想玩野
留個靚名
Ads
Ads
失戀天后
第二十二章（5）
「吓？真係架？你無野呀嘛？」
看到Jessie驚訝的樣子，Angel終於放下手上的書，說：「唔洗咁驚訝，我無野喎。」
Angle的笑容還是那麼甜美。
「點會無野，你地唔係好地地架咩，做咩無啦啦分手？」
「佢話佢要去Exchange，要去一年，所以⋯⋯」
「所以就同你分手？Exchange都可以同你一齊架，點解要分手？」
「唔知呀。」
「如果係咁，點解佢明知自己要去exchange仲要追你？」
Angel沒有說話，只微笑地聳聳肩。
「根本係藉口，我話佢根本就係唔夠愛你！」Jessie生氣地說道。
「唔知呢？」
「乜佢咁賤架！」
「都唔係嘅，就算真係因為唔夠愛我，咁都無辦法架，依D野無得勉強架嘛，就好似依家Raymond追你咁耐，你都係揀返James，都無辦法架。」
這樣說，Jessie好像明白了點，愛的確不能勉強，即使James這樣對自己，她亦沒一秒恨過他，倒希望他過得更好。
但她不能理解，為甚麼Angel還可以一臉雲淡風輕的樣子？
「點解你完全唔嬲架？佢咁樣對你喎！」Jessie忍不住替Angel抱打不平。
「算啦，有咩好嬲，我仲有你呀嘛！」Angel抓着Jessie的手說。
記得中一時，Angel曾被一群女生杯葛，害她幾乎整個學期都孤苦伶仃地過日子，可是，後來Jessie問起Angel有否恨過那些可惡的女生，Angel卻說她早已忘記了，既然如此，還有甚麼恨不恨可言？
也許是這種善良又樂觀的性格，後來Angle終於有了自己的好朋友，進入大學後，人緣甚至變得更好了，有了一群莊員朋友。
他們不再玩小朋友的杯葛遊戲，但卻經常找Angel做一些她職責以外的事，明明是在佔Angel便宜，但Angel還是能替他們找到藉口。
在講求公平的Jessie眼中，Angel簡直是善良得可怕，因為她實在想不明白，在這自私的世界，怎麼還有這樣善良得可怕的人？
然而，善良的人卻沒有好結局，只落得被人欺負的下場。
想到這裏，Jessie忍不住把Angel擁入懷裏，心疼地說：「你想喊就喊啦，唔好忍呀。」
「早就喊完啦，無野喎我，我地都唔係一齊好耐姐。」不知怎的，竟變成Angel拍着Jessie的肩膀，像是她在安慰Jessie似的。
「我唔信，有乜可能一D事都無，你唔好屈係心裏面啦。」
Jessie總覺得自己受過Angel太多的照顧，若Angel真像那時的自己一樣失魂落魄，倒不失為報答她的一個好方法。
偏偏成熟的Angel不哭也不鬧，教Jessie更是心疼：這樣善解人意的女孩⋯⋯為甚麼偏偏沒有人珍惜？
「雖然有時諗起佢都有少少心痛，但係我真係無咩大問題喎，唔通真係要日日喊到眼都腫晒咩？日子都係要過架，你話係咪？」
為甚麼Angel可以連分手都這麼豁達，這麼成熟，她是瘋了嗎？Jessie對這樣理性的Angel又多了兩分敬意。
「都好嘅，好過好似我嗰陣咁唔理性⋯⋯Angel呀，如果你有咩唔開心，記得同我講，千祈唔好屈係心裏面，我一定會陪住你！」Jessie緊抱Angel說。
「知啦長氣！」Angel笑着說。
Jessie拉開Angel，認真地看着Angel的笑容，總覺得她年輕的軀體裏住了顆老靈魂，老得她不能想像。
「吓？真係架？你無野呀嘛？」
看到Jessie驚訝的樣子，Angel終於放下手上的書，說：「唔洗咁驚訝，我無野喎。」
Angle的笑容還是那麼甜美。
「點會無野，你地唔係好地地架咩，做咩無啦啦分手？」
「佢話佢要去Exchange，要去一年，所以⋯⋯」
「所以就同你分手？Exchange都可以同你一齊架，點解要分手？」
「唔知呀。」
「如果係咁，點解佢明知自己要去exchange仲要追你？」
Angel沒有說話，只微笑地聳聳肩。
「根本係藉口，我話佢根本就係唔夠愛你！」Jessie生氣地說道。
「唔知呢？」
「乜佢咁賤架！」
「都唔係嘅，就算真係因為唔夠愛我，咁都無辦法架，依D野無得勉強架嘛，就好似依家Raymond追你咁耐，你都係揀返James，都無辦法架。」
這樣說，Jessie好像明白了點，愛的確不能勉強，即使James這樣對自己，她亦沒一秒恨過他，倒希望他過得更好。
但她不能理解，為甚麼Angel還可以一臉雲淡風輕的樣子？
「點解你完全唔嬲架？佢咁樣對你喎！」Jessie忍不住替Angel抱打不平。
「算啦，有咩好嬲，我仲有你呀嘛！」Angel抓着Jessie的手說。
記得中一時，Angel曾被一群女生杯葛，害她幾乎整個學期都孤苦伶仃地過日子，可是，後來Jessie問起Angel有否恨過那些可惡的女生，Angel卻說她早已忘記了，既然如此，還有甚麼恨不恨可言？
也許是這種善良又樂觀的性格，後來Angle終於有了自己的好朋友，進入大學後，人緣甚至變得更好了，有了一群莊員朋友。
他們不再玩小朋友的杯葛遊戲，但卻經常找Angel做一些她職責以外的事，明明是在佔Angel便宜，但Angel還是能替他們找到藉口。
在講求公平的Jessie眼中，Angel簡直是善良得可怕，因為她實在想不明白，在這自私的世界，怎麼還有這樣善良得可怕的人？
然而，善良的人卻沒有好結局，只落得被人欺負的下場。
想到這裏，Jessie忍不住把Angel擁入懷裏，心疼地說：「你想喊就喊啦，唔好忍呀。」
「早就喊完啦，無野喎我，我地都唔係一齊好耐姐。」不知怎的，竟變成Angel拍着Jessie的肩膀，像是她在安慰Jessie似的。
「我唔信，有乜可能一D事都無，你唔好屈係心裏面啦。」
Jessie總覺得自己受過Angel太多的照顧，若Angel真像那時的自己一樣失魂落魄，倒不失為報答她的一個好方法。
偏偏成熟的Angel不哭也不鬧，教Jessie更是心疼：這樣善解人意的女孩⋯⋯為甚麼偏偏沒有人珍惜？
「雖然有時諗起佢都有少少心痛，但係我真係無咩大問題喎，唔通真係要日日喊到眼都腫晒咩？日子都係要過架，你話係咪？」
為甚麼Angel可以連分手都這麼豁達，這麼成熟，她是瘋了嗎？Jessie對這樣理性的Angel又多了兩分敬意。
「都好嘅，好過好似我嗰陣咁唔理性⋯⋯Angel呀，如果你有咩唔開心，記得同我講，千祈唔好屈係心裏面，我一定會陪住你！」Jessie緊抱Angel說。
「知啦長氣！」Angel笑着說。
Jessie拉開Angel，認真地看着Angel的笑容，總覺得她年輕的軀體裏住了顆老靈魂，老得她不能想像。