橘子綠茶 2020-5-4 21:41:42 終於見到你喇

:^(

:^(

:^(

橘子綠茶 2020-5-4 22:24:33 咩料呀，不嬲都快呀！

:^(

:^(

:^(

邁向結局了...

煲底再遇上白熊 2020-5-4 23:45:28 新po lm

:^(

椒鹽蝦米 2020-5-5 01:41:07 太快有救星， 奈良有多d鬥自鬥力位
不過已經返唔到轉頭

果子狸 2020-5-5 01:58:19 係咪安全啦佢地
Miya姐姐人靚心善

:^(

Angus要拋棄天韻啦

:^(

果子狸 2020-5-5 02:00:31 可能下一章係Miya都係地鐵公司既人

:^(

呃佢地，俾啲希望佢地，再秒速抹殺佢地岩岩燃點起既希望
滿足買家變態既心

:^(

黑警狙擊手 2020-5-5 02:22:48 如果係咁就好慘

:^(

橘子綠茶 2020-5-5 08:41:36

:^(

屌你啦老細 2020-5-5 11:18:29 一世都唔會信警犬囉

煲底再遇上白熊 2020-5-5 14:21:42 話佢哋係狗其實侮辱咗狗仔

:^(

9𨳒陣 2020-5-5 15:45:00 唔係話好多地底人追緊佢地咩？點解見到面又會講咁耐野？😂仲可以療傷

好人一生平安巴打 2020-5-5 17:02:32 live

:^(

more more

:^(

橘子綠茶 2020-5-5 18:40:29 少年你太年輕了

:^(

:^(

:^(

橘子綠茶 2020-5-5 22:33:26
Miya補充道：「留你哋有用㗎。」

彥曦怔住，「咩叫有用呀？」

Miya答道：「 我哋之所以救你哋，最大原因當然係人道救援啦，其次，係你哋唔可以死，要幫我哋捉晒組織所有人。」

見我們一頭霧水，她解釋：「越高級嘅人，喺虐殺活動越接近尾聲嘅時候先出現。等埋組織首腦 X嚟到，我哋先出手一次過捉人，如果唔係會打草驚蛇。

你哋三個走晒或是太早死晒，地鐵公司一定會提早結束活動，咁我哋又點拉人呢？」

「哦哦！」Angus也不客氣，「咁即係用我哋做餌啦！有無搞錯呀，會死人㗎！」

原來如此！打從一開始，我們八個已經注定被淪為工具！

以組織主導的「地鐵公司」視我們為被獵殺、虐殺的生財工具；Miya她們則利用我們來引大蛇出洞！

剎那間有種被出賣的感覺，雖然 Miya他們確實又沒有義務要救我們離開。

「咁即係點？你要我哋返去搵地鐵公司？」我憤然道：「你唔救我哋就算！我哋既然走到嚟呢度，自己識搵路避開地底人走，無必要再為你哋冒險返去搵咩垃圾乘車指南！」

她早已預料到我們不肯回去，擺擺手，「其實你有無諗過點解列車車窗玻璃唔似車站出口門嗰種，而係畀你哋打得爛？點解地鐵公司咁容易俾你哋走到？」

彥曦詫異，「咩俾我哋走呀，係佢哋唔敢入嚟、驚咗地底人先唔敢追我哋咋嘛！」

「驚地底人只係其中一個原因。」Miya微笑著搖搖頭，「地底隧道起到好似迷宮咁，當你哋一嚟列車走落去隧道，地鐵公司會打開機關，令你哋不斷兜嚟兜去，最終一係入去地底人巢穴，一係行返去車站，你哋點都走唔到出去⋯⋯」

「唔講太多喇，」她故意賣關子似的，「等陣我指條路你哋行啦。講太多俾你哋知，地鐵公司可能會 Feel到你哋唔同咗。

嗱講明先呀，依家我哋係做一單交易，你哋要確保地鐵公司唔知我哋存在，而我哋就盡量幫你哋留住條命仔，OK ?」

「唔夠，」彥曦握緊拳頭，「地鐵公司搞到我哋咁，我要報仇！」尤其對梅督維尼和迪米納議員。

Miya按按彥曦的肩膀，語重深長道：「無錯，所以你哋更加要保住條命，唔可以咁易死。信我，一時三刻係未得住，你哋要堅持落去！」

我們三人已經消完毒、塗好藥膏，Miya開始領我們往反方向走，全然不理會身後的戰事，似乎很信任自己的隊友，「放心啦，我哋只係擋住地底人一陣，唔會殺死佢哋。」

Angus啞然，「下，我哋啲傷口咁深起碼包下紗布啦，萬一我留疤點算呀？」這難道不是彥曦該問的問題嗎？

橘子綠茶 2020-5-5 22:46:33 Miya有點沒好氣解釋道：「你哋無啦啦縫晒針又包晒紗布咁，地鐵公司見到會點諗？反正傷口唔特別深，暫時搽薄薄一層藥就夠㗎喇！」

她以手比比急救員，「如果真係驚，打定支破傷風針先？」

除了地底人的抓傷，我們先前受過大大小小的傷，而且待會說不定還會再受傷，固然注射破傷風針作保險。

Miya說地底人的黏液帶有很多病毒，為免受感染，替我們多打幾款藥劑。

眾人再度舉步之際，我急急走到 Miya身旁，「頭先你話斷耳男同斷指女係『灰蝶俱樂部』，即係咩意思？唔明。」

「人哋叫 Cole同里奈呀，唔好亂改花名啦。」她噗哧一笑，「組織一直以嚟殘殺咁多人，雖然有警察同政府包庇，始終瞞唔到受害者家屬，灰蝶正正就係由呢班家屬組成嘅團體，去對抗組織。

不過亦有小部份成功逃生或者玩贏乘車指南嘅人，佢哋唔可以過正常人生活，自然加入灰蝶，例如 Cole同里奈，佢哋係喺灰蝶攻陷奈良嗰陣被救走嘅生還者 。」

Angus走在我身後，膩在彥曦身邊，看樣子非常享受這短暫的安全時光。

他不解問道：「走得甩點解唔可以過正常人生活？」

Miya反問：「你估地鐵公司真係咁守信用放你走？事後都會追殺你，就算你去報警都無用，因為你永遠唔知邊個係組織嘅人。」

彥曦直話直說，「咁聽落去灰蝶都係班普通市民，無財無勢可以做得啲乜？」

Miya腳步一頓，轉身正色說：「唔好睇小佢哋，搗破行動係由灰蝶主導，我哋只係協助咋。應該話，我哋所有人都係缺一不可，唔同人負責唔同角色。

首先，好多資訊同情報消息都係灰蝶提供；另外，佢哋可以做好多我哋唔可以做嘅嘢。我淨係可以咁講，既然法律途徑制裁唔到組織，灰蝶就用另一種方式懲罰佢哋，唔知算唔算走灰色地帶啦。」

關於灰蝶報仇手段，Miya的說法含糊，因為她本身是執法機關吧，立場和身份有點尷尬。

整理一下，我們的敵方由三股勢力組成，合稱為地鐵公司：以 X為首的組織、真．地鐵公司、執政黨黨員和黑警；友方有灰蝶俱樂部、國際刑警、在野黨黨員和白警。

當中又以組織和灰蝶有血海深仇，而其餘人大多因權力鬥爭之類因素被捲入來。

目前狀況應該是地鐵公司正抵抗灰蝶入侵，Miya也說明了 Cole和里奈在革命廣場站沒有救走我們的原因：他們要等待 X現身；

而 X說不定認為組織的殘黨這次再被灰蝶擊潰的話，整個組織再無翻身之日，便明知有危險都要親身過來主持大局；

國際刑警方暫時並未曝光。如果地鐵公司知道灰蝶有如此強大的盟友，說不定冒著生意失敗等後果也會即時全員撤退，而不敢迎戰。現在國際刑警只能暗暗等待時機與灰蝶聯手，期間盡力保護我們生命。

我們走了好一段路後，Miya忽地站停，指向前方，「向前行多陣就到，一條直路無分岔路。」身後幾名西裝人也跟著停步。

「下，咁突然！具體我哋要做啲乜？前面係邊度嚟？」Angus的嘴巴向下歪成失落沮喪的角度。

抹香綠茶 2020-5-5 22:51:51 推

:^(

橘子綠茶 2020-5-5 22:56:12 Miya沒有回答，臨分別前，她凝重地望著我們，「記住，我哋唔可以出現，只可以盡力幫你哋，你哋當我哋無出現過，係生係死都要靠自己。」

告別了漂亮刑警 Miya後，前方有隱隱約約的光源，我們漸近後抬頭一看，果然回到木製宮殿站了，可是那輛列車已經不在！

地下室所有人已經全部撤離，連一個地鐵職員都沒留下！

「咩料呀？佢哋走晒？」Angus躲在路軌的陰影裡，偷偷打量地下室。

彥曦摸摸下巴，「有可能，頭先佢哋因為要拍賣先留低。依家殺完人、拍完賣，自然出發去下一站繼續啦。」

我來到彥曦身後，「照一直以嚟嘅模式，秘密地鐵站專門用嚟殺人。我估佢哋應該車返 Jean去民用地鐵站搵俄羅斯娃娃。」

「咁我哋呢？」Angus回頭問，語帶驚喜，「就咁由得我哋喺度？」

彥曦望望隧道兩邊，壓低聲音，「我估上面個宮殿應該封死晒出口、走唔到出去。同埋應該有地鐵職員留低，等我哋一上去就捉人。頭先 Miya提過我哋，上返去都走唔到。」

我說：「但再行路軌我驚又撞到地底人，我哋唔係次次都咁好彩遇到 Miya。」聽 Miya的語氣，他們要在迷宮般的地底世界找到我們並不容易。

Angus探頭往隧道另一端看去，那邊我們未走過，遲疑道：「但上面有晒埋伏，好易俾職員搵到，然後即刻送返去民用地鐵站搵俄羅斯娃娃。

我覺得我哋可以試下行前面，起碼地底呢度無職員吖嘛。」

我們現在有兩個選擇：
一，循路軌逃走
壞處是隨時會迷路之餘，還被地底人捕殺、即時死亡；
好處是沒有地鐵職員，不會被抓去繼續變態虐殺活動；

二，上去木製宮殿
壞處是隨時會墮入地鐵公司的陷阱，被送去繼續地鐵之旅；
好處是就算被發現，也不會即時死亡，因為他們要留我們活命進行活動。而且這是 Miya推薦路線，她們會暗中幫助我們，應該是。

待續

亞歷克斯 2020-5-5 23:00:43 死黑警

:^(

果子狸 2020-5-5 23:05:58 缺一不可

:^(

屯門娜娜公主 2020-5-5 23:41:13 仲以為有救星.......angus彥梓唔好死啊

:^(

:^(

豆沙包 2020-5-6 00:01:40 缺一不可

:^(

好人一生平安巴打 2020-5-6 00:37:49 缺一不可

:^(

:^(

基層中產 2020-5-6 00:38:31 睇埋<<異能人>>，Myra究竟係...

:^(

黑警狙擊手 2020-5-6 02:04:25 哇 好難揀 國際刑警會唔會係鬼黎

街裏愛人一對對 2020-5-6 02:46:45 有啲似心巴