我是潑出去的水 2020-4-6 01:19:03 香港✈️巴黎🚇法蘭克福

是咁的，呢兩年一直玩歐洲玩到咁上下，心思思想去非洲望望，於是1月中出發去非洲🌍。至於點解一去到非洲就行山先呢，第一係我年年都身痕想搵D地方行下，而今年就揀咗非洲，第二係因為我覺得遊歷完就唔會想行，同埋到時個人超級唔fit，仲行乜L丫。😌

背景資料：乞力馬札羅山位於坦桑尼亞，臨近肯亞邊界，係非洲最高的一座山，海拔5,895米。呢座山好神奇架，佢係位於赤道附近的一座雪﹗山﹗大部份登山路線都唔駛專業登山技術和裝備，可以徒步就上到的高山。

事不宜遲，我個人已經係法國巴黎，去到巴黎我都不忘去一轉迪卡濃，呢度既Decathlon勁大，好多類型的運動裝備都有賣，仲平過香港!! 買埋之後行山要用既野，就任務完成!!!

至於點解我要去法蘭克福呢，係因為法蘭克福有直航去Kilimanjaro Airport，有直航我就唔騰黎騰去飛肯亞再轉車，圍埋D車費同機票都唔爭得遠。

:^(

由巴黎去法蘭克福我就選擇咗坐火車🚄，四個鐘，唔係最平的方法，最平係巴士，閒閒地都要坐12個鐘，兩年前嘅我一定會坐巴士，但呢家姐我老喇，屌唔住，乖乖俾錢坐舒服嘅火車。

:^(

我養成咗一項絕技，就係坐乜交通工具都訓得著。話說我食飽就訓著咗，當我訓到唔清唔楚嘅時候，坐我隔離條鬼落咗車，跟手又一堆人上咗車，我見到一個大陸女仔‥‥

:^(

成個人醒一醒，求神拜佛唔好坐我隔離!! 當時武肺係大陸爆到七彩，我點知佢係唔係響湖北省逃出黎呀。

屌。佢真係坐我隔離。

:^(

:^(

:^(

仆街，好驚。呢個moment唔知點解我會text我做醫生嘅細妹，我同佢講：喂呢家有個大陸女子坐我隔離，換唔換位好？

:^(

:^(

妹：of course!! Who knows if she is sick!!!

:^(

我走唔切咁咋咋臨拎左個daypack去咗另一卡坐低。屌，呢卡勁多空位，我果卡就鬼咁死滿。跟住行去拎番個勁重的背囊，每次經過個女仔都會下意識閉氣。

:^(

無驚無險去到法蘭，諗住走轉藥房買多支消毒洗手液(得一支儲備)。DLLM，我行咗五間藥房，五間都一場空。肯L定俾班大陸人掃晒，咁我唯有打道回府，然後開心大發現到今晚hostel有免費晚餐，即刻收埋自家製法包留番聽朝做早餐。


一支都唔留俾我

:^(

自製法包

法蘭克福✈️乞力馬札羅(Kilimanjaro)

係Frankfurt 火車總站坐S Bahn到機場只係半個鐘左右，好方便。番工時間，好多人，而果朝成車都係大陸人‥‥都唔知做乜事咁多🤦🏾‍♀️。坐Condor Airlines直航8個鐘，Check in果陣問地勤大姐邊一行係(暫時)冇人坐架，我叫咗佢俾果行我，結果我成功獨霸一行，係機上訓左起碼4個鐘。

:^(

出發前幾日已經出現咗登山前/新環境焦慮症，個感覺就好似當年單拖坐西伯利亞鐵路一樣咁緊張，但咁啱有位朋友又係非洲 (我地一齊去過緬甸)，佢同我講，無事架，呢度同東南亞一樣咁窮，你都去過東南亞你唔駛緊張。😂

落機果陣迎面吹來一D好潮濕既微風，D緊張唔知點解就無曬(可能係訓飽咗既關係)。然後我一個箭步衝去過關，排係我前面係三個德國女人，三條友都未整簽證就學人排隊，入境大叔送走佢地三個瘟神，跟住就睇我本護照，見到話係香港，唔駛簽證喎。佢好好人冇開新一頁，幫我慳住D頁數。坦桑尼亞用特區護照免簽證，慳咗50美金架。


由朝坐到晚


行山公司老闆親自嚟接我去Moshi，最近呢座山的小鎮。我問佢呢度多唔多大陸人呀，佢話少咗好多，好多人都取消曬行程，我掩住半邊咀笑，再問佢，咁有冇人同我一齊行呀，佢話你有自己既導遊，但同期有19個丹麥人既。嘩，頂，北歐人喎，我唔想行包尾呀呀呀。

:^(

行山個package係包前後兩晚嘅住宿，佢話見我坐咁耐飛機，專登安排咗一間比較好的酒店俾我(但我其實想係行完先住，我prefer先苦後甜)。於是我就去咗Kilimanjaro Wonders Hotel。

嘩，一打開門，我直頭對非洲刮目相看，咁大間房自己一個住好浪費呀。當時經已係夜晚九點半，我極速沖完涼、洗埋衫、食晚飯、煲埋水、沖茶飲、重新執過個行山背囊。搞埋都已經成十二點‥‥😨聽日就由1,640米行到2,850米，總共11公里。


間房正唔正先

食埋之前個法包 唔好嘥😂


未完，待續。

我是潑出去的水 2020-4-6 01:21:12 乞力馬札羅山Day 1 - 海拔1,640米到2,850米，11公里，住Machame Camp

成晚好似冇訓過咁，唔知係咪係機上訓得太多、或者係太緊張、或者係個冷氣吹住個頭、或者係臨訓前入左茶，今日仲要行11公里，成個人都好唔motivated😫😫😫。嚟緊六晚都冇得沖涼，於是起身沖左個涼先落去食早餐，仲要冇咩胃口‥‥DLLM，我好少冇胃口架🤦🏾‍♀️。

行山公司九點派人嚟接我去office見個導遊先，導遊叫我拎曬D 裝備出嚟，佢要查齊唔齊。我成功通過裝備檢查，就等出發喇。等咗差唔多成個鐘，心諗，咁點L解唔俾我訓多一個鐘呀。😑


出發啦，搬屋咁款

搞咗一輪，終於都開車去行山個入口叫Machame Gate。去到入口都成11點，導遊俾咗個午餐我叫我慢慢食。嗯‥‥所有嘢都好‥乾‥‥但係有得食就唔好投訴，但我最尾都係食唔曬D野，留到嘅都塞咗落背囊之後先食。


我份午餐

今日全程都等‥等‥同埋等。等待期間終於見到19個丹麥人，燕瘦環肥，有老有嫩，出發前仲覺得佢地一定行得好鬼快，其實係我諗多咗。 無無聊聊同隔離的英國夫婦吹水，又叫佢幫我影相。佢地仲叫我上到山頂記得舉起呢支旗。

:^(

結果係閘口整入山證整咗成三﹗個﹗鐘﹗電腦上唔到網喎 🙄 時間一滴一滴咁流逝，出發的時候已經係下晝兩點半，官方時間需時五個鐘，即係7點半先到，心諗屌呀，我最憎就摸黑行山。 結果我用咗四個鐘（丹麥人用咗六個鐘）。可以用三個字來概括今日嘅體驗：好L濕。

:^(

:^(

呢種濕並唔係落毛毛雨個種濕。呢隻濕係黃雨同埋紅雨之間交替着，基本上係着咗件雨褸入邊其實都係濕濕地嘅。今日其實係行森林，經已有樹遮蔭，但成條山路都變咗個山洪爆發一樣

:^(

，今日係上坡，即係啲水向住你沖緊埋嚟。我越行越快因為真係好L大雨呀。去到最尾45分鐘，導遊應該見到我面都黑埋。我都未試過行山行到塊面西埋一邊。

:^(

佢係咁話：你唔好擔心啦，聽日啲嘢會乾架喇，你快啲笑番啦。

大佬，我嘅經驗話我知除非你有暖爐，否則行山鞋係唔會一晚就乾，諗起呢樣我又點會笑得出。去到營地，我就即刻捐入去帳篷入面快速清潔自己，着番啲乾嘅衫，你老味，對襪可以扭得出水，對鞋可以養魚。

:^(

趁未落雨影咗幾張相

晚餐時間立刻展開，有人服侍下有熱喇喇的紅茶、青瓜湯、炸雞配薯仔 🥔 。食飽導遊就用含氧計睇下我血氧同心跳，一切正常後就訓覺 😴。


紅茶

懶到唔坐出去

係個帳篷入面開餐

其實唔止呢個份量

背景資料：行呢座山有唔同的路線，最多人揀嘅係Machame (即係我呢條)同埋Lemosho，通常6-8日就完成，日數愈長理應成功率越高，因為適應高度的時間多咗。

未完，待續。

海鳥跟魚 2020-4-6 01:24:15 支持

:^(

:^(

本身我都諗緊呢排有假可以去邊度行10幾日嘅山

豪大大黑鳩 2020-4-6 01:24:48

:^(

:^(

:^(

THREEL 2020-4-6 03:06:52 6-8日全程幾公里同幾多海拔開始出發？

紅蕃茄 2020-4-6 03:23:47 留言支持
當年有機會去過Kenya
聽hostel 朋友介紹之後就對呢座山就念念不忘
但無時間改機票stay behind 行呢座山

非洲效率
諗起都心有餘悸

:^(

牙痛不是病 2020-4-6 08:17:41 留名

我是潑出去的水 2020-4-6 10:52:31 咁fit啦 趁呢家係香港練習下

:^(

:^(

:^(

我是潑出去的水 2020-4-6 10:55:22 我呢條路線係1640米開始 有兩日要行10公里 其餘都係五公里 但全部上坡 我之後會講

:^(

我是潑出去的水 2020-4-6 10:56:28

:^(

:^(

非洲效率係你急我唔急

:^(

咁有冇打算番去行呢座山呀？

海鳥跟魚 2020-4-6 15:25:16 唔fit啦依家都無飛機岀到去。。

Freshgrad(8k) 2020-4-6 15:27:50 LM

窩利抽射 2020-4-6 15:34:46 前年行過kili, 行machame route
D 回憶湧出黎

:^(

:^(

我是潑出去的水 2020-4-6 16:20:15 過多一排啦我諗 呢家練定 到時就ready!😀😀😀

我是潑出去的水 2020-4-6 16:20:49 咁你記得睇埋落去呀

:^(

:^(

:^(

:^(

我是潑出去的水 2020-4-6 17:17:42 乞力馬扎羅山Day 2 - 海拔2,835米到3,750米，5公里，住Shira Camp


由於前晚冇訓過乜滯，所以尋晚訓得非常好

:^(

。六點半起身，執番啲眼耳口鼻食早餐。尋晚將所有濕嘅嘢俾曬導遊，佢話佢拎去「廚房」整乾佢。結果所有嘢衫褲鞋襪都乾唔透

:^(

，於是導遊俾咗兩個膠袋我，叫我著完襪笠個膠袋先著鞋，咁就唔駛濕住行‥‥

:^(

丫，呢個方法都幾好，但好柒

:^(

。


麥皮粥嘅物體

腸仔pancake係膽

個膠袋仲要係黃色

:^(

八點半出發，臨出發前去做啲正經事先。

見唔見到我痴咗啲乜

我專登痴咁高 等啲玻璃心人難摵啲架

呢個牌都要痴 🤚🏾👆🏾


今日其實係七日之中最斜嘅一日，基本上頭三個鐘都係一直向上行冇停過。

:^(

望住D 挑夫拎住好多野都行得快過我

:^(

，行行下又落雨，今次係黃雨啫

:^(

，行咗一半左右就坐低食飯。勁好餸，食極都仲有咁，食完又落狗屎，呢個時候就唯有等到雨停先起行，足足等咗一個鐘先停呀，覺得好浪費時間‥‥食完飯之後條路先至叫做輕鬆少少，最尾總共用咗五個鐘到達營地。


佢地插住袋都得

要處理下個膠袋

放飯時間

全日都係不斷咁落雨，但就冇尋日咁誇張。但去到營地係又﹗落﹗雨﹗(落到個人好沮喪)

:^(

落咗差唔多一個鐘先停。

:^(

另外，我想講呢度啲廁所真係好臭

:^(

，臭到連屎都屙唔出

:^(

，仲有好多昆蟲飛來飛去

:^(

，所以我寧願係啲草叢之間屙就算。

趁雨停咗即刻出去影D相，我每去到一個check point都會貼貼紙 。有個挑夫見到我貼就問我拎咗幾張，佢話佢拎去其他營地貼!


停雨啦


挑夫放飯時刻 後面果棟嘢就係好臭嘅廁所




又去到晚飯時刻，今晚呀侍應預告咗係白飯，好期待，我係一個飯桶。

到上菜果一下，嘩屌。一揭開張錫紙我真係嚇親

:^(

，呢個飯量夠我三餐。


飲湯先 同埋佢就係我山上嘅侍應

就係呢個驚人嘅飯量

因為我唔鍾意浪費食物，所以我盡量食，但真係食得好辛苦😂😂。


最尾食剩呢個量，盡咗力啦好飽呀

:^(

。

祈求剩低幾日唔好再落雨，有雨褸都搞唔掂呀﹗

未完，待續。

窩利抽射 2020-4-6 18:15:02 day 2好似係行5公里？
嗰舊大石噤似我訓過嗰舊he

:^(

我是潑出去的水 2020-4-6 18:41:41 係呀 狂上山果日
果舊石好多人爬去睇風景😂😂

窩利抽射 2020-4-6 19:34:25 如果係同一舊，我嗰陣好眼瞓，喺度訓左5分鐘

:^(

:^(

我是潑出去的水 2020-4-6 23:03:46 你係幾月去行？好唔好天呀當時？

:^(

機械人遊世界 2020-4-6 23:45:40 留名支持

:^(

番緊火星 2020-4-7 00:00:09 樓主仲行緊？

聚寶玫瑰 2020-4-7 00:05:11 有機會都想去非洲玩

我是潑出去的水 2020-4-7 00:18:14 多謝

:^(

我是潑出去的水 2020-4-7 00:19:12 我都想我而家係非洲呀
行完跟住係非洲玩咗兩個月被迫腰斬番咗嚟

:^(