福斯的背叛 2020-6-23 22:00:25 寫緊

:^(

，睇下1點前出唔出到

:^(

最鍾意hea 2020-6-23 22:02:03 文

:^(

:^(

:^(

福斯的背叛 2020-6-23 22:04:37 趕工中

:^(

:^(

最鍾意hea 2020-6-23 22:05:12 加速

:^(

:^(

:^(

福斯的背叛 2020-6-24 00:32:06 8.班長選舉

我回到家之後，看一看牆上的時鐘發現原來只是下午三時正。

我放下書包就攤在梳化之上，同時亦思考明天班長選舉應該如何拉票之事。


「嘎咕、嘎咕、嘎咕。」牆上的時鐘突然響了起來

「嘩，原來已經咁晏架啦。」我揉一揉眼睛，看著牆上的時鐘，再看一看窗外的天色，原來已經是晚上7點。

「睇嚟頭先諗諗下野攰得滯，係梳化上面訓左。」我擦一擦嘴邊的口水績漬。

「咦，點解枱面有張紙仔既?」我看見有張白色的紙條放在餐桌上。

「阿仔，阿媽放工之後，同同事食埋野先返，雪櫃有啲隔夜飯，你自己攞嚟食。」紙條上應該是阿媽的字跡。

我吃完飯，洗好碗，就到浴室洗澡。

「唔知聽日點拉票先可以令到班上嘅同學投我同彤彤呢?」我一邊在洗澡一邊在想。

「如果呢個時候天使彤係度就好，話曬佢啲力量咁強應該幫到手。」我洗澡完後在梳化上想。

「你有事搵我?」我旁邊突然有隻手拍我肩膀，天使彤突然坐在我的旁邊。

「哇屌，你嚇撚死我咩，成日無啦啦彈出嚟，同埋點解你越嚟越似彤彤嘅?」我拍著自己的心口說，同時發現她越來越像小彤，不過仍有明顯分別。

「係咩?我之前咪講過我會隨時監視著你。我頭先感應到你有事搵我，所以咪出現囉。」

「哦，咁我頭先沖涼，你咪睇到曬?」不過當然這是我心底的想法，我不敢當面說出來。

「你諗咩，死變態佬，邊個得閒睇你沖涼?」天使彤臉有點紅暈，粉拳準備揮過來。

「好啦，我投降，我投降。係咁既我聽日同彤彤一齊選班長，你有冇咩方法令到啲同學會投我哋兩個?」我雙手舉著，接著問天使彤

「咁樣呀，我都唔知可以點樣幫你，一係你俾啲好處拉攏下你啲同學咪得囉。」天使彤說

「哦，好啦，咁......」

「我仲有啲野要去處理，有咩下次再講。」天使彤說完又突然消失得無影無蹤。

「車又走得咁快，諗住問下穿越啲野，算啦，下次再問......」

突然門外有一陣開門聲，原來是阿媽回來了。

「阿仔，頭先我係出面聽到你同人講野嘅?」阿媽一進入門口就問

「冇野，係我自言自語，我去訓先啦，阿媽。」我看到牆上的時鐘已經是晚上11點。

「俾咩好處呢?啊，我諗到啦。」我在床上躺著期間突然有個好主意。


第二天早上，我一早回到課室，打算早點拉攏同學，豈料我看見黎楓芷拉著那位叫阿軒的同學正在說服同學一會兒班長選舉投票給她們，而小彤坐在自己的位置上有點緊張。

「你咁遲先返架，諗到咩方法未?我諗唔到呀。」小彤緊張地跑過來問我

「哼，睇我表演。」我自信滿滿地說

「咁多位同學仔，如果你哋選我哋做班長，我哋兩個可以幫你哋補習，陣間放學請你哋去麥記食野。」我對著各位同學說

「哈哈阿俊你笑死我咩仲麥記，頭先黎楓芷同阿軒話幫我哋搞掂啲功課同埋請我哋去酒店食自助餐。」

「頂，今次仆街。」我忘記了黎楓芷的家庭背景很富有。黎楓芷頓時我們投來勝利的目光。


放學的時候班長選舉開始了。

「阿俊，今次我哋係咪輸硬啦?」小彤垂頭喪氣地說。

「唔會嘅，仲有奇跡。」可是我心目中早已打定輸數，應該只有我們自己兩票和阿明、阿欣兩票支持我們。

突然在投票的過程，一陣怪風吹過，阿軒的座位跌出了很多張遊戲卡。

「阿軒，你點解咁多遊戲卡嘅?你知唔知校規唔俾帶呢啲野?算啦，阿軒，你陣間去教員室見一見我，睇嚟你哋兩個唔適合做班長，我宣佈張俊宇和楊小彤當選為本年度的男女班長。」李老師說完後就離開了，而黎楓芷心有不甘地也離開課室了。

「彤彤我哋得左啦。」「係呀。」我和小彤不知道是不是太感動，居然在眾目睽睽下抱在一起。

「恭喜，阿俊同阿嫂。」我們班的同學都偷笑著。

「哎呀。」突然我的腰間感到一陣痛楚，我急忙放開小彤。

「哼唔理你啦，我返屋企先啦。」原來是小彤擰了我腰間的軟肉一下，面紅耳赤地急步離開課室。

「彤彤等埋我啦。」我急忙追上小彤的腳步。

在我們離開後，突然課室外的遠處天使彤出現並露出滿足的神情，之後隨即消失了。

福斯的背叛 2020-6-24 00:37:10 聽日繼續

:^(

，照常兩更

:^(

，見到個post正皮又多左，多謝咁多位讀者

:^(

:^(

:^(

，btw想問下大家而家一篇會唔會太長定點

:^(

，歡迎俾意見小弟改善下。

:^(

時間一去不返 2020-6-24 01:25:39 天使彤係咪即係死咗嘅彤彤

福斯的背叛 2020-6-24 01:28:45 多謝你估下劇情

:^(

，但係呢個位應該要去到好後面劇情先會知

:^(

，所以keep住睇落去啦。

:^(

我和你 2020-6-24 01:34:40 係咪彤彤都好想回到過去改變跟住兩個人無意中產生左天使彤出黎

:^(

尋覓冷清 2020-6-24 01:51:17 好睇，不過原本既劇情係咪唔係有遊戲卡架。

福斯的背叛 2020-6-24 02:53:32 唔係，可以再估下

:^(

:^(

福斯的背叛 2020-6-24 02:54:43 原本既劇情係指主角未穿越嘅時空，當年嘅中二？

:^(

尋覓冷清 2020-6-24 09:21:05 係呀，咁係因為啲咩而有左遊戲卡呀

福斯的背叛 2020-6-24 10:55:06 原本嘅劇情其實冇

:^(

:^(

尋覓冷清 2020-6-24 11:17:35 咁咪變左突然出現囉，我覺得可以寫主角做左啲野先得囉，點都要有少少蝴蝶效應呀嘛。

:^(

，小意見，唔知你有無寫。

妖治時代 2020-6-24 11:21:55 我覺得係天使彤砌佢生豬肉

:^(

福斯的背叛 2020-6-24 11:28:27 例如主角塞啲遊戲卡係阿軒個位既櫃桶先？其實係因為天使彤先出現，我諗主角可以點拉票個位都諗左好耐，最終可能寫得唔係幾好

:^(

:^(

，btw點都好多謝你嘅意見

:^(

，我之後啲劇情位如果係有扣連返原本嘅歷史睇下寫唔寫到蝴蝶效應。

:^(

福斯的背叛 2020-6-24 11:29:16 你估中左

:^(

:^(

尋覓冷清 2020-6-24 11:30:59 哦，原來係咁

:^(

:^(

福斯的背叛 2020-6-24 11:31:56 我寫到好複雜

:^(

？

尋覓冷清 2020-6-24 11:33:29 唔係呀，係你未講話天使彤砌生豬肉姐，我太蠢估唔到

:^(

:^(

福斯的背叛 2020-6-24 11:40:34 好啦，之後既劇情位我睇下有啲位可唔可以寫返簡單啲

:^(

，btw咁多位讀者覺得而家一篇嘅篇幅長度會唔會太長定點

:^(

尋覓冷清 2020-6-24 11:51:51 唔好啦，唔使理我架，直接鐘意點寫就點寫啦，篇幅ok

:^(

福斯的背叛 2020-6-24 11:52:53

:^(

米椏 2020-6-24 13:47:10 留個名

:^(

:^(