【病獵大師】《病港II》(4)
上一頁
第 24 頁
下一頁
絕影
2020-6-4 19:08:44
之前啲文講過港島區係有新嘅病者生態
青茶講過後尾先知將軍澳區係新手區
病港後記講過天腦可以控制思想?
病勞嘅演化原因未肯定
例如啱啱間課室入面全部學生都係病勞嚟
同埋之前病勞出現都係幾隻幾隻咁出現
如果根據之前咁講係咁啱咁多人一齊過勞死嘅機率應該好低?
即係病勞出現嘅條件未必係過勞死?
如馮覓所言,病勞是普通病痛積勞成疾而成,就是說任何人都有機會病變,變成如今我眼前這一種怪物。
而且暫時淨係懷疑病勞嘅角色係取代人類
而上次喺度禱告嘅病者M話係新型病者
佢又同天腦有咩聯繫?
俾天腦控制嘅人又會唔會變成病者
病勞同天腦會唔會有咩關連
重睇咗次發現好多伏筆
:^(
Ads
或者就這樣吧
2020-6-4 21:40:38
push
椰子油
2020-6-4 22:06:00
文
:^(
:^(
:^(
:^(
:^(
:^(
墨說
2020-6-4 22:22:27
「你身為大病獵咁高位,居然無參與成為狩獵嘅一份子?」我行到棺木前插腰,凝望面無血色的女病童:「唔知嗰位富豪,需唔需要死咗嘅病童。」
「因為宜單生意,最後幾乎俾一個病獵大師全部包攬,嗰個人係病獵協會僅有嘅高手之一,湯婆。」富馬史一邊說,一邊搬開掩蓋地洞的數塊木板。
「可以講下佢?」
有實力者,都是我未來需要拉攏的對象。
「無人知道佢太多事情,佢應該喜歡獨來獨往,只係知道係個上咗年齡嘅女人,有人話佢同病者戰鬥嗰陣,就好似一隻蝴蝶起舞。」富馬史將木板一一搬開後,那猶如深淵的地洞終於呈現:「入面係通去邊到......」
「呢到好似有啲嘢。」我注意到棺木裡,藏有一封信。
那信件一開始被女病童的後腦勺壓住,所以沒能察覺。在我把信件拿出並細閱後,對眼前已魂歸天國的病者,多了一份認識。
信件內的字跡極為慌亂,應該是在混亂或危急的情況下撰寫:
「倖存區外面好似發生混亂......出面好嘈、好多人跑嚟跑去,我唔知發生咩事......宜家我同嗰女,仲有一啲住客匿咗喺唐樓到,但我已經、已經開始聽到樓下單位有笑聲......係病者嘅笑聲......安全起見,我叫嗰女匿喺棺材到再鎖實,諗住帶佢出去,咁就算我俾病者殺咗,佢都唔會有事......讀到宜封信嘅人啊!請你好好照顧我個女......病者已經用力拍緊我門口......十字鎬......我要搵我嘅十字鎬......」
信封內還有一張小照片,是個女兒騎在父親肩上的合照,那女兒戴住個玩具王冠,結合前文後理,我猜測書寫信件的這位父親,便是竊屍王。而她匿藏在棺材中的小女兒,應該就是眼前死不瞑目的病童。
難怪,這名竊屍王是揹住棺木在身,可惜的是她女兒依然受感染了,即使是棺蓋沒有打開的狀態下。
「咩信嚟?」富馬史見我讀了書件好一會,便問。
「無嘢,就只係一件悲劇。」照片我放回棺木中,並將棺蓋合上:「安息。」
富馬史疑惑一笑:「同病者講安息?」
「成為病者之前,佢哋都係併命想要生存嘅人類。」
富馬史無話可駁,轉了別個話題:「有無興趣睇下,下面到底有啲咩。」
「個洞入面?」我低頭凝視那漆黑一片的地洞,連它有多深都不知道。
「下面應該俾呢個竊屍王,挖咗一個通道出嚟,我喺對面大廈監視咗竊屍王好耐,佢一到朝早就會跳入去。」富馬史隨手拿來單位裡一枝原子筆,將它掉入到地洞內:「聽下有幾深先。」
「噠」
墨說
2020-6-4 22:22:37
三秒左右,是原子筆從手上跌落到地洞最底的時間。
但是,我們更有意外收穫......
「嘎嘰!」
我和富馬史聽見這一瞬即逝的聲音後,都不自覺抬頭望向了對方。
「係竊屍賊。」那聲音我一聽就知道。
「果然呢件事仲未完,直覺話俾我聽下面會有大豐收......」富馬史凝視下面,眼神看來不願放過。
「下面大概七米深。」我估計完深度,再估計探索下面的死亡率:「但我哋宜家狀態落去,應該得三成機會可以平安出返嚟。」
「都啱,我已經開始攰。」富馬史聽完我一言,就把眼睛從地洞移開:「擇日再嚟。」
「你真係好戰份子。」我抱手,說。
「既然成為病獵,將病者趕盡殺絕就係我嘅職責。」富馬史只是簡單回上老土的一句。
「咁暫時離開吧。」
回去的路上我把苦等許久的王達尼一併接走,他第一眼見到富馬史就話題多多,跟陌生的人都聊過不停,看來我去殺病者的時候把他悶著了。
「富馬史先生,點解你打扮咁鬼似佢呢?又係面具又係袍咁。」王達尼托住下鄂,自問自答:「你哋啲病獵風格嚟?」
「厚袍可以確保減低接觸感染,面具可以顯示你兇殺嘅一面。」虧富馬史會認真回答他。
「即係咩意思?」
「有時候,病獵唔單止要殺病者。」富馬史有弦外之意。
相信,只有一定閱歷的病獵才會明白。
在炮崗嶺往天后關口,我們和富馬史暫且道別,他說要去工坊購回個長盾牌,再向病獵協會回報一下任務情況,適當時候會再來找我一起探索探索。
「天后嘅事仲未完,M,疫區係有好多秘密,就好似倖存區咁。」這是富馬史和我們分別前,最後一句。
「你又會突然搵到個同伴嘅?」王達尼始才問。
「喺入面無啦啦遇到。」我伸一伸手,拉拉筋骨:「勞動咗成日,要搵個地方休息先。」
「都咁夜~由鐵路返去巴爾市都有排。」王達尼望望手錶,有個提議:「不如喺到搵個地方休息算?」
「嗯。」
我和王達尼在這個一地污水、滿牆油煙的地方,決定要找間旅館休息。說真的,在工業區不寄望能找到好地方休息,只要不太擠迫就行。
但幾乎不熟識炮崗嶺地圖的我們,誤打誤撞下找著了個好地方。
「歡迎兩位!搵緊酒店啊?」在經過一間寬廣的廢車場時,門口有個周圍物色顧客的人將我們攔住。
「你又知?」王達尼張望那廢車場入面。
「嘻,兩個男人夜媽媽喺炮崗嶺走嚟走去,應該都係嗰啲嘢啦~」對方只笑不答,續說自己的事:「搵酒店就啱啦,我哋呢間係全夕鯨國首個「露天廢車場酒店」,只係80籽一晚!可以隨便入去揀嫁廢車去訓,廢車場中間有投影機播電影,嗰啲位就140籽一晚!」
「咁搞笑,露天廢車場變咗做酒店,不過睇嗰樣好掂喎......好多人喺入面訓咁。」王達尼覺得這生意頭腦很高。
在「露天廢車場酒店」入面,有些車疊放了三、四層高,但你仍然可以看到有居民在裡頭訓覺、跟附近的人閒聊,或是觀看酒店提供投射的電影。
「M,你意下如何啊?」王達尼問我。
「你拎主意。」我答。
「好,就兩位。」
墨說
2020-6-4 22:23:10
「咁要唔要隱密啲嘅暗角車位呢?畢竟呢啲風氣喺區內唔係太盛行......」廢車場職員領我們進去。
「咳,唔需要,同埋我可以話係有未婚妻。」王達尼利申。
「有未婚妻都玩呢尾嘢......」廢車場職員小聲自喃。
廢車場職員給了我們一個依稀望到電影的車位,王達尼想吹多點風和不想惹到蛇蟲鼠蟻,於是我們睡在被疊放到第三層的一輛豐田四人車當中。
「喂、喂!前面位俾我,我要睇片。」王達尼不能好好開門爬入去,心急得要從車窗鑽進去。
真正想休息的我,則躺在後座上。
「咦,原來播緊《鐵達尼號》。」王達尼遠眺窗外,投射在牆壁的電影。
「達尼。」我說。
「咩?」王達尼他望望倒後鏡。
「無嘢,我講緊鐵達尼號。」
在電影結尾播出那首知名的英文歌曲,我悠悠入睡到夢鄉之中。
翌日一醒來,我就落車走走,因為車子座位太細,我要整晚彎住腳睡眠。
我小心地推開車門,慢慢爬落到露天廢車場的沙地上,大白早那刺耀的陽光,讓人無法完全張開眼皮。
廢車場有蟬叫,還有像豬一樣的鼻鼾聲。
在我對面的廢車中,有位精神的老伯伯托著老花眼鏡,專心地閱讀《病港日報》,其車蓋放住頭條版內容頁,應該是他看完的了。
「阿伯,借嚟睇睇。」我行過去對面,拿上他的報紙看。
「啲病獵好大件事哦~」老伯應該看過了內容。
但新聞的頭條......
是說病獵?
待我打開報紙一看,驚惶之感緩緩流入我血管內。
「炮崗嶺三名病獵於地鐵站下運送「詭人」返回協會,中途出現突發狀況!協會證實一名病獵當場死亡,另外兩人搶救當中。」
「......三個病獵。」我腦裡去來去去想到的,只有瑪昆、劍坤、西門東東昨日和我出征的三人。
到底發生什麼事情......
我焦急的把報紙放下,連跟王達尼交代一聲的心情都沒有,就火速前往病獵協會,打算看看是什麼一回事。
可恨的是,我去炮台山地鐵站才告訴我因為昨日發生一些事,現在維修當中,炮崗嶺的各區來往暫不開放。
「點解唔開放啊!」、
「我仲要返工嫁你老母!」、
「開門啦!開門啊!」
不單止我覺得焦躁,連無法去其他區上班的居民都感到憤怒。
「琴日路軌嗰到發生咗啲事啊!走啦你哋,今日唔開放,返咩工啊,返屋企訓喇!」鐵道職員趕走前來的人。
「我夠資格入去?」我把病獵執照呈出。
「呃......你係病獵?我諗應該可以,請你等等。」
職員協助我入到站內後,他馬上詢問我是不是為某些事而來:
「你係為咗琴日嘅事嚟?」
「琴日發生咩事。」我問。
「聽聞......有三個病獵......」職員正在找方式,把話說出:「好似係佢哋返去巴爾市途中,發生咗爆炸,實際上我都唔太清楚。」
「嗰三個係咪著住黑盔甲、一個拎弓箭、一個又肥又大隻咁?」
「係啊,好似係。」
聽到職員如此回答,我更是心中一沉。
「唔該你。」
我跳落路軌,快步回去。
會好的
2020-6-4 22:27:51
「咦,原來播緊《鐵達尼號》。」王達尼遠眺窗外,投射在牆壁的電影。
「達尼。」我說。
「咩?」王達尼他望望倒後鏡。
「無嘢,我講緊鐵達尼號。」
M 咁搞鬼
:^(
nozstual
2020-6-4 22:35:18
好似係佢哋返去巴爾市途中,
發生咗爆炸
,實際上我都唔太清楚。
同之前係船上引擎爆炸係同一款?
絕影
2020-6-4 22:39:30
今日咁少
:^(
春春蟲
2020-6-4 22:43:04
啱啱睇返留言 個人覺得竊屍賊有啲似多比
墨說
2020-6-4 22:44:45
星期六
Ads
墨說
2020-6-4 22:44:55
未講
鹽西
2020-6-4 22:57:56
頂依個位停
:^(
迷迷糊糊
2020-6-4 22:58:50
等我估下先
無乜戲份既肥仔死既機會率高達八成
:^(
滿天的貝果
2020-6-4 23:03:34
湯婆呢個名
諗起千與千尋個湯婆婆
:^(
:^(
:^(
絕影
2020-6-4 23:22:03
我都覺得係
:^(
:^(
椰子油
2020-6-5 00:02:02
病港二出場既都冇好下場
:^(
傻豬黎既
2020-6-5 00:09:54
push
巴索利巴索利
2020-6-5 00:30:43
:^(
貴華都未死啦
中二病 肥人 出嚟搞笑係有特別待遇
反而認真 正直嗰批死嘅死傷嘅傷
魔法嵐
2020-6-5 00:55:38
劍坤有甲應該冇咁傷,瑪昆成身肌肉應該頂到下
我估係肥仔
魔法嵐
2020-6-5 00:56:08
劍坤有甲應該冇咁傷,瑪昆成身肌肉應該頂到下
我估係肥仔
Ads
巴索利巴索利
2020-6-5 01:06:57
爆炸喎
:^(
:^(
有甲=焗爐
肌肉就算啦
:^(
Imagiro
2020-6-5 01:18:07
此回覆已被刪除
滿天的貝果
2020-6-5 01:20:57
瑪昆同青茶有connection可以推劇情,斷估唔會咁易死
:^(
人肉大聲公
2020-6-5 01:44:10
認真
可以allin 東東
:^(
上一頁
第 24 頁
下一頁
青茶講過後尾先知將軍澳區係新手區
病港後記講過天腦可以控制思想?
病勞嘅演化原因未肯定
例如啱啱間課室入面全部學生都係病勞嚟
同埋之前病勞出現都係幾隻幾隻咁出現
如果根據之前咁講係咁啱咁多人一齊過勞死嘅機率應該好低?
即係病勞出現嘅條件未必係過勞死?
而且暫時淨係懷疑病勞嘅角色係取代人類
而上次喺度禱告嘅病者M話係新型病者
佢又同天腦有咩聯繫?
俾天腦控制嘅人又會唔會變成病者
病勞同天腦會唔會有咩關連
重睇咗次發現好多伏筆