結咗婚十幾年,好似已經唔太愛。//《相愛十年》2
上一頁
第 34 頁
下一頁
你最近點
2020-6-4 13:49:42
:^(
Ads
偏偏喜歡你
2020-6-4 13:52:19
隔日小息,社工室門被打開:
「姑娘仔,Hello。琴日我嚟咗揾你,點知唔係你值日添。」
是那個和思思相撞、說她矮的男同學。
「係,有事揾我?」
「想同你傾吓偈啫,你唔報警就得啦。」他又調笑了一下,直接跌落在沙發上,再抱着公仔形攬枕。
思思卻不覺好笑,如果他所說出口的話涉及刑事,那麼,知情不報是不可以的,她不自覺地皺眉——
「姑娘仔,你做咩黑面?我講吓笑啫,冇犯法喎;你唔好好似啲大人咁啦,咩都諗餐飽,都唔開心嘅。」
「我真係大人嚟。」
她不明白為何自己要向一個學生重申:她已成年,好奇怪。
「我知。」
他忽然尷尬地抓了抓頭,不知怎樣表達他的意思,他只是覺得,她不應該是那種墨守成規的女子,她素雅,隨心地畫上簡單的妝,不似別人塗上厚重的濕粉,畫上誇張的眼線,感覺她就是不一樣,不應該想得多、想得重、想得亂。
思思見狀,只好問:「揾我做咩?」
「冇,唔想上堂,所以嚟揾你傾偈。」
「宜家小息喎,傾完都係要上堂㗎喎?」她不解。
「小息打鐘之後,我會同老師講我落MI,落完去簽個名就上番嚟揾你。」
「唔得咁㗎,走堂?」
「我真係唔舒服㗎,唔係只係為咗走堂。」
思思見他精神奕奕,眼神明亮,不覺他病:
「你邊度唔舒服呀?」
「一上堂就唔舒服,我有課堂恐懼症,一見到書就暈,一聽見教書聲就想嘔。啲老師都唔鍾意我㗎啦,淨係鍾意啲又乖又靜嘅學生咋嘛,我唔上堂佢哋仲開心喎。」
他扶額,作頭痛狀,顯示恐懼症之嚴重。她想像,是他在課堂上搗亂嗎?所以,老師因為他擾亂課堂秩序、阻礙授課而討厭他嗎?如此,其實老師喜歡乖巧的學生也似乎很合理。
他突然認真,續道:「我真係想同你傾偈,等等咩都講。」
如果他真的有心事,她當然樂意聆聽,實在有點好奇,這個看起來與純樸校舍格格不入的男生在想些什麼;而且,她倒不愛管閒事,不會向老師報寸。
「咁你落到MI又上番嚟,唔會俾人發現咩?」
「校務處啲人都唔會去MI睇嘅,就算係喺隔離呀,都唔會記得啦。簽個名就得㗎啦。」
她狐疑,怎麼可能不會發現;可是又想,以前自己因身體不適而到醫療室休息時,也不會有人來她是否還在。又聽他說:
「放心啦,我經驗豐富喎,MI是我家。」笑得落寞。
小息完結,他站起,準備下去;思思說:「你攝番好件衫先。」
「得啦,咁多規矩,真係麻煩。」還是乖乖地整弄衣服。
思思突然覺得,他很像一個人,卻想不起是誰;因為,現在她身邊沒有這一種人,成年人誰像他這樣?不守規矩、思想跳脫、言語大膽,這種莫名地勇氣,到底在年月間消耗殆盡,言行舉止都是平穩而符合社會規範的,不可行差踏錯,不可離經叛道——
難道他像名著男主角嗎?她想想,又笑笑:不是。這一種既熟悉又陌生的感覺,好像要追溯許多年前了。
他上來,又馬上將裇衫抽出,望向思思:「唔想攝衫。」隨即又癱倒沙發。
社工室不大,只有一張書桌、一張電腦坐椅、一張沙發;思思轉頭,問:
「嚟,你想同我傾咩啊?自我介紹吓先?我仲未知你叫咩名喎。」
你好好我好好
2020-6-4 14:05:30
似以前既阿朗
:^(
不過認真啦 真係社工唔會對clients 有任何感情產生
:^(
偏偏喜歡你
2020-6-4 15:22:40
「嚟,你想同我傾咩啊?自我介紹吓先?我仲未知你叫咩名喎。」
「你可以叫我做大西北梁朝偉,6B班。」
「點解?」
她仔細觀察他,眉眼確有幾分像梁朝偉的憂鬱神色,五官沉靜,薄唇相依。
「哦,我叫梁朝光。啲人就叫我做梁朝偉,又有少少似佢咁囉,大西北,你明㗎啦。」
學校校址在天水圍。
「咁你鍾唔鍾意劉嘉玲?」
「唔鍾意,我鍾意張曼玉多啲。」
思思想起身穿旗袍的張曼玉在煙霧中媚眼如絲,她理解他的答案。
朝光繼續說話:「其實,我都唔知有咩好講。」
他只是不想上課,不想再留在那一個狹小的班房,無無謂謂;來這裏,對着一個不會責備他的「女生」,怎也好過在課堂不斷被罰站。
「啫係你都讀過中學㗎啦,啲老師都鳩鳩哋……」
「喂。」
「OKOK,啲老師都奇奇怪怪。我好唔鍾意佢哋。你同番佢哋講都唔緊要嘅,冇所謂,橫掂佢哋都唔鍾意我,打和。」
「你哋關係好差?」
「係,你知唔知,啲理由都幾無聊,就係我成日駁嘴駁舌咁。你睇我個款,就知我都唔係真係好乖嗰啲。」思思聞言,打量他後不作聲。他自我肯定:「係。佢哋就叫啲同學唔好同我呢種壞學生玩喎,如果唔係,罰埋佢。」
她瞪大雙眼:「咁衰?」
老師不應是有教無類嗎?如果學生頑劣,生氣當然正常,但不必着別人孤立他吧——這是在培養學生怎樣的價值觀?
「可能係因為我成日整蠱佢哋,改佢哋花名又俾佢哋知啦。屌,啲老師成日死要面,我同佢講佢計錯數,佢竟然啤番我轉頭,大佬,咁真係你錯喎;我就叫佢做『花面哈』,日日都搽大大噠五顏六色上面,又成日哈哈哈唔知笑,教好啲書好過啦。佢知道咗之後,仲衰,成日鳩改我啲數學test,明明冇錯嘅又唔俾分我,要我自己對marking scheme揾番啲分出嚟,然後佢又死死氣咁俾番分我,麻鬼煩。」
思思想起6B班主任Miss Yeung平時明明和顏悅色,不似這種人吧;可是,她其實毫不了解,只點點頭,問:
「你哋咁樣,維持咗幾耐?」
「上年開始囉。」
朝光想起,中五的一次課後留堂班,他說了一句:
「我出去補習有咩問題先?」
他向來都是老師心中的頑皮學生,不怕說話莽撞而被罰。
「冇,你個人選擇嚟啫;但你唔好教唆其他同學去補習喎,出面一定好過學校老師咩?」Miss Yeung聽見了他和同學的交談,叉腰說。
「咩叫教唆?係佢哋同我一樣,覺得你教得唔好,所以先想去出面補數咋。」
他忽略了她的問題,因為外面不一定比日校老師好,但一定比她解題清晰、準確、詳細。
「真係?」Miss Yeung看着剛和朝光聊得正歡的同學,冷冷地盯着他們:「你哋真係咁諗?」
同學看看朝光,又看看Miss Yeung——她是訓導組的老師,嚴厲、苛刻,也影響他們的操行學業。雖然,他們真的曾經說過:「唔知佢講完,梁朝偉教得仲清楚。」但是,但是。
他們只默默低頭,什麼都不說。
「佢哋冇講喎,得你咁咋喎。」她用目光掃過同學的頭頂。
「你喺度,佢哋緊係唔敢咁講,好出奇?」
「咁你點解敢?」
「因為我真係咁諗,我數學好,就真係唔關你事嘅。」
「如果你真係咁諗,然後你又講出口;咁佢哋冇講,都代表佢哋唔係咁諗喎。咁你仲唔係引佢哋去補習?」
朝光一呆,這話乍聽之下,竟然異常合理;所有同學的反應也在供奉這個說法。他只見別人抿嘴,悄悄地向他以眼神致歉,無聲無息——其實,毫無意義。
原本,他想回擊:「人哋唔想去,我逼都冇用㗎喎?攞把刀指住佢去交補習錢咩。」但是,就這樣看來,別人好像真的「不想」,他又何必多講。
他不再言語。
Miss Yeung見狀,輕笑:「唔好亂咁屈同學啦。」
從那時起,他就跟自己說,數學成績一定要很好很好,來挫挫她的銳氣和囂張,他要想方設法地告訴她:就算面對她的不認同和打壓,他也可以令她無可奈何。
的確,他的數理不錯,大部分時候都取得不錯的分數;久而久之,就不斷和Miss Yeung鬥氣,擁有一種不進縮的資本,二人關係越來越惡劣——
她叫同學不要靠近他,否則將會使用連坐法,或獎或罰;他則不斷諷刺她教學能力低下,不知所云。
他太討厭她的濃妝面具,笑起來只覺失真,虛情假意。
偏偏喜歡你
2020-6-4 15:25:36
有冇人睇
:^(
:^(
:^(
決定隨性一點,有靈感就會開行啲turbo,冇就摺埋自己。
多謝支持!
呢個係樓主ig: chingceciii
https://instagram.com/chingceciii?r=nametag
偏偏喜歡你
2020-6-4 15:27:22
:^(
:^(
自由撚自由閪
2020-6-4 15:50:25
此回覆已被刪除
安宥真惠元
2020-6-4 17:14:24
見到ig過黎 朝偉個壞學生feel 都寫得幾入型入格
華記(正撚樣)
2020-6-4 18:01:50
點解硬係覺得朝偉會食左思思
:^(
A^I
2020-6-4 20:13:13
:^(
:^(
:^(
人型垃圾
2020-6-4 20:30:28
如果係 即刻棄故
:^(
Ads
manic_
2020-6-4 21:39:51
push
或者就這樣吧
2020-6-4 21:39:51
來了
:^(
花生友01
2020-6-4 22:00:05
朝偉思思嘅情節有d似隔離tinder故嘅J峰
夜凪景
2020-6-4 22:22:41
如果講比個中學生ntr 真係想棄故
Maradona
2020-6-4 22:28:58
我諗唔會嘅
思思冇exhibit 嗰啲predatory behaviour
學樓上話齋 似隔離台嘅J鎽多D
跣嚟跣去
2020-6-4 23:06:05
我反而想睇思思同條友有路
:^(
傻豬黎既
2020-6-4 23:30:48
男豬食女就得
有男食女豬就唔得
人型垃圾
2020-6-4 23:36:13
男人可以係出軌嘅同時愛住屋企嘅女人
但係女人出軌個心其實已經走咗去,唔會再返嚟。
:^(
跣嚟跣去
2020-6-4 23:38:48
收皮啦屌你老母真係冇改錯名,乜撚野出軌嘅同時愛住屋企嘅女人
:^(
:^(
:^(
社會
2020-6-5 00:01:19
都未必嘅
可能係男朋友/老公出軌搞到好傷心
出軌可能係搵水泡或者慰藉嗰啲
但係心入面仲係愛住本身嗰個
和好返就會返返去原本嗰個度
Ads
Dieyoung
2020-6-5 00:19:01
呀你個名都冇撚改錯
Dieyoung
2020-6-5 00:21:29
師生戀師生戀
:^(
:^(
:^(
不過樓豬都講過係真人真事改編
如果思思同學生真係有花火
咁都係現實中發生過差唔多嘅事
:^(
偏偏喜歡你
2020-6-5 00:33:10
真事指朝光同啲老師嘅鬥爭咋
:^(
:^(
Dieyoung
2020-6-5 00:40:35
當我冇講野
:^(
上一頁
第 34 頁
下一頁