[殭屍/鬼怪/打鬥]《噬魂》我由古惑仔變左做現代道士
上一頁
第 5 頁
下一頁
月牙
2020-7-22 11:52:12
好快這場比賽就結束了,不用多說,是王宇完勝,莫軍被炸的遍體鱗傷,而王宇則絲毫無損
「嘩~打得非常好啊!用真實力取勝就係唔同啲嘅!好~咁有請南陽派嘅中堅出場~犀利啦!傳聞中依位人兄曾經係三破日,百鬼夜行之時一舉收伏曬所有惡鬼!佢就係莫坤!」
「師兄,咩係三破日?」我當時道行尚淺,還知曉所有術語
「三破日係六十年一次的極陰之日,怨氣衝天,無法超生嘅怨靈惡魂會係陰氣最重嘅時候返嚟人間徘徊同作惡,所以一定會有百鬼夜行嘅現象」師兄解說
這個看上去平平無奇的大叔真的有能耐一人收伏過百惡鬼?!比賽看下去就知道
「你同啱啱嗰個廢柴唔同」王宇率先說話
「點唔同?」莫坤問
「一個人嘅心可以由眼神睇得出,你係有歷練嘅人,比賽承讓啦」王宇做出拱手的動作以示尊重
莫坤亦做出拱手的姿勢,比賽正式開始
王宇不斷圍著擂台行走,同時亦將符紙掉到地上,好快擂台上就佈滿符紙,行走的路少之有少,莫坤不慌不忙的慢慢走近王宇
「火神借法,破!」王宇再次叫出術令
這次的爆炸比剛剛的強很多,瞬間濃煙四起,王宇笑以為成功,但當濃煙散去時,沒有莫坤的身影,地上有一張人形的符紙,是身外化身!
「依招幾好,用身外化身引敵人出招」師兄說,我也認同這做法
身外化身是一種茅術,可以利用符紙製造一個與自己一樣的分身替自己做事
真正的莫坤現在才從擂台下上去
「哈哈~唔好意思浪費咗你咁多爆破符添,不過唔緊要,我還比返你」話畢,莫坤就以極快速度飛出數張符紙,王宇來不及反應,符紙在他身上爆炸,被炸出多處傷口,好快便倒地不起,但還一息尚存,如果他死了莫坤就犯規
「好啦好啦!真係非常精彩啊,真係鬥志鬥力,西樓派副將請上場!依位人兄都唔係講笑㗎,曾經以一舉之力殺咗一隻百年殭屍,佢係王尚!」主持人真的令整個賽事變得熱鬧起來
那個王尚一臉冷酷,木無表情的,打一個筋斗就上了擂台
「你個樣死老豆咁款,扮型?」莫坤嘲諷王尚
「隨便你點講」王尚雙手放在後腰
「最憎人係到扮型!」莫坤向王尚飛出符紙
王尚同樣飛出符紙,一一擋住莫坤的爆破符,王尚跳起
「令,出鞘!」數把桃木劍從王尚後背飛出,高速的圍著莫坤徘徊,刀光劍影,莫坤一邊躲避一邊拿出一疊符紙,在手掌心轉成圓扇形,掉上上空,瞬間符紙散開變成符陣,在莫坤的周圍形成保護網,王尚無法攻擊到莫坤
「估唔到佢兩個實力都幾高....」這場比賽比我想像中精彩
「佢兩個始終係雙方嘅中堅,實力唔會太低」師兄說
王尚收起劍,站著不動,未有下一步行動
「哈,我依個符盾連百鬼夜行都頂得住啊」莫坤笑說,看王尚收起了劍,他也隨即收起符盾
但他沒想到,原來王尚在收起劍時,故意有一把沒收起,停放在莫坤的背後,在莫坤收起符盾時,王尚出招
「令,收!」王尚把劍收回
莫坤沒注意到背後那劍,被劍直穿肩膀,王尚接住收回的劍
莫坤受重創半跪在地
Ads
月牙
2020-7-22 19:32:45
「你啱啱仲好囂張㗎,點解依家成隻死狗咁」王尚行近莫坤
「你都係用計先打得中我咋!」莫坤還口
「你啱啱咪又係用身外化身先贏到,係你地南陽奸詐在先,我地西樓都係學你地㗎咋」王尚再次雙手放在後腰
「個比賽話明係冇規則㗎嘛!我地冇做錯啊」莫坤繼續為南陽的行為反駁
「算啦,唔玩啦,你現真身啦,由上台個刻開始已經知台上嗰個唔係你真人啦」王尚隨即一劍刺穿面前的莫坤
台上的莫坤瞬間化成煙縷,地上又是一張人形符紙,真正的莫坤原來一直不在台上,看來他是一個用茅術的高手,正常只要有基本道行的人都可以看穿身外化身,但他能騙到在場不少人,中堅已那麼厲害,主將又會是什麼程度...
真正的莫坤原來一直站在了擂台的邊緣,貼上了一張隱身符
「一早睇穿你㗎啦,不過想睇下你有咩花樣姐」王尚轉向莫坤的真身
「幾犀利啊」莫坤鼓掌
隨即全場也為他倆鼓掌
真正的戰事現在正式開始,莫坤搶先出招,從袖口飛出數支銀針,王尚翻個筋斗全數避開
「毒針?!」王尚愕然
「避得開一次,唔知下一次點呢」莫坤邪笑
「依隻毒中咗唔係講笑....」在旁觀戰的師兄也感到愕然
「賤人....」王尚戒備
「賤唔賤冇所謂,最緊要贏~哈」莫坤繼續邪笑
莫坤再飛出毒針,同時衝向王尚,王尚要及時避開毒針已分身不暇,顧不上莫坤的靠近
莫坤飛出一大疊符紙,王尚以為是爆破符,以手護面,包著上身,希望將傷害減到最少,但卻等不到爆炸聲,他張開眼一望,發覺自己已被符盾包圍住,他嘗試衝破符盾,但符盾比他想像的堅固,他將爆破符貼在符盾上
「火神借法,破!」
王尚爆破符對符盾的傷害是零!符盾絲毫無損
「哈,我嘅符盾唔係一般符可以衝破到㗎!」莫坤驕傲的說
「睇下點!」王尚將數十張爆破符貼在符盾上
呯!呯!呯!呯!
爆破聲不斷響起,符盾裡煙霧彌漫,看不清王尚的情況,正常人在這麼近距離接受多次爆炸,理應是兇多吉少
符盾出現多處裂痕,煙霧亦隨即開始散去,王尚在符爆開時及時蹲下,將傷害減至最低, 傷不重,他一腳前撐將符盾打破
「又話好難破嘅!我破到啦喎!仲有咩招啊?」王尚有點站不穩,應該是剛剛一輪爆炸始終有所影響
「你企都企唔穩啦,仲咁大口氣?」莫坤搖頭
「咁就睇下邊個企到最尾」王尚抽出桃木劍衝向莫坤,莫坤連跳後退飛出符紙,王尚低身躲開
「令,出鞘!」王尚飛出數桃木劍,莫坤不停用符擋住劍的攻擊,但始終劍的數量太多,擋不了全數攻擊,身上開始出現傷痕,王尚乘勝追擊,親自上前斬擊,莫坤有吃不消,不停的躲避令他體力消耗加快,很快就被王尚逼到台邊,已無路可走了,所有劍都已指著莫坤
「冇路走啦嘛,我保證,你投降我就唔傷你」王尚提出放過莫坤
「好啊好啊!我投我投!」莫坤點頭
王尚見莫坤點頭就把手放下
「投你條命啊!」莫坤反口,趁王尚放低手時飛出爆破符,王尚來不及擋
「收!」王尚在符爆前一刻喊出
爆破符近距離炸中王尚,莫坤亦被王尚的幾把桃木劍插進後背
全場一片寂靜,大家都屏息凝神,看著台上的一切
月牙
2020-7-23 11:05:44
爆炸的煙霧消散了,王尚面部被符炸傷,暈了過去,而莫坤則趴在地上,後背全是王尚的劍,二人都沒法再起來戰鬥,結果這一局是平手收場
「呃.....由於雙方代表都冇辦法再繼續戰鬥,所以依一場係打和嘅,咁就有請南陽副將莫逆,西樓主將王軍出場!兩位都係絕頂高手!」
比賽開始,王君主動攻擊,莫逆什麼都沒有做,蹺著手,等待王君的攻擊,當王君去到莫逆身邊時,王君突然倒地,他站起來再攻,結果也是一樣,好像有股無形的力量打倒,王君再起身時突然飛出擂台,頭先著地,直接暈了過去
「師兄,咩事啊?!點解會咁嘅?!」我完全看不清台上的情況
「我都唔知....」師兄也一臉懵然,不知狀況
所以這場是南陽派勝出
「好啦,啱啱睇完西樓同南陽咁精彩嘅比賽,依家就到東道同北門!!今場勝利嘅就會同南陽進行決戰!」
「九,放鬆啲」師兄在我旁說
「嗯」我點頭
「好啦~大家準備好未!有請我嘅師姐~東道派先鋒!葉童!同埋北門派嘅先鋒張暉!」
「東道派全部都係女?」我問師母
「冇錯,東道派係只傳女嘅派門」師兄回答
「咁會唔會唔係幾好...」男人跟女人打...
「嘩,你唔好睇小佢地啊,死咗你都唔知咩啊!佢地出曬名個個都女殺手嚟,佢地道術可能唔叻,但拳腳功夫唔會差過男人」師兄說得認真,來看是真的
比賽開始
我方張暉搶先出擊,揮拳,葉童避開,轉到張暉背後,用手鎖住張暉的頸,張暉不斷掙扎,但沒效,好快張暉的面開始有點發紫,是有點缺氧,他拍一拍葉童的手,投降了
「嘩.....動作流利,一招致命,真係高手」我呆了
「所以.咪叫你唔好睇小佢地」師兄也咽一咽口水
好快我們的中堅也輸了.....輪到師兄上場
「妹妹,我唔同佢地啊,你唔好大意啊」師兄笑著說
「廢話!」這次葉童主動出擊,她瞄準師兄的喉核出拳,打中的話絕對可以一招擊倒,師兄一個側身避開,葉童撲空,師兄看準一個手刀打在葉童的後頸,葉童隨即暈倒,師兄乾淨俐落的勝出比賽,相信師兄真的有能力全勝,不用我出場
如是者,師兄一人全勝,將東道派的四個代表都打敗了,每場都是如此乾淨俐落,師兄在台上換來全場的掌聲
「師兄!打得好好!」我衷心的說出
「小事啦,輕手咗㗎啦,佢地好快冇事」師兄拍一拍我肩膀
「雖然我派輸咗,但希望大家再比多次掌聲我嘅師姐!」
全場響起掌聲!
「好啦好啦!多謝各位~話咁快!!到咗最後高潮啦~最強決戰!南陽對北門!由於南陽嘅莫軍同莫坤已經身受重傷冇辦法再上場戰鬥,所以直接派出莫逆嚟應戰嘅!而北門派就派出.....」
「等陣!」師兄突然叫出
「係?請問你有咩事?」女主持問師兄
「我係北門嘅副將,我要求直接出賽」師兄認真的說
其他師兄弟也是一臉懵然,不知道師兄在做什麼
「聽住,你地唔係莫逆嘅手腳,連我都睇唔透佢嘅動作,你地無謂送死,信我,交比我」師兄對著其他師兄弟說
我們都默默點頭,同意讓師兄先上台出戰
就這樣師兄走到擂台上,比賽亦隨即開始
月牙
2020-7-23 20:40:31
「好~咁大家無異議就正式開始比賽啦!」
二人站在台中,不語對望
二人開始圍著擂台行走,眼睛沒有離開過對方動
「點解啱啱西樓條友會飛落台?」師兄率先問話
「唔知喎,可能佢跣腳掛」莫逆縮一縮肩膀
「哈~咁樣啊,咁希望我唔會跣腳啦」師兄冷笑一下
師兄衝上前,以踢腿拉開戰幕,莫逆彎腰避開,後退數步,師兄想追前,但卻走不動,怎麼走都是原地踏步,他停止追前的動作,慢慢退後,又可以動了
師兄後退數步,拿出弓向莫逆射去,以師兄的箭法,基本不會射失,但箭去到莫逆面前時就突然停下,像是被人捉住一樣
「哦~我明啦,又係玩依啲,你地真係好無聊,但的確好卑鄙」師兄依然是笑著,難道真的看穿了莫逆的把戲?
「你明?」莫逆沒有很大反應,反而是冷笑了一下
「我明啊」師兄也冷笑
「好,咁睇下點」莫逆蹺著手
師兄將符紙貼在箭頭,閉上眼,再次發箭,但今次的目標卻不是莫逆,而是莫逆的身旁,我也還未搞清師兄在做什麼,但當箭射中目標後我就明白了
箭停在半空中,箭頭隱隱約約出現一個身影,師兄乘勝追擊再發一箭,再中一箭後被射中的東西終於現出真身
是一隻渾身黑氣的惡鬼,沒有皮肉,只剩骨頭,被箭射中後好快就灰飛煙滅了
師兄繼續閉眼發箭,再中一隻!再一隻、兩隻,、三隻,前後總數五隻,五隻過後師兄就放下了弓沒再射擊
「啊逆,幾聰明啊,識用五鬼搬運訣嚟做依啲野」師兄叫他作啊逆,他們先前已認識了嗎?
「呃....嚴格嚟講唔係我用,我亦都唔想用」莫逆放下手,縮一縮肩膀
「係唔係你想用都唔緊要啦,都比我破咗啦,咁係時候入戲肉㗎啦喎」師兄做好作戰狀態
「好啊,等你好耐,幾驚你會一早輸咗」莫逆也做好作戰狀態
莫逆出手,他的武器是捆仙索,不同的是在繩頭綁了一支鏢,飛出繩時更具穩定性,以及更具殺傷力
他瞄準師兄飛出繩鏢,師兄跳起躲避,繩鏢直插入擂台上,師兄亦向他發箭,莫逆收回繩鏢,用繩鏢撞開了箭,師吧一邊發箭一邊靠近莫逆,莫逆不停揮舞著繩鏢擋開射來箭,當師兄快到身體時,拋出繩鏢,纏住了師兄的腳,一拉!師兄被拉倒地上,莫逆收繩把師兄拉近自己,師兄不斷掙扎,但擺脫不了,當被拉到莫逆面時,師兄看準時機,一個蜈蚣彈,雙腳撐在莫逆的下巴,莫逆瞬間倒地,師兄趁機解開繩鏢,走到莫逆面前
「你始終唔會夠我打,投降啦」師兄伸手想把莫逆扶起,莫逆捉著師兄的手
「冇可能!我唔會輸比你兩次!!」莫逆把師兄拉貼自己,用腳鎖住他的頸,用力把師兄壓在地上,手被拉直
師兄側身,偷出少少空隙,把另一隻手放到頸處,用力掙扎開他的腿鎖,瞬間本來處於弱勢的師兄轉為優勢,上壓下,非常有利
師兄一拳一拳的打在莫逆面上,莫逆嘗試擋住,但師兄拳重,莫逆手亦打到自己面上
「投唔投降!」師兄繼續追打莫逆
莫逆死不投降,不斷的掙扎,始終掙開一個缺口,逃到師兄背後,一腳把師兄踢趴,自己側站起來,師兄好快也站起來了,二人對視
月牙
2020-7-24 13:43:47
「點解明知唔夠打都唔認輸?」師兄問
「因為我唔可以再輸比你!冇可能再輸比你㗎!」莫逆揮拳衝向師兄
師兄捉住莫逆的拳頭,用他自己的手鎖住自己的頸
「好中意鎖頸啊嘛?」師兄鎖緊他
「唔....可以!」莫逆把抓住師兄的頭髮
「點解咁執着!輸比我又會點」師兄問
「因為..就係當年輸咗比你,葉玥先會走!」莫逆竟然是因為一個女生而對師兄有恨意
「唔關輸唔輸事啊!佢當年一早決咗要走,佢求其搵個藉口㗎咋!」師兄推開莫逆,說出真相
「冇可能㗎!你呃我!」莫逆精神有點崩潰
師兄見此已對莫逆放下戰意,但莫逆衝向師兄,師兄只避不攻,不停躲避莫逆的攻擊,師兄處處留手,但相反莫逆招招狠絕
「你呃我!你呃我!」莫逆瘋了似的,不停叫,不停攻擊
師兄一直後退,到了台邊,師兄伸手捉住莫逆,莫逆揮手打向師兄的手踭,之後就響起了關節脫骹的聲音
「啊!!!」師兄痛得大叫,他下意識向後退,但他已在台邊,再退就會掉下台,關鍵時刻莫逆把師兄拉回台
「你邊可以咁易輸比我!」邊說邊借助拉力跳起飛膝,正中師兄的鼻子,瞬間流出鼻血
師兄趁藉身體往後靠,踢出一個前撐,把自己跟莫逆的距離拉遠,再托回自己手骹,擦一擦鼻血
「死仔..你嚟真?!」師兄責問
「咁又點啊!」莫逆再衝向師兄
師兄也再不客氣,拿出弓當武器,揮打莫逆的膝關節,莫逆跪下,師兄用弓向上一揮!打在下巴,莫逆瞬間意識模糊,有點站不穩,師兄乘勝追擊,用弓揮打肚、後背、手臂,最後!面頰!這一擊,莫逆直接暈了過去,師兄在莫逆倒下前,扶著了他,把他抬到台下休息
「嘩~竟然會扶對手返落台!真係好難得啊!咁我地有請南陽派最後一位代表,主將!莫盡出場!」
這個莫盡絕對不簡單....身材魁梧,光是氣場已經有一種令人窒息的感覺,背後好像有數百人在吶喊一樣,但他的眼神看上去呆滯無神,有一種很強烈的對比,令人看不透,不知師兄能否招架
莫盡一動不動,沒打算搶先出手,師兄見此也不敢輕舉妄動,能擔任門派主將的實力一定不容忽視,師兄一直圍著莫盡遊走,但莫盡依然沒有絲毫動靜,師兄趁機衝刺到莫盡的背後,發箭!
莫盡在沒法看見的情況下,竟然轉身準確地接住師兄的箭
師兄震驚,再發箭,但還是被接住了
「就係咁?」莫盡看著師兄
「諸仙借法!令!」師兄唸出咒語,背後飛出多塊大符布,大符布飛向莫盡
「破!」莫盡喊令,符布破開
「火神借法!破!」師兄射出箭,箭頭燒出猛火
這次莫盡沒輕鬆接箭
「立令盾法,守!」莫盡在自己前方畫出一個氣盾,把箭擋住,但箭並沒有停下,而是繼續轉動,和氣盾展開一場較量
「火神諸仙借法!!破滅!!」師兄大喊出更強的借法令,雙手施展真氣,加強箭的攻擊力,箭上的火幻化成一條火龍,猛火包圍了莫盡的氣盾
「幾有趣」莫盡額上冒汗珠,笑一笑
「護法人安!兵神去!令!」莫盡唸咒
箭上的火龍被滅掉,箭被強行停下,掉到地上,箭仍被燒成灰燼
「竟然擋到......」師兄喃喃自語
「唔錯啊,你依箭唔係人人擋到,但對住我就仲差少少」莫盡擦一擦額上的汗
「哈,口氣幾大啊,打埋落去咪知」師兄還嘴
莫盡突然出招!
月牙
2020-7-24 21:36:07
莫盡在雙袖裡拉出兩條鐵鏈,鐵鏈是扣在他手腕上的,而鐵鏈上貼滿爆破符,兩鏈的末端有個鐵球
他不斷快速的揮動鐵鏈,鐵鏈像是一個保護罩一樣包住了莫盡,而且鐵球本來的重量不輕,現在加上了鐵鏈不斷揮動的力量,令鐵球足以打破用石製造的擂台,莫盡靠近師兄,師兄一邊後退一邊發箭,但箭都被鐵鏈擋住了
師兄被逼退到台邊,發現無路可逃,飛身一躍,打算從莫盡頭上翻過,但莫盡看準時機將鐵球打中了師兄的腿,師兄著地後,抱住腿,掀起褲腳一看,瘀黑了一大塊,表皮破開了
「幾好啊,上等武器」師兄苦笑
莫盡再攻,往師兄飛出鐵球,師兄見識過鐵球的威力,也不敢怠慢,連忙避開
「睇你避到幾耐」莫盡微微一笑
「嗄....唔知呢,避到你死個日掛」師兄在喘氣,但依然口硬
莫盡口沒回應,以行動來回應,鐵球繼續揮向師兄,師兄這次沒躲開,而是用爆破符把鐵球炸回頭,鐵球直徑的飛回莫盡,莫盡微微一側身,球在面飛過,他手發力,把鐵鏈扯回來
師兄手按著剛剛脫骹的位置,看來傷勢對他有點影響
莫盡也看到師兄按住傷處,看準,揮動鐵鏈,不斷攻擊師兄傷患的手
師兄手腳皆有傷患,加上剛剛跟莫逆交戰時已消耗了大半體力,開始跟不上莫盡的攻勢,中了一招,正中了傷患處
「避唔到啦喎」莫盡嘲諷師兄
「嗄...嗄......嗄..係啊...咁點啊」師兄氣喘不斷,傷勢嚴重,手臂的皮肉都破開了,基本只是硬撐
「師兄!唔好打啦!交比我啦!」我在台下大聲呼喊
「唔得,我話過幫你頂曬㗎嘛」師兄仍是堅定的想要繼續戰鬥
莫盡沒給機會師兄喘息,逼近師兄,同時揮動雙手的鐵鏈,師兄不斷低身、彎腰、側身避開鐵鏈,但效果不大,好快師兄便再次被打中,這次不是鐵球,而是鐵鏈,鐵鏈貼滿爆破符,鐵鏈在師兄胸口擦過,符紙隨即爆炸,師兄被爆得後退數步,莫盡繼續狙擊,不繼的用鐵鏈鞭打師兄,而爆炸聲此起彼落,師兄的衣服都被爆得破爛,滿身傷痕,但依然站著
「比想像中捱得啊」莫盡站在師兄正前方
莫盡再揮出鐵球,鐵球直飛向師兄,師兄卻沒打算躲避,他硬生生的接下這一記撞擊,這一球狠狠的打在胸口上,師兄抱住鐵球,我看不懂他在做什麼
「嗯?」莫盡也不解
「龍神敕令!天地乾坤,五行諸君!雷公震子借法!」直至師兄唸出咒語我才明白他為何要硬接這一招
瞬間風雲色變,天上烏雲密罩,一聲龍咆哮,龍形的閃電劃破了天際,直打在師兄身上,閃電從師兄身上傳到鐵鏈上,莫盡也不是省油的燈,他見此亦立即畫出氣盾,截住了電擊的前進
但似乎莫盡小看了師兄的電擊,堅硬無比的氣盾被電擊攻得開始出現裂痕,莫盡開始認真對待,由單手頂著氣盾轉成雙手,將真氣再推高了一層,但這次師兄是用生命來借法
莫盡的氣盾裂痕越來越多,一瞬間破裂了,電龍沿著鐵鏈直擊莫盡
月牙
2020-7-25 15:43:38
電龍在莫盡身上盤旋,整個人都發出藍光,臉上開始出現紅紅的電擊傷痕,藤蔓般的伸延著,雙眼亦紅筋暴現,傳電的鐵鏈亦粉碎
轟!!!!
一聲巨響,二人紛紛倒地,台上煙霧四起,地上一片焦黑,
全場一片嘩然,在討論到底是誰勝誰負
在煙霧裡,一身影站起,那身影真氣一發,直接把台上的煙霧都打散了
煙霧散去後,清晰看到站起來的是莫盡,莫盡像沒事一樣再次站起來,而師兄則昏迷過去,看來體力已完全透支,換而言之,到我上場
「依場比賽真係好精彩啊!雙方代表都施展渾身解數,以性命相搏,比啲掌聲佢地先!!好啦,咁接下落嚟就係今日最後一場比賽,南陽主將莫盡對北門主將張九!」
「師兄都打唔贏...我點打」我心想
「冇信心就唔好打啦」是莫盡,他聽到我心聲?!
「聽到,一直都聽到」莫盡笑一笑
「咩人嚟㗎.....」我慨嘆
「或者你可以當我唔係人啦」莫盡說出一句奇怪的話
不是人...是有何意思呢,不管啦,現在盡力而為就好了
我沒搶先攻擊,而是先觀察,我發現他的氣場非常特別,有一股奇怪的陰氣,但不是他一個人的陰氣,是聚集一群人的陰氣
「點解你咁重陰氣,傷得咁重都冇事」我直接問他
「你睇得到?咁睇嚟你係少數有天生天眼嘅人」他沒直接回答我
「嗯,咁你可以講點解你會有咁重陰氣未?好唔尋常」我再問
「你打得贏我咪話你知」他向我揮動剩下的鐵鏈
我拿出桃木劍和金錢劍,以雙劍抵擋住了鐵球的撞擊,但依然後退了兩步,原來他的攻擊這麼重,剛剛師兄居然能捱上那麼多次的撞擊,真是少一點底子都不行
根據剛剛觀察師兄跟莫盡的對戰,現在我需要做的是解決掉他的鐵鏈,而鐵鏈是扣在他手腕上,基本只有兩個方法;一:把他手腕斬掉、二:把鏈弄斷,但這鐵鏈經過上場爆破符多次轟炸後都絲毫無損,看來只剩一個方法
「諸仙借法!令!」我放出多塊大符布飛向莫盡,分散他的注意,我則躲在符布後伺機而動
莫盡用鐵球橫掃所有符布,我作手印,令符布纏住鐵鏈,並用力扯,莫盡的手被扯至伸直,我跳起向手腕處揮劍,莫盡猜到我的用意,馬上跟著符布的方向撲去,我只斬中他的小腿,但也算有所收穫
「火神諸君借法!」莫盡將符紙貼在符布,想把符布焚燒了
我作令用焚燒中的符布包住莫盡,莫盡及時畫出氣盾包住自己,抵擋住火的攻勢
符布燒光後,莫盡回擊,但今次不是鐵球,而是蝙蝠,他從衣服裡放出一群蝙蝠
「點解你會養蝙蝠?!」我震驚地問,因為蝙蝠是至陰至毒之物,正常人不會養到
「唔知喎,作地好聽我話,成日痴住我,趕都趕唔走」莫盡笑說
蝙蝠群圍繞著我,飛行速度極快,不時才向我抓擊,即刻我揮劍,也不能準確命中
我使出真氣,把周遭的空氣都燃燒起來,蝙蝠群被焚燒起來,到處亂飛亂撞,好快便燒成了灰燼
我拿著劍衝向莫盡,對準頭部斬去,他低身閃避,殊不知,我真正的目的是一掌打在他的天靈蓋
落地後,我拿起劍,直指著莫盡
「你唔係人!」
月牙
2020-7-26 13:44:52
「我一早講咗叫你可以當我唔係人」莫盡說
「唔係鬼,唔係殭屍,你到底係咩」我繼續用劍指著他
「我係咩真係咁重要咩」莫盡說
「好重要,如果我打輸咗,比你地唔知係咩嘅野掌管咗四派,咁點算」我說
「其實,嚴格來講我都仲係人,只不過唔知可以捱到幾耐姐」莫盡有點唏噓的說
「你係咩意思」我放下手
「你估下」莫盡突然攻擊,瞄著我胸口攻來
我以雙劍交叉抵擋,亦被強行撞得後移數米,我沒有急著還擊,我現在比較想搞清楚他是什麼
剛剛一掌打在他天靈蓋時,發現他的生火已全滅掉,生火的意思就是俗話所講的「人有三把火」的火,氣虛的人火最多只會比較弱,不至於全滅,無奈我的天眼看不清他的底蘊
我一邊避開攻擊一邊在金錢劍上拿下一個銅錢,放到眼前
「三令七法,借法觀事,開!」
在銅錢的幫助下我終於看清了莫盡的秘密,但這秘密卻令我無比震驚.....
「痴線......」我呆住了
「喔?終於睇到啦?我仲諗緊點解你有天眼會睇唔到」莫盡停下攻擊
「我嘅天眼只得七成....」
「哈!乜個天咁玩你?比天眼你,但淨係比七成」莫盡笑說
「唔知,但起碼佢令我知道要行一條咩野路」我學法亦是因為天眼
「唔錯啊,有天賦嘅,但未成氣候,仲差少少歷練,依樣野我比到你!」莫盡知道我發現他的秘密後也不再留手,把它背後的邪氣推到最高層
他的動作比剛剛更敏捷,攻擊更加敏銳,我每一次躲避都感到吃力,我拿出一疊爆破符,飛貼到在他的周圍,令他暫時不能靠近,讓我有時間喘息
好快,莫盡一腳踩到爆破符上,符紙隨即爆炸,但他卻一點事都沒有,慢慢的一步一步接近我
「依啲把戲對我冇用」莫盡笑說
「.......」我無語
「曾經我都好似你咁,覺得個天比咗條路我行,一出世就有天眼,有學法嘅天賦,但原來個天係玩我.......曾經我相信所有野都有佢嘅天命,係天注定,但依家我相信人定勝天,想要就要自己爭取」莫盡憤慨地說
「就係因為咁所以你咁做....?」我無奈地問
「既然個天可以攞走我嘅野,點解我唔可以攞走人嘅野?」莫盡反問我
「呃.....你唔覺得咁樣做好殘忍咩?!」我說
「殘忍?!咁個天對我就唔殘忍啦咩!!」莫盡發功,猛風四起,台上塵土飛揚
「你要咁諗我都幫你唔到,但我好肯定你做錯決定」我抵著風
「錯唔錯唔到你話事!」莫盡發動攻擊
硬碰硬的話會輸,只能不停躲避,夠準時機才反擊,他不斷逼我往台邊,我快到台邊時,一個急轉向,成功從他的身旁走出,我一腳想把他撐下台,但他反應極快,用力往後揮動鐵球,如我不避開必定重傷,我只能放棄攻擊,向後避開鐵球
「其實你都幾有天份,繼續努力,你必成大器,但你今日就一定會輸」莫盡繼續攻擊
「多謝你讚我先,但我唔會比我自己輸比你」我把真氣推高一層,試著上前迎戰
「睇下你真氣高定我真氣高!」莫盡運功,背後的邪氣燒得再旺盛了一點
其實以武器來說,我的雙劍比較敏捷,是較有優勢的,鐵鏈相對地笨重,在同樣推高氣時,我勉強能跟他周旋一下
一輪兵器交鋒後,各有受傷,這時,我留意到有血從他鼻腔流出
「你....」
「喔?又流鼻血啦?」他自己笑說
「你有內傷?」我問
「唔係,只有時間無多」他眼神空洞
「到底你身上發生咗咩事.....你身後個班又係咩嚟㗎......」
我在銅錢下看到他身後有無數的屍體怨靈,屍體一具一具的疊起來,全部都好像被吸乾一樣,皮肉全沒水份,皮膚都是皺褶的,他們無時無刻都在吶喊、哀鳴,聽著令人毛骨悚然......
月牙
2020-7-26 22:27:52
「..........我天賦異稟,一出生就有極高靈力,屋企人知道咗之後就將我帶咗去道館修行,我好快就追過曬所有師兄,成為道館嘅第一,師父亦同我講將來掌門個位會係我坐,但前幾年我成日流鼻血,又頭痛頻密,食咗一段時間藥都冇效,之後我出去睇醫生,發現原來已經係末期鼻咽癌.......」莫盡道出他的經歷
「........」
「之後我身體愈嚟愈差,基本生活都係床上面渡過,但我唔甘心啊,點解比咁多野我又要我咁早死,所以我就偷偷咁入咗師父嘅藏經閣入面,翻查古書,最終比我搵到延長壽命嘅方法,就係借命......」莫盡說到這裡時,他背後的怨靈開始哀號
「借命.....就係你後面個班?」我疑惑的問
「嗯...」莫盡點頭
「點借,到底你借咗幾多.....」他背後怨靈數目多不勝數
「應該同你想像中唔同,我嘅做法係將人嘅骨磨成灰溝埋啲血,之後當係煙咁食,但並唔會完全借曬佢嘅命......會將佢嘅命打個一折,所以我只可以不停咁借命,好似上癮咁」莫盡道出借命的經過
「一折....咁可以借到幾時,不如放手啦」我說
「遲早嘅事,不過等我打贏埋你先!」莫盡再次發動攻擊
我選擇上前應戰,一輪刀光劍影,居然暫時打個平手,但不是我進步了,而是莫盡的動作慢了,我疑惑的看著他,此時的他開始咳嗽,鼻血亦再次流出
「咁快到啦咩....」莫盡擦一擦鼻血
「睇嚟時間冇多啦」我說
莫盡跪下,用鼻血在地上畫出一個陣法
「咩嚟」我下意識退後兩步
莫盡沒回應我,只是輕輕一笑
然後他收起笑容,站好馬步將真氣和邪氣推至極點,是一個極限點,連周遭的溫度都提升了,這樣做會對生命有所威脅,簡直是在燃燒自己的生命
「唔好!點解要咁做!」我不懂他的目的
莫盡瞬間出現在我背後,我來不及反應,被他打飛,我忍痛雙起撐起,他就出現在我身邊,起腳,我以雙手抵擋,但力氣實在太大,還是被踢得滑行數米
我口吐鮮血,雙手都感到麻痹
「九!唔好打啦!輸個比賽唔緊要㗎!」原來師兄醒來了,在台下大叫
「唔得!上得台就唔可以驚!我得㗎!」我忍著痛站起來
「........」師兄無語
莫盡再次出現在我旁邊,我後退,但腿卻好像被人拉住一樣,害我跌倒了,我一看,原來是莫盡身後的怨靈!他們開始圍近我,我正想還擊時,地下突然伸出數十對手捉緊我,把我拉貼地面,我完全動彈不得,無論我怎掙扎最後都被拉回地上
「放棄啦,你贏唔到我㗎」莫盡蹲下來,看著我
這時的我已經被怨靈淹沒了,無數雙手壓在我身上,連呼吸都開始感到困難
莫盡解開了扣在手腕上的鐵鏈,砰嘭一聲!鐵鏈掉到地上,他鬆一鬆手腕,撿起我掉在地上的桃木劍,走近我
「依場比賽完啦」莫盡雙手舉起劍,發功,將真氣灌注再劍上,一擊插在我心.....
我叫不出聲,雙腿瞪大,紅絲冒出
莫盡將所有真氣都釋放,真氣將桃木劍都燃燒起來,我感到整個人都好像被火在燃燒一樣,身體的每一吋都感到刺痛,意識、視線都開始模糊,正當我以為自己要死時
在矇矓間,我看到莫盡變得乾瘦,頭髮開始脫落,怨靈亦散去,他手鬆開,倒在地上,這刻束縛着我的怨靈都散去了
我胸口的傷亦消失了....
月牙
2020-7-27 16:20:42
我上前看莫盡
「點解要咁做啊!」我不解他的用意
「我...行唔到...自己想行..嘅路....但我希望你可以......努力啲,你有天份....就當係幫我行....落去」莫盡眼角流出一滴淚
莫盡剛剛的一劍並不是取我性命,當劍插入我身體的一刻,莫盡將畢生的修為和靈力都全數灌注入我體內,我感到一股暖流在我身體裡遊走,身上的傷瞬間都癒合了
看着莫盡的逝去,好像看到了人生的無力感...有能力但卻偏偏天意弄人,我伸手把莫盡的眼睛閉上,然後站起來
「最後勝利者已經誕生咗啦!就係北門派嘅張九!!換言之,北門派將會係我地四派之首!請大家再比啲掌聲佢地!」
在女主持的推動下,除了南陽派,其他兩派的觀眾和參賽者都為我們歡呼和鼓掌
「主持!佢犯規喎!佢殺咗人!應該係我地南陽贏啊」台下的莫軍大叫,他腳的傷口已包紮好
「嗱~大家都見到係莫盡自己將真氣強行推高,虛耗過度致死,絕對唔係張九殺死嘅,所以反對無效!」
雖然我的確沒殺死莫盡.....但我也是輸了,切切實實的輸了,論實力我完全跟不上莫盡,只是他故意讓我勝出而已.....
突然!!一聲巨響!這巨響混合了哀號、怒哮和怨念
聲音是來自莫盡剛剛在地上畫的血陣,血陣發出紫紅的光,地板崩裂開一條裂縫,裂縫裡冒出濃烈的黑煙,更有無數惡鬼怨靈爬出,
「三上真君借法!封!」我作法封住了裂縫,不讓群魔爬出地面,在莫盡的功力加持下,我的封印比起以往強得多了,群魔不斷攻擊,封印依然是非常牢固
但突然冒出了一隻巨型的鬼手衝破了封印,令到群魔都衝出了封印,在場的所有人都被逼參與了這場突如其來的戰爭
由於事出突然,在場很多人都沒有充足的準備,因而處於下風
由於比較接近,所以我現在主力對付那巨手,仔細一看,那手是由無數怨靈的雙手聚集一起而形成的「巨手」,那巨手捉住莫盡的屍體,把他扯向裂縫
見此,我向巨手飛出爆破符,然後上前拉着莫盡,巨手被爆破符爆中,掉落了幾隻鬼手,但它沒放棄把莫盡帶走,一掌拍在我身上,功力大增的我並沒有受太重的傷
我拾回雙劍,跳上巨手,把上面的手一隻一隻的斬斷,它左搖右擺的掙扎,想把我拋出,我雙劍一插,插穩在它上
它分解出幾隻手攻擊我,我拔出一劍作抵擋,另一隻手緊緊捉住插在他身上的劍,好讓自己不被拋出
但卻成功被它分散了注意力,原來它在跟我糾纏時,已經分解出幾隻手去拉著莫盡,我發現後就馬上拔出劍,跳往莫盡身旁,但還是來不及,莫盡被拉到裂縫裡,裂縫隨即便合上,莫盡就這樣消失在我面前.....
剩下來的群魔好快便被各派的人收拾.......
回到現在
「當年場比賽就係咁」九叔說出當年的故事
「下?!個裂縫係咩嚟?咁莫盡比隻手帶咗去邊?」我追問
「唔知,問過我師父同其他門派嘅高手都冇人答到我」九叔說
「當年真好刺激.....」我有點不敢相信
「緊係刺激啦,搵條命去搏㗎」英叔蹺著手,靠在牆上
「真係估唔到香港都有依啲事發生過」感覺世界觀都被顛覆了
「你連殭屍都見埋啦,依啲算小事啦」英叔笑說
「好啦,故事就講完,可以開始練野未?」九叔站起來
「可以可以!要點練啊」
月牙
2020-7-28 13:09:24
今天已是我開始練靈力和真氣的第九天......
九叔叫我練習靈力的方法就是打坐冥想,要用靈力將掛在錢牆上的桃木劍拿到手中
「你要幻想你可以創造物件,控制物件,記得意志力要集中」九叔從旁指導
我閉着眼,不斷的想著桃木劍向我飛來,但都是沒反應....
「啊!點解唔得㗎.....」我大叫
「慢慢嚟啦,練咗幾日,唔通想練到識飛咩」英叔在旁笑說
「練法最忌心浮氣躁,慢慢練,順便練習埋你嘅耐性!」九叔蹺著手,搖頭
「係喎,唔見葉靈嘅?」我看看周圍都不見葉靈的蹤影
「𡃁妹?佢啱啱話想話出去行下」英叔說
「喔....咁好啦」我好像有點習慣了葉靈陪著我練習
「點啊死仔,唔見一陣就掛住人啦」英叔
「呃.....冇啊,邊有啊,我好專心練野㗎」我馬上閉眼打坐
「唉~年輕人拍拖係好事,但佢係鬼,人鬼始終殊途,佢終有一日要投胎,自己諗啦」英叔說出殘酷的真相
我沒有給予回答,應該說是不懂怎去回答,因為我知道英叔說的都是不爭的事實......但我想不到的是,原來葉靈剛好回來都聽到英叔剛剛說的話,她沉思一會後便黯然離去,不知情的我仍然在等她的歸來
晚飯時分
「𡃁仔!唔好練住啦!食飯先啦」英叔從廚房出來
「收到!」我鬆開盤坐著的腿,腿都麻了
「其實個𡃁仔都幾有天份,又勤力,不過係多野講咗啲姐」英叔輕聲的在九叔身旁說
「嗯」九叔點一點頭,嘴角微微上揚
「你唔好以為我見唔到你笑啊」英叔識破九叔
「我邊有」九叔拒絕承認
「咁明顯都仲話冇!?」英叔追問
「冇啊,你真係好鬼煩!」九叔盯著英叔
「你兩個又做咩啊?」經過這段日子的相處都大概知道他們的脾性,他們倆就像大細路一樣,喜歡鬥嘴,喜歡比較高低,要人哄
「冇野啊!」他們二人非常有默契的同時說出
「呃....咁不如開飯啦,好肚餓啊」我坐下,拿起碗筷,正想夾菜時
「係都我地食先啦!冇大冇細!」英叔用筷子打我的手
「啱,冇錯,我地未食你就食,一陣罰你打坐多一個鐘」九叔笑說
「唉..平時又唔見你地咁夾...」我無奈的看著他們二人
晚飯後,葉靈還未歸來
「葉靈又會咁夜都唔返嘅」我自言自語
「擔心人啊?」英叔應該是聽到我說
「咁佢好少唔見咁耐㗎嘛....」我說
「咁佢現身之前呢?你又知佢習慣?更何況佢係鬼,你擔心佢會有咩事呢?」英叔反問我
「.......」我不懂回答
「放心啦,佢要返嚟自然會返㗎啦」英叔說
「嗯..」我點頭
的確我也擔心不了什麼,我現在先專心繼續練習,剛剛吃飯時被九叔罰打坐多一小時....
我閉上眼打坐,目標是用靈力控制桃木劍,但現在我的腦海裡全是葉靈的影像,從相遇到一起戰鬥的畫面不斷的在腦海裡回播
這刻閉上眼的我,完全不知道掛在牆上的桃木劍已懸浮在半空,而這畫面都被九叔看入眼簾
Ads
初一初二初三
2020-7-28 22:56:02
輕鬆一推
:^(
月牙
2020-7-29 16:47:35
「明明係你兩個嘈...點解要打我呢」這陣子被打的次數一定遠遠超於以前
這幾天葉靈一直沒回來,說真的,這一刻真的很想她陪在我身邊,只要她在我身邊,我練習時都會認真點
雖然,由她在我面前現身到現在,相處時間的確不是太長,但跟她一起經歷的事情實在太多.....
我曾親眼看著她的逝去、她多年來在我身邊的陪伴與照顧、一起冒險與戰鬥
這等等的經歷....都足以令她在我心中佔據了一個重要的位置,我並不介意她是人還是鬼,這一點都不重要,但英叔說得對,她早晚會有投胎轉世的一日,如果她跟我在一起,只會令她對人世有所依戀.....唉
我走到走廊外,靠著欄杆,望月光
「真係咁煩?」是九叔的聲音
「你唔係訓咗㗎咩?」我回頭問
「一早知你有唔妥啦」九叔也靠著欄杆
「唉....我都唔知啊」我垂頭喪氣的
「其實我覺得可以唔洗諗咁多,葉靈一日未查到自己身世都唔會走,依家線索又斷曬,加上背後勢力一定唔會簡單,所以暫時可以順其自然」九叔說出他的 想法
「但始終個一日都會到㗎嘛...」我苦惱的說
「有排都未到,慢慢諗」九叔拿出香煙,點燃
我沒回答,我倆在走廊一話沒說的話站了一整個小時才回到屋裡
翌日早上
電視新聞報導:「最近多條屋邨都發生命案,死者全部都係嬰兒,而作案手法非常相似,警方懷疑係由同一個兇手作案」
「嘩!咁變撚態嘅,全部都係BB」我吃著早餐說
「緊係有奇怪啦」英叔看一看電視說出
「有咩奇怪啊?!」我放下碗追問
「食嬰靈」九叔在神枱處上香
「又係依啲?!」我驚訝
「嗯」九叔點頭
「以前真係唔覺有咁多依啲事」我無奈的說
「當你踏入依個靈幻世界就會發覺依個世界一啲都唔簡單」英叔繼續吃著早餐
「咁我地洗唔洗去睇下啊?」我問
「唔洗」九叔淡然的說出
「點解嘅?」不打算出手嗎...
「唔係我地區,其他區都有修道人,如非必要都唔洗我地跨區出手」九叔回到座位
「原來仲有分佈㗎?」我真的猜不到
「其實係默認嘅規矩,冇講到出聲」九叔開始吃早餐
「咁今次隻食嬰靈又係咩嚟㗎」我問
「顧名思義就係專食嬰兒嘅惡靈」九叔回答
「咁如果同黑熾靈比邊隻勁啲」我想起上次的經歷
「理應係黑熾靈」英叔幫九叔回答了
「喔~咁都唔係好勁姐,我都可能打得贏啦」我擺出自信的樣子
「唔好咁牙擦!」九叔一巴掌打在我後腦勺,在吃粥的我弄得滿面都是
「九叔啊!做咩又打我啊」我大叫
「鬼叫你咁牙擦」九叔說
「......」我無言
「都啱嘅,𡃁仔!依個世界冇必然嘅,上次好彩唔代表下次都好彩嘅」英叔在旁說
「好好好」我也繼續低頭吃粥
日子又過了一天
我依然重複著每日在被英叔毆打的訓練,但但還是掌握不到運用靈力的方法.....
「繼續打!唔好停」九叔在旁看著
這時從電視傳來一個消息:據消息指,今早係石圍角邨石菊樓發現由高處墜下嘅屍體為王姓男子與一具嬰兒殘骸,附近嘅街坊指王姓男子平時為人開朗健談,未見有異常,而發現屍體時佢手中握住一把木製劍,警方認為死因冇可疑,應該只係失足墜下
「唔係掛?!咁都冇可疑?!」我無奈的望著電視
「西樓派嘅人...失咗手」九叔面色一沉
月牙
2020-7-30 19:36:23
「佢地好少會失手㗎喎,今次咁失策」英叔面色也變的嚴肅起來
「可能咁啱依個功力冇咁高呢...」我說
「唔知,太多可能性」九叔低頭沉思
「石圍角同我地好近,依排出入留意下」九叔良久才說出
「好」我點頭
「你唔好認叻,發現有唔妥就同我地講」九叔盯著我
「知道啦」
門外傳來嬰兒的哭聲,明明鄰近幾個單位都沒有嬰兒,我連忙開門查看,是一個女子,她留著長長啡髮,綁著鬢辮,眼大而圓,面尖秀麗,手上抱着一個嬰兒
「你好」在四目交投的情況下我禮貌地點、打招呼
「你好啊,唔好意思啊係唔係嘈到你啊」女子點頭微笑,那嬰兒依然在哭泣
「放心~唔係啊,只係依度附近平時好少聽到BB聲,所以出嚟睇下咩事咋」
「喔~不過都係,依條邨老人家比較多,咦~係喎,我以前上嚟都未見過你嘅?」她搖著寶寶
「我啱啱搬嚟冇幾耐」
這時隔壁王婆開門
「王婆~」我看著王婆,在這裏住了一段時間也認識了附近的鄰居,王婆人很好,很友善,經常請我吃東西
「啊靚仔!你食咗飯未啊!未食就過嚟食啦」王婆說話依然大聲
「食咗啦~」我回應
「係啊,依個我個女夢晞啊,佢抱個孫返嚟探我,順便住幾日」王婆說
在王婆介紹下我看著她再次點頭微笑以作示好,好快她們就進屋裡,我亦回到屋中
「點啊」英叔問
「隔離王婆個女帶咗個孫返嚟住幾日啊」我回答
「咁就麻煩啦,隻野隨時聞到個B陣味,衝上嚟」英叔叉著腰
「航,你同王婆有兩句計傾下,試下叫佢唔好留佢個女係到」九叔說
「下....好似有啲難」我要怎樣開口啊....
「咁你係咪想睇住個B出事」九叔認真的說
「咁又係....」我無奈地走向王婆家門
我按響王婆家的門鈴,叮咚!叮咚!
「靚仔!咩事啊!」王婆開門
「冇~ 我聽你話你個女返嚟住幾日,我驚我地會嘈親個B啊,你知㗎啦,我地成日呯呤嘭唥」我婉轉的說,希望她會明白吧....
「唔會㗎,啊B佢好懶瞓,嘈極都唔醒㗎」是夢晞的聲音
「喔....咁樣啊,真係好嘈㗎喎,唔怕啊?」我再次強調
「放心啦~我地唔會介意㗎」夢晞微笑說
「喔...咁好啦,早啲抖」我轉身離去
「啊媽啊,佢咁得意嘅」夢晞轉身跟王婆說
「個靚仔好好人㗎,成日同我傾計㗎,又高大」王婆說
「點啊~啊媽~睇啱人啊?」夢晞搭著王婆
「啋~我都幾十歲囉」王婆跑前
「唔係啊,你仲好靚女啊~同埋我見你對人都好好喎」夢晞上前說
「我幫你揀㗎咋!」王婆轉頭說
「唏~我婚又結咗,仔都生埋啦,仲點到我揀啊」夢晞有點失落
「咩唔到你揀啊!我個女條件咁好!大把男仔排住隊追你啊!你個咁嘅衰老公就咪鬼記住佢啦」王婆大聲的說
「好啦好啦,唔記唔記,夜啦,講野細聲少少啦」夢晞推王婆到床邊
回到九叔這邊
「點啊,肯唔肯走?」我一入門九叔就問
「唔肯啊,我暗示曬叫佢走都唔走」我解釋說
「唉,冇鬼用」英叔在旁搧風點火
「唔關我事㗎嘛,我叫咗佢走佢又唔走」我反駁
「咁你咪繼續勸囉!」英叔說
「人地都閂門啦!點講啊!」
「好啦!停啦」九叔叫停我們
「咁依幾日要睇緊啲,隻野隨時殺到,我地輪更睇住」九叔說出方案
「好啊」我回答
「我都要?!」英叔驚訝
「我地三個都要!」九叔嚴肅的說
月牙
2020-7-31 15:14:46
過去兩天是九叔和英叔當值負責看守著附近的動靜,但都平安無事
「今晚到你啦」英叔對著我說
「知道啦」我點頭
「醒目啲,唔好恰眼瞓」九叔坐在搖椅喝著茶
「放心啦,有咩依郁就大叫我地啦,我地就坐係到」英叔坐在沙發上
「好!」我轉身步出走廊
凌晨時分,將本來的寧靜放大了數十倍,連昆蟲飛過都能聽到
我在樓層兜了一圈,沒發現有什麼異樣,就回到屋外的的欄杆並靠著,剛拿出煙,打算點火之際,背後就傳出一把聲音,是夢晞
「咁夜都唔瞓?」夢晞步出口
「你都好夜啊」我回頭看一看她
「本來瞓咗㗎啦,不過比個女喊醒咗,搞掂咪出嚟唞下氣」夢晞走到我旁邊
「都幾辛苦」我收起香煙
「還好啦,陀住個陣辛苦啲,依家慣咗lu~」夢晞看著我收起香煙,笑了一笑
「咁你老公呢?」其實我也知這是一個敏感的問題,但就被好奇心驅使
「呃.....個女未出世就走咗去lu,我都好耐冇見佢」夢晞的眼神有點失落
「唔緊要啦,個B大個女之後知道你咁辛苦湊大佢,佢就會好錫你㗎啦」我看著她說
「都係嘅,身邊個個都係咁同我講嘅,講到我都信會係咁」夢晞說
「一定會,我話嘅」我拍一拍胸口說
「係喎,你知我叫咩名,但我未知你叫咩名喎」夢晞望著我
「好似王婆咁叫我囉~靚仔」我笑說
「我啊婆年紀大啦,睇野睇唔清楚,所以....」夢晞調皮的說
「冇可能,我出名靚仔」我盯著她
「好!唔講就算」夢晞轉身
「好啦好啦,我叫陳...」我剛想說的時候,看到天井有一黑影飛過
「都夜啦,你返入去先,記得鎖好門窗啊,夜晚危險啊」我邊說邊推夢晞回到屋內
「下?!咩事啊?」她一臉懵然的,不知所措
「太夜啦,你平時又要湊女,都好辛苦㗎啦」終於成功把夢晞推回屋內
「英叔,九叔!」我用力拍家門,他們倆馬上開門出來
「有情況?」九叔率先問
「啱啱天井有個人影飛過!」我指著天井
「好!英,我地上去,航,留低護住個細路!」九叔往上樓層跑去
「𡃁仔!自己執生!」英叔也跟著跑去
「好!」我拿出金錢劍戒備
咔....咔...
奇怪的聲音在四處響起,我不斷轉身查看卻沒察覺異樣
突然天台傳來兵器交戰的聲音,抬頭一看,一黑影被符陣追趕著,看來九叔他們已在開戰
畫面去到九叔那邊
九叔拿出一堆銅錢飛往食嬰靈,食嬰靈以身邊的黑氣抵擋,九叔詫異
「佢唔似普通食嬰靈 」九叔說
「佢嘅靈力比正常食嬰靈高好多...」英叔亦發現不妥
「生擒佢先,睇下佢咩料」九叔說完就放出符陣包圍著食嬰靈「諸仙借法!封!」
英叔正上前時,食嬰靈已成功衝破了符陣,並衝向英叔,九叔及時用捆仙索套住了食嬰靈
在樓下的我聽到打鬥聲不斷,心想我身處的這樓層應該安全了
殊不知,我一轉身就有一身影站在我背後,他披頭散髮,上身沒有衣服,褲子亦破爛不堪
「你....你係邊個?」
曲奇雪糕
2020-7-31 15:24:31
一入就有文
:^(
月牙
2020-7-31 16:21:28
:^(
:^(
多謝支持
初一初二初三
2020-7-31 19:57:02
推
:^(
月牙
2020-7-31 23:02:36
「咔....咔...咔........」那人一直垂下頭
「你到底係咩人」其實他是什麼我心裡有數
「咔.....」他抬起頭
是一對滲發著綠光的眼,身邊上密佈了青筋,而且在不斷的蠕動,看得令人頭皮發麻,但感覺又好像在哪見過
他理應在天台跟九叔他們糾纏中啊....為什麼會在這裡
「冇事嘅!冇事嘅!唔好自己嚇自己!英叔話過食嬰靈比黑熾靈容易對付嘅!我得嘅!」我在心裡為自己壯膽
我把金錢劍握緊,做好隨時作戰的準備,他突然蹲下來,像狗一樣以四肢作支撐,不停的前後扭動
「咩料啊你....」我看着奇怪的他,他真的有那麼殺死西樓派的人嗎....
他突然向我飛撲,並且張開口咬向我,我及時用劍橫擋在前,但他不停的在啃咬我的劍,這時我才發現他的牙齒異常鋒利,並且非常雜亂,黃黃黑黑的,根本不像正常人的牙齒
我打算用腳把他撐開,但他力氣極大,丁點都沒被我推動,我雙手都開始撐得有點酸軟,但金錢劍應該暫時還能支撐得住
我才剛想完,事情又出現變數!他的嘴巴突然裂開!從嘴角處開始爆裂,一直延伸到顴骨位置,爆裂開的位置還有肉絲相連著,十足日本的口裂女似的,但事情還未完!他嘴巴能張開的程度遠超我想像,簡直可以將我整個人生吞下肚,他向我噬咬,我放棄跟他糾纏
我捨棄了金錢劍,將金錢劍垂直的撐在他口中,令他閉不上口,我亦趁機脫離他的箝制
他好快就把金錢劍弄斷並吞下了
「冇理由唔驚金錢劍㗎...」我不自覺的後退
他轉向我,沒武器在手的手一時不知所措,他像狗一樣跑向我,我舉起雙手戒備,他巨型的嘴咬到我手臂上,痛得撕心裂肺!這時!他肚內傳來爆炸聲,從肚皮處亦看到火光,他痛苦的倒在地上,看來是金錢劍在肚內發揮作用了
我戰戰兢兢的走近他,發現他一動不動,我用腳踢一踢他,也是毫無反應,正當我以為他已經死了,鬆一口氣的時候,他突然站起來,我後退
「咔....!」他腳步不穩的站著,眼一直在盯著我
然後就跳往天井,消失了
天台傳出一聲重響,九叔、英叔亦隨時回到我所在的樓層,他們看到我手受傷流血,就馬上跑過來
另外,不知道是不是聽到嘈吵聲的夢晞亦出來查看,被她看到了我受傷
「𡃁仔!咩事?!」英叔問我
「返入去先講」九叔打個眼色,示意夢晞在後
「嘩!做咩啊你?!咁多血嘅?!」夢晞被我的傷口嚇到
「冇啊,佢比狗咬咋」英叔為我答辯
「依到有狗㗎咩.....」夢晞半信半疑
「有啊有啊!樓上七叔公㗎」英叔帶我回到屋中
「佢冇咩事㗎,應該係貪玩比隻狗咬姐」九叔留下處理
「喔.....咁好啦」
「冇咩咁我返入去先,早啲抖」九叔轉身離去
「係呢...」夢晞叫停了九叔
「有事?」九叔回頭
「@$¥&%叫咩名?」夢晞害羞低頭
「我?我叫啊九」九叔回答
「唔係啊...我係問個男仔啊」夢晞馬上澄清
「佢!啊航」九叔回到家中,用力關門,站在門口
「頂...柒咗添」九叔自言自語
「喂!九!你呆咗係到做咩啊!快啲過嚟睇下」英叔大叫
「得!嚟緊!」
「有啲唔妥,個傷口...」英叔說
「.....黑熾靈?」九叔疑惑
「黑熾靈?!但啱啱個隻野有好大個口,啲牙又尖㗎喎,又唔識講野,係咁係到咔咔咔.....」我不停的說
「停!」
月牙
2020-8-1 08:22:07
「咁即係今次個隻到底係黑熾靈定食嬰靈?」我的傷口已被包紮好
「唔肯定,起碼的同佢係天台對付個隻一定係食嬰靈,但你個隻就好奇怪」九叔說
「係囉,食嬰靈唔會成身青筋,同埋你啱啱個傷口有專屬於黑熾靈嘅黑蔓,但聽你形容其他野佢又好符合食嬰靈特徵」英叔接著說
「我都覺得眼熟㗎啦....又係依啲黑蔓...」真是恐怖的經歷
「奇怪...」九叔亦想不透
「我有一個大膽嘅假設,佢係食嬰靈,食咗一隻黑熾靈,而佢會食隻黑熾靈係因為佢係BB」英叔說出想法
「會唔會係咁啊...」我不太相信
「唔係冇可能」九叔說
「下....真係咁複雜」
「有咩咁出奇,咩都有機會㗎啦」英叔說
「咁依幾日我地都要繼續守夜」九叔打開了太極門,收拾用具
「唉...真係煩,又冇得瞓教」英叔抱怨
再次來到凌晨時分
「航,你得唔得?洗唔洗幫你頂一晚?」九叔問
「唔洗啦,依啲傷小事啦,我得喎」我輕輕一拍傷口
「真係冇事?」英叔用力拍我手臂傷口
「啊!!」我痛得大叫,並盯著英叔
「又話冇事?」九叔配合英叔
「英叔咁大力拍落嚟!緊係痛啦!」我連忙說
「好啦,唔玩你啦,出去啦」英叔推我出門
我才剛出門口,就發現夢晞一早已站在走廊
「果然今日係你出嚟」夢晞蹺著手站在欄杆旁
「呃.....你又會咁夜都未瞓嘅」我摸摸後腦,縮一縮膊
「個兩個大叔依幾日夜晚都輪流出嚟行來行去,好似巡更咁款,我就感覺今晚會係你」夢晞擦一擦鼻子, 擺出一副自信的模樣
「你諗多咗咋,佢地瞓唔著教,所以先出嚟行下姐」我嘗試為九叔他倆兜圓
「唔好諗住呃我啊,一睇就知你地有古怪啦!」夢晞叉著腰,彎腰靠近我
「呃....真係冇呢,佢地行來行去係想....係想趕走隻流浪狗咋!係流浪狗!個日咬我個隻呢!」我都被她問得口吃了
「講野講到漏曬口咁,仲話冇野~」她轉身靠在欄杆上,看月光
「漏口?冇啊,好正常啊」我故作鎮定
「個晚聽到出面好嘈,我諗住行去防盜眼到睇下咩事,點知就見到你同人打交」夢晞原來看到那晚的事情......還好她看不到食嬰靈的正面,不然一定把她嚇壞
「嘩..咁都比你睇到啊!係啦,以前啲仇家嚟,咁都搵到上門喎」既然她以為我在打架,那就來個順水推舟吧
「唉,咁大個人啦,仲打交」夢晞搖頭
「咁以前又真係成日打交嘅.....」我也上前靠到欄杆上
「成日打交?你做邊行㗎?」夢晞天真的問
「我以前....做古惑仔㗎」
「古惑仔...」
「即刻驚我啊?」也不是第一次有人知道我是古惑仔後會怕了我,都習慣了
「下?!唔係啊,你都識講以前啦,又唔係依家,更何況古惑仔有咩好驚姐」夢晞的反應我倒是第一次見
「竟然?」我回答
「其實做古惑仔係點㗎?係咪真係好似拍戲咁㗎?講啲嚟聽下啦」她滿感興趣的看着我
「你真係想知?」我問
「嗯嗯!」她點頭
見她那麼有興趣知道我就將過往經歷的告訴了她,但關於鬼怪的當然沒有告訴她
「雖然冇拍戲咁刺激,但都估唔到你經歷過咁多事~」她看著我
「都係㗎~」我望著月光
一看時間,原來已是凌晨四點多,說著說著也不知道時間過得那麼快,再過一小時左右就天亮了,這晚應該是風平浪靜的一晚,我準備回到屋內
「我返入去啦,你仲要湊B啊,都快啲返去瞓啦」我轉身走向大門
「喂!航!」夢晞叫停我
「你又會知我個名嘅?」我驚訝
「我犀利~」她笑得瞇著眼
「係係係~早啲瞓啦」
幾這晚都沒見食嬰靈的身影,到底他打著什麼算盤....
曲奇雪糕
2020-8-2 02:35:19
加速
:^(
Ads
月牙
2020-8-2 08:27:35
盡力
:^(
要返工,空閒時間盡力打緊
月牙
2020-8-2 13:19:57
「依幾日都唔見佢,會唔會真係比金錢劍殺咗?個日把劍佢個肚到爆炸喎」我跟九叔他們在討論
「應該冇咁易死,如果真係食嬰靈吸食咗黑熾靈,咁隻野應該就嚟成精㗎啦」英叔少有的皺著眉頭
「精?即係妖精?」我不太懂
「妖同精唔同」九叔回答
「我見平時啲人都係連住講嘅」我撓一撓頭
「坊間嘅人合稱姐,妖同精係兩樣野嚟;
妖:多數以動物修煉而成,亦有少數怨靈惡鬼可以修成,只要道行夠高就可以幻化成人形,邪的愈邪,正的愈正
精:係指一啲動植物、怨靈、惡鬼已經修煉到某一個水平,但又仲未成為妖或者仙
九叔喝著茶,坐在搖椅上解釋
「咁即係妖勁過精?」我問
「嗯」九叔點頭
「咁如果隻野真係成精係唔係難對付好多?」
「絕對係!根本唔同級數」
「咁我個日咪好好彩......」我有種大難不死的感覺
「你條友仔,成日都咁好彩㗎啦」英叔笑說
「我都覺啊...」我點頭
「命嚟嘅」九叔淡然地說
「咁我地依家應該等佢自己嚟定主動出嚟?」我問
「主動咁等佢嚟!」
「?!」
又是一個凌晨時份
我跟九叔他們分工合作,我負責拿著一個會發聲的嬰兒玩偶在樓層間穿梭,這玩偶被九叔貼上了一張借氣符,這符紙可以將我身上的陽氣借到玩偶上,令食嬰靈認為玩偶是真的
而九叔他們拿著捆仙網、符紙等道具潛伏在陰暗處,靜候時機,來個突襲
我在樓層間遊走都好幾小時,一直都沒有任何動靜,突然夢晞又出現在我面前
「你係到做咩啊?!」我驚訝的問
「係我問你先啱啊,你攞住隻公氣行咗好耐啦喎,你冇野啊嘛?」夢晞疑惑的看著我
「呃......我...其實呢,我係散下步」我也不知道怎麼解釋
「原來你講大話都幾唔叻㗎喎~」夢晞笑得瞇眼
「呃....唉」我放棄掙扎
「到底點解你會拎住個公仔行嚟行去?」夢晞問
「我遲啲同你解釋,你返屋企先啦~好唔好?」我嘗試推她回家
「唔得啊,你快啲講咗先啦!」她像是在撒嬌一樣
「我好難解釋比你知啊」我都不知說什麼才可以令她先離開這危險之地
咔....咔..
是食嬰靈的聲音!!他在附近了.....
「晞!你聽我講!返咗屋企先!」我捉著她雙手手臂,看著她
「嗯....」她面紅的點一點頭
但太遲了!食嬰靈已出現在我視線範圍,感覺到這次他的殺氣大了不少,明顯是因為上次我重創了他
「嘩,嗰個人咁樣嘅...成身青筋,好核突」夢晞看到食嬰靈後,嚇到後退數步
「晞!唔洗驚,企去我後面」我伸手護住夢晞
「佢...咩嚟㗎...」夢晞已緊張得瑟縮在我背後
「唔好理住,好難解釋你知」我帶著夢晞慢慢後退
食嬰靈一步一步的逼近,我們已退到樓梯邊,無路可退了
「你到底想點!」我大叫
「咔!!!」食嬰靈用咆哮的叫回來
這一聲咆哮震到耳膜都快破
他再次趴下,像狗一樣的姿勢,我相信這就是他的主要攻擊動作,是野獸般的攻擊
他再次張開他血淋淋的血盆大口,露出參差不齊,黑黃的利齒
撲向我!我背後還有夢晞要兼顧,我不能貿然閃避,不然遭殃的會是她,唯有跟食嬰靈正面硬碰
我在玩偶背後拿出金錢劍,向着正飛撲過來的食嬰靈揮劍,這劍正正打在他臉上,他被打開到數米遠,臉上多了一道燒焦的傷痕,看來九叔幫銅錢劍加強了威力
他趴在遠處,不停的爬行,像是找機會衝過來
月牙
2020-8-3 10:02:08
他一直沒有進攻,停留在遠處徘徊,像猛獸看待獵物一樣,令我也滿面冷汗,不敢輕舉妄動,在我背後的夢晞已怕得瑟瑟發抖,一聲也不出,只懂拉扯着我的衣服
九叔去哪裡了啊....這樣下去我撐不了多久,只有自己一個的話都勉強能應付,現在要兼顧多一個就有點困難啦.....
食嬰靈突然爬到牆上,口中唸唸有詞,好像在盤算著什麼計劃一樣
「你到底想點,我勸你快啲走啦,我傷得你一次就傷得你第二次」我拿起劍指著食嬰靈
「咔!咔!」他倒吊在牆上
「到底....佢係咩....人嚟㗎...」夢晞抖顫的問
「你覺得佢似人?」我反問她
「.......」她看著我,沒說話
我也沒空閒時間跟她說話,我要先專心處理目前這怪物
他突然加速奔跑過來!!
「走!」我叫
「上定落啊?!」在樓梯間,夢晞不懂決擇
「上!」如受到食嬰靈攻擊的話,上打下這走位會對我比較有利
當我們上高一層時,食嬰靈已跑到,他向我飛撲,由於我在高位,相對地容易捉到他的動作,我趁他飛撲的時候,一腳撐在他胸口處,他凌空的飛落樓梯,一聲巨響著地,他好快就再次起來,之後口吐一堆黑蔓在地上蠕動,黑蔓開始擴散開去,之後就再次向我跳來
突然,他雙腳都被繩套住,用力一扯!就狠狠的跌在地上,是九叔英叔!他們終於出現!
「咁遲㗎!」我向著他們二人大叫
「比你型下啊嘛」英叔看著我背後的夢晞笑說
「要睇準時機!」九叔拉緊繩子
「晞!我送你返去先」我相信九叔他倆絕對可以應付
「九叔!我送一送佢返去就返過嚟幫手!」
我拉著夢晞的手,把她安全的送到家門前
「快啲返入去啦,有咩要解釋我聽日再同你解釋」我輕拍一下她的頭,然後就轉身離開
她捉住的我的手
「做咩啊?」我問
「應該我...小心啲」她輕聲說
「好」我點頭就離去
回到戰鬥現場
食嬰靈已掙脫了捆仙索,他的活動極為像野獸,四肢著地,不斷的在牆上、地下遊走,令九叔他們捉不他的攻擊模式,身上已有好幾個牙齒孔
「九叔!依家要點做?」我跳到他們旁邊
「諗辦法捉實佢先,佢速度太快,動作太亂」九叔盯著食嬰靈的動作
「點捉啊....」我看着他靈活的動作
「英叔諗下計啦,平時啲屎橋都係你諗」我望向英叔
「依個時候好難諗喎...」英叔邊說邊避開食嬰靈的咬擊
「黑熾靈怕棺材釘,佢又吸咗黑熾靈,佢會唔會都驚棺材釘?」我問
「佢捉得住佢嚟釘?」九叔反問我
「有計!航!返去拎多兩條捆仙索出嚟!快」英叔發箭射向食嬰靈,九叔亦提著雙劍攻擊
我拿著繩回到戰場,場面依然僵持著
「繩到!」我叫
「一條我!一條九」英叔說
九叔英叔手上本來有一條,我給他們各人再多一條,分繩完成
「聽實!我拋一條比九,一條比口𡃁仔,九一條比我一條比𡃁仔」
「好!!」
食嬰靈好像聽到我們的話,打算從旁邊逃離
「想走?諗下好啦!」英叔拋出捆仙索給九叔,攔住了他的去路
他打算往上跳走,我飛出爆破符紙,他不得不回到地上,好快英叔將另一條繩亦拋給我
現在只剩下一個缺口,食嬰靈迅速的打算逃離,但太遲了,九叔已拋出繩給我,繩縱橫交錯的把食嬰靈包圍住了,只要一拉緊繩就可以把他牢牢的綁住
他不斷的轉身看著我們三個,一直發出咔咔咔的叫聲,感覺是在咒罵我們
「英叔,你又話佢成精嘅?!咁易捉到?」我問
「點知姐!咁佢係吸咗隻黑熾靈啊嘛」
這時傳來一陣刺耳的尖叫聲
月牙
2020-8-4 23:51:39
「晞?!」我回頭望
「唔好分心!」九叔喝住我,但太遲了
食嬰靈趁我分神時已擺脫了捆仙索,而剛剛傳來的尖叫聲是來自他剛早吐出來的黑蔓發出的
「尖叫聲....即係佢又會吸引啲孤魂過嚟啊?」我無奈地問
「睇怕唔係咁簡單」九叔嚴肅的說
食嬰靈倒吊在牆上大笑
「唉...睇佢咁笑就知啦.....」英叔嘆氣
好快周圍都傳來怪聲!
咔!!
嘿!!
嘻!!
「好多....」我看著不同樓層的欄杆上都站著數隻食嬰靈....難怪上次西樓派的人會失手
「嘩,咁算唔算百鬼夜行啊?」英叔也抬頭看
「同上次個隻一樣,有黑氣」九叔眼利的看到
「正常係冇嘅?」我問
「嗯」九叔點頭
「點解依家乜鬼野都會變種,殭屍又變,鬼又變」英叔埋怨
「背後一定有原因,只係我地唔知」九叔拿出雙劍做好作戰的準備
「唉....依啲遲啲先講啦,搞掂依壇野先」英叔綁好捆仙索,在背後拿出弓箭
我也拿出雙劍作戰,現在不用顧忌要照顧多個人,應該可以應付
眾鬼出擊!從欄杆處衝向我們
我和九叔搶先出擊,與眾鬼周旋
「我睇後!」英叔站在後方支援
我跟九叔在戰線的前方作戰,英叔在後為我們消除比較遠的敵人
這批變種食嬰靈比原來的食嬰靈比原本的實力高了幾班,就算是九叔這種實力,要他一次面對那麼多也有點吃力
九叔揮劍橫斬,前排兩隻食嬰靈的頭顱隨即滾落,繼而灰飛煙滅,九叔一腳把湧來的食嬰靈撐開,拉開距離,低身一撞,把食嬰靈較前的食嬰靈都撞倒,然後在倒下的食嬰靈頸上橫拖一劍,擊殺的速度可算極快
我沒九叔的流暢,但在近排的訓練底下,總算能應付得來,我向前一個小衝刺,雙劍插入其中一隻食嬰靈,然後向上一揮,食嬰靈上身被分為三段,我再揮劍斜斬,旁邊的也被劍斬開
在一輪快打後,場上的食嬰靈都被清除一大半,英叔的箭都已用光了
「冇箭!」英叔走近我們,以弓作武器,加入我們近戰的行列
「頂得住?」九叔眼尾看一看我
「得!上次比殭屍圍都冇事啦」我笑一笑回答
「好!清埋佢」九叔再次出擊,我和英叔亦隨即跟上
在我們三人配合下,比起剛剛打得更輕鬆
「航!」九叔向我飛跳,我懂他的意思
我讓出身位,捉住他的手,用力旋轉,九叔不停踢腳,圍繞著我們的食嬰靈都被踢倒了,英叔再補刀,又清除了一批
「唉!乾脆啲啦!」英叔說 「火神借法!破!」英叔飛出符紙,在場的食嬰靈都馬上被猛火吞噬
被黑蔓召喚而來的食嬰靈被全數殲滅了
「點解唔早啲用依招......」我問
「嗄...你估我唔想啊!借法對身體消耗好大,啱啱一次過要燒咁多隻野,真係隨時短一兩年命」英叔喘氣的說
的確九叔也有說過借法施術身體都會承受一定嘅消耗,嚴重的話會被反噬,難怪他們也不是太常用這些招式,回想起九叔之前說英叔在打四派之戰時,使用過那招電龍借法....應該是拼命去用的
「咔咔咔!!」
「唔好唔記得仲有一隻大㗎」英叔看著站到天井的主腦食嬰靈,我姑且叫他為——「熾嬰」
「到底隻野想點啊」我無奈的問
熾嬰攤開手,跳下,他在的空中轉身,面向我們衝來,應該是一場惡戰的開始
但結果與我猜想的完全不同
當「熾靈」快要衝到我們面前時,他突然被一個呈紅色的透明正方形困住了
上一頁
第 5 頁
下一頁
「嘩~打得非常好啊!用真實力取勝就係唔同啲嘅!好~咁有請南陽派嘅中堅出場~犀利啦!傳聞中依位人兄曾經係三破日,百鬼夜行之時一舉收伏曬所有惡鬼!佢就係莫坤!」
「師兄,咩係三破日?」我當時道行尚淺,還知曉所有術語
「三破日係六十年一次的極陰之日,怨氣衝天,無法超生嘅怨靈惡魂會係陰氣最重嘅時候返嚟人間徘徊同作惡,所以一定會有百鬼夜行嘅現象」師兄解說
這個看上去平平無奇的大叔真的有能耐一人收伏過百惡鬼?!比賽看下去就知道
「你同啱啱嗰個廢柴唔同」王宇率先說話
「點唔同?」莫坤問
「一個人嘅心可以由眼神睇得出,你係有歷練嘅人,比賽承讓啦」王宇做出拱手的動作以示尊重
莫坤亦做出拱手的姿勢,比賽正式開始
王宇不斷圍著擂台行走,同時亦將符紙掉到地上,好快擂台上就佈滿符紙,行走的路少之有少,莫坤不慌不忙的慢慢走近王宇
「火神借法,破!」王宇再次叫出術令
這次的爆炸比剛剛的強很多,瞬間濃煙四起,王宇笑以為成功,但當濃煙散去時,沒有莫坤的身影,地上有一張人形的符紙,是身外化身!
「依招幾好,用身外化身引敵人出招」師兄說,我也認同這做法
身外化身是一種茅術,可以利用符紙製造一個與自己一樣的分身替自己做事
真正的莫坤現在才從擂台下上去
「哈哈~唔好意思浪費咗你咁多爆破符添,不過唔緊要,我還比返你」話畢,莫坤就以極快速度飛出數張符紙,王宇來不及反應,符紙在他身上爆炸,被炸出多處傷口,好快便倒地不起,但還一息尚存,如果他死了莫坤就犯規
「好啦好啦!真係非常精彩啊,真係鬥志鬥力,西樓派副將請上場!依位人兄都唔係講笑㗎,曾經以一舉之力殺咗一隻百年殭屍,佢係王尚!」主持人真的令整個賽事變得熱鬧起來
那個王尚一臉冷酷,木無表情的,打一個筋斗就上了擂台
「你個樣死老豆咁款,扮型?」莫坤嘲諷王尚
「隨便你點講」王尚雙手放在後腰
「最憎人係到扮型!」莫坤向王尚飛出符紙
王尚同樣飛出符紙,一一擋住莫坤的爆破符,王尚跳起
「令,出鞘!」數把桃木劍從王尚後背飛出,高速的圍著莫坤徘徊,刀光劍影,莫坤一邊躲避一邊拿出一疊符紙,在手掌心轉成圓扇形,掉上上空,瞬間符紙散開變成符陣,在莫坤的周圍形成保護網,王尚無法攻擊到莫坤
「估唔到佢兩個實力都幾高....」這場比賽比我想像中精彩
「佢兩個始終係雙方嘅中堅,實力唔會太低」師兄說
王尚收起劍,站著不動,未有下一步行動
「哈,我依個符盾連百鬼夜行都頂得住啊」莫坤笑說,看王尚收起了劍,他也隨即收起符盾
但他沒想到,原來王尚在收起劍時,故意有一把沒收起,停放在莫坤的背後,在莫坤收起符盾時,王尚出招
「令,收!」王尚把劍收回
莫坤沒注意到背後那劍,被劍直穿肩膀,王尚接住收回的劍
莫坤受重創半跪在地