【從毒撚變成浪子 – 陪我走過的一些女性們】
上一頁
第 13 頁
下一頁
晏晝起身瞓晏覺
2020-11-25 18:46:53
準備diu yanny
:^(
Ads
夜神月無望
2020-11-26 04:15:26
推
:^(
馬露如苦口
2020-11-26 11:43:45
live左
:^(
無音響子
2020-11-26 16:12:19
【從毒撚變成浪子 – 陪我走過的一些女性們】
【第八十八章】
的士回家路上阿爸阿媽都好感慨，從倒後鏡中我見到坐後排中間既阿媽對阿爸講:「阿女終於都結婚啦…」
阿爸點頭:「唔。 係啊… 佢嫁左比人啦。」
「應該開心啊。姐夫對家姐咁好。」見佢地好似有少少傷感，我就講:「你地見佢嫁人要開心D啊，而且家姐都話會成日返黎屋企食飯，分分鐘你見佢仲多個以前佢做空姐四圍飛既時候!」
家姐因為結婚關係，決定唔再飛轉返落地面做地勤。
爸笑左一下:「哈~ 都係既。 阿爸依家最唔放心係你啦…」
SHIT! 燒到我身上….「哦…」我知道佢想講咩。
「家明，你都唔細啦…. 係時候諗下。」阿媽加把口黎講，佢地兩個都好想我快D結婚。
「儲下錢先啦….」我不假思索的回答，大佬啊…. 我岩岩畢業兩年左右，那有錢? 同時我見到阿LING偷偷微笑著。
「恭喜晒你地啊uncle auntie~」Ling同我地返左屋企放低D野後就離開，佢心情似乎好好。
「送你返屋企。」
「好啊。」阿LING拖住我問:「你爸媽問我地幾時結婚~」
佢好愉快咁問，我有點憂心:「啊…係啊。 不過儲下錢先，結婚要用好多錢。」
「其實都唔係啊，可以平平地結啊。」
「平極都要有個地方住，儲錢買樓呢? 冇地方住啊，你都唔想同我家人住存啦。」我諗冇一個女人會想同男仔家人住吧? 佢想我都唔想啦。
「唔….其實可以租啊，唔一定要買。 平平地租附近咪得，長沙灣深水埗都唔貴，又近我地屋企。」阿LING好似早已plan好晒:「其實我地都差唔多啦….」
「我想買樓啊，租即係幫人供，租樓日日蝕啊。」我堅持要買。
Ling沉默了一會再問:「咁買樓要幾多錢啊?」
「要有首期。 其實你有幾多錢?」我問:「我唔多，做左兩年野。」順便講明一下自己儲蓄唔多。
LING回應:「我得幾萬啊。 」岩岩我地經過地產舖:「附近D樓細細地4百呎要三百幾萬，即係要幾多錢買?」
「…..我都唔知….」
「咁不過我地聽日一齊搵啦。」阿LING好進取。
「呃… 好…. 聽日起身後去睇下啦，好攰啦，你早D訓啦。」我個心經急不及待要去party.
「好啦~ 你早D休息，返到屋企whatsapp我啦~」阿LING錫左我一啖就返上樓…
摩天輪下的人
2020-11-27 14:13:49
推呀！
賤命垃圾仔
2020-11-27 15:03:36
推
無音響子
2020-11-27 16:27:30
【從毒撚變成浪子 – 陪我走過的一些女性們】
【第八十九章】
返到屋企先回whatsapp比LING同佢講自己返到屋企後立即沖一沖身再換件衫出去party。 係尖咀既樓上party room搞。
【BB SORRY今日黎到發你脾氣，我知道你同其他女仔冇野架。 好開心你對我既肯定，帶我出席你家姐婚禮! 期待聽日去睇樓啊。】收到阿LINK既回覆。
我心頭有少少激動。想唔到阿LING會對我咁好，我明白佢係緊張我太愛我先會唔開心。 比著係我，當時見到Kristy同其他男仔出街都會好傷心。
或者係咁，我令Kristy當時好有壓力。 因為我對佢太好太著緊佢既一切。 如今，我都有著壓力，阿LING太緊張我令我有少少透不過氣來…
點解我會有咁既感覺? 係因為阿LING唔係我最愛既人… 咁好對唔住佢。 不過我唔可以唔認。
如果依一刻我既壓力係來自自己唔愛阿LING，咁係唔係代表當日Kristy都係唔愛我?
又或者係佢曾經愛過我，只係時間耐左身邊又出現其他人吧。 如果Kristy同我相識既時間點係後幾年，又會唔會可以開花結果呢?
女性思想比同年男性成熟。 更何況Kristy係比我大一年既女性呢。 思想上佢一定係比我更成熟… 種種原因，包括佢阿媽唔鐘意我而引至佢要離我而去…
除左對Kristy對自己之間產生無限既懊惱外，自己亦覺得自己對唔住阿LING!!! 將心比己，阿LING真係好愛自己…或者自己未係合適時間去同LING一齊。
無可否認，阿LING係一個好人，好老婆。 同佢一齊自己冇壓力，原因係佢愛我多於自己愛佢。
不過要我去認定佢係自己生命中行到最後既人，依一刻我似乎仲未可以比到依個承諾佢。
今日家姐一番感言提及:「多謝老公一直以黎忍讓同支持佢做空姐飛來飛去成日冇時間一齊共處，好多謝上天比左依個肯等佢咁多年既男人。」
姐夫比家姐大5年，成熟男人一個。 我知道家姐一開始其實唔係真心鐘意佢，只係當佢係一個水泡。 不過日子一日日過去，家姐都係被姐夫感動到全心全意愛上佢。
或者總有一日我可以接受到阿LING…
「家明~~~」去到家姐已經飲左好多好HIGH!!! 「哈… 你真係好受歡迎WOR~~~ 嘻嘻~~~ 成班姊妹都成日問起你..嘻…你啊…你啊… 你去嘔….」家姐飲到好HIGH，突然嘔過9彩。
好彩我反應快身型靈巧，輕輕橫跨跳到3尺外。 姐夫就….中晒。
姐夫件西裝佔滿左嘔心既臭氣…. 「SHIT….. 叫左你唔好飲咁多….唉….家明我同你家姐走先啦~~~ 你地慢慢飲啦。」
「哈… 快D去洞房啦喂~~ 哈哈~~~」「今晚玩飽佢啊~~ WOWOWWOWWW~~~」 明顯地佢地都飲到好HIGH! 一班兄弟姊妹同家姐姐夫既朋友們。
「家明表哥~~ 黎啊~~」婉君一早跟來，佢仍舊穿上岩岩去飲果套斯文既白色裙，人細鬼大既佢其實身材幾好，引來唔少男生既咸濕目光。 佢好興奮咁拉我坐去SASA同KIMMY度，似乎佢地幾個幾好傾。
「HI」SASA同KIMMY見到我都笑容滿面。
兩人都已經換左衫。
SASA一臉可愛而嬌艷既面容，給人一重平易近人既感覺，加上佢甜美笑容，有如太陽一般將人熔化! 身型不算太高大既佢卻有一雙豐滿乳房，令到男人都不能不focus係比例上好偉大既胸部。 酒席時穿既晚裝被家姐刻意的封印了美乳，如今終於被解封了。 微微低胸既灰色連身短裙，保守得黎又有一D開方。SASA份人心機真係好重，看上去到底係D定E CUP呢? 夠啦… 我唔可以比佢留意到我喪睇佢個波…
KIMMY上身著住白色貼身衫外套下身穿了黑色短裙，露出一對白滑長腿，貼身衫顯露了佢既纖幼小腰配上冷豔如冰既臉蛋，令人有種高不可攀既感覺。 給人一重女神既感覺!
SASA同KIMMY就好似一冷一熱既女神，兩種迥然不同既感覺。
無音響子
2020-11-27 17:22:18
【從毒撚變成浪子 – 陪我走過的一些女性們】
【第九十章】
「家明飲啦~~ 哈~ 你唔會好似你家姐咁易醉下話?」佢地係度迫我飲酒，家姐姐夫離開之後佢地就將目標轉到我身上。
SASA同KIMMY就係我一左一右夾住我，另外幾個同台兄弟姊妹不停為我斟酒。 婉君個衰女就係度笑住睇我比人隊酒，正衰女!!!
「哈~~ 表哥好野。」
「啊~ 你係表姊，即係都係主人家啦~ 飲。」唔知個咩水隊左杯白酒比婉君。
「哈… 飲啦~ 你笑得咁開心。」我有點幸災樂禍笑住。「喂…你地一個二個都唔飲係咁要我飲既… 喂KIMMY你咪扮晒野，見你冇飲過既。」
我倒左杯白酒係佢杯度。
KIMMY都飲到好HIGH:「好~ 你飲晒你杯咪到我飲囉…」KIMMY一手拎住我隻杯將D酒倒入我口中。
「WOW~~ 勁啊，拎到你啦KIMMY」又唔知點個男人拎左另一支白酒倒去KIMMY度:「你唔係飲咁少下話~ 黎~~~」我見到佢係拎左另一隻白酒倒比KIMMY，想整醉佢?
「喂~~ 想飲紅酒啊，有冇人飲?」表妹竟然問有冇人飲。
有兩個兄弟立即講:「好~ 咁多人開兩支啦。」幾個兄弟都似乎好有目的同默契要溝酒灌醉D女。
依個時候我唔可以飲醉… 要保護表妹。 表妹成年冇耐，唔知世途險惡啊。
不過SASA見我飲完又立即拉住我「家明再飲~~~ 」佢將自己酒杯放到我咀巴上。 哦…!? 我同佢間接KISS左?
「好野~ 你好勁啊…哈~~」SASA緊接住我又用返同一隻杯飲酒。
紅酒到後，又被倒左酒。佢地幾個人一邊大笑大叫好興奮咁飲酒。 飲到我有少少WING WING地。 「唔得… 去去洗手間先….」
去到洗手間洗左個面冷靜一下回左少少神後，我拖住不穩既步伐返出去打算同表妹走人。 但出去冇耐就比家姐中學既姊妹拉左去佢地張台飲野。
依一張台比較冇咁痴線，可能都係老同學關係，只係傾計為主。 「家明岩岩酒席果個係女朋友? 幾時到你結啊?」一個家姐男同學問我。 「家明好似細我地4-5年，未有咁快結啦~ 你問下你自己幾時結啦，都就30仲未有女朋友。」 一班人就笑果個未拍拖男人。
「學下家明啦~ 人地又靚仔又大隻~ 哈~~ 」其中一個姊妹好似叫阿珍輕輕拍打我大腿講。 「唉~ 最衰我早出世啦，如果唔係一定同家明拍拖啊。」
我真係唔識點應家姐D中學同學好。
「嘩~ 你個死姣婆~~ 結左婚架啦你~ 」好彩有另一個姊妹雯雯出口:「我未結婚啊~ 家明考慮下我…呵~~~」
「….. 」我只有傻笑。
「屌你兩個死姣西啦~~~」一個叫阿基既人推開阿珍同雯雯:「家明會唔會考慮下我?」
「….下…」阿基真係基既?!?! 我真係好驚。
「哈~ 玩下姐。」阿基笑笑口咁講，但隻手就好不安份地掃我背脊。
「哈… OKOK… 我都係返去果面台先….」似乎都係SASA KIMMY張台安全D同岩玩D….
返到去後佢地分左幾組人。 表妹同一個兄弟傾住計，SASA就同兩個兄弟夾住。KIMMY本身都應該比一個兄弟睇上，不過佢見我返黎就拉住我:「嘻~ 家明你返黎啦~~~ 喂，冇咩酒啦，可唔可以麻煩你去ORDER酒啊?」KIMMY轉一轉交疊既長腿電得本身同佢傾計果位兄弟暈陀陀咁去左叫酒。
「家明，好彩你返左黎，果個兄弟今日成日都望住我，好黑人憎啊….」KIMMY撓住我隻手:「不如我地出外面傾。」
我同KIMMY行出露台。臨出去前我拍一拍表妹個頭:「唔好飲啦你，我係出面飲。」
「哦~知道」表妹個樣似乎仲係清醒，我都安心小小。
「啤酒?」KIMMY行出露台時係其中一張台上拎左一個冰筒。
「OOK~」我幫佢拎左手上既冰筒一齊行出去露台。
馬露如苦口
2020-11-27 18:11:40
竟然有兩篇文
:^(
即是咁
2020-11-27 18:43:13
3p～啪啪啪～3p～啪啪啪
:^(
:^(
Kycheng19
2020-11-27 19:50:41
岩先由頭到尾追哂成個故、唔知點解見到阿ling咁有d心痛
:^(
Ads
晏晝起身瞓晏覺
2020-11-27 21:58:25
繼鄰家少婦後再多p?
:^(
夜神月無望
2020-11-28 02:12:31
3p 3p
:^(
馬露如苦口
2020-11-29 14:36:01
幾時有文
:^(
晏晝起身瞓晏覺
2020-11-30 13:39:49
:^(
:^(
無音響子
2020-12-1 12:17:35
家明唔慘咩?
無音響子
2020-12-1 12:18:04
今日有
尋日忙到HIHI
馬露如苦口
2020-12-1 13:30:01
:^(
辛苦哂樓豬
無音響子
2020-12-1 16:16:15
【從毒撚變成浪子 – 陪我走過的一些女性們】
【第九十一章】
「班兄弟好煩啊.. 好彩你黎。」
我望一望入邊，表姊似乎同SASA都OK，唔會比班兄弟食左。 岩岩睇中KIMMY個男仔搵唔到KIMMY去左邊有D失落。
我望住KIMMY開玩笑:「咁你會點報答我?」
「下…」KIMMY冷不防我會咁講:「…請你飲啤酒啦咁。」
「就係咁?」我幫KIMMY開左樽酒: 「你既。」
「THANK YOU…. 咁你想點?」KIMMY接過我既酒。
「唔… 咁你話比我知你既野啦。 講下你點解會做空姐。」當然我唔會狼死到叫佢做D咩，我要同自己講自己只係黎飲下野。
「OK! 我大學畢業後就入左黎做空姐，因為可以飛來飛去唔洗錢去玩。」KIMMY理所當然地講。
「去過咩地方玩啊?」
KIMMY拎起啤酒放到嘴唇上將啤酒倒入嘴巴內，一副非常誘惑既畫面!!!
「唉~ 其實我都係入左黎1年，來來去去都係台灣、上海等等地方，最好係去過沖繩。」
我屈指可數KIMMY應該細我一年:「咁你又會同我家姐咁friend既? 佢應該早你幾年入去做。」
之後我知道原來佢同我家姐係同一間大學讀書，入左去第一次飛就係同我家姐一齊同一班機，之後慢慢越來越熟。
我同KIMMY都越傾越熟，酒過三巡後我點左杯COCKTAIL比Kimmy，黎到後佢影左張相放上FB。 我乘機問佢:「你FB係咩啊?可唔可以ADD你?」
「好啊~~~」KIMMY比左佢FB我，傾左一陣後發現KIMMY性格比外表熱情。
交換左FB後佢問我:「唔~ 唔覺你放你女朋友上網既?」
「呃… 我唔想放太多私生活上FB，怕影響工作。」我真係咁諗，自從同Kirsty分左手後我好怕將自己既野都放上去，怕有一日自己又再次被飛而被全世界都知道。 個心會好唔開心…唔知點去答D朋友同事既”關心”。
禮貌上我都要睇下佢D野同問佢問題:「你呢? 有冇拍拖?」我都見唔到佢FB上有任何拍拖相關既相。「你都冇放男朋友上FB?」
「…….」佢遲疑左一下後:「我都唔知道… 算唔算有?」KIMMY似有難言之隱‧
「唔!! 唔緊要，如果你想講先同我講啦。」我微微一笑回應著。
「唔… 我同你講，不過你應承我唔準同人講架… 唔可以同你家姐傾…得唔得?」KIMMY飲左唔少酒臉額通紅，雙眼帶點迷糊地對我講。
我略為位近一點KIMMY:「OK 冇問題!」
KIMMY沉思了一下:「唔….」
摩天輪下的人
2020-12-1 21:43:03
好睇
晏晝起身瞓晏覺
2020-12-2 02:23:08
:^(
Ads
好人永遠都是兵
2020-12-2 03:12:52
一口氣追曬
:^(
好睇
:^(
無音響子
2020-12-2 12:30:40
【從毒撚變成浪子 – 陪我走過的一些女性們】
【第九十二章】
「我做左人第三者...」Kimmy講得好細聲：「前排先發現...」
估唔到kimmy會做人第三者！ 有少少反感。
但都要聽下佢點解釋：「點會咁架？ 聽你講好似有苦衷。」
「唉...我同佢喺同事，佢係機師黎架。」kimmy續說：「當初入去做冇耐同佢一齊飛左幾次，佢好好人好照顧我，好多野我唔識處理都係佢教識我。」
Kimmy講起佢男友，係甜蜜中帶一點傷悲。
「冇幾耐我就同左佢...一齊。 果時我第一次飛沖繩，落地後有台風，全隊crew留係酒店。 本身諗住可意去行下玩下，因為打風冇得去。」kimmy飲完cocktail後仲想飲，我幫佢點左白酒，自己就是但拎左杯唔知咩飲。
一飲，原來係伏特加。
Kimmy搖動手上嘅白酒：「佢知道我好想出去玩下行吓，佢專登租咗部車同我出去行。」kimmy仍然回味著當日既情景。
「果時我覺得佢好好人，肯係大風大雨之下同我出去。 雖然只係坐係車上兜來兜去。」
「唔... 咁都幾好既，第一次去到但係冇得玩。」我能夠了解kimmy有幾失望。
「就係咁，我對佢越嚟越有好感。 唔... 佢就係車上同我講想同我一齊。 我應承左佢。」kimmy傻笑一下：「我好傻，其實同佢一齊飛來飛去，可能成日一個人，特別易亂諗野又特別寂寞。」
「唔」我飲一啖烈酒。
「我對佢了解一d都唔多，我一直唔知道佢原來有女朋友。 我好傻...只係睇佢fb見佢冇show女朋友就以為佢真係單身。 我真係冇諗過自己會做第三者...」
佢意思係咪話我fb都冇show女朋友出黎係賤男？
我同kimmy講：「你點發現佢有女朋友架？」
「哈... 因為我睇到佢電話同另一個女仔傾計。諗返真係好傻，同佢識左之後一直都冇約過係香港出街，每次都只會係飛左佢先會同我出去。 其實佢咁好條件又點會冇女朋友呢？」
講到依度kimmy眼泛淚光，一陣哀傷湧上心頭。
「kimmy... 唔好喊啦。 其實你可以選擇...離開佢。其實選擇權係你手上。」自己講完後都沉思着，選擇權係自己手上！？ 點解自己識咁講，但又放唔低Kristy?
「嗚...嗚...我做唔到啊...嗚....我真係做唔到放唔低佢啊.........」坐係我隔離既kimmy一頭栽在我心口痛哭。
一副我見猶憐的，你叫我如何忍心推開佢？ 我把胸膛暫時借比kimmy希望佢可以得到一刻安慰。
摩天輪下的人
2020-12-2 12:32:17
推呀～
馬露如苦口
2020-12-2 15:53:31
:^(
上一頁
第 13 頁
下一頁