拆磚拆地板到底有無需要水電全鋪

傾計冇圖冇計傾 2020-6-4 20:48:54 應該係咁講
折地板而唔傷藏係下面的喉，需要花好多時間同好小心，而且仲話唔定震到啲喉有裂紋
咁師父話整爛唔包，都係先小人後君子啫，你亦都可以唔揀佢哋，唔關黑唔黑心事
反而係嗰啲咩都唔講明，做爛左又話鳩知你嗰啲，先係黑心
有時啲嘢一分錢一分貨，想佢負責任，攬風險，就唔可以要求師父報得好平，除非佢同你有親啫

:^(

要返工，不了 2020-6-4 20:49:35 有無相？

遠在琉球 2020-6-4 20:49:51 一陣話無需要嗰啲，粗手粗腳打爆埋咪又係收返你錢，邊種公司老實啲真係好難講

利申：屋企人做裝修

小春子公公 2020-6-4 20:50:03 你埋磚用咗英泥沙去整平個地
啲喉就浸哂落去埋口
要留喉靚仔咪要支支同你check位同做清潔
唔係做完又係會爆

密手成虧 2020-6-4 20:50:39 明白。
師父，如果我決定全換，之後水電係唔係應該明喉，方便有咩事可以換?

雄性嬰兒 2020-6-4 20:54:16 要靚緊係行番暗。怕第事冇時你等d師父放完喉去影番張相。知道d喉大概點走到時有咩事咪可以局部維修又唔怕打到其他喉囉

沙沙沙 2020-6-4 20:55:59 此回覆已被刪除

L24 2020-6-4 20:58:46 有換水喉，但無換煤氣喉，會唔會出事

密手成虧 2020-6-4 20:59:07 咁大廈條公喉又應該點好

答人喇柒頭 2020-6-4 20:59:43 食水銅喉一般你新裝修大搞都係喉入屋位鑿出來打後重新駁新喉，或者錶房重新駁.睇個走廊係d咩磚，要睇個還原成本，或者錶房d喉走廊入屋部分係行天花就易d搞. 電線一般都係行膠喉重新裝修咪都係重新mcb拉新電線鑿坑藏膠喉，一般電線就好少話壞壞都可以膠喉重新拉，舊電線電工會拆走佢. 呢d入牆野所謂維修就係鑿出來整或係源頭廢左佢重新拉. 豪宅有假天花咪全部係天花生口度維修lor.

:^(

要返工，不了 2020-6-4 21:01:37 樓主其實知唔知自己隻咩地板？

:^(

舊式柚木痴立青
實木/複合釘夾板
纖維板就咁扣

除左柚式柚木拆左出黎一地立青膠之外
其他兩款拆完地台都好靚仔

DCH 2020-6-4 21:02:09 水喉收你萬零蚊，水喉佬人工都4-5工換哂來去水，加埋料錢千零二千蚊，做住家水喉其實冇乜肉食，只不過做埋個風險低好多，鋪好磁磚再換起碼貴double，除非你做明喉。

電燈就可以唔重做，換電線就ok，有石仔拉唔到線都可以裝修時補救到。

細佬開鋪做裝修都廿年，做開舊樓全爆，一年都接幾間漏水改明喉，有d岩岩裝修完冇耐，比個裝修佬水話水、電、煤、鋁窗呢d內蘢野唔使換，d錢用哂黎訂傢俬，電器，話好睇好用，一間屋水電煤鋁窗唔換，淨做泥水油漆傢俬，廿萬左右嘜都攪掂，做完大把野睇，做哂水電煤鋁窗泥水油漆木門，三十萬先攪掂，間屋仲要冇咩野睇，睇你自己點揀，當漏水時又要拆柜起磚先攪返掂，果個裝修佬采你都有味，話d喉舊預計唔到，唔關佢事，入左伙先中伏。

密手成虧 2020-6-4 21:02:29 應該係纖維板

雄性嬰兒 2020-6-4 21:03:17 你指條入水喉？d師父會有方法行喉架啦。到時想清楚d咪係現場同佢夾一夾

AgentCC 2020-6-4 21:03:35 你自己拆一次唔會傷到D喉，咁咪唔使換。一係原本一日工，搵個考古學家1CM 1CM咁同你拆石屎拆2個月，古羅馬獅身人面像都唔會受損

要返工，不了 2020-6-4 21:03:38 纖維板地台9成平
拆唔會整爛地下自己起都得
一起一件就好快起哂出黎

密手成虧 2020-6-4 21:05:01 因為我見上手為左靚，將條公喉藏左係磚內。。。。但我係度諗，如果有咩事，咪要打爛舊磚嘍

我好憎食譚仔嘅人 2020-6-4 21:10:24 水電煤氣做得暗喉要起過幅牆是常識吧

:^(

好明顯你唔係做呢行

:^(

一定就行明要靚要藏就要負擔埋第時維修成本好公平的

白奶咖啡 2020-6-4 21:14:18 電線耐左膠皮可能會硬，如果掂過水會霉。有機會之後絕緣差左落地。水喉既話以前用銅件，你打面果浸果時可能會震鬆，可能會有微漏。
如果我自己會重做。但水喉會用返澳洲銅喉，電線就英國線。 btw. 用中國料做新就不如唔好搞佢，垃圾質素

密手成虧 2020-6-4 21:14:43 師父如果想明得黎，又有d美感，有無咩方法

雄性嬰兒 2020-6-4 21:15:16 做得暗喉預左有事要打番起佢。正常好地地好少會有事。你接受到明喉咪行明。你全新鋪過喉路你影相留底就最實際

白奶咖啡 2020-6-4 21:16:00 明又好難有美感架喎，一係用木廊遮，但點都唔會靚過暗。

密手成虧 2020-6-4 21:18:06 因為我同另一半都好怕煩，但對美學又無咩要求，所以明喉多

密手成虧 2020-6-4 21:24:58 so far有無事

答人喇柒頭 2020-6-4 21:25:15 正常做法黎.

:^(

都係睇個師傅手工.
所以防水果d 同來去水喉呢d 裝修時一次過做好d. 裝修時有得測試. 食水喉可以叫師傅做足谷磅. 防水層做好都可以試水. 如果之後有事都係鑿出來搞，唔想搞到磚就廢左條喉重新拉條明喉. 正常做得好十幾二十年無咩問題. 真係之後條喉老化，十幾二十年你個裝修都應該殘，一般都係重新大裝修再全屋換晒新水電.