紅茶白_ 2020-4-9 13:34:43 你返嚟啦！！！

千奴 2020-4-10 00:45:05 十日意大利精華遊，我揀咗去維尼斯、羅馬同米蘭三個地方。去維尼斯係因為浪漫，去羅馬係想睇古跡，至於點解揀米蘭？唔通離開咗香港好耐掛住水貨賊

:^(

係因為有朋友嚟咗呢邊。

朋友當時係做空少嘅，半個月前已經知嚟緊會飛米蘭，如果夾到就可以聚吓。我地走咗三個幾月，都有啲掛住香港嘅人同事，就即刻調整一吓行程就啱日子去米蘭

:^(

如果全個旅程分成三部份，進入拉丁美洲前就係頭三分一。呢前三分一嘅日子，傾偈傾得最舒服嘅，除咗伊朗遇到嘅嗰對澳門情侶，就係米蘭呢日，始終大家都係講香港話

:^(

而另一個好想見到香港朋友嘅原因，就係想佢幫手帶兩包出前一丁嚟比我地食

:^(

去旅行間中會發癲想食嘅，就係出前一丁，合味道，同埋金拱門

:^(

我地去完返嚟冇幾耐之後，呢位朋友就（再次）辭咗工，同佢女朋友去咗唔知邊度幾個月。去旅行就好似吸毒，索咗第一啖，就會一路索落去。越係去得長途，毒癮就越深。



嚴格嚟講唔係淨係去米蘭，而係包埋米蘭附近嘅倫巴第區。倫巴第呢個名相信大家都好熟悉了

:^(

五漁村


五漁村顧名思義都係五條比山隔住嘅漁村，當然而家全部都係Touristy嘅景點。鐘意行山嘅話可以沿住貫通五條村嘅山路一路行，風景唔錯

:^(

唔鐘意行山都可以坐車穿過，不過就有啲無聊，得個迫字。



意大利嘅最後一日，去咗倫巴第另一個景點科莫湖曬太陽。



喺意大利，衝景點衝到有啲頭暈，日日唔係排兩三個鐘隊去啲超級景點，就係坐好多個鐘巴士transit，十足隔離Post 10日獨遊半個日本噉。東歐hea咗咁耐留落嚟嘅精神比呢十日1Q清袋。於是我地決定最後喺歐洲嗰幾日都唔再去景點，寧願攤喺間房度瞓覺

:^(

下篇會由瑞士之後開始講返，其實都冇咩嘢做，應該好快就去到拉丁美洲

:^(

沒挽手才伶仃 2020-4-10 01:02:01 留名

:^(

隨緣來去 2020-4-10 15:06:32 無爛尾，實在太好

:^(

river ip 2020-4-11 14:28:32 哇你終於返來了

機械人遊世界 2020-4-11 15:57:14 live左，繼續留名支持

:^(

千奴 2020-4-11 21:55:22 時間去返同Urs同Regula分別之後，我地向左走向右走，揀咗向左走去法國嘅Strasbourg。喺歐洲嘅最後5日，我地分別喺盧森堡同德國科隆搲到各兩日couchsurfing，諗住hea埋呢5日就算，為之後嘅中美洲旅程叉叉電

:^(


雖然唔係巴黎，但假假地都係法國，食返個法國餐

:^(

唔太睇得明，就求其鳩入一間this this and this了

:^(

落單嘅時候，囡囡好心急想叫埋甜品，就問個侍應有冇dessert menu。個侍應啤實我地噉話no no no。咁急做乜鳩？甜品係食完主菜先叫架喎

:^(

佢面口好黑，應該心諗呢兩條仆街酒又唔叫，又一開始嗌甜品，係咪痴撚線

:^(

之後我地都唔敢再催，驚大廚喺啲嘢食都加料。結果個主菜一等就等咗大半個鐘，等到好鬼肚餓

:^(

食完之後終於嗌到甜品

:^(

食法國餐係要慢慢食，對唔住大佬我地知錯了

:^(

喺Strasbourg留咗一晚，就出發去盧森堡。由於入咗斯洛文尼亞之後全部都係神根國家，唔使出入境，所以一直都冇乜唔同國家嘅感覺，直至入咗盧森堡。


市容好整潔，係感覺比起巴塞爾仲要清新嘅一個地方。最重要嘅係，我地入住嘅沙發主屋企，係一間有四層嘅獨立屋

:^(

盧森堡嘅沙發主，右一係Mikolaj，右二係Svilena。

美國GDP全球第一就大家都知，但以人均GDP嚟計，盧森堡先係世界第一。單係呢種四層獨立屋成街都係，就知道數字唔呃人。住喺佢地屋企，就會了解到呢個地方勁得嚟係有原因。同Mikolaj同Svilena傾偈，發現原來佢地已經有幾個仔女，最大嗰個過咗十八歲，呢排都唔係屋企，所以空咗間房出嚟比我地住。但佢地兩個都未過四十，即刻話廿歲未夠就已經生咗仔。如果喺香港，除非本身係權貴，否則一定係人生失敗組

:^(

究竟點解佢地咁早搞大個肚，都可以住洋樓，養蕃狗？

:^(

（真係有隻狼狗，年紀好大，成日喺我地房門口瀨屎，但好乖

:^(

）

唔通間屋係跟啱大佬之後搶返嚟

:^(

咪玩啦頂 2020-4-12 10:27:16 巴打我咁辛苦追晒頭兩個po你仲唔Update得快啲？

:^(

:^(

:^(

:^(

:^(

:^(

:^(

madagascar 2020-4-12 20:10:58 lm 好羨慕巴打個女神肯同你咁去旅行

滿天的貝果 2020-4-12 20:40:00 我都想有個咁既另一半

咪玩啦頂 2020-4-13 00:01:25 出Post未呀樓豬，我追返晒喇

:^(

:^(

:^(

千奴 2020-4-13 00:23:46 男屋主Mikolaj係波蘭人，女主Svilena就係保加利亞人，可能因為噉，佢地本身就識得英文、波蘭文同保加利亞文三種歐盟語言，Svilena因為細個有學法文嘅關係，就成功係布魯塞爾幫歐盟做翻譯員

:^(

而男主後來就一邊湊仔一邊讀PhD。畢業之後Mikolaj就同朋友開咗間做Big Data analysis嘅公司，會幫啲政治團體做選情分析，總之就撈得好掂。

盧森堡係好歡迎佢地呢啲高技術嘅移民，住咗喺度之後亦都返唔到轉頭，佢地不約而同覺得呢度嘅生活係正過家鄉好多。

其實淨係睇佢地喺屋企嘅行為，已經知道佢地同我地之前見過嘅沙發主唔同。佢地喺屋企唔睇電視，係長期播住啲Ted Talk，隨手就介紹咗幾段佢地覺得好有啟發性嘅同我地share。無啦啦兩公婆突然就會幾深入噉探討入面嘅內容，遇到唔識嘅嘢就會即刻search，唔會含混過去

:^(

住喺人地屋企就唔好意思唔出街，呢兩日主要都係喺屋企附近行下公園同睇下博物館。


晏畫就食快餐為主，因為太貴

:^(

盧森堡市內就冇咩好深印象，主要嘅記憶都係來自呢對沙發主。佢地有一套好獨特嘅人生哲學，例如講到人應唔應該生小朋友，佢地就會話好值得，而且應該越早生越好。你以為個細路會阻到你嘅人生發展，其實唔會，而係佢地會令你學識好多嘢，陪住佢地成長嘅同時自己亦都成長好多。佢地認為湊細路最初嗰幾年係要好多精力，當時佢地廿幾歲就啱啱好。等到啲細路差唔多二十，自己先啱啱四十，仲有好多時間過自己人生嘅下半場。如果太遲生，一來三四十歲已經冇乜體力去同個小朋友玩，到個細路去到廿幾歲要開展自己嘅人生時，自己又差唔多退休，成為咗佢地嘅負擔，其實所有Timing都錯晒

:^(

聽完佢地嘅分享，我地都若有所思。但香港同歐洲有好多唔同嘅客觀因素。二十頭嘅時候，喺香港除咗有父幹，根本唔會有似樣嘅收入。一般畢業生嘅人工點樣負擔到正常嘅房租同日常開支？淨係諗到呢度已經fail，再講其他已經無意義

:^(

佢地分享嘅仲有好多，佢地會鼓勵我地唔好局限於一個城市入面工作，又話自己都隨時有日會離開盧森堡，試吓唔知喺邊度發展。雖然我地一時間冇辦法實踐到Mikolaj嘅人生哲學，但有幸喺呢個世上最富有嘅地方過兩日，聽吓人地嘅分享，我都已經賺咗

:^(

千奴 2020-4-13 00:25:23 可能聽日就會遇到啦，亦都有好多人係喺路上識

:^(

千奴 2020-4-13 00:26:55 有冇睇得咁快

:^(

千奴 2020-4-13 00:28:32 你都返來了

:^(

千奴 2020-4-13 00:29:49 你地竟然仲未離開連登

:^(

滿天的貝果 2020-4-13 00:59:54

:^(

我有另一半 但佢好憎去旅行

千奴 2020-4-13 08:31:23 揀啲佢最有興趣做嘅嘢嚟試下先，慢慢開啟興趣

:^(

去shopping浸溫泉好少女仔唔鐘意喎

:^(

佢平時鐘意做咩架

圍她逗奶 2020-4-13 08:32:41 推!

咪玩啦頂 2020-4-13 12:02:43 係你太慢咋

:^(

去完返嚟有冇進入人生另一個階段

:^(

滿天的貝果 2020-4-13 12:47:54

:^(

機械人遊世界 2020-4-13 15:48:53 咁多好野睇，點解要走

:^(

不過無可否認係好撚多鬼帶風向，搞到烏煙瘴氣，但旅遊台仍然咁高質

:^(

千奴 2020-4-15 00:29:04 離開盧森堡，我地坐Blablacar去到歐洲最後一站——德國科隆，遇到一對最奇怪嘅沙發主。

點奇怪法？就係由接待我地到離開嗰日，都冇乜同我地傾過偈

:^(

如果話盧森堡嗰對夫婦係成個旅程最有啟發性嘅沙發主，噉科隆呢對就係另一個極端。向好嘅方法諗，可能佢地係知道長途旅行嘅人有時會好攰，所以儘量唔打擾我地，由得我地靜靜休息掛。如果噉睇，其實佢地係非常友善嘅人

:^(

佢帶我地去嘅地方都係奇奇怪怪。呢個係佢地屋企附近一個公園嘅「基督像」，佢地話一定要參觀呢舊嘢，睇完呢舊就等於睇巴西里約嗰個，然後猛咁喺度話呢度係Rio Rio，自己兩個喺度狂笑

:^(

:^(

:^(

行呢段路嗰時諗起波蘭嗰個佛地魔Martin，詳情睇返舊Post

:^(

不過佢就唔係好似Martin同我地講鬼故，而係睇呢啲

:^(

據佢地講，呢啲係難民營嚟，德國收容咗好多敍利亞難民，原來有一堆係住喺佢地附近。佢地憎恨難民嘅程度就好似連登仔噉，不斷喺我地耳邊講呢邊啲蛋散搶晒佢地啲工作，搞到佢地發唔到圍

:^(

本身想食吓德國腸，但佢地見我地香港嚟，要食中國菜。我話香港菜唔係上海菜喎，Hong Kong is not China喎，佢地就話不要分那麼細

:^(

你同敍利亞難民不要分那麼細得唔得

:^(

總之同呢一家人唔係好夾

:^(

但點講佢地都比我地瞓咗兩晚，我心入面都係感激嘅。佢地不斷叫我地喺佢本紀念冊度留言，走嘅時候又千叮萬囑要我地喺couchsurfing個網度正皮佢地，我唯有寫多謝佢地帶我去睇基督像，係一個好靚嘅景點

:^(

我地喺科隆搞掂晒開通Plus卡同埋唱夠美金歐羅之後，就坐咗呢次旅程最長途嘅一班機。瞓醒落機，就到咗古巴嘅巴拉德羅。

白表家庭抽中我 2020-4-15 15:16:13 未睇留明

千奴 2020-4-15 23:55:20 古巴係一個好得意嘅地方。一入到嚟，首先要習慣兩件事。

第一，古巴嘅貨幣有兩種，一種係古巴披索CUP（peso cubano），另一種係古巴可兌換披索CUC（peso cubano convertible）。剛入境嘅時候都係一頭霧水，淨係見到喺機場找換店有得換CUC，就換咗一千幾百試下先

:^(

平時係其他地方都甚少喺機場唱錢，因為好多時都偏貴，最多唱少少傍吓身。但喺古巴呢啲封閉地方，出咗機場唔知會唔會好難搵找換店，ATM就一定冇，穩陣起見都係換多少少。CUC係古巴為咗禁止美元喺古巴流通而整出嚟嘅，作用就係喺境內當美金使，匯率亦都係1比1，但就要收手續費。出發前唔知喺邊度聽返嚟，話CUC係外國人嘅貨幣，而CUP係當地人嘅貨幣，匯率係1CUC：25CUP。當時我諗噉我呢啲外國人咪買咩都要比貴25倍

:^(

唔知我有冇辦法扮當地人比當地錢呢？

:^(

搵返用淨嘅銀仔出嚟

:^(

紙幣下面第一排頭三個都係CUP嚟，CUC因為太貴重使晒了

:^(

另外嗰啲係順手搵返出嚟嘅其他國家嘅Peso，有阿根廷、墨西哥、秘魯、玻利維亞同智利

:^(

而第二件要習慣嘅事，亦係離開機場之後最想解決嘅問題，上網。畢竟一路以嚟習慣咗搵住宿搵搭車都係上網查，冇得上網真係周身唔聚財。如果話中國、伊朗嘅人係生活喺牆入面，噉古巴人應該係活係地底，連地面有冇圍牆都唔知。喺古巴嘅大部份地方，都係冇網絡覆蓋嘅。但隨住旅遊業越做越大，特別係去古巴玩嘅美加人開始多，政府都開始發行上網卡，比遊客喺指定嘅地方上網。


賣上網卡嘅舖頭唔難發現，通常零零舍舍好多外國人喺門口排隊嗰間就係了

:^(

就係呢張嘢。買咗之後可以搵國家賜比你嘅Wi-Fi，之後入張卡個密碼落去就可以用。但首先要有Wi-Fi

:^(

既然係遊客嘢，問住宿個房東應該會知。果然間房個天台就有Wi-Fi放射器。平時佢係冇裝嘅，一定要特登問佢佢先會駁返

:^(

終於可以正式上網，連FB呢啲美帝嘢都冇問題

:^(

但就限時，兩蚊CUC上一粒鐘（好似係）。

同埋訊號比較弱，一定要坐近天台先收得到。


預期都唔會用太多，當係間中用嚟同屋企人報下平安就算，難得脫離吓網上世界都好

:^(

離開咗蒙古之後，暫時最有旅行感嘅地方就係呢一度了

:^(

令人好期待出街會遇啲咩

:^(