Ads
上回講到黃生話都有唔少行家過嚟搵食~
打入去喇喎!仲咁多人返入去?
可能係大家都住喺入面啦~
咁飛揚唔怕咩?
怕咩吖?怕老解?見一個殺一個!
去到葵芳經過老解嘅路障,都俾黃生直行直過。
原來係因為黃生喺啱啱段空檔喺呢頭出出入入咗幾轉,啲老解都認得佢~唔再查佢~
估唔到就係咁方便咗飛揚佢哋。
環環相扣...
返到嚟葵芳,飛揚話會搵黃生車多轉。
黃生見有生意做就梗係唔放過啦~
飛揚同日倫好快咁返上樓,見到綽姿呆晒咁坐喺床上。
飛揚同日倫見到綽姿俾羅羅畫到花面貓咁,都忍唔住笑~
綽姿見自己俾羅羅畫到花面貓咁,就喺床上打起上嚟~
羅羅俾綽姿捏住條頸撳喺床一陣...又反撳返綽姿落床:「畫到咁可愛都唔多謝我!」
綽姿一腳踩住羅羅個肚...踩多兩踩...撐多兩撐:「吖...吖...可愛?邊忽可愛吖?!你試吓俾我畫吖!」
羅羅俾綽姿撐到雙腳Fing Fing:「你咁冇藝術感...邊可以同我比吖?!」
綽姿一腳撐開羅羅...再撳佢落床碌兩轉:「你又好好吖?亂咁畫!都唔知似乜!」
羅羅又雙腳翹住綽姿條小蠻腰...一個轉身撳返佢落床:「抽象派嘅嘢你識條鐵咩?!」
飛揚同日倫就望住兩個小妹妹...喺床上你捏我又我捏你...你撳我又我撐你...碌左碌右...碌嚟碌去...
點吖...好似啲貓貓咁打交...使唔使咁得意可愛吖...
跟住嘅劇情發展又會係點呢?
準備出文
Ads
今晚出完
Ads
都唔知活左係平行時空幾耐