伯符兄 2020-4-10 03:55:00 a

S_Kagawa(迷15妹) 2020-4-10 10:35:53 a

妖治時代 2020-4-10 10:40:19 c

S_Vettel_5 2020-4-10 16:20:13

A 我去觀看查頓辛祖嘅表現
B 我去觀看多蒙特嘅臨場調動
C 我去感受歐聯比賽嘅氣氛

最快有三票嘅選項會作為最終選擇，大家多多支持。

C

乞児仔 2020-4-10 20:27:15 今場麥湯會正選出場

:^(

乞児仔 2020-4-10 20:29:44 「我只係去感受歐聯比賽嘅現在氣氛。」碧咸故作從容不迫咁回答記者嘅追問。「我趕住返去準備今週對賽阿士東維拉嘅賽事，失陪喇。」碧咸為免不經意透露自己有意收購查頓辛祖，唯有急步離開機場。

返到球會，碧咸收到助教費蘭嘅訓練報告，內容提及今週嘅準戰情況，一切大致正常，球員們狀態良好。當中，費蘭更提及麥湯文尼，費蘭認為該名球員訓練表演積極，體能、攔截方面有所提升，狀態比馬迪更為良好，建議碧咸喺黎緊嘅賽事選擇擺佢打正選。其實防守中場一職，責任重大，要喺馬迪、費特同麥湯文尼作出選擇並唔容易，不過既然助教費蘭有所提意，碧咸亦打算俾麥湯文尼一個機會。

週末嘅英超賽事即將進行，但喺進行之前，當日嘅傳媒報章並不集中報道賽前預測，而係大篇幅討論有關碧咸前往多蒙特主場一事，多份報章都將此事與查頓辛祖扯上關係，估計碧咸係為咗即將會提出收購。碧咸暗嘆紙包唔住火，但為免影響作客阿士東維拉一戰，碧咸收斂心神，與球隊乘搭隊巴前往阿士東維拉嘅主場。



賽前碧咸作出兩個調動，分別係改用梳爾搭檔麥佳亞打中堅，由班頓威廉斯出任左閘。另一個就係用麥湯文尼頂替馬迪出任防守中場，希望可以為球隊帶來新嘅火花。賽事喺一片熾熱嘅氣氛進行，曼聯有著壓倒性嘅優勢，開賽六分鐘，麥佳亞接應般奴費南迪斯開出嘅角球，頭槌攻門破網，早早領先。接落嚟，曼聯大踢順境波，其中巴爾同馬舒亞分別攻入三球同兩球。雖然對方嘅前鋒球員森馬達亦攻入兩球，但無阻曼聯以六比二大勝對手。賽後，巴爾更被評為今場嘅最佳球員。碧咸對今仗能夠大勝對手感到滿意，喺更衣室內大讚球員，賽後彌漫著愉快嘅氣氛。

週末過後，回到曼聯嘅辦公室，碧咸收到活華特嘅訊息:「請過來找我。」碧咸來到活華特的辦公室，活華特倒了一杯酒給碧咸:「你是要收購查頓辛祖嗎？」碧咸喝上一口:「是的，我需要你的全力支持。」活華特:「為了球會長遠的發展，我讚成你的決定，你要我點樣幫你？」碧咸:「⋯」

A 我想你提升我的轉會預算
B 我想你先和對方打交道
C 我想你找費爵爺出面幫忙

最快有三票嘅選項會作為最終選擇，大家多多支持。

妖治時代 2020-4-10 20:30:52 A

笨撚柒123 2020-4-10 20:32:03 C

三思然後含 2020-4-10 20:50:02 A

申花 2020-4-10 20:56:05 B

笨撚柒123 2020-4-10 21:02:52 A

乞児仔 2020-4-10 21:32:56 巴打你投咗兩次，我應該計你邊次？

笨撚柒123 2020-4-10 21:35:41 C Sorry

陷阱妹 2020-4-10 21:44:24 C

乞児仔 2020-4-10 22:18:27 收到，無問題

:^(

乞児仔 2020-4-10 22:20:51 2A2C，究竟要多啲轉會費定搵費sir幫手，就睇關鍵一票

:^(

三思然後含 2020-4-10 22:24:11 我想改C

:^(

乞児仔 2020-4-10 22:39:17 可以啊

:^(

咁我一陣就用C繼續寫

S_Vettel_5 2020-4-10 22:59:03 C!!

乞児仔 2020-4-11 02:50:17 碧咸:「我想你找費爵爺出面幫忙，相信有費爵爺去游說，成功收購嘅機會會大好多。」活華特點點頭:「無問題，我叫我秘書去安排，不過我個人希望正式收購前，我哋可以先行開個簡單嘅三人會議。」碧咸:「咁一於等費爵爺回覆。」

費爵爺雖然退出球壇多年，一直心繫曼聯，對所有大小事項都處處關心。當聽到活華特嘅傳話，話碧咸需要佢幫忙，即刻精神抖擻，動身前往球會與碧咸同活華特會面。「碧咸，球季開始得相當順利。」費爵爺對自己嘅門生顯然非常滿意。碧咸:「一切有賴球會上下嘅支持，成績暫時見得下人。」費爵爺:「我知道你需要我出面幫手游說球員加盟，值得你如此隆重其事，莫非真係傳媒猜測嘅查頓辛祖？」碧咸:「無錯，我相信你都會讚成我今次嘅收購。」費爵爺:「絕對同意，我都有睇過佢嘅比賽，佢的確有潛質成為下一個巨星。但今次嘅消息傳透半邊天，要收購成功必須要快。」活華特插口:「的確如此，我知道有好幾間大球會都想收購佢，所以我哋事不宜遲，做好準備。」碧咸:「依方面嘅工作就有勞於你。」活華特:「這個當然，其實喺上次你同我講有意提出收購嘅時候，我已經安排好約見對方球會代表同當事人。」碧咸:「好極，唔知費爵爺你方便一同前行嗎？」費爵爺:「當然可以，我講過我會全力支持你。」活華特:「不過有一點我必須說明，轉會費方面我唔能夠不設上限咁去支持你，因為我有職責去保持球會嘅財政狀況平衡。」碧咸:「我明白，我會按住球會批出嘅轉會預算去做今次嘅收購。」

碧咸、活華特、費爵爺三人首先前往德國會見多蒙特嘅球會代表。雖然今次志在必得，但碧咸內心嘅深處仍然係相當緊張。「我哋希望收購你哋嘅球員查頓辛祖。」碧咸重申立場。多蒙特代表:「查頓辛祖係我哋重要嘅球員，我哋無意出售，除非有一個相當吸引嘅價錢。」「四千萬英鎊。」碧咸一下說出自己所有轉會預算。多蒙特代表沉吟半晌:「好，我看得出你哋嘅誠意，我批准你哋去同查頓辛祖討論轉會事宜。」碧咸抹一抹冷汗，這一次近乎曬冷式嘅議價策略幸好成功。

查頓辛祖及其經理人在多蒙特嘅其中一個會客室接見碧咸等人。當查頓辛祖見到費爵爺時，立即主動伸手握緊對方嘅手，並寒暄一番。費爵爺表示自己十分欣賞查頓辛祖嘅踢法，並表示自己做為一名球迷，非常希望見到查頓辛祖能夠披上曼聯球衣踢波。經理人表示，查頓辛祖亦有意思重返英格蘭為英超球隊踢波，條件係該球隊必須有足夠實力挑戰冠軍。碧咸重申曼聯絕對符合查頓辛祖嘅要求，並期望查頓辛祖能夠為自己效力，同時承諾薪酬待遇會比現時更好。雙方喺輕鬆愉快嘅氣氛下同意是次嘅轉會事宜，碧咸終於得到心儀已久嘅球員。



喺查頓辛祖嘅加盟發佈會中，記者們對查頓辛祖有著濃厚興趣，該名英格蘭超新星有求必應，表現相當大方得體。碧咸同樣笑逐顏開，對記者嘅提問一律有問必答。一輪介紹、問答和拍照環節後，發佈會來到尾聲，碧咸迎來最後一條問題:「曼聯現時不乏出色翼鋒球員，好似巴爾、占士、拉舒福特等，相信好多球迷都會想知查頓辛祖喺球隊嘅定位係？」碧咸:「⋯」

A 當然係絕對嘅主力角色
B 適應戰術安排前暫時係輪換角色
C 最好嘅球員都必須為自己嘅位置而戰

最快有三票嘅選項會作為最終選擇，大家多多支持。

睾丸神偷 2020-4-11 03:00:02 此回覆已被刪除

仆街. 2020-4-11 03:25:26 b

勇武起義 2020-4-11 03:28:46 C

伯符兄 2020-4-11 05:06:05 c

妖治時代 2020-4-11 10:36:27 c