出去飲下茶行下囉。」老竇拍着我的肩膊說。
「好呀。」我心想這一次穿越不單止可以挽回我和小彤的關係,亦都可以令我抽多一點時間陪伴家人,真是一舉兩得。
吃飯期間,我的手機突然傳來一則WhatsApp訊息。
「靚女彤彤:喂衰人我返到屋企喇😁你係邊呀🤨?」
於是我拿起手機回覆。
「小宇:我都係屋企啊😄而家食緊飯囉😋」
「靚女彤彤:咁樣呀一陣間食完飯我WhatsApp你啦順便傾吓班會活動啲嘢🙃😊」
「阿仔,唔好玩手機住啦專心食飯啦。」阿媽用筷子敲着我的碗。
「哦,好啦。」我回答。
於是我再快速回覆一句。
「小宇:咁好啦一陣食完飯再講🙂」
吃完飯之後,我很快就洗完澡,躺在床上看手機。
乍然之間,我的手機又響起WhatsApp訊息通知聲,我一看,原來是小彤找我。
「靚女彤彤:喂衰人我食完飯啦😊你諗到班會活動去邊同搞啲咩未啊🙃🧐?」
「小宇:未諗到啊你有咩好提議呀🤔😀?」
「靚女彤彤:不如去長洲啦😆我想去東灣🥺同埋長洲有啲大魚蛋好好食我想試下😋」
「小宇:咁樣都幾好喎👍🏻就決定咁啦聽日返去問下我哋班啲同學🙂」
「靚女彤彤:好啦一於就咁決定啦😁都夜啦我想瞓啦😴😪」
我忽然記起一件事。
「小宇:彤彤唔好訓住先我有啲嘢想問你🙊?」
「靚女彤彤:你想問我啲咩🤨?」
「小宇:點解你set我聯絡人名做小宇嘅🧐?」
「靚女彤彤:無呀感覺你有啲似我細佬囉👦🏻😂咪住先你點知㗎😳😡?」
「小宇:我今日唔覺意偷睇到😅」
「靚女彤彤:衰人又偷睇我啲野😒唔理你啦😡」
「小宇:對唔住啊彤彤我唔係有心睇唔好唔理我啦🥺😢」
「靚女彤彤:咁啦罰你今晚諗吓班會活動玩咩遊戲同做啲咩好😡🙈咁我就原諒你啦😉😊」
「靚女彤彤:唔講啦我真係眼瞓啦聽日學校見啦🤗good night😴👋🏻」
小彤下線了。
「唔通彤彤淨係當我係細佬?我做得都仲未夠好?同埋彤彤有細佬既咩?點解我大嗰之後定當年嘅我印象中未聽過佢提過嘅?唉算啦之後大把機會問,依家最重要係諗咗班會活動要做咩先好。」我心中疑竇叢生。
福斯的背叛
2020-6-26 00:00:56
13.班會活動(中)
「啊,我諗到啦一於就係東灣嗰沙灘度玩啲集體遊戲,跟住再畀時間大家自由活動,我諗班上面啲同學應該會覺得幾好嘅。」我在床上閉着眼睛驟然想到。
第二天早上,我回到學校,就看見小彤已經坐在座位上,她一看見我就轉頭假裝不在意我。
「喂,彤彤,做咩唔理我?」我搖着她的手臂
「仲嬲緊呀你?唔好嬲啦,我諗到我哋班會活動玩咩啦。」我看見她的反應不禁失笑,但也哄住她。
「講黎聽下我再決定原唔原諒你啦。」小彤終於肯理會我。
「係咁嘅⋯⋯」我就講下我昨天想到的主意。
「幾好嘅,雖然冇咩新意,不過好過完全冇諗過,你諗住係沙灘個度玩咩?」小彤聽完後看來尚算覺得滿意。
「我諗住玩下閃避球、數字球個啲,黎黎去去都係嗰啲。」
「嗯,希望陣間放學開班會個陣啲同學會覺得ok啦。」
「我仲有一樣殺手鐧。」我保持神秘感。
「係咩?」小彤好奇地問。
「陣間放學你咪知囉。」我奸笑着。
「車好巴閉咩,都唔知係咪諗埋啲衰野。」小彤有點不屑。
放學之後,我們一班同學都留在課室裡開班會。
「好啦,阿俊、小彤,你哋兩個講下班會活動諗住點搞啦。」李老師說。
「我哋決定班會活動帶同學去長洲玩,因為嗰度好多好嘢食,風景又靚,大家考完試又可以放鬆一下。」小彤說。
「我反對。」黎楓芷一聽到小彤說去長洲就舉手反對。
「係囉,長洲有咩好玩?不如去其他地方仲好啦。」上次跟黎楓芷一起競選班長的阿軒也隨着附和。
於是我使出我的殺手鐧。
「不過我聽聞長洲都開左幾間賣電子零件同動漫野既鋪頭。」
「係咩,咁去長洲啦,又有得玩又有野食。」班上大多的男同學隨即支持我和小彤。
「咁投票囉,總之我就唔去長洲。」黎楓芷不服。
「好呀。」小彤也不服輸。
可惜因為黎楓芷向來較高傲和自大,所以有部分女同學並不特別喜歡她,加上小彤在這一年與班上的部分女同學基本已經混熟了,所以這次投票小彤和我也有信心。
最終22對8,我和小彤得到較多人的支持。
黎楓芷雖然心有不甘,也逼於無奈接受投票結果。
「咁我哋係長洲有咩做?」班上有同學問。
「我就諗左啲遊戲準備係東灣沙灘嗰邊玩,跟住大家就自由活動,6點鐘喺返碼頭集合搭船返中環。」我補充。
「嘻嘻,咁我就可以趁住自由活動既時間可以同彤彤二人世界啦。」我心中不禁慶幸班上同學給予我這個機會。
「幾好呀,阿俊做到野。」「果然阿嫂係度,阿俊成個人變曬唔再毒啦。」班上的同學又趁機嘲笑我。
小彤聽到這句又臉紅耳赤,手中也擰着我腰間的軟肉。
「好啦,既然咁多同學都咁諗,咁老師就無意見啦,不過你哋記住返去俾家長簽返通告,如果冇簽到嘅話,嗰日就冇得去架啦,好啦大家可以放學啦。」李老師看到這樣的情景急忙轉移話題並派發通告給我們。
「喂、小彤、阿俊。」在我和小彤收拾完東西準備回家時,阿明和阿欣叫着我們。
「小彤,你哋自由活動既時候有無諗住做咩。」
「我哋仲未諗到做咩好?」小彤若有所思說。
「咁呀,不如我哋一齊去睇張保仔洞,聽人講嗰度有寶藏,不如去睇下有冇寶藏呀?」阿欣有點興奮提議。
「張保仔洞?好似幾得意咁,阿俊不如我哋又去睇下?」小彤聽到後,好奇心蠢蠢欲動,看着我希望我可以答應。
「吓⋯⋯」我不知如何是好。
「但係咁咪冇得同彤彤二人世界囉,不過彤彤又好似好想去咁。」我心想。
「阿俊你係咪想同小彤二人世界呀?你咪講出嚟囉我哋唔會笑你㗎。」阿明看到我猶豫不決嘲笑我。
小彤即時有點不好意思,低着頭不敢再看着我。
「好啦,咁我哋跟你哋一齊去啦。」我決定跟隨小彤的喜好去行事。
「嗯。」小彤聽到我的決定雖沒有太大的反對,但語氣中卻好像有一點失落。
「彤彤唔係想去張保仔洞嘅咩?」我心中正奇怪着。
小彤和我之後一起離開了學校。
「咁嗰日朝頭早我哋一齊食早餐,跟住再搭車去碼頭啦。」小彤提議。
「好。」
「咁我返屋企先啦,拜拜。」小彤向我揮手。
「拜拜。」
福斯的背叛
2020-6-26 00:05:40
嚟緊暫時每日都照常2更
:^(
,
如果去到20正皮我會再加更
:^(
,再次多謝咁多位讀者嘅支持
:^(
:^(
,我會盡力寫落去。
兩個我加一個妳
2020-6-26 02:43:53
手動正皮
:^(
:^(
福斯的背叛
2020-6-26 03:03:27
多謝你既支持
:^(
:^(
,雖然計唔到住,但係對我係好大嘅支持,我會努力寫埋落去。
:^(
Ads
兩個我加一個妳
2020-6-26 03:26:53
巴打早d訓
:^(
尋覓冷清
2020-6-26 14:18:53
加速
:^(
:^(
福斯的背叛
2020-6-26 14:43:41
尋覓巴多謝你
:^(
:^(
,呢排好頹
:^(
但我會keep住出文
:^(
尋覓冷清
2020-6-26 15:30:02
點解呀
:^(
福斯的背叛
2020-6-26 15:39:34
唉,寫完故個陣唔係幾抽離到
:^(
:^(
,同埋覺得自己寫故好廢
:^(
,變相有種無力感
:^(
,btw冇你哋繼續支持我應該棄左故好耐
:^(
,請原諒我係度放負
:^(
,我繼續打文先
:^(
時間一去不返
2020-6-26 15:58:33
加油
尋覓冷清
2020-6-26 17:42:33
同我一開始一樣呀,但都無人俾負皮你,好過我一開始好多啦,抽離唔到代表你寫得好,代入埋角色到,不過真係好好架啦,你新手黎咋,唔好俾咁大壓力自己啦。
愛你福斯巴
:^(
福斯的背叛
2020-6-26 17:57:02
14.班會活動的回憶
回家之後,我頓然記起一件事就是我還未知道通告上寫的集合時間和日子等資料,在學校拿通告的時候也沒有時間看清楚。
我一看到通告上寫的日子,我就沒繼續看下去通告下面寫着的資料,手中的通告也掉落在地上。
通告上的日子寫着7月12日,這個日子令我想起當年的中二我們班其實也有舉行班會活動。
———
「楓芷同阿軒你哋兩個講下班會活動諗住喺邊度搞,同做咩?」當年的班長是黎楓芷和阿軒,所以是她們負責的。
「我哋就諗住喺南丫島度搞。」
「咦咁咪可以去睇風車?」「我哋成班同學想睇好耐架啦。」班上有些男同學異常興奮。
「到時我哋可以去玩下集體遊戲先,再行上山睇下風力發電站。」黎楓芷好像已經有了全盤計劃。
當年的她沒有現在那麼討厭,所以當時大部分同學都贊成她的建議。
「咁我哋嗰日朝頭早9點鐘就係中環4號碼頭等啦。」李老師提醒我們班的同學。
到了班會活動舉行的那天,亦即是7月12日,我和小彤一早到了中環4號碼頭集合。
「小彤你咁早到嘅?」
「係呀畢竟係我係呢間學校第一次班會活動,咁你又咁早到既。」
「冇啊,我聽到要去南丫島個風車站都有啲興奮,所以咪早咗起身囉,驚遲到呀嘛。」我還記得出發的前一晚我興奮到睡不着。
班上的同學到齊之後,我們就坐船出發去到南丫島。
到了南丫島之後,我們一班同學在附近沙灘玩了幾個小時的集體遊戲,不外乎是閃避球、捉迷藏等遊戲。
玩完集體遊戲之後。
「有啲同學同我講話唔想睇風力發電站,所以唔想去嘅同學可以喺附近周圍行下,到6:00就喺返碼頭集合搭船返中環就得㗎啦。」李老師說。
「阿俊你係咪諗住去風力發電站呀?其實我想去海邊行下,阿俊你陣間可唔可以陪我係海邊行下?」小彤拉着我的衣角滿心期待問我。
「咁呀⋯⋯」其實我心中頗想去看一下南丫島的那個風力發電站,因為我是第一次去南丫島。
「阿俊,你係咪好想去風力發電站?係嘅話唔緊要我自己一個人就得啦。」小彤放開我的衣角有點失落,不過仍然努力安慰我。
「咁呀,你自己一個人真係得?」我有點不放心。
「嗯,你放心去啦,你自己都要小心啲。」
之後我跟住一班同學去看風力發電站,直到集合時間即將來到才啟程回到碼頭。
我離遠看見小彤的身影在海風吹拂下有點搖搖欲墜。
直到上船之前,小彤一句話也沒有跟我說。
「小彤,你係咪唔開心?」在返回市區的船程途中我終於忍不住問她。
小彤依然默不作聲。
「小彤我應承你下次出街陪你去海邊行下?好唔好?」我忽然之間有着不知從哪裡來勇氣向小彤說出我想說的話。
「真嘅?唔好氹我喎。」小彤終於肯理返我,認真地問我。
「咁你攞你部電話出嚟啦。」小彤遞出雙手示意我給她我的電話。
「你攞我部電話做咩?」雖然如此我仍然將我的電話交給她。
我看見她在我的電話上輸入她的電話號碼,然後再打俾我。
「我有你電話號碼既話咁我想搵你出嚟陪我嗰陣就可以方便啲啦。」小彤一邊說一邊替我設置她的聯絡人名稱是「彤彤」,而她設置我的聯絡人名稱是「小宇」。
「同埋以後冇咩人係度個陣,我就叫你小宇,你就叫我彤彤啦。」小彤臉上當時露出一絲紅暈。
「好。」當年的我不知道是什麼意思,但也心想終於拿到女神的電話,回到家之後興奮得在床上翻來覆去。
可惜當年的我之後以各種理由推搪着小彤,所許下的承諾都沒有一一兌現。
———
「今次班會活動我一定要帶比彤彤一個圓滿美好嘅回憶唔會再重蹈覆轍。」我握緊拳頭下定決心。
福斯的背叛
2020-6-26 17:58:44
多謝你
:^(
,今晚仲有一更
:^(
福斯的背叛
2020-6-26 18:00:58
希望啦
:^(
,多謝你開解下我
:^(
,可能遲下又要再搵你
:^(
Ads
米椏
2020-6-26 18:18:03
推
巴打唔好咁頹 做好自己慢慢寫就得
:^(
至少你冇負皮啊 係咪?
:^(
福斯的背叛
2020-6-26 18:22:12
多謝米椏巴支持
:^(
:^(
,大家一齊加油
:^(
:^(
妖治時代
2020-6-26 18:48:40
醒醒定定呀阿俊
:^(
:^(
:^(
:^(
:^(
:^(
:^(
尋覓冷清
2020-6-26 19:14:48
無任歡迎
:^(
,係喎,你差唔多就上傳上紙言,有view數你賺。
上一頁
第 6 頁
下一頁