(少甜)我同個TB交換咗身體
上一頁
第 5 頁
下一頁
廣告(已切)
2020-5-20 09:00:26
5日啦
Ads
爹娘親不及當奴侵
2020-5-20 09:30:42
幾好睇
:^(
中出界女神
2020-5-20 09:36:46
Live咗
友人s
2020-5-20 14:10:26
一個禮拜無文
:^(
炸天婦羅好味道
2020-5-20 21:19:01
想睇文
:^(
蘭若生春夏
2020-5-21 01:04:23
第朝起身,眼矇矇嘅我望咗下手機,日歷顯示住「著校服」三個字,我先突然諗起,大鑊!今日係學校執正儀容嘅Deadline!
我即刻跳落床衝去衣櫃,係一大堆牛仔褲同T-Shirt底下終於搵到兩套壓咗係下面好耐,阿怡所講嘅校服,我拎咗上手,條裙就好似新嘅一樣,但壓得太耐所以有明顯嘅摺痕。
我企咗係度猶疑咗一段時間,到底自己係咪真係要著,不過諗到捉到一次就一個缺點,三次就一個小過,唔洗一個月我諗應該畀人踢咗出校。
死就死啦,我拉低條拉鍊,笨手笨腳咁由個頭開始笠落去,笠笠下我先發現,其實應該係要由下面套上去。
我企咗係塊全身鏡前,原來比想像中好睇,雖然啱啱瞓醒披頭散髮咁,但阿怡嘅五官其實好精緻,皮膚亦都好好,裙腳下係一對雪白嘅大腿,呢兩個月嚟,原來我已經不知不覺咁將佢嘅形象改變得咁徹底。
而且我仲留意到胸前白色嘅布料底下,隱隱約約透視到入面件背心,原來白色校服係真係咁透,難怪香港啲學生妹大熱天時都成日著住件背心。
差唔多要出發,我走出大廳,阿聰已經一早起咗係度食緊早餐,個死仔望到我之後突然噴晒啲牛奶出嚟,仲一邊咳一邊係度哈哈咁笑,望到呢幕我好嬲又好笑咁行前去同佢講:「洗唔洗咁誇張啊,拍戲咩。」
「哈哈哈哈,因為好耐無見過你咁著吖嘛,幾靚吖家姐。」佢一邊抹乾淨張檯一邊同我講。
唔知點解我塊臉忽然有少少紅,無理到佢,係檯面拎咗塊面包先同佢講:「冇你咁好氣,我返學先。」就出咗門口。
去到學校門口,原來已經係一遍哀號,男嘅畀人捉頭髮長、唔攝衫;女嘅畀人捉裙短,我急急腳咁係人群中穿插,陣陣涼風吹入裙底,每走一步都感受到大脾內則不停互相摩擦,我仲未習慣呢個感覺,不過都係順利返咗去課室。
一貫佢嘅作風,阿怡仲未返到學校,而且我踏入課室嗰一刻就開始感受到好多目光,大家吱吱浸浸咁唔知講緊乜嘢,不過我已經無理咁多,直接返埋位坐低。
坐低無幾耐,係我執緊書包嘅時候,甜美嘅聲音又一次係我耳邊響起:「阿怡早晨啊。」
我擰轉身,果然係小琪,佢今日扎咗個圓碌碌嘅髻,雙手放咗係背後,微微彎低腰咁望住我,佢真係好可愛,但我都克制住我嘅情緒:「早晨啊。」
小琪又同我繼續講:「你著校服咁都幾好睇吖。」
「係……係咩。」畀佢咁一讚,我有啲唔知點回答,唯有讚返佢:「你頭髮都扎得好好睇。」當然,係發自內心嘅。
「嘻嘻,今朝都整咗一陣。」見佢有少少怕羞咁笑,又整理咗一下個髻,忽然間佢坐係我後面,即係阿怡個位,掃咗一掃我今朝綁嘅馬尾:「你咁唔得架,頭髮長咗就要好好打理,我嚟幫你。」
小琪拎咗把梳出嚟,要我背對住佢,佢幫我解開馬尾之後,慢慢咁幫我將頭髮由耳根同額頭咁梳去後面,我頭皮間中會輕輕感受到佢手指嘅溫度。
「你啲頭髮好靚啊,唔乾又唔油,髮尾都冇叉開。」
「係咩……」
我依然諗唔到講咩,平時我都係就咁洗頭水洗完就算,邊識咁多,我淨係知我好享受呢刻,時間就好似停頓咗咁,每梳一下都係同佢最近嘅距離。
「搞掂啦。」
「之後你擰向我啦。」
我面對住佢,見佢細心咁用髮夾幫我將前面超長嘅劉海夾上去,我同小琪之間唔夠半個人嘅距離,佢甜美嘅外貌依舊,但多咗份認真嘅表情,我個心又再卜卜跳起嚟。
「嚟,綁好啦。」小琪拎出塊摺鏡對住我。
鏡入面嘅女仔真係幾好睇,原本雜亂嘅頭髮綁得整整齊齊,依家就好似一個斯斯文文嘅學生妹咁,阿怡嘅底子其實好好。
「嘻嘻,唔錯呢。」小琪笑住咁問我。
「係啊,唔該晒你吖。」
上堂鐘準時係八點響起。
小琪聽到鐘聲後,執好晒梳同鏡同我講:「我返埋去先啦,陣間先傾啦。」
「嗯。」我對佢揮揮手。
終於係最後一刻,阿怡匆匆忙忙咁跑咗入嚟課室,佢坐埋位後,我第一時間同佢講:「搞錯啊你,遲到就煩啦。」
「哈哈,下次會早啲架啦。」佢仍然嬉皮笑臉。
無幾耐佢就留意到我今日嘅衣著同髮型,仲用手搞咗我馬尾一下:「今日幾靚女喎。」我輕輕撥開佢一下:「咪玩啦。」
「我認真架,都幾啱你吖,你又斯斯文文咁,變唔返去都冇所謂啦,反正
你咪又係毒男一個。」
阿怡嘅說話雖然刺中我傷處,但亦係我首次有咁嘅諗法,唔通,變唔變返去,真係咁重要?
不理不理豬太郎
2020-5-21 01:18:31
推,加速
Karl_Franz
2020-5-21 08:59:32
:^(
:^(
:^(
有文,推
友人s
2020-5-21 09:11:39
係文
:^(
轉圈轉圈哈姆共你
2020-5-21 09:47:43
係文
:^(
:^(
阿怡自己讚自己身體幾靚女
:^(
屁孩開心放暑假
2020-5-21 15:55:44
呢集好正
:^(
Ads
大眼米高
2020-5-21 17:37:23
留名,幾sweet
傻豬黎既
2020-5-22 01:08:42
:^(
:^(
:^(
:^(
:^(
想食餃子
2020-5-22 13:24:43
yeah有文
:^(
蘭若生春夏
2020-5-22 21:15:44
阿怡概念圖
:^(
換身兩個月後(我)
:^(
雖然好似第一幅死魚眼好睇啲
艾朗·藍斯
2020-5-22 23:11:18
你畫得好靚
:^(
Karl_Franz
2020-5-23 00:59:10
:^(
:^(
:^(
:^(
耳鼻不時之衰
2020-5-23 02:31:04
甜呢
兒登玩膠員
2020-5-23 02:40:25
Live
土記鄉下仔
2020-5-23 03:05:31
新讀者留名
精子動尾不動頭
2020-5-23 22:33:36
留名
Ads
蘭若生春夏
2020-5-24 19:36:51
小琪,本身參考咗我以前一個同學,同佢有六成似
:^(
蘭若生春夏
2020-5-24 22:02:35
依家咁嘅時勢真係冇乜心機
:^(
遲啲再出
Karl_Franz
2020-5-24 23:10:54
保重咁多位
鮮嫩龜頭
2020-5-24 23:21:25
此回覆已被刪除
上一頁
第 5 頁
下一頁