(可能甜)行山遇到三條女
上一頁
第 11 頁
下一頁
尋覓冷清
2020-5-19 21:39:34
今日再出篇吊下你地癮。
Ads
尋覓冷清
2020-5-19 22:19:00
搵工篇
我同Irene都同時間睇一睇,發現係阿傑問「大家都考完試啦,有無興趣去party room玩下呀。」
阿豪就覆:「有呀有呀,如果你搞既話。」
深田:「我ok呀。」
我望一望Irene講「你去唔去呀」
Irene就答話「去,點解唔去呀。」然後,我同Irene都打左去。
依架芷晴應該返緊工,唔知佢去唔去呢,一陣問下佢先,夜晚再接下佢放工,正。
然後,我同Irene就係鑽石山到搵左間黃店黎食,叫熨烤達人。間店無咩人,所以老闆娘都特別留意我地。過左陣,佢就過左黎撩我地講野,都傾得幾開心,佢知道我地今日考dse仲送左碗泡菜豆腐湯俾我地。
我地都食得幾開心,食食下Irene就問我「浩然呀,你有無諗過你返咩工呀。」
我就答佢「依架都無工返,我可以揀咩,有人請就唔錯啦。」
老闆娘唔知偷聽定唔小心聽到就同我地講「我唔小心聽到,你地係咪想搵part time呀,我依到請人喎。」
我聽到之後有小小感動,不過我再望一望周圍空哂既位,講「老闆娘,但係市道咁慘淡,人都唔使咁多,你唔專登俾工我地返喎。」
老闆娘就講「你都傻既,依架先十一點幾,梗係少人啦,等多陣就多啦,不知幾多手足幫襯呀。我同我老公午市同晚市真係忙到呢。」
我就講「真係既,咁我黎呀。」
Irene都接住講「我都黎呀老闆娘」
然後,老闆娘就俾左佢電話我地,話「你地幾時得就黎啦,不過盡快啦,我地真係好攰啦。」然後扮一扮可愛,真係得意呀老闆娘,睇黎有個好老細啦。
咁三家姐呢?
2020-5-19 22:34:45
將謝婉雯醫生放喺呢個故事真係好差
負皮, 拉
尋覓冷清
2020-5-19 22:36:56
第四次對唔住,連登無得改,紙言我都改左啦,新手就真係唔可以俾次機會咩。。。
:^(
:^(
傻豬黎既
2020-5-19 22:45:01
push
急凍鳥
2020-5-19 23:24:49
出多兩篇先啦
肉刑生豬肉
2020-5-20 02:09:39
出文啦
:^(
龘鑫森淼焱垚龘
2020-5-20 07:44:23
好耐無見深田喇
:^(
支持
尋覓冷清
2020-5-20 12:34:07
接放工篇
我地食埋野之後,就分道揚鑣,但係我都送左佢上巴士先走。
無幾耐就收到阿傑sent出黎既資訊,話「大後日既3:00-10:00觀塘大家ok?」期後,大家紛紛都打左ok。
我見到個時間係咁之後,我就問左問Irene「不如聽日直接返工」
Irene:「好呀,反正又無野做」
然後,我就打左「聽日我地就ok啦老闆娘」俾老闆娘,但係可能因為忙緊,所以好耐都無覆。
我就返屋企瞓陣先,一陣先去接芷睛。
無左dse既壓力,今鋪真係瞓得好安詳呀。慢慢咁起身已經係六點幾啦,時間啱啱好。
我再次換好哂衫,去接芷睛。佢做既係黃大仙一間茶餐廳,無立場唔講名。
我慢慢咁行過去,就離遠望到芷晴,向另一個方向行,我就即刻小跑過去一野抱住佢,佢個身即刻震一震,好似想掙扎咁,我接著就講「bb,我好掛住你呀」
佢聽到係我之後,就放鬆左落黎「bb?」然後,拎轉個身,有啲驚訝咁問「bb,點解你係度既,我都好掛住你呀。」然後,反手就抱住我。
我輕輕撫摸佢既頭講「太耐無見你咪接你放工囉。」
芷晴聽到之後就好開心咁「鍚哂你」然後就嘴左落我嘴唇到。
之後,我地就一路行街一路講下野咁。
芷晴就問我「係喎bb,你今日考成點呀。」
我就答佢「都算係咁啦,一般般。」「係喎大後日個party room你去唔去呀」
芷晴就講「有party room呀?可以呀,大後日我咁啱放假。」
我就講「咁好啦,我地到時一齊去啦。」
芷晴就講「唔好啦都係,到時俾啲驚喜佢哋呀不如
:^(
。」
諗下都好等你地仲笑我毒呀啦,玩尻你地先。「好呀」
おチンチン
2020-5-20 14:05:07
live
:^(
傻豬黎既
2020-5-20 16:08:00
:^(
:^(
:^(
Ads
尋覓冷清
2020-5-20 16:42:00
呷醋篇
我講「係喎,芷晴,今日我同Irene一齊食野嗰陣,間黃店話有工俾我地呀,你俾唔俾呀。」
芷睛講「好呀,不過呢,你可唔可以問下個老闆仲有無位呀,我想轉工,同你地一齊返呀。」然後,搖一搖我手臂。
我就答佢「好呀,我問下佢呀」
芷晴就講「多謝bb」
接著,我就sent左俾老闆娘,問佢可唔可以請多個。
老闆娘應該完左晚市繁忙時間,所以佢就一次過覆左我「ok呀,你地聽日番9:00呀,至於你個朋友就可能要睇下先,我地都唔可以一次過請太多人,希望你諒解啦,如果再做唔掂先再叫佢啦,唔好意思
:^(
。」
我見到咁都覆番佢「好呀,你地肯請我地已經好好啦,唔該你地就真呀。」
芷晴見到就好似有啲失落咁。
我就安慰佢「唔好唔開心啦,老闆娘都話唔夠人做就請你啦,好快架咋。」
芷晴就埋進我胸口中有啲哭哭啼啼咁講「雖然Irene係我朋友,但我都唔想你地走得咁埋架嘛,雖然我唔應該咁,但係我個心都會痛架嘛。」
我聽到之後就有啲自責,然後就輕輕咁摸佢個頭講「bb乖啦唔好呷醋啦,我同Irene無野架,以後我保證咩都同你講啦好無。」
芷晴聽到之後情緒都平靜左啲,我就繼續氹佢。
我講「係呢,bb呀,你都係自己一個住,不如你過埋黎一齊住呀,一家人開心啲呀嘛。」
芷晴聽到之後就慢慢回復番笑容講「真係既」
我就接著講「係呀,我想囉,你想唔想呀」
然後,就怕怕羞羞咁點左下頭。
想重新做人
2020-5-20 16:58:04
FF佐少少, 識得個一頭半個月又見家長又同居
尋覓冷清
2020-5-20 17:00:57
咁又係,上次食餐飯姐,今次好似真係誇張左,我一陣寫番先
尋覓冷清
2020-5-20 17:32:39
空歡喜篇
然後,我就叫左芷晴番屋企準備下啲野。我就返屋企準備下啲床呀枕頭啲野咁。
番到屋企,我就開心咁開左橦門叫左句「媽咪」。
媽咪見到我咁樣就問「做咩事呀你,含春咁既」
我就同佢講「係呀阿媽,芷晴佢自己一個住呢又無人無物,我咪叫佢過黎住囉,得唔得呀?」
我諗住芷晴同我呀媽上次咁傾得埋,阿媽應該俾,兼且我頭先太想氹芷晴,所以就黎左個先斬後奏。
但係估唔到媽咪就拉左我坐低左係梳化到,講「阿仔,你仲細,你知唔知同居要諗好多野架,飲食、私人空間、衛生問題、休息,你有無諗過呀。正所謂相見好同住難,你地拍得一頭半個月就話同居,我睇好你地,先唔想你地咁快同居咋。」
講真媽咪講依啲問題,我一啲都無諗過,淨係諗到同居可以同芷睛日日見,青少年真係一種衝動既生物。但我究竟點同芷晴講呀。「媽咪,但係我點同芷晴講番呀。」
我阿媽就講「你話媽咪話唔俾囉。」然後笑一笑「你自己諗啦,依啲事要自己解決下架啦。」
唉,點算好呀。我諗女仔都應該鐘意啲肯承擔責任既人既,唯有認錯啦。
然後,我就同左芷晴講我未經媽咪批准,同埋復述媽咪講既野。
好才芷睛都寬容大量咁原諒左我,仲講「係囉,我頭先都衝動左,無auntie諗咁多添,唔緊要啦,依架考完dse,我地日日都可以見啦。」
我就講「好啦bb,咁聽日見啦。」
陳北方
2020-5-20 17:39:25
live
:^(
含撚喇你走住黎屌
2020-5-20 18:09:44
自己想點寫咪點寫囉屌
:^(
:^(
唔同居點甜呀
無人識我
2020-5-20 18:11:32
Drop 咗一科唔係仲有兩科咩
:^(
大學有啲計 4C+2X 咁你咪仆街
:^(
尋覓冷清
2020-5-20 18:12:14
我就係突然諗到嘛,make sense啲,慢慢黎,就算同居都唔會有甜,maybe。
尋覓冷清
2020-5-20 18:13:26
得兩科,我真人係真係drop左無計,衝動左
無人識我
2020-5-20 18:15:04
冇㗎喇樓主
新讀者開追故mode唔睇comment 一定屌兩屌
除定褲ready 啦
:^(
Ads
尋覓冷清
2020-5-20 18:16:45
我俾人輪左四五次啦
:^(
無人識我
2020-5-20 18:17:41
我同我女朋友第一日就開始同居
:^(
利申外國讀書
尋覓冷清
2020-5-20 18:21:18
大家可唔可以當係生活故,而唔係淨甜故呀。
想重新做人
2020-5-20 18:22:55
BTW加甜PLX
上一頁
第 11 頁
下一頁