[結局篇][我唔識揀] 為咗報仇,我開始玩tinder 3
上一頁
第 4 頁
下一頁
煙槍都丫嚕
2020-5-20 09:33:16
本身做CD ROM見到呢句忍唔住要開個AC推
除非你叻仔到可以寫飛少同阿敏一齊
如果唔同肥婆一齊一定負評
:^(
Ads
凌晨兩點晚安操
2020-5-20 09:53:28
追返肥婆啦屌
:^(
得閑飲茶啲fd
2020-5-20 09:54:14
肥婆好型呀!知道男豬搵返阿欣都應約
仲夠膽表達自己既心意
:^(
由故事一開始就忠於自己
:^(
男豬蘇州過後冇艇搭呀!!!!!!
千億個夜晚
2020-5-20 10:25:43
:^(
:^(
:^(
鈴聲可以寧靜
2020-5-20 10:26:14
唔知點解覺得阿欣同Crystal都會同男豬表白
三重劉德華
2020-5-20 12:12:00
變幸福賓州 從此飛少/j峰角色互換
:^(
唔合理
:^(
0情商毒撚點解都咁多女
鈴聲可以寧靜
2020-5-20 13:01:36
因為咁我哋啲毒L有得FF先會睇
S.Vettel(又Spin)
2020-5-20 13:11:00
點解我覺得會係飛少鐘意crystal但係crystal只係當飛少係朋友嘅
:^(
:^(
由飛少會想去crystal屋企附近撞佢就知飛少已經揀咗
:^(
不過個關係表就errrrr.....
肥婆 > 飛少 > Crystal > J鋒 > Miss Lin
鈴聲可以寧靜
2020-5-20 13:44:00
Crystal叫飛少畀啲時間佢
:^(
我家在這星球
2020-5-20 16:12:58
:^(
:^(
咁J鋒同飛少呢
黃台之瓜
2020-5-20 19:06:30
好過飛少 on99
:^(
Ads
鈴聲可以寧靜
2020-5-20 19:49:42
無視阿欣
:^(
我家在這星球
2020-5-20 20:09:17
收兵就算吧啦
:^(
站著說話不腰痛
2020-5-20 20:12:42
追返肥婆啦
:^(
改咗名改埋右
2020-5-20 20:17:17
文
:^(
千億個夜晚
2020-5-20 20:59:30
:^(
:^(
:^(
:^(
鈴聲可以寧靜
2020-5-20 21:03:33
如果我話今時唔同往日 飛少已經脫胎換骨
阿欣係佢囊中物呢?
:^(
得閑飲茶啲fd
2020-5-20 21:13:42
係咪男人都有鋪癮,放唔低[初戀]
其實作者都透過j鋒把口話飛少只係執著
人外有人,今日飛少既世界都已經唔係淨係得阿欣一個啦~
鈴聲可以寧靜
2020-5-20 21:15:42
最執著嗰個係J鋒自己
:^(
得閑飲茶啲fd
2020-5-20 21:17:37
所以佢講得飛少執著,一定無錯!🤣
鈴聲可以寧靜
2020-5-20 22:06:46
你啱
:^(
Ads
玖蒼
2020-5-20 22:07:59
肥婆…肥婆…肥婆…
腦入面掠過自從識咗肥婆之後嘅所有片段…如果唔係一開始識咗肥婆…我唔敢想像無咗阿欣呢段日子點樣過…
追上去?追上去之後講咩…?
同肥婆講你係我一個好重要嘅朋友…?
咁樣我同阿欣對我有咩分別…?
但…我真係只係當肥婆係我朋友?
唔撚理喇屌…追咗先講。
我用路見不平拔足狂奔嘅速度跑去肥婆消失嘅地方,左望右望…奈何旺角實在係太多人,保特喺呢度都唔夠啲推住車仔嘅大媽跑,何況係我…?
話口未完,我就俾個拖住喼嘅大陸客撞親隻腳,仲俾對方惡人先告狀…
「天呀!你小心點好不好,這個好貴的!」
真係屌你啦,聲大夾惡就得架嗱?ok you win囉,我仲要追肥婆,唔同你計較。
肥婆…你到底走咗去邊…
減咗肥之後嘅肥婆速度似乎理所當然地上升咗唔少…當我喺原地企咗唔知幾撚柒耐先再去追嘅時候,似乎已經太遲…
不過唔緊要…今次同第一次見面嗰陣唔同,我可以打電話俾佢!
嘟嘟…嘟嘟…嘟嘟…
「你已經喺633x xxxx嘅留言信箱…請喺咇一聲之後留言…然後掛斷電話…」
屌…響三聲就飛留言?肥婆你cut我線…?
唔緊要,再打…
嘟嘟…
「你已經喺633x xxxx嘅留言信箱…」
唔緊要,再打…
嘟…
「你已經喺633x…」
做咩要唔聽我電話?肥婆!!!!!
「聽我電話啦好嘛…」我極速whatsapp肥婆。
「追到我之後你諗住點…?」肥婆覆我。
咪住先…肥婆知道我追佢?即係佢一直都看在眼內?就好似又一城嗰次咁…?
「我都唔知…但我剩係知唔可以俾你就咁走咗去…成件事太突然…我唔識得反應…」我講。
肥婆輸入中…然之後又在線上…然之後又輸入中…然之後又在線上…
我等唔切喇…再打多次俾佢!!!
「喂…」肥婆終於都聽電話…
「我…你…你…我…我…我…你…你唔…你…我…」屌我都唔知自己講緊啲咩…
「收線喇…」肥婆講…
「唔好!唔好!等等!我…我知道要講咩嘅!你等我諗一陣!」我焦急咁講。
「算啦…既然你都已經搵返嗰個女仔…已經無咩需要同我講…啱先只係我一時衝動先講咗出口…我好快會無嘢…」肥婆講。
「我…我…我…你…我…無expect過你…會對我…」
「我都無expect過自己會咁…我以為自己一直都只係當你朋友…直至上次出街你帶多個女仔出嚟…我先發覺原來有啲情緒控制唔到…我會妒忌,我會唔甘心,我會驚…你明唔明…?」肥婆講。
「我…我…我…你…你…我…我…唔知…我好亂…」
「你亂只係因為從來都無女仔同你表白啫,唔代表你對我有啲咩情感…放心啦…我會收拾好心情,到時再做返朋友…」
「唔係…唔係咁…唔係咁…」
「咁係點…?」
…咁係點?我一時三刻又講唔出…
肥婆同crystal對我嚟講,都係好重要好重要嘅人…但我對肥婆嘅感覺又同對crystal嘅感覺有少少唔同…對住肥婆嘅自己可以話係毫無防備…而對住crystal就總係會有少少就住就住咁…
更重要嘅係…我從來都無諗過肥婆對我有意思…
「你都答唔到呢…所以…拜拜喇…」
「咪住!咪住!咪住!咪住!」
嘟--
肥婆無理到我係咁講咪住就收咗線…唔係你話鍾意我嘅咩…唔係你話鍾意我嘅咩…點解連我係咁講咪住都唔理…
點解…
點解…
玖蒼
2020-5-20 22:10:01
我慢慢行出彌敦道,搭上112號巴士返屋企…
因為餐飯食唔成嘅關係…時間都仲未到八點…唔知肥婆有冇肚餓呢…
肥婆…
肥婆…
肥婆…
明明係我無回應到佢嘅心意…點解失落嘅係我…?
我真係唔鍾意肥婆咩…?又唔係…
但係唔係男女之間嗰種鍾意…我又答唔到…
腦海入面開始回憶啱啱喺旺角不停搵肥婆嘅片段…點解佢可以將自己收得咁隱密…到底係咩地方可以令佢見到我而我又見唔到佢…
點解肥婆唔肯俾機會我講下自己嘅感受…
點解肥婆唔明白我嗰種焦急…
呀!!!!!
我突然之間諗返起…呢種焦急嘅感覺似層相識…
原來就係第一次同肥婆見面嘅時候,crystal啱啱俾J鋒飛咗𠴱陣我喺的士上面嘅心情…
仲記得嗰陣的士佬問我咁心急係因為邊條女…
我諗我而家可以好肯定咁講…係因為肥婆…我係因為怕同肥婆第一次見面會遲大到所以先心急…所以先焦燥…
咁…係咪就代表我鍾意肥婆…?
但嗰陣我所認知嘅肥婆仲係得一張鬆郁濛嘅相…仲真係以為佢係肥婆…
唔通我嗰陣已經鍾意咗佢…?
「阿仔,乜咁早返嘅?你唔係出去食飯咩…」返到屋企嘅時候老媽子問我。
「哦…係呀…」
「俾人放飛機呀?」老媽子繼續講。
「唔係呀…」
「使唔使煮個面你食呀?」
「唔使喇…無胃口…」
「俾女飛呀?」
「痴線!梗係唔係啦!」
「咁飲啖湯啦。」
「哦…」
老媽子見我死老豆咁嘅樣,佢都唔想無咗個老公,所以係咁嘗試安慰我…
一碗老火湯,我竟然飲到肥婆嘅感覺…眼淚就不自覺開始流落嚟…
「嘩阿仔,我啲湯落咗鹽架喇,抹抹啲眼淚先啦!」
「嗯…」
「女之嘛…好閒啫…係咪上次嗰個呀?叫你著你老豆叫皮褸出去架啦!」
「熱呀嘛…」
「咁熱都著到咁型,咪溝死女囉仔!你識唔識架!」
「我唔係失戀呀…」
「咁即係表白衰咗呀?」
「……」我唔知點樣同自己老母講係人地同我表白衰咗…但反而係我喊到死狗咁…講都無人信…
「唉…仔大仔世界喇…」
「我飲完喇…返房先…」我講完就起身離開飯檯。
「仔!」老媽子叫住我。
「?」我擰轉身。
「想當年我都拒絕過你老豆三次先應承同佢拍拖,小小苦楚等於激勵呀。」佢講。
老媽子,多謝你唔知咩事都鼓勵我。
老豆,多謝你當年無放棄。
所以,我都唔可以放棄。
嗰晚我去到好夜都瞓唔著,成個腦都係肥婆肥婆肥婆…我始終都唔肯定自己對肥婆嘅感覺係唔係男女之間嘅感覺…如果係嘅話,咁我對阿欣呢…?又係啲咩?
我又再一次諗起的士佬嘅說話,男人老狗,揀定離手…
而家當我終於有得揀肥婆嘅時候,我竟然不知所措…我到底驚啲咩?
不過無論如何…我都要整理清楚對阿欣嘅感情,先可以俾一個正確嘅答覆肥婆…
肥婆…你要等我…
違規玩家
2020-5-20 22:13:03
此回覆已被刪除
樹熊瞓唔夠
2020-5-20 22:13:39
唔好要圖啦,無圖多啲巧想
:^(
:^(
上一頁
第 4 頁
下一頁
除非你叻仔到可以寫飛少同阿敏一齊
如果唔同肥婆一齊一定負評