方皓玟 2020-4-11 22:14:38 thank you

祖樂比 2020-4-11 22:35:13 同門師兄弟 故事大不同



孫銘謙與何振廷出自同門，卻素未謀面。一位自中學伊始嶄露頭角，被視為一顆新星，現已躋身「大港腳」行列；另一位雖曾貴為港青「黃金一代」，事業發展卻未如人意。兩個截然不同的故事，竟在上季的凱景開始拼湊在一起，還在今季和富大埔的舞台上，合演高潮一幕。 文：黃雋謙

「阿廷」何振廷和「孫銘」孫銘謙的故事，可從傑志足球學院說起。兩人雖出自同一師門，但因為「阿廷」較「孫銘」大兩歲，一直分屬不同梯隊，彼此互不相識。直至踏上中學階段，「阿廷」率先踏上香港足球的鎂光燈下，2014年入選U17代表隊，為香港史上首次出戰亞洲U16錦標賽，當屆隊員更被譽為「黃金一代」，單是這個美譽已羨煞旁人。「『阿廷』係黃金一代嚟！之後我哋嗰屆外圍賽就出局，仲畀人話唔及佢哋嗰班！」孫銘謙道。

風水輪流轉，「孫銘」自踏上高中後足球事業一帆風順，連續兩年在學界決賽「梅開二度」，為拔萃男書院兩奪港九區D1冠軍，優秀表現令他成為港青常客。反觀「阿廷」就讀的聖保羅書院因並非足球名校，出賽學界數年未曾染指錦標。「If you can't beat them,join them」終於在中五期間，「阿廷」獲得轉讀男拔的機會：「其實有人問過我轉唔轉過去，但嗰時我都就嚟畢業，所以冇轉到……」一次機遇的錯失，令「阿廷」隨後數年淪為配角，足球之路更被師弟「孫銘」後來居上。

馮凱文上季「撮合」兩人

直到上季，時任凱景主帥馮凱文向傑志借用何振廷到陣中，無意中把孫銘謙和何振廷的故事交織在一起：「嗰陣同『馮Sir』完全唔識，但唔知點解借我過去，佢又好肯畀機會我。凱景第一場波其餘10個球員都踢過職業，得我未踢過，都有得打正選。」何振廷道。一次機緣巧合造就兩位小伙子，由從未同台，到首度合作，更發現彼此原來相當合拍。「有時同啲大佬練波，我會好拘謹，但同『阿廷』一齊，我就會係咁講嘢，有佢喺到我會安心啲。」孫銘謙說。

這對「孖寶」今季追隨「馮Sir」轉投和富大埔，孫銘謙自覺需擔當更重要角色：「球迷對大埔要求高啲，所以我覺得就算我哋後生，踢出嚟都唔可以太差。」然而季中「綠戰士」曾一度陷入連敗低谷，「阿廷」更在1月對冠忠南區一戰，因傳球失誤連累球隊輸波，賽後他自責不已：「嗰場波打多個，我哋好想贏，但就因為我而輸波，覺得自己可以做得好啲。」

合力助和富大埔打番起

知恥近乎勇，「阿廷」隨後在2月「菁英盃」賽事，憑一記「世界波」助球隊逼和愉園。其後輪到「孫銘」發威，個人連入兩球賽和南區2比2。之後有他們一同亮相的賽事，和富大埔更愈戰愈勇，「菁英盃」以2比1勇挫富力R&F，力阻對方闖入決賽一戰，堪稱是兩人代表作。雖則球隊最終「足總盃」4強出局，但大埔今季的最大發現絕對是「阿廷」和「孫銘」這些年輕球員，他們合演的青春篇章，定必繼續上演，球迷就請拭目以待！

綠戰士孖寶互笠高帽

何振廷、孫銘謙僅相識2年，便已分外投契，更互相了解對方。外界經常形容孫銘謙為人欠缺信心，但「阿廷」透露真實的他並非如此：「佢唔係咁冇信心，只係喺人面前表現得好客氣，佢喺球場上踢波其實好有自信。」

學網上高人勤力加操

「孫銘」亦「禮尚往來」誇獎對方：「『阿廷』好有上進心，成日練完波繼續加操，對住幅牆傳幾百球。」

事實上，兩位最近得以輪流做主角，其實全靠苦練有功，何振廷拆解他們「大爆發」的原因：「『孫銘』之前上網睇到有個人，練射波射咗4萬球，由第一球射得好差，到最後幾球腳腳靚波。之後我哋就參考佢，每次練完波都各自加操100球。」

何振廷Profile
年齡：21歲
位置：中場中、防守中場
身高：1米74
體重：66公斤
現效力球隊：和富大埔（傑志外借）
曾效力球會：傑志青年軍、港大晨夕天旭、凱景
今季上陣／入球：14場／2球

孫銘謙Profile
年齡：19歲
位置：翼鋒、前鋒、左後衞
身高：1米79
體重：70公斤
現效力球隊：和富大埔
曾效力球會：傑志青年軍、凱景
今季上陣／入球：19場／3球

羅曉聰 2020-4-11 23:15:36 扮慘 R政府資助姐

:^(

清師兄 2020-4-11 23:16:41 放假好悶係屋企打個 飛機先
2018 FIFA世界盃KONAMI盃 (因為個patch香港係經典隊所以開唔到世界盃)
分組就取代左亞洲最低排名嘅沙地

屌 數值真係差好遠

有無得唔握手?

正選陣容 咁多場都係咁打啦 泊大巴

俄羅斯 1-0 香港
俄羅斯 0-0 香港 (Save load)
黃威 1-0 烏龜

我祖又入波又助攻 唔反了

暫時踢咁多場唯一一張牌

香港 2-0 埃及 但中國輝救左好多球 艾里奧都護左次空門

呢個難度其實唔save load都可能出到線

16強贏1-0
8強輸左場2-0再save load
孫銘絕殺2-1入4強

抽返烏拉圭好無feel

球員低數值好難入波 但泊大巴都有得打 聽日打埋個兩場佢

K歌之王 2020-4-11 23:17:43 五年前港隊 vs 現役港隊啦

:^(

李康廉 2020-4-11 23:47:18 南華如果有番我大佬, kkp, 歐沖, cow sir, 強哥就

:^(

傑志總領隊 2020-4-11 23:51:25 上下半場各踢十分鐘啦


又或者請隊關島業餘球隊嚟，等陳7入返幾球，讓香港球迷重温關島屠夫英姿

小柏林圍牆 2020-4-11 23:54:51 關島已經唔會咁易比香港大炒

:^(

傑志總領隊 2020-4-12 00:20:07 唔請關島國家隊，請隊關島業餘水平球隊或者學界嗰啲

天久(L259) 2020-4-12 00:25:29 人地會唔會咁無聊特登飛黎香港畀你大炒呀

:^(

羅曉聰 2020-4-12 00:36:30 近年關島無錢，成績一落千丈世界排名排 199，打黎都無隱

如果要揾島國所羅門羣島世界排 名141,
排名同香港同 lv值得打下，台灣上年打輸左 球

羅曉聰 2020-4-12 00:39:59 台灣上年打輸左1球,大洋洲人d身體質素幾好

何老尷江 2020-4-12 01:10:13 上年有份嚟踢河水盃奧克蘭城嗰位利亞拉法幾好波，之後去南非超就踢唔出水準而家冇班落。應該啱港超中型班用，不過唔知太平洋島國球王會收幾錢一個月？

吉田礼 2020-4-12 01:36:04

:^(

祖樂比 2020-4-12 02:33:35 【專訪】回望那日子 歸化「過來人」卓卓嘆港足欠規劃

（獨媒特約報導）卓卓，一個本地足球久違的名字。老驥伏櫪，志在千里，用來形容他最恰當不過。

今年41歲的卓卓，是港超聯球隊流浪的教練。十五年前，卓卓選擇入籍香港，和高尼路扼守港隊中路。入籍球員近年湧現，歸化香港的外援人數大增。作為「過來人」，卓卓頗有意見，慨嘆香港足球欠缺長遠規劃，重申必須搞清楚計劃的本質，「到底長遠想點」。他沒有甚麼新鮮偉論，只有老生常談，「歸化球員應令本地球員有所進步，而不是淪為『戶口簿』，個個都入選，好唔健康。你想三十幾歲的『新人』踢幾多年呢？」

卓卓強調，歸化球員只屬「援兵」，「足總應該要有長遠計劃，10年、5年想做啲乜嘢，想有幾多年輕球員，想大賽去到幾遠，要話到俾人聽。」

來港遊玩獲李輝立相中

對他來說，人生，每一步都是抉擇。

23年前由喀麥隆來港，卓卓曾連續七年成為本地聯賽最佳十一人。他WhatsApp 的個人資料照片，還是和足總會長霍震霆的合照。「沒有甚麼特別，一個簡單的故事，想進步便要到海外。」16歲離開喀麥隆，遠赴印尼效力。

兩年下來，卓卓收到中國甲B球隊佛山佛斯弟和法國球會的青年合約，他揀了前者。卓卓形容，在佛山佛斯弟的操練十分辛苦，球隊到昆明作季前集訓，每天要練習三課；那是他第一次覺得要克服困難。佛山佛斯弟給卓卓的待遇和人工都不俗，球隊後來賣盤予賴昌星有份牽頭組成的廈門隊，他在中國只逗留了一年半。

卓卓閒時常常來港遊玩，更和西貢朋友隊操練，在一場對流浪的比賽中，流浪總監李輝立看上了他，及後派人到內地邀請他加盟。選擇香港，一來因為年輕，二來香港較中國自由，「英文係香港的法定言語，仲可以周圍去。」收到李輝立的邀請，卓卓毫不猶豫便接受。後來在2000年轉投二合，替球隊拿下高級組銀牌冠軍，卓卓該季表現不俗。二合在該球季後散班，卓卓轉投愉園。

這個決定，亦令他成為本地球壇家傳戶曉的球員。

如果命運能選擇

在世界的另一端，2000年是屬於喀麥隆足球隊的，這支非洲球隊先後拿下非洲國家盃冠軍和奧運金牌。喀麥隆在年初殺入非洲國家盃決賽，和東道主尼日尼亞爭冠，卓卓更乘坐飛機返回家鄉，不少人在奪冠後跑到街上慶祝，畫面都瀝瀝在目。

卓卓曾代表喀麥隆U23征戰多項賽事，曾效力皇家馬德里和車路士的謝利米 (Geremi)，及效力愛斯賓奴和馬拉加等球隊的守門員卡文尼 (Idriss Carlos Kameni)，都是該年奧運金牌成員；二人都年紀輕輕便外流歐洲。「You need to make decision.」要入選喀麥隆國家隊，便要在高水平聯賽效力。卓卓不諱言，國家隊的教練曾要求他轉到歐洲聯賽的球隊。

流歐機會擦身而過

卓卓當時效力港甲球隊二合，流歐機會不是沒有的。有經紀曾聯絡卓卓，轉介他到包括德國、法國、比利時和英國的球隊。最接近歐洲的一次是，威爾斯老牌球隊域斯咸 (Wrexham)，這是從沒有公開說過的故事。在英國踢波需要工作證，要獲發工作證便得在國家隊有一定上陣次數。

域斯咸要求卓卓留在當地至少半年，賓高城 (Bangor City) 亦對他伸出橄欖枝。卓卓嫌棄賓高城的練習欠專業，而且僅為威爾斯次級聯賽的球隊。英國天氣寒冷，卓卓回到香港。

所謂的大時代，或去或留，每一步都係抉擇。卓卓最後選擇留在香港。那時候，他也剛剛認識了新女友。在安定和機遇之中，他揀了前者。

回味那地方

二合的退出，標誌住本地足球進入了冰河時期。南華改行全華班，晨曦和愉園成為一時瑜亮，兩隊在2000年代初平分秋色。

班主官永義大灑金錢，愉園成為那年頭的班霸，陳鴻平和黃耀信先後執掌愉園帥印，卓卓是球隊不可或缺的一員，後衛、中場、前鋒都踢過。坐擁范俊業、李偉文、潘耀焯、郭文迪、郭裕洪和蔣世豪等球員的愉園，踢法和風格至今仍為球迷津津樂道。

2002年，卓卓其實還有另一次機會的。比利時球隊根特曾邀請他加盟，但合約條件欠佳，他又一口拒絕。那一年，卓卓更搬到元朗錦繡花園，正式在香港落葉歸根。

如果命運能選擇，卓卓表明，絕對會選擇外流，爭取成為喀麥隆大國腳，「I just make a choice.」效力愉園的八年間，六度入選聯賽最佳十一人。卓卓透露，南華足主羅傑承自2006年起，曾多次邀請他上山，但合約條件欠佳，加上不捨得愉園而作罷。

在2005至2006年的球季，愉園在聯賽第二輪不敵流浪。卓卓表示，球員們矢志不能再輸。果然，愉園最後如願以償，提早多輪奪得聯賽冠軍，「其實踢愉園，真係好開心，有大家庭嘅感覺。」

毋忘蔣世豪

在訪問中，談到已離世的前愉園隊長蔣世豪。卓卓忽然靜下來，形容二人是密友，大讚對方在場內和場外都是精精領袖，「他的離世，令人非常傷心。」

2009年離開愉園，卓卓萬般不捨，在羅傑承誠邀下「終於」轉投南華。南華在該屆亞協盃殺入四強，李海強在第二回合的入球被判越位在先，最後功虧一簣，無緣決賽。卓卓對此仍怒氣沖沖，炮轟球證執法不公，「旁證去咗另一邊，咁都睇到越位？好唔公平。」

然而，卓卓讚揚羅傑承治下的南華專業、令球員感到被尊重，「成日有花紅」。縱使球員之間的競爭較大，卓卓仍讚不絕口，「愉園似大家庭，但南華感覺就係大公司，要爭分奪秒，這是香港足球近年最好的時光。」

球員和飛機師之間

在電影《阿甘正傳》中，主角湯漢斯說，人生就像一盒朱古力，你永遠不會知道將會得到的是什麼，卓卓顯然不想這樣，他想命運自主。在職員球員生涯尾聲，卓卓踢過飛馬和晨曦，在本地足球壇可說是贏盡所有錦標，亦早已考取亞洲足協A級教練牌照，「哈哈，我只係覺得要諗遠啲。」

叔叔是飛機技工，成為機師是卓卓的兒時夢想。他在香港完成基本課程後，在2012年更遠赴澳洲，成功考獲飛機師牌照。「足球唔可以踢一世，行業唔穩定，今日唔知明日事，做人要有長遠計劃。」

「你知道嗎？十隊波只有十個主教練。只要有人搵我教波，一樣會考慮。哈哈，但我想做機師多啲，依然想投身呢個行業。」

在主權移交前，香港體育學院把足球從精英運動員項目剔走，直接令青訓斷層。卓卓表示本地球員的質素和數量大不如前，認為由球會訓練青年軍並不可取，「系統相對不穩，訓練場地都成問題吧。」

卓卓不諱言，對香港足球的未來感到暗淡，「作為金融中心，點解足球會搞成咁？大公司肯贊助已經可以好唔同。」他建議，可借鏡日本職業足球聯賽，由大企業贊助球隊，「要好成績，就要好好反思未來要點行落去。」

「香港人其實唔係好關注本地足球」

他指喀麥隆人尊重運動員，甚至視足球為信仰，「香港人其實唔係好關注本地足球，呢度只係金融中心。香港歷年有不少天才球員，但制度和客觀環境令足球淪為雞肋。」

卓卓批評，港足每次比賽前集訓時間不足一週，領導層卻奢望要得到好成績，「無可能囉，起碼要練兩星期。你知唔知，印度隊去巴塞隆那練一個月，人哋係真係備戰。」「我唔係話唔專業，但可以做得好啲。」他認為集訓不足，令球員的心理質素受影響，「你同自己講要贏，就可以贏到，對西亞唔一定就係輸。」

批警暴離譜 「香港永遠都係香港」

儘管身分證上的名字叫謝雷，球迷還是愛叫他卓卓或 JJ。訪問在屯門V city 進行，商場員工在加裝鋼門，保安前所未有地深嚴。卓卓反問記者對反送中運動的看法，原來有一次光復屯門遊行中，「搞到無車返屋企」。

卓卓表示沒有留意《逃犯條例》修訂事件，但對警察卻嗤之以鼻，「每一個國家的警察都係不好，都係咁樣濫暴，好離譜。暴力越大，反抗就越大。」

卓卓又按奈不住說，「中國永遠只會係中國，香港永遠都係香港」。他認為香港擁有獨特文化，內地絕對無得比，「上海都取代唔到香港，你明唔明？即係我來自喀麥隆南部，阿古沙來自北部，大家文化都唔同啦。」

記者：麥馬高

皇天擊殺死克警 2020-4-12 02:42:27 懷念冰河時期前既港甲

:^(

:^(

手持牛餐肉 2020-4-12 03:33:38 係喎

蕃茄頭 2020-4-12 03:35:27 咁大哥計邊隊

手持牛餐肉 2020-4-12 03:37:08 上半場踢五年前，下半場踢現役

:^(

CJC 2020-4-12 06:40:17 全世界都係咁，now講返相關嘅嘢都算，有人話tvb新聞有白俄、塔吉克聯賽精華。

過多排now可能買台甲播㗎喇。

CJC 2020-4-12 06:46:30 外國有唔少電視台已經報尼加拉瓜、塔吉克、白俄聯賽戰果，外電啲片好多白超精華。

而家邊嗰國家聯賽想出名，立即理撚武漢肺炎開返波就得，連白俄預備組啲live收睇人數都多咗幾倍。

CJC 2020-4-12 06:50:11 好平，大洋洲最top嗰批，大約10000 ~4~5千美金月薪不等。

CJC 2020-4-12 06:53:35 喺印尼聯賽未踢已被通輯，幾時澄清吓？印尼媒體當年話佢係不正當球員。

大埔M子 2020-4-12 07:31:44 牙廷

:^(

:^(

孫銘

:^(

:^(

羅曉聰 2020-4-12 09:33:25 Applydaily


武漢肺炎疫情仍嚴重，今季港超聯勢將延至九月始有望復賽，部份港超聯球隊已停操，富力教練楊正光表示，球隊已停操兩星期，並計劃七月復操為餘下半季賽事作備戰。