福斯的背叛 2020-8-26 18:35:44 多謝大愛巴幫推

:^(

妖治時代 2020-8-26 18:44:35 呢個故事教訓我哋
識人好過識字

:^(

多一個朋友好過多一個敵人

:^(

福斯的背叛 2020-8-26 18:46:07 際遇真係好重要

:^(

艾朗·藍斯 2020-8-26 23:30:56 一野追晒

:^(

福斯的背叛 2020-8-26 23:32:42 咁快

:^(

可以留個正皮支持我

:^(

:^(

大方林早洩 2020-8-27 09:58:06 手動正皮繼續推

:^(

:^(

福斯的背叛 2020-8-28 17:50:32 40.揭穿Alan的陰謀

一星期後，派發成績的那一天終於來臨。

「究竟可以點樣揭穿Alan嘅真面目呢？」我在上學的途中不斷想著。

「唔該一份腿蛋治。」我在買早餐的時候從褲袋中拿出銀包。

「同學仔，你跌左啲嘢。」身後有人拍拍我的肩膀。

「係咩？唔好意思呀。」我回頭一看發現跌了一張學生證。

我一拿起來發現原來是我當天離開實驗室時在地上拾到的學生證。

「我條校褲原來仲袋住Alan張學生證。」我腦海中想到一個好主意。

當我一回到學校時，有人將一塊石頭踢到我腳前，原來Alan在我前面邪笑地看著我。

「咩事？」我對他的笑容莫名感到一陣心慌。

「你點解會返到嚟？」Alan質問我。

「關你咩事，做咩啊？好唔想見到我咩。」

「唔緊要啊，你唔講我都估到係上次我見到嗰個女仔送你返嚟。」

「咁你想點？」我不知道他跟我說這些話的用意。

「你估你返到嚟可以改變到啲咩？我話俾你聽我同小彤就會分去同一班，而你⋯⋯哼。」Alan說完後就囂張地離開了。

「Alan究竟做咗啲咩嚟？」

回到課室我就看見小彤和阿明他們聊天。

「早晨。」我向他們打招呼。

「阿俊，今日要派考試成績，你有冇信心？」阿明問我時小彤也看向我，彷彿期待着我的回答。

「緊係有啦。」我拍著胸口自信地說。

小彤看到我如此自信滿滿臉上也露出燦爛的笑容。

一天的課堂時間很快就過去，老師在放學之前就開始派發成績。

「阿俊啊，你今次成績退步左喎，記住上到高中要繼續俾心機讀書。」輪到我拿成績表時，李老師跟我說這些話。

我一看發現我的平均分少於八十分，全班排名只有第六，在我收集的資訊所得，頭五名的同學包括了小彤、Alan和黎楓芷，只有頭五名能夠進A班讀商科，而我只能進B班讀理科。

「點解會咁㗎？」由於我遲考，所以老師現在先將試卷連同成績表派給我，我急忙打開試卷一看。

「我明明呢幾題唔係咁做㗎。」我百思不得其解，為何答案會被改變了。

「頂，肯定係Alan搞鬼。」我想起他今天早上的說話。

「既然你不仁，我就不義。」看著Alan拿完成績表的那張得寸進尺的嘴臉，我再也忍受不了。

「老師我有啲事想搵你。」我趁李老師還未離開課室前找他說話。

「老師我諗我大概知道實驗室嗰單嘢係邊個做⋯⋯」我在老師耳邊說了一大段說話。

「Alan同阿俊你哋兩個執埋啲嘢跟我去一去教員室。」由於事態嚴重，李老師聽完後決定帶我和Alan在教員室對質，我留意到Alan聽到後眼中閃過一絲驚慌，但是表面上仍然保持冷靜。

我和Alan收拾好東西準備跟李老師到教員室時，小彤卻拉着我衣角。

「小宇你唔會有咩事啊？」

「唔會你乖乖地喺校門等我就得啦。」我拍拍小彤的頭。

來到教員室後，李老師坐下來卻沒有說話，而我和Alan也不敢先說話。

「Alan你冇嘢想同老師講？」李老師看著Alan。

「冇啊⋯⋯老師我唔知你搵我咩事喎？」

「你12號嗰日放咗學之後喺邊？」12號正正就是實驗室爆炸的那天。

「我⋯⋯我咪返咗屋企囉。」Alan眼神閃閃縮縮地回答著李老師。

「係咩？我打電話叫校門啲保安睇下CCTV先。」李老師就準備打電話通知保安。

「老師我講啦。係，我係學校。」

「咁你喺學校做咗咩唔見得光嘅嘢？啱啱要講大話呃老師。」

「冇啊，我係學校用電腦打機，所以先⋯⋯」Alan隨意找了一個藉口。

「夠啦，Alan。」李老師突然大發雷霆站起來。

「你仲想呃老師幾耐？你睇吓呢張係咩嚟？」李老師突然擲一張證件給Alan。

「老師你點解會有我張學生證？」沒錯，那張證件就是我交給李老師Alan的學生證。

「你張學生證係阿俊俾我，實驗室爆炸件事係咪你做？」李老師繼續問。

「老師就算係咁都唔可以證明實驗室嗰單嘢關我事，最多咪係我唔小心跌咗張學生證跟住阿俊執到囉。」我想不到Alan還在狡辯。

「真係咁簡單咩？阿俊，你比條片佢睇。」我看見李老師漸漸不耐煩，於是我播放之前Eric給我的影片。

「你想做咩？」片中首先是我的聲音。

「呢啲係火水嚟，你點好打都唔夠啲火快㗎啦，都叫左你唔好同我爭小彤㗎啦，搞成咁何必呢？」片中清楚播放出Alan這一段聲音。

然後片中的Alan就從門口拿著他帶來的一桶火水進去實驗室，片尾更顯示Alan將火水倒在實驗室的門口，然後再施施然離開。

「Alan你仲有咩解釋？」我看得出李老師的眼神包含著憤怒和失望。

「老師真係唔關我事。」Alan驟然跪在地上痛哭求饒。

「啪。」Alan的臉上突然多了一個紅紅的掌印。

「果然係你，你知唔知你差啲害死阿俊？」門口突然之間有一個人衝進來摑了Alan一巴掌，我看清楚竟然是小彤，小彤摑完後還想再摑，我情急之下拉著她。

「小彤冷靜啲，老師會幫你哋主持公道，我已經通知左校長同訓導主任，相信佢哋都報咗警，Alan你留係度唔好走。」李老師冷靜地說。

豈料還跪在地上的Alan突然冷笑一聲。

「老師你覺得你哋可以留得住我咩？」

福斯的背叛 2020-8-28 17:51:39 多謝大方巴幫推

:^(

:^(

:^(

大方林早洩 2020-8-28 17:56:21 你繼續出我繼續推

福斯的背叛 2020-8-28 17:57:01 我會盡量出返密少少

:^(

:^(

可愛肥嘟嘟雪人 2020-8-28 18:15:34 Alan 大鑊了

:^(

福斯巴加油!

福斯的背叛 2020-8-28 18:17:55 點解反而覺得Alan大鑊

:^(

:^(

多謝可愛巴支持

:^(

:^(

:^(

妖治時代 2020-8-28 18:29:00 我覺得李老師大鑊啲

:^(

:^(

:^(

福斯的背叛 2020-8-28 18:30:02 斯文人緊係大鑊

:^(

都唔識打交

:^(

讓我決定我的快樂 2020-8-28 19:27:23 LM
追哂喇，等下一集

:^(

福斯的背叛 2020-8-28 19:52:17 快樂巴

:^(

可以留個正皮支持我

:^(

讓我決定我的快樂 2020-8-28 19:56:45 持已支
等你再寫，好緊張呀！

福斯的背叛 2020-8-28 19:57:32

:^(

:^(

:^(

想親你 2020-8-29 23:07:01 Alan又請槍

大愛平胸 2020-8-30 02:20:16 樓主有文未呀

:^(

福斯的背叛 2020-8-30 17:07:23 41.生死關頭

「Alan 你咁講係咩意思？」我感到一種不祥的預感。

「哼。」Alan突然從褲袋拿出一個煙霧彈，並投放在地上。

我立刻掩著口鼻，當我想提醒小彤和李老師時，卻發現他們早已暈倒在地上。

煙霧散去後，Alan雙手分別拿著兩把刀。

「你又想點？」

「今日唔係你死就係我亡。」Alan說完後就拿著刀猛然衝過來。

我匆忙閃避過去，而Alan的刀也揮空了一下，我趁此機會踢向他後背。

「哎呀。」Alan被我踢倒在地，手中兩把刀都跌落。

我急忙拾起距離我較近的那一把刀，而Alan也慢慢站起來。

「估唔到啲煙對你冇用，唔緊要今日你點都會死係我手下，你仲有冇咩遺言想講？」

「睇下邊個講嘅係遺言。」說畢後我就打算以快打慢，立刻揮著刀用我擅長的步法和快速的走位打Alan一個措手不及。

豈料，我的刀法不及Alan，他看清了我的刀法並用他的刀準確地把我的刀擋下，由於力量過大，我的刀突然脫手插在教員室的門口。

「大鑊。」我急忙走到去門口打算逃走，但留小彤在這裡不知道會不會遭受Alan的毒手，可是即使帶她一起逃走，我的步法也因為要帶着一個人而有機會逃不了，所以我決定留在這裡戰到最後一刻，到最後關頭再找天使彤幫忙。

可惜當我想到此處時，我卻沒有注意到Alan的刀即將砍到我的背部。

「錚！」突然一聲金屬碰撞的聲音嚇得我回過頭來，我發現一把斧頭把Alan的刀擋走，並飛回一個正穿著白色大衣的人手上。

「咦你係度嘅！」我一看原來是天使彤的朋友Hubert。

「你係？」看來Hubert上次在天使彤的家並沒有知道我的存在。

「我叫阿俊，上次我係天使彤屋企⋯⋯」

「唔好講咁多啦，收拾左前面呢條友先。」Hubert打斷了我的說話。

「原來你仲有一個朋友，不過好快就係我嘅手下敗將。」Alan囂張地拿起刀再一次砍過來。

「不自量力⋯⋯」Hubert以迅雷不及掩耳的速度一下子用斧頭揮過去。

「我隻手！」Alan的右手前臂不知道為什麼突然掉落在地上，場面十分血腥。

當Hubert想上前了結Alan 的生命時，卻傳來一把人聲。

「唔好以為係天使就可以打橫嚟。」一個全身披著斗篷的人突然間站在Alan的旁邊，從聲音聽來應該是女性。

「哼，就係想引你出現，可以帶你上埋天庭受審。」

「嘻嘻嘻，捉到我再講啦你，下次我哋一定會十倍奉還。」那個披著斗篷的女人提起Alan的身體準備離開，而Alan已經重傷到昏迷不醒。

「想走冇咁易。」當Hubert想再追上去時，那個披著斗篷的女人放出一些蛇蟲鼠蟻。

「頂。」當Hubert消滅了那些蛇蟲鼠蟻時，Alan和那個披著斗篷的女人早已逃之夭夭。

「唉，都係比佢哋走甩咗。」

「Hubert，頭先救Alan走嗰個就係惡魔？」

「係，你之後同你嘅朋友最好小心啲，相信佢哋會再返嚟報仇。」Hubert看了小彤一眼再說。

「咁佢哋係咪會好快醒返？」我指著暈倒在地上的李老師和小彤。

「嗯⋯⋯應該冇咩大礙，我走先。」Hubert「嗖」一聲就離開了。

「睇嚟Alan身邊個隻惡魔都將幾勁，要叫天使彤教我啲自衛術先得。」

「小宇你係度同邊個講嘢啊？」小彤原來已經醒來，正在拍拍衣服上的灰塵。

「你醒咗啦？唔好望地下。」我遮著她的眼睛不讓她看見Alan的斷臂。

「你做咩啊？我頭先見地下得番一灘黑色嘅水。」小彤撥開我的手。

我一看地板發現Alan的斷臂果然不見了，只剩下一灘黑色的水。

「又會咁奇怪嘅？」我疑惑著。

「發生咩事？」小彤好奇地問。

「我都唔知，頭先突然冇左知覺。」我決定暫時隱瞞著剛才發生的事，畢竟都是不合乎常理。

「係囉，真係奇怪。」

沒多久後，李老師也醒來，他知道Alan逃走了感到有點可惜，而校長和訓導主任隨後也到達教員室，並將Alan的名字從學生名單上剔除和報警，Alan最終不但被勒令退學，也成為了一個通輯犯。

「阿俊，Alan個位你補上啦。」李老師通知我。

「好，多謝老師。」Alan的離去令我能夠如願以償在高中和小彤同班。

「希望係嚟緊高中嘅日子我唔會再好似前世咁留低好多遺憾。」我想起前世升上高中時與小彤相處的時間是屈指可數，而且不太愉快⋯⋯

福斯的背叛 2020-8-30 17:08:05 咁又估到

:^(

:^(

福斯的背叛 2020-8-30 17:08:18 有啦

:^(

讓我決定我的快樂 2020-8-30 19:40:30 推

可愛肥嘟嘟雪人 2020-9-2 11:36:33 有咗兩日

:^(

有啲掛住小彤添

:^(