【第七年】《病港II》
上一頁
第 3 頁
下一頁
墨說
2020-4-1 02:57:42
「你係艾氏皇室嘅人?」阿玲見她吃掉麵包,便問。
本來保持嚥嚼的艾匡,喉嚨停止了郁動:「......嗯。」良久,才回上一聲。
「咁點解會嚟到依到?」阿玲不明白,好好的一個皇室公主則會來到這相隔遙遠的地方。
「因為,我兄長想殺我。」艾匡坦然交代。
「艾康......?」熟識艾寶琳倖存區名人的阿玲,問。
「係。」一臉人畜無害的艾匡點頭道。
「居然係咁......聽講,艾康最近又做埋艾寶琳嘅國王。」阿玲臉上全是憂慮,眉目輕皺:「今次好大件事,要好好處理......」
是晚,艾匡被安排到八樓一間小房休息。
房間內還住了另外六個女生,都是未成年的少女,大家都獲發一張地毯當床使用。艾匡選了接近牆邊的位置睡覺,因為較有安全感。
沒有大床和寬敞的空間,卻讓艾匡感到很自在。
有時房間外走廊可能會傳來腳步聲,卻不會讓人神經疲憊的猜疑是誰。
這種舒適的環境下,艾匡很快就呼呼的睡去。
一天過去,這房沒有窗,於是艾匡走出房間想確認時間。
開門之後,一道刺眼的陽光迎入眼縫,只見大本營的領導人少佐正靠在欄杆前,彷彿等待著自己一樣。
Ads
墨說
2020-4-1 02:58:09
「早晨。」少佐收起自己的漫畫。
「早晨......首領。」剛醒的艾匡,回答。
「叫我少佐就好,已經朝早十一點,我哋差少少錯過午餐。」少佐往李惠利大樓飯堂去。
艾匡跟在後面:「我唔食都唔緊要......我唔係話好餓,首領你哋肯收留我已經好好......」
「留得喺到,我都會當佢哋係手足,唔好同客氣。」少佐刻意放輕聲線,說:「我偷偷帶你去食好嘢。」
「好嘢?」
「嗯,大本營嘅特級套餐,唔係人人食到。」
「早晨呀少佐!」、「好耐無見喎少佐。」、「少佐幾時搞啲新活動啊?」、「少佐準備食飯啊?」
沿路上,少佐經過的地方有人,那些人便會跟他主動打招呼。艾匡從側面看出,這個首領不像艾寶琳那樣依賴皇權的制度讓人尊重,而是發自內心受人歡戴。
還未去李惠利大樓前,已經可以看到飯堂門口排滿了密集的人龍,大家都在等待飯堂開門,入去填飽肚子。
作為領導人的少佐,暢通無阻的進入到飯堂內,並且裡頭坐著幾名艾匡不認識的人。他們全都坐在同一檯中,彼此交談像是朋友。
「少佐,今日你有福,愛紗特製熱朱古力。」某個頭髮凌亂,穿住棕色長風衣的男生舉起杯子:「浸埋夾心餅乾食,一流。」
「糖尿病組合。」少佐只冷冷回了一句,就為自己和艾匡找了個位子坐:「王達尼,識唔識得艾匡?」
「呢個女仔咪係......艾匡。」王達尼凝視著她,大吃一驚:「艾匡!?艾寶琳皇室嘅公主!點解會喺到!!??」
王達尼馬上從袋裡取出一小瓶髮油,再塗到凌亂的頭髮上,把它們梳得整整齊齊、貼貼服服的。
「艾匡公主你好,好榮幸見到你,在下係王達尼。」他握住了艾匡的手,進行單跪吻手的問安。
墨說
2020-4-1 02:58:32
「艾匡唔係嚟傾生意,係逃難。」少佐直接交代出。
「逃難?」席上,一名身形健壯的獨眼男子問。
他的名字叫大舊,深受大本營的學生喜愛,形象是永遠穿著一件白色內衣,暴露那一身強壯的肌肉。
「係,我諗佢阿哥艾康,想刪除佢呢個威脅,估唔到呢啲橋段現實都會發生。」少佐冷笑。
「咁都走甩到嚟大本營,幾叻女。」抱住手的王達尼讚賞。
「因為佢。」少佐把昨晚那根漆黑的羽毛,放到桌面上。
「M......」王達尼一見到羽毛,眼神就放緩了:「真係佢......?」
「嗯,得佢可以突破鐵門,直接喺天台降落。」少佐答。
「真係佢......」王達尼接過那根羽毛上手,心裡按耐不住興奮與激動:「佢到底、佢到底,到底知唔知道自己身上嘅羽毛係好值錢!!!!!」
王達尼如此大喊,在場的人都無言之極。
「你呢個唔係重點。」少佐無奈的瞧他一眼,續說:「重點係,佢哋艾寶琳嘅人有機會喺大本營見到艾匡,見到嘅話到時艾康肯定要我將佢交出。」
「聽落似係政治危機咁?」從廚房出來,捧著特級套餐給眾人的夏晴亦有見解:「少佐,你話今朝艾寶琳嗰邊打嚟,係咪關呢件事?」
「嗯,艾寶琳嗰邊嘅官員話,如果見到或者發現艾匡公主要立即通知佢哋,否則會中斷所有來往。」
「咁強硬?依個世界溫飽都成問題,仲玩埋啲政治角力遊戲。」愛紗捧出大本營特級套餐予其他人。
「咁就一於解決咗溫飽先。」王達尼第一個握起匙子用餐。
大本營特級套餐,專門供應給倖存區內幹部人士。食物比一般市民分配的餐點豐盛,這是由於在大本營擔當這些決策的高層是沒有回報,沒有所謂的薪水,能夠給予報答的就只有味道好一些的食物。
「烤鮭魚、椰漿麵包同雜菌湯,營養滿分嘅組合。」大舊用伏在餐盤上,用十秒時間就把食物吃清光。
愛紗見大舊的吃相,無端感嘆:「睇嚟得乾麵包可以喺佢嘴裡面捱超過十秒。」
「艾匡?食啊,唔好覺得拘謹。」夏晴將自己的套餐讓給了她。
「多謝......」艾匡也不作無謂的客套。
在進餐期間,少佐為艾匡略略介紹一下大本營的內閣成員。
包括,管理財政經濟的王達尼。在大本營經營黑商出身,時常使用「秘密通道」來往艾寶琳等地倖存區,有一支商團名為「黑鼠商團」專門販賣走私品。
協助管理內政的愛紗。幾乎全天候能在C橦大樓的工坊遇到她,紡織、烹飪、維修、寫作、音樂、釣魚、園藝、繪畫、雕塑樣樣精通,現代女版達文西。
負責大本營防衛的大舊。抵抗惡意倖存者和掃蕩區外病者的事情,都交由肌肉擁有資格的大舊處理,並且會教導學生病者的知識及應對技巧。四肢發達,頭腦簡單的性格十分受大本營年輕學生喜愛。
墨說
2020-4-1 02:58:52
昨日的阿玲,管理倖存區內人事的問題。
還有諸如送葬隊、搜索隊、醫療隊、教師會等管理人。
吃完一頓豐盛的餐點後,艾匡和眾人都大概理解到雙方,佐便站了起來,向大家詢問:
「因為關乎到兩個倖存區之間嘅關係,所以我想問下大家點睇......」少佐進一步,說出真正的決議:「留低艾匡公主,定流放艾匡公主。」
艾匡一瞬間,成為全場焦點。
「當然留低佢!唔通任由佢一個細路女喺出面俾啲病者虐殺咩!」大舊第一個開口。
「嗯。」少佐點頭,示意明白。
「我自己就偏向流放。」送葬隊管理人舉起手,緩緩地道出理由:「事關我哋倖存區百份之四十嘅食糧都係進口自艾寶琳,包括我哋啱啱食嘅個一餐,站於其他居民嘅角度,我係支持流放~」
很快地,大家都表達出自己的意見,間接決定著艾匡的去留。
最終,比數各佔一半。
一半人覺得應該流放艾匡,一半人覺得艾匡應該留下。
「少佐,得返你未表態。」夏晴提醒。
少佐像是深思熟慮,思考了好一會兒:「我覺得......可以留低艾匡公主,但係,佢唔可以出現喺其他居民面前,因為一旦有艾寶琳嘅耳目見到,情況就麻煩。」
「即係半軟禁嘅方式?」愛紗說。
「類似。」
「咁同坐監有咩分別?」愛紗皺眉。
「咁就要睇艾匡公主覺得性命可貴,定自由價更高。」少佐望向艾匡。
「我......我......」艾匡一時緊張,又出現語頓:「我只係唔想麻煩到大家。」
「唔麻煩,佢交得低你俾我,我就會盡能力保護你。」少佐無奈的搖頭,輕笑一聲:「無奈嘅係我做咗大家嘅領導人之後,我就要學識保全所有人嘅最大利益,而唔係單一一個人。」
「我明白......」學過帝王學的艾匡,也深明這一點。
「佢都曾經係我哋一份子,我就代埋佢投票,我覺得佢會想你留低。」少佐將那漆黑的羽毛握到眼前看,再收入衣衫內。
艾匡凝神深思後,將自己的決定說在少佐耳邊。
少佐聽完之後,不禁輕笑幾聲,點頭稱是。
「好,既然依個係你嘅決定。」
「吓,即係點啊?」好奇的王達尼,想湊過去聽。
「咁今日就暫時解散。」少佐宣佈之後,大家就返回各自崗位。
「艾匡公主!」只有王達尼執意不走,指住艾匡:「我願意用一千艾幣,嚟換你啱啱講咗啲咩俾少佐聽,呃咳,都係五百艾幣......好唔好?成交!?趁我未後悔之前......」
「王達尼,準備一份冒險者組合包俾艾匡公主。」少佐說。
「吓?咩叫冒險者組合包......」王達尼一頭霧水。
「你平時唔係好鐘意將啲九唔搭八嘅嘢湊埋一齊,再賣出去同人講全部都係外出探索嘅好工具?整個專屬嘅俾艾匡公主。」少佐說。
「你居然知道我有賣啲咁嘅嘢!?」王達尼退後一步,大感愕然:「但我販賣嘅對像係病獵喎。」
「咁就啱,艾匡佢決定要出去。」
墨說
2020-4-1 02:59:45
「出去?倖存區外面!?」王達尼聽到是區外世界,神色霎時認真:「艾匡公主你諗清楚?出到去,就唔係玩玩下......」
「......」艾匡望住王達尼。
王達尼深一深呼吸,說:「我親見過,嗰啲病者點樣殺死我同伴,包括你都認識嘅白魂。」
他回憶起兩個久遠的名字,犬京和白魂。
艾匡點頭:「我明白。」
如果是白魂的話,就算流浪到世界盡頭或是角落,他都肯定會陪著自己走。
他是個寧願在外面危險地闖蕩,都不願困在小小安全區裡的人。
所以,如今的艾匡好想體驗一下這位傻大叔的過去。
「咁好。」王達尼望望腕上的金錶,說:「你諗住幾時離開,決定好去嘅地方同路線未?」
「我諗三日之後,地方仲未決定好......」艾匡時常住在皇宮中,幾乎沒有外出的經驗。
「過咗咁多年,呢個將軍澳區嘅病者數目整體上係有減少,但係都唔可以忽視,記得聽到背後有笑聲嘅話,唔好猶豫,即刻跑。」王達尼豎起一隻手指。
「嗯。」艾匡點頭。
「我會帶艾匡公主去隔離未開發嘅區域住陣先,等王達尼你準備好所有嘢俾佢,就可以秘密離開大本營。」少佐說。
「調景嶺圖書館、體育館嗰邊?」王達尼問。
「係。」
討論結束後,大家各自解散,少佐則把艾匡帶到去一旁的調景嶺體育館中。入面空無一人,荒廢多時,佈滿了塵埃與植物。
但舊有的體育設施,如籃球架等仍有存在的。
「嚟緊我哋會整修擴展到呢一邊,做病獵嘅訓練場地。」少佐介紹道。
「病獵?出去狩獵病者嘅獵人?」艾匡的老師賴桑和奎斯,以前正正是艾寶琳倖存區絕無僅有的病獵。
「嗯,呢個世界總要有人對付出面嘅怪物。」
「我都好憧憬呢個職業。」艾匡說時,泛起了微笑。
「點解?你以前係皇室公主,應該同病獵扯唔上關係。」少佐問。
「我以前細嗰個陣俾一個信奉病者嘅教團捉走過,我嗰陣好驚,但有兩個我畢生都唔會忘記嘅人,將我救走咗,一路斬病者斬到帶我返艾寶琳。」艾匡轉半個身,面向少佐:「從嗰日開始,我就對依種英雄,有份憧憬。」
「咁你有冇諗過成為佢哋?」少佐問了一個,自己都覺得好笑的問題。
因為堂堂一國公主,又怎會願意拋出性命去跟病者周旋。
「有啊!」沒想到,年紀輕輕的艾匡卻回答。
「居然......」
「我自問刀法都有少少技巧。」
「係?」走入到體育館的室內藍球場後,少佐停下腳步提出:「咁趁依到人少少,稍為領教下?」
「好啊。」
「你有冇刀?」
「好似......嚟大本營嗰陣唔覺意跌咗。」
「唔緊要。」少佐走到後台,取了兩枝羽毛球拍:「代替住先。」
陽光的明媚,透過室內籃球場上方的玻璃照射進來場館。空曠寬闊的地方,適合予人鬆鬆筋骨。
少佐將其中一枝球拍,拋給艾匡:「我遲啲會喺到整部棒球機,整個室內棒球場。」
「你興趣係打棒球?我見你今朝睇嗰本漫畫都係關於棒球。」艾匡說。
「係,夏晴之外,棒球就係我嘅第一。」少佐拿著羽毛球拍虛揮數下,問:「準備好未,艾匡公主,就當係你出去冒險前嘅練習。」
「嗯!」艾匡擺好持刀的架式。
眼神一瞬間變化,彷彿體內有股靈氣正在湧現。
「我都準備好。」說畢,少佐就率先上前。
面前疾衝而來的少佐,艾匡選擇沉著應付。在她眼裡,不一會就衝到面前的少佐總共會有三種方向的攻擊,不外乎前、左、右。
墨說
2020-4-1 03:00:45
只需要好好看清哪一個方位,就可以識破並予以反擊。
沒想到,就只餘下三步距離時,少佐忽然將球拍以下橫旋的方式擲出,將要擲到艾匡的膝蓋上。
及時反應得來的艾匡以球拍格擋下盤的飛襲,但沒能抵擋得住正面撲來的少佐,一下子就被對方輕易擒住。
「哈哈哈,由一開始已經睇得出你係想沉住氣應付我。」少佐將摔倒的艾匡,伸手扶起:「但只要我稍為做啲出奇不意嘅攻擊,就可以完全瓦解你沉住嘅心理狀態,基住戰鬥嗰陣要無時無刻咁思考,唔好諗住一心到尾,要靈活。」
少佐算是為艾匡上了一課,畢竟外面的世界沒那麼好混。
「我可能真係有啲天真,以為你會就咁行過嚟攻擊。」艾匡也承認。
「多啲實戰就可以。」少佐說完之後,有些不放心的搭她膊頭:「我唔係嗰種好有愛嘅人,唔會話你要出去,就全力阻止你,當你係溫室小花咁。相反,我好鼓勵人出去區外,就當係訓練下身手,訓練下自己危機意識都好,收穫總比喺倖存區入面多,但我都會擔心出去嘅人,所以......頂唔順嘅,就即管返嚟大本營。」
「我覺得你哋已經幫我好多。」艾匡抿嘴,很感激對方:「我都算係半個政治炸彈,我明白我帶嚟嘅影響都好巨大下,你唔需要放喺心。」
墨說
2020-4-1 03:01:14
我覺得寫得唔太好 刪咗
:^(
樹熊仔
2020-4-1 03:02:45
家姐個故都刪咗?
:^(
掟上今日子
2020-4-1 03:04:18
留名
FridayBeginAgain
2020-4-1 03:05:37
嘩好開心
:^(
:^(
:^(
:^(
話說小六去左邊 我等!
講感情傷感情
2020-4-1 03:10:39
我愛墨b!
Ads
仇景
2020-4-1 03:12:27
有冇原版背叛者,我記得你原本個結果係寫死咗張靈風
感性老母(有鳩)
2020-4-1 03:15:01
Zerowind是無敵的
:^(
唔洗急最緊要快
2020-4-1 03:21:19
留名呀
:^(
:^(
:^(
:^(
:^(
放棄治療師
2020-4-1 03:23:22
此回覆已被刪除
卡倫
2020-4-1 03:23:41
仲等緊背叛者同虔誠者嘅後續
幾時先作埋落去 果邊個世界觀好好睇
:^(
:^(
仇景
2020-4-1 03:27:35
原本仲有第二季,第二個主角都死埋,幾年前搵唔番應該del左,張靈風原版無咁鳩屎但都係有兩個老婆
伊藤計劃
2020-4-1 03:28:00
大佬有冇payme
有沒有過傾慕
2020-4-1 03:28:45
Lm
我大碌撚
2020-4-1 03:31:45
:^(
:^(
:^(
:^(
:^(
:^(
:^(
:^(
:^(
:^(
:^(
我大碌撚
2020-4-1 03:32:32
竟能吸引亂世中的王
Ads
武斌鄒
2020-4-1 03:37:55
:^(
元朗首席大毒撚
2020-4-1 03:39:36
lm,如果白魂冇死同艾匡四圍走有啲the last of us嘅feel
:^(
謙受抑
2020-4-1 03:39:43
Cls好撚正啊
子非余安知余之樂
2020-4-1 03:40:48
留名
上一頁
第 3 頁
下一頁
本來保持嚥嚼的艾匡,喉嚨停止了郁動:「......嗯。」良久,才回上一聲。
「咁點解會嚟到依到?」阿玲不明白,好好的一個皇室公主則會來到這相隔遙遠的地方。
「因為,我兄長想殺我。」艾匡坦然交代。
「艾康......?」熟識艾寶琳倖存區名人的阿玲,問。
「係。」一臉人畜無害的艾匡點頭道。
「居然係咁......聽講,艾康最近又做埋艾寶琳嘅國王。」阿玲臉上全是憂慮,眉目輕皺:「今次好大件事,要好好處理......」
是晚,艾匡被安排到八樓一間小房休息。
房間內還住了另外六個女生,都是未成年的少女,大家都獲發一張地毯當床使用。艾匡選了接近牆邊的位置睡覺,因為較有安全感。
沒有大床和寬敞的空間,卻讓艾匡感到很自在。
有時房間外走廊可能會傳來腳步聲,卻不會讓人神經疲憊的猜疑是誰。
這種舒適的環境下,艾匡很快就呼呼的睡去。
一天過去,這房沒有窗,於是艾匡走出房間想確認時間。
開門之後,一道刺眼的陽光迎入眼縫,只見大本營的領導人少佐正靠在欄杆前,彷彿等待著自己一樣。