屎忽鬼045 2020-4-26 16:01:53 push！！
呢個禮拜終於追曬

:^(

念返曬同前度既經歷
故事情節都一樣。。。
當時都覺得自己呢一世人唔會忘記呢個前度
不論佢對同James一樣對我做過咁仆街既野
始終感覺 回憶都係難以取替
好似無論同邊個一齊 佢都會繼續係心裡面有個位置

:^(

個排最後一次分手我日日喊 好彩有個中同陪我
咁啱佢又被人帽左 兩個一齊失戀一齊陪大家
同佢好夾 愛情觀好一致 不過因為friend左好耐 無啦啦拍拖好奇怪

:^(

最後我地一齊左

:^(

我先發現原來前度無我想像中咁重要 咁難以取替
唔係因為有新既感情
而係我知道邊個人願意真正陪我渡過我既低潮期
而唔係又要我自己一個痛喊

:^(

所以James唔好再拋棄Jessie
佢真係為James付出好多
唔好因為auntie講咩而動搖

:^(

真心希望James Jessie有幸福結局

:^(

香城首富 2020-4-26 17:51:45 你push完但又拉

:^(

快樂休止符 2020-4-26 18:28:51 推

失戀天后 2020-4-26 19:22:07 多謝大家繼續推文，今日會大量出文

:^(

----------------------------
第二十二章（10）

跟着James的步伐，二人來到渣甸中心。

「間野叫咩名？」Jessie看着牆上數之不盡的店鋪名稱，好奇地問道。

「去到你咪知。」James牽着Jessie走進電梯，按下二字鍵。

踏出的電梯，看着熟悉又陌生的裝潢，Jessie總感覺自己來過這樣，卻又想不起甚麼時候來過。

「book咗兩位，姓吳嘅。」James對站在門口的侍應說。

「吳生，依邊呀。」在侍應的帶領下，二人來到一張寬敞的四人桌前坐下。

「我地係咪黎過？」Jessie問道。

「唔知喎。」James故弄玄虛地說道。

費煞思量了半天，Jessie終於想起了，驚訝地說：「我記得啦！有一年你打贏機，咁啱我生日你就帶咗我黎依到慶祝，仲係到送咗對⋯⋯Swarovski耳環比我，係咪？」

「仲以為你唔記得添。」

「但你唔係話食日本野架咩，做咩變咗食韓燒？」

「食依間唔好咩？」James問道。

事實上，James昨晚和Jessie視像通話後，正準備上網訂位時，卻在看到這間店，腦海浮現Jessie那時候那張滿足的臉，才想起自己答應過她要再她來吃一次。

為了兌現那年的承諾，為了減少對Jessie的虧欠，James二話不說就預約了這間餐廳。

「唔係⋯⋯」Jessie放下餐牌，用手示意James靠近自己。James看着James那煞有介事的表情，以為她要說些甚麼驚天動地的事，便也往前伸出耳朵，沒想到Jessie竟小聲地在他耳邊說：「但依間野好貴。」

聽到這裏，James笑了。果然，Jessie的反應還是和那時候一樣。

「我啱啱出咗糧呀。」

「出咗糧都唔可以亂洗架。」

「洗係你身上面就唔係亂洗錢啦，只要你開心咩都抵返晒。」James看着Jessie說。

聽到James的話，Jessie臉上綻出一個甜滋滋的笑容，便沒有再說甚麼。
然而，當Jessie打開餐牌，才發現那時她最喜歡的那款二人套餐已不見了。

距離上次黎食都過咗咁耐，都好難怪無咗嗰個Set嘅⋯⋯Jessie心想。

既然如此，Jessie決定直接點她最愛的神仙雪濃湯，卻同樣找不到，她才發現餐牌再沒有像以前那樣的單點湯品、前菜、主食等等，取而代之的是放題。

也許，是因為之前實在太貴，來消費的人不多，所以轉型了。雖然價錢便宜了不少，可是Jessie不喜歡吃放題，除了是因為她本身吃的不多，並不划算，更因為放題的質素大多比不上單點。

Jessie總覺得吃一定要吃最好吃的，不然就不要吃，否則就浪費了她寶貴的Quota，若是因此肥了，那就太不划算。

想到這點，Jessie不禁皺起了眉頭，說：「無咗我之前最鍾意嘅湯，唔食啦。」

James沒想到，當他終於記得要預約時，卻忘了做好資料搜集。

「無湯姐，仲有燒肉呀嘛，仲平D添，試下啦，可能都係咁好食呢。」James遊說Jessie，嘗試化解這場突如其來的危機。

「平咗一定因為佢用咗平D嘅牛啦，一定無之前咁好食⋯⋯」Jessie扁着嘴說。

「乖啦，試一次咁多，最多我地嗌最貴嗰個Set。」James覺得既然已坐下了，若就這樣走出去始終不太好意思，卻不知道，Jessie之所以喜歡這間餐廳，從來不是因為它的牛，而是因為那碗湯。

雖然Jessie覺得她還未點餐，即使就這樣走了也沒甚麼大不了，可是為了顧及James的感受，Jessie還是無奈地答應了。

終於，食物送了上來，James勤快地把牛肩肉放在燒網上，專心不二地盯着，好不容易烤好了，馬上夾到Jessie碗裏。

Jessie把碗裏的燒肉夾起來，看了又看，才沾上燒汁，猶䂊地放進口裏。

咀嚼了幾秒，Jessie的眉頭再次緊皺了起來。

看到Jessie這樣子，James也馬上吃了一塊。

果然，一如所預，不僅沒有之前吃的那樣油脂均稱，亦沒有那時的鮮甜，還有點雪藏的味道。

「或者牛舌會好食D呢！」說罷，James又燒了幾塊牛舌，放到Jessie碗裏。

吃了幾口，Jessie本來已板起的臉更黑了點。

「唔緊要，我地再試下另一個部位，一定有個擺得落口嘅。」看着Jessie那黑得像包公的臉，James嘗試死裏求生，再次把另一款肉放到燒網上。

可惜，還是不太成功。

如是者，Jessie就這樣擺了一頓飯的臭臉。

「寶貝呀，唔好咁啦，我都唔知佢變到咁架。」James說道。

可是，Jessie沒有說話，只默默地看着窗外。

James懊惱，比起以往每一次都要令他懊惱和後悔，因為他不想讓Jessie留下不好的印象。

「對唔住啦。」

然而，Jessie氣的不是James，而是這頓飯，她實在不甘心自己竟然花了這麼多錢，吃了一頓垃圾，不僅浪費錢，還浪費了她寶貴的卡路里。

想到這樣，她就更氣了。

「最多一陣我地再去食過啦，你想食咩就咩。」James提議道。

聽到這句，Jessie才終於願意把目光重新放到James身上。

「真係？我想食嘅野唔平架喎。」Jessie問道。

「真係！」只要Jessie高興，James不介意吃貴一點，大不了他就再省一點，連熊仔糖都不買了。

「我要食嗰間新開嘅pancake。」說起美食，Jessie馬上興奪起來，終於不再板着一張臉。

看到Jessie臉部表情轉變之快，James笑着說：「好，就食pancake！行啦行啦，唔好食依D垃圾啦。」說罷，James馬上叫了侍應來，說：「埋單呀唔該。」

「吓，你唔食啦？」

「你想食pancake呀嘛。」

「但⋯⋯但我地唔係食咗好多咋喎，咁咪好唔抵。」Jessie看到帳單的瞬間才不禁心疼起來，心想：James要返幾耐工，先賺到今餐飯嘅錢呢？

「邊係呢，唔好食都食先係晒呀，曬晒我寶貝D Quota，因為咁肥咗就唔抵啦！」James表情誇張地說，逗得Jessie笑了。

失戀天后 2020-4-26 19:23:18 多謝你追故

:^(

失戀天后 2020-4-26 19:24:04 多謝你又幫我推文

:^(

失戀天后 2020-4-26 19:25:41 繼續用文黎報答大家

:^(

-----------------------
第二十二章（11）

終於，二人來到Pancake店前，看着滿滿的人龍，James有點退縮，若是平時，他一定早已打了退堂鼓。

可是，這次他卻主動拉着Jessie去了排隊。

「哇，難得你無叫我唔好排喎，做咩今日咁好死？」

「我得今日先咁好咋咩？咁算啦，我走啦。」James作狀要走，Jessie馬上拉着他的手臂，說：「講笑講笑，我寶貝永遠都咁好。」

排了快一小時，James和Jessie才終於排到頭幾位，沒耐性的Jessie再次抱怨道：「幾時到我地呀？」

這就是平日的James打退堂鼓的最大原因——有耐性的他最怕怕就是沒耐性的Jessie會等到黑臉。

可是，這天，他卻不太捨得這麼快就排到他們，即使Jessie會一直不耐煩地問甚麼時候到他們，他也無所謂。

這樣他就能多見一會Jessie，好好地記着她那張臭臉。

終於，還是到他們了。

「哇，朱古力同抹茶都好似好好食，仲有得加芝士添！可惜呀，你唔食芝士⋯⋯」Jessie一臉可惜地說。

「咁就一份朱古力同一份抹茶啦，其中一份加芝士。」James向侍應招手。

「吓，咪住先，你無野想食咩？何況，你都唔食芝士。」

「我想食你。」James靠近Jessie小聲地說。

聽到這句，Jessie害羞得說不出話來。


過了大約二十分鐘，Jessie快等得不耐煩之際，pancake終於來了。

Jessie興奮地拿起刀叉，切好後，把抹茶pancake沾上旁邊的芝士醬，送進口裏的瞬間，口蕾興奮得跳起舞。

「好好味呀！」看着Jessie滿臉洋溢幸福的表情，James也不禁笑了，頓時覺得一切也值了。

「你試下朱古力。」James把自己碟上的pancake切好，餵到Jessie嘴裏。

「好香朱古力味，仲好軟熟！」Jessie的幸福指數又提升了一點，「你做咩唔食？」

「廢事同你爭野食啦。」

只要Jessie喜歡，James從來都不會多吃，寧可把美食都留給Jessie，彷彿他吃的是她的快樂，只要她快樂他也就飽了。

尤其是這天，他更想多看Jessie兩眼，用眼睛把她的笑容烙在腦海裏。

「抹茶都好好食架，你試下！」說罷，Jessie把抹茶pancake餵到James嘴裏。

豈料，James竟搖搖頭。

「吓，無可能架，明明就好好食。」Jessie難以置信地，又把一塊pancake送進口裏。

「邊夠你好食呢？」聽到James這句話，Jessie翻了個白眼，一臉無奈地笑着說：「口甜舌滑！」

「你唔鍾意咩？」James問道。

「如果可以含蓄返少少會好D。」

「對住你我含蓄唔到。」

面對James的甜蜜攻勢，Jessie實在拿他沒辦法，於是又把一塊pancake塞進他嘴巴。

「你係咪想塞住我個嘴！」然而，很快就被James看穿了。

「邊係呢？我覺得好食想同你分享咋！」Jessie嘗試找藉口。

James伸出手，示意Jessie往自己的方向靠近，問道：「知唔知點先可以塞住我個口？」

「點樣？」Jessie問道。

沒想到，James竟沒廉恥地閉上雙眼，對着Jessie嘟起嘴巴。

「乜你咁架，明明我咁Sweet！」James感受到嘴唇接觸到的不是Jessie的唇，馬上睜開雙眼，只見Jessie又一次把pancake塞到他嘴邊。

「咁易比你錫到架咩！」Jessie得戚地說。

不知怎的，Jessie的話竟讓James想起Jessie母親說過的話。

確實，不容易，他們的距離遠得他根本無法看見，想到這裏，James突然覺得嘴裏的pancake竟變得苦澀起來。


「唔好意思呀，用餐時間都差唔多啦，麻煩兩位埋一埋單先呀。」侍應把帳單放到餐桌上。

雖然James故意吃得很慢，可是要來的終究還是要來。

看到帳單上的款項，James掏出錢包，準備把最後四張的紅鈔放上去時，Jessie卻把一張印着HKU的名字和校園風景的信用卡放了上去，說：「頭先你請咗我食燒肉，依餐到我請啦。」

他拿的只是四張價值有限的百元紙幣，而她拿的是現在信貸額只有一萬、他朝只會變多，而不會變少的信用卡。

她的前途無可限量，而他的前途卻連瞎子都能看到。
----------------------
仲想唔想睇

:^(

？

香城首富 2020-4-26 19:29:58 想

:^(

:^(

:^(

人誰無過誰無錯 2020-4-26 19:37:53 終於有文喇

:^(

推

:^(

:^(

阿b食蘋果 2020-4-26 19:39:42 想！

劉玥 2020-4-26 19:58:00 繼續

:^(

:^(

虎呆 2020-4-26 19:59:27 留名

:^(

情迷熱杏霜 2020-4-26 20:00:42 終於live到，樓主我有follow你IG留過言俾你，本身係紙言追，但見幾日無更新唯有上連登追

點解我可以咁正 2020-4-26 20:00:44 最尾幾句真係sad到喊出黎

:^(

快樂休止符 2020-4-26 20:02:22 消耗真係愈黎愈大 唉 呢段關係根本係痛苦地快樂著

支那追擊手 2020-4-26 20:07:38 都幾心酸 就咁又分手Jessie會好傷心

:^(

yuipo 2020-4-26 20:15:18 睇黎最後都要分手

:^(

單身浪子 2020-4-26 20:16:57 此回覆已被刪除

香城首富 2020-4-26 20:28:16 推

愛蜜莉小姐 2020-4-26 20:38:40 推

:^(

唔捨得就黎到結局 但又好想睇結局

:^(

咪搞住我啦 2020-4-26 21:01:55 今晚喺咪要完啦

:^(

雪走僮 2020-4-26 21:50:46 好似預見到結局

:^(

失戀天后 2020-4-26 22:51:59 Sorry，唔記得咗更，啱啱更返

:^(

失戀天后 2020-4-26 22:52:35 睇黎今晚完唔到

:^(

不過都應該快，下章唔長，好快完。

失戀天后 2020-4-26 22:52:56 我都係，寫咗咁耐

:^(