[春夏]衣著討論區(11)

火燒連環臀 2020-5-5 22:00:07 問題就係依到，你點界定佢係同唔係呢？咁黃店用中國為來源地架食材，佢又係唔係黃店呢？
To be or not to be, That is a question!?

old_penis 2020-5-5 22:30:23 我反而好奇代理嘅售價點解係會高過官方
以日本本土牌子為例select shop同retailer個啲個價基本上係同官方一樣
進口品牌有關稅問題可能會高啲eg: new balance
香港明明無關稅但有啲一樣有啲就markup
最出名應該都係大IT個十算

:^(

牛肉乾 2020-5-5 23:20:15 個人覺得，如果你覺得佢貴，唔好幫襯絕無問題，但人地俾人工、租鋪，各樣野都有成本，賣野之餘試鞋、解答問題都係服務。

唔買無問題，上網買都無問題，但如果又要用人地服務、試人地啲貨，之後上網買，就真係有啲太閪。即使真係去試，都應該隨手買少少野當係買個服務。

做零售生意有好多成本，運輸、人成、商場抽成、租金、marketing、包裝等等全部都係錢黎。唔接受唔欣賞絕對ok，但去「白嫖」仲要大條道理我真係不敢苟同。

火燒連環臀 2020-5-5 23:25:35 睇Agreement，如果無明文寫到明售價不高/低於定價，基本上代理係自由定價。

另一個經營方法就係Franchise (加盟），基本上跟足定價（正常都會有markup 對沖 Exchange gain/loss or 你提到架關稅/VAT )

火燒連環臀 2020-5-5 23:46:25 牛巴講架野絕對無錯，但消費的確好個人。
如果做零售生意架成本要消費者咁樣去共同分擔，就有啲勉強左消費者。(當然消費者唔係大哂，但有幾多人寧願咁樣去買“服務”？）
消費者選擇網購型式去購買商品，資金最後都會落入品牌持有人手上。依個係現代消費方式架趨向，無辦法。
如果商品係Tailor made就唔同，試身已經有成本係因為成品要由到生產完成都係要靠fitting 架data 去生產。

牛肉乾 2020-5-6 00:10:04 我會話你唔去買，就唔好去人地度試囉。點解香港啲鋪執柒晒，俾大集團取代，其中一個原因係香港消費者唔多會俾credit 人地提供既服務。唔係話賣貴應份，但去白佔人地時間同享受服務，但唔俾錢人賺，最後咪執柒晒變藥房。

old_penis 2020-5-6 00:31:46 但就算你唔幫襯唔去試佢間店一樣要開員工都一樣要企
何來白佔會浪費人地嘅時間同服務

火燒連環臀 2020-5-6 00:34:30 我非常認同你所講架因果關係，香港消費者care 售後服務大過銷售服務，而且好多時賣家提供架服務根本就唔會成為你比錢架主要原因。
以我自己做例子，買衫褲鞋如果係門市試過岩，都係會比錢買，但唔係買個服務，只係買件產品。
但如果未確定真係想/需要個時，係考慮多陣架時間一定會上網睇下相關架產品，之後就會上網買左。
其實科技進步令消費模式轉變帶黎架結果先係主因。
而我覺得大集團取代本地鋪頭架原因在於大集團架“宣傳”手段，本地小店好難對抗到，特別係衣服/時裝。依家都還好，可以係IG FB 依啲社會網絡到落廣告。

old_penis 2020-5-6 00:43:54 小店都可以好厲志嘅
你望下v字頭個間銀器店
自己走去日本同人傾代理
而家越做越大
但好多店根本無心搞
係外國掃啲貨返來就直接賣
大佬而家個呢件年代資訊咁發達
你識上網買來賣人地都可以直接上網買姐
仲沒計有啲黑店會溝假貨賣
競爭力低咪自然做唔起
本身又要無製造業啲野全部靠進口

牛肉乾 2020-5-6 00:48:27 你估實係齋企無backend野搞咩

:^(

入餐廳你入去涼個冷氣棟係度半個鐘睇下人地會有咩反應？你會阻住人做野架嘛。

old_penis 2020-5-6 01:23:16 餐廳都唔同點樣比較
如果係超市我入去企全日其實真係可以做到
賣衫店的話連鎖嘅基本上都可以鳩企企坐
小店理論上應該都得只要你面皮夠厚
同埋有啲單人小店真係無backend野搞
有朋友之前幫人睇舖全程禁手機係gp傾計
又有中同睇格仔舖成部psp擺上檯玩

:^(

牛肉乾 2020-5-6 01:31:08 唔聽就算啦。在我這是品格問題，我如未四過大個牌子的鞋，唔知size，我第一對會到本地有賣的鋪試清楚，買，之後第二、三對先上網搵平渠道；如果真的太貴一開始就會直接上網問網店既人俾意見，再直接買。

人地開間鋪、請個人唔係為左俾人黎白嫖等執架。

牛肉乾 2020-5-6 01:34:39 單人小店先多野做

:^(

old_penis 2020-5-6 02:11:32 店主本人咪多野做
如果係請個pt睇舖多數都係玩電話

火燒連環臀 2020-5-6 07:54:53 非常好架論點，競爭力低，經營意欲低以及產品主要來源。做時裝進口生意有間門市已經無太大優勢，被淘汰係時代同科技進步帶黎架後果。
咁多被標榜為大牌子架品牌開網店，無可能無做過巿場調查就咁魯莽跑間網店出黎，開發成本有機會大過開一間鋪。而我都有見過有啲小店關閉門店做返網店，所以睇得出科技發展影響人購物形式非常深遠。

火燒連環臀 2020-5-6 07:59:01 Ok, 你當我唔聽啦

:^(

再傾落去就真係形成道德綁架局面

嘰嘰咕嘰嘰 2020-5-6 13:36:18 試完上網買都可以話人地服務唔好/人地冇野做阻唔到人

:^(

你個行為唔係攞鋪頭著數？攞著數咪認囉仲要賴返人真係好肉酸

:^(

火燒連環臀 2020-5-6 16:43:14 哈哈，係呀，攞左咩著數？

:^(

講到好似無比錢買件產品咁

:^(

黨指揮娼 2020-5-6 16:56:45 一個冇道德既人同人講道德綁架咁即係公你贏字我輸？

火燒連環臀 2020-5-6 16:59:11 咁你買野試衫試鞋有無比返一百幾十服務費人呀？好無道德囉
公字你贏字我輸？

:^(

嘰嘰咕嘰嘰 2020-5-6 17:35:32 去人地鋪頭試完上網買你比左咩間鋪？比左面人地去佢到試呀？

:^(

可能好多人都咁做但係好似你地咁大條道理真係少見

:^(

火燒連環臀 2020-5-6 17:46:34 你未答我攞左咩著數啵

:^(

你行街買衫入Fitting 有無比反一百幾十蚊人地做服務費？
只許州官放火，不許百性點燈

黨指揮娼 2020-5-6 18:12:07 你駛乜咁 mind 人地點睇你，你呢類行為大把大陸尼都係咁當 d shop 係 fitting room 啦，人地試完仲即刻當住個 sales 面前用手機confirm 埋個 size 落 order 然後同 sales 講呢個網平你過你幾多，跟著後拍個囉柚走，所以對比起大陸尼同一個出發點你已經叫做好有良心啦。

:^(

牛肉乾 2020-5-6 18:22:36 心態問題，你蓄意去試完上網買，同你行街見到想試試完真係唔岩擺番低係兩個概念黎。

火燒連環臀 2020-5-6 18:23:48 我無介意人地點睇，只係講事實。
同女朋友行街入去望下啲鑽石戒指，叫Sales 姐姐/哥哥拎出黎，上手試下又買？