Ads
【體壇停擺】飛馬部署減薪解約 今季港超勢腰斬
武漢肺炎疫情持續,餘下港超聯球季復賽無期,縱足總無意腰斬餘下港超聯賽季,但繼標準流浪後,香港飛馬今日向球員提出減薪兼提早解約方案;在兩會已準備停止運作下,意味今季港超聯餘下賽事可能「踢唔成」。
足總上周六公佈港超聯繼續延期,且復賽無期,主席貝鈞奇曾公開指,賽事難在短期內復賽,照目前疫情,今季餘下賽事延至9或10月做法合適,如港超腰斬至明年再進行,球隊有半年真空期,球會必須考慮球員及教練生計問題。
在復賽無期下,標準流浪總監李輝立早前公開表示正與旗下球員商議,提前與球員解約;飛馬高層今晨向球員提出先減薪,再研究按餘下合約支薪,還是減薪後再按合約年期解約。
消息指,飛馬停賽期間,一直有安排球員分批進行健身,以保持運動量,但上周五球會高層通知球員暫停訓練;今晨更向球員提出先減薪再按餘下合約支薪,或商議減薪後保留合約;由於每名球員合約條款不同,估計要花一段時間商討。飛馬教練文彼得今午接受查詢時證實正與球員商議合約:「因為現在疫情關係,所以我哋(飛馬)都同緊啲球員傾緊協調方法,希望可以攞到一個共識,解決現有問題。」
記者﹕曾雁平
Ads
Ads